Nº 92 da Revista Galega de Educación: A dixitalización nas aulas e o programa E-Dixgal

A Revista Galega de Educación (RGE), publicación editada polo Movemento de Renovación Pedagóxica Nova Escola Galega (NEG), vén de lanzar o seu número 92, centrado nun tema de plena actualidade: a dixitalización nas aulas e o programa E-Dixgal impulsado pola Xunta para integrar o uso das novas tecnoloxías na docencia galega.

Unha perspectiva para coñecer como a dixitalización  educativa é interpretada por diferentes axentes educativos e que posibilita entender a dixitalización como un proceso que forma parte dos ODS (Obxectivo 4: Garantir unha educación inclusiva, equitativa e de calidade e promover oportunidades de aprendizaxe durante toda a vida para todos).

A revista Código Cero recolle este número da RGE nas súas novas.

Neste número tivemos a oportunidade de colaborar na súa coordinación, acompañando a Jesús Rodríguez Rodríguez, Silvia López Gómeze Denébola Álvarez-Seoane, docentes da USC.

Xornada: A dixitalización en Galicia e E-Dixgal: Entre a Promesa e o Desencanto. Cara a onde?

O vindeiro sábado 14 de xuño participaremos en Moaña nunha xornada importante para reflexionar sobre a dixitalización no ensino en Galicia e o proxecto E-Dixgal. Co título “A dixitalización en Galicia e E-Dixgal: Entre a Promesa e o Desencanto. Cara a onde?”. Esta xornada, correspondente co XVI Seminario de Avaliación de Materiais Didácticos Jaume Martínez Bonafé reunirá profesorado, familias, investigadores/as e axentes sociais para analizar estudos recentes, potencialidades e limitacións do cambio cara o dixital e publicacións de referencia en materia.

Nelas presentaranse investigacións como “Infanci@ Dixital”, “Escol@ Dixital” (onde o centro foi un dos centros educativos participantes), “Secundari@ Dixital” e o estudo de ANPAS Galegas, ademais do novo monográfico da Revista Galega de Educación. Neste último, participamos na súa coordinación.

A  mesma, esta organizada polo Grupo CAVILA (Nova Escola Galega), Concello de Moaña, USC, Grupo de investigación Stellae, RUTE, REUNID e o proxecto Secundari@ Dixit@l.

Programa da actividade na súa  sesión de mañán. 

Programa da actividade na súa  sesión de tarde. 

Cartel de presentación de la actividad. 

Un espazo para coñecer, debater e avanzar na mellora da dixitalización educativa en Galicia.

 

MONFEROSOLIDARIO NA REVISTA GALEGA DE EDUCACIÓN

 Compartimos coa comunidade educativa o artigo "I Premio de Educación para o Desenvolvemento e a Cidadanía Global" publicada na Revista Galega de Educación (número 82, abril 2022) na que se inclúe a experiencia "Monferosolidario: abrindo a escola á transformación social desde a EPDCG do CPI Plurilingüe Virxe da Cela". 

Monferosolidario Revista Galega Educación 2022 by Yolanda Castro López on Scribd

RGE_82_web by veracruces on Scribd