DÍA DA PAZ NO VIRXE DA CELA

O martes 29 de xaneiro de 2019 celebramos no CPI Plurilingüe Virxe da Cela un acto conxunto para conmemorar o Día Mundial da Paz (30 xaneiro). Todo o alumnado e profesorado do centro reuniuse no patio cuberto a media mañá para asistir a este acto que iniciose coa na lectura de Poemas para a Paz e tamén o Manifesto para a Paz 2019. A continuación o alumnado de educación infantil e primaria fixeron unha "performance" coa decoración da palabra PAZ en formato xigante utilizando materiais de refugallo, á vez que o alumnado da ESO interpretaba a canción "Imagine", de John Lennon. Un ano máis repartimos chapas co lema da Paz 2019, para poder difundir este mensaxe entre a nosa comunidade educativa.

Celebración do Día Escolar da Paz e a Non Violencia   

          

Monfero manifesto paz 2019 de Yolanda Castro

PREPARACIÓN DO MURAL PARA O DÍA DA PAZ (30 XANEIRO)

O día 30 de Xaneiro conmemórase o Día da Paz e da Non Violencia. O alumnado de 3º da ESO preparou este enorme mural que será decorado nos próximos días con siluetas de mans nas que todos os rapaces e rapazas da nosa escola deixaran a súa pegada lanzando frases e reflexións en torno a Paz.

 

DEFENDEMOS A EDUCACIÓN, SOSTEMOS O MUNDO

Preparados para a Semana de Acción Mundial pola Educación (SAME) 2019?. Este ano baixo o lema "Defendemos a educación, sostemos o mundo" celebrarase do 1 ao 7 de abril destacando o papel fundamental da educación na loita contra a degradación medioambiental e a transformación cara un modelo social e medioambiental sostible. O futuro do noso Planeta depende de que seamos capaces de transformar o noso modelo económico e os sistemas de produción e consumo. A educación pode salvar o Planeta. Por iso é necesario formar a unha cidadanía consciente das causas e consecuencias do cambio climático e outros problemas medioambientais, e dotala de coñecementos, competencias e actitudes necesarios para buscar solucións, cambiar os seus patróns de consumo e transformar a sociedade.

Preme nesta imaxe e visita a páxina web SAME 2019

OBRADOIRO DE MEDIACIÓN

Proseguimos neste segundo trimestre o obradoiro de "Mediación entre iguais" no que un grupo de alumnado voluntario de 2º da ESO está a aprender técnicas de resolución de conflitos. 

SUPRIME O CONTROL

Venres 11 decembro 2019. O programa Suprime o Control está organizado pola Deputación da Coruña e ofreceráselle ao alumnado de 3º e 4º da ESO, ás súas familias e ao profesorado, ferramentas coas que traballar a favor da construción de identidades igualitarias, facendo unha especial crítica á violencia machista na adolescencia e á súa reprodución por medio das aplicacións móbiles, das redes sociais, etc. Organizado polo Departamento de Orientación.

COPRODUCIÓN NO DÍA MUNDIAL DA RADIO

Coprodución radiofónica entre o CEIP Barouta e o CPI Virxe da Cela para celebrar o Día Mundial da Radio