Queremos compartir neste espazo este libriño elaborado polos nenos e nenas da Konampalli School (Anantapur, a India), e que acabamos de recibir grazas á Fundación Vicente Ferrer (Proxecto School to School). Conta cunha carta a modo de introdución, escrita tanto en alfabeto "telegu" como a súa tradución ao castelán (grazas aos voluntarios/as que traballan na FVF), un listado co nome dos alumnos/as que cursan os seus estudos nesa escola. A continuación aparecen unha pila de fotografías co seu correspondente pé de páxina a través das cales podemos facernos unha idea de como son as familias na India ("A Familia" é o tema elixido este curso para desenvolver o proxecto School to School). Finalmente podemos observar os simpáticos debuxos que nos mandan os nosos amiguiños/as da India.
En breves teremos que enviarlles nós, desde o CPI Virxe da Cela, o noso libriño, para que eles tamén aprendan sobre a forma de vida e os nosos costumes, a través deste enriquecedor intercambio cultural e de tradicións.
No hay comentarios:
Publicar un comentario