Fancine Enraizadas, xa o temos aquí!!!

Enraizadas 2025.pdf de Maria del Camino

O traballado nos tres centros educativos en Enraizadas (CEIP de Andrade, o CEIP Mosteiro de Caaveiro e o CPI Plurilingüe Virxe da Cela Virxe da Cela) ten a súa posta en común neste Fancine en prol da igualdade. 

Observa, pregunta e reflexiona e se precisas máis información non dúbides en consultar ao alumnado perticipante. 

No CPI Plurilingüe Virxe da Cela Virxe da Cela temos o alumnado do 5º curso da Ed. Primaria. 

Encontro O GLOBO: Radio cun sorriso: Cidadáns do mundo!!! Ningunha guerra é allea!!!

                                                Imaxe representativa do Observatorio para educat na cidadanía Global.
O alumnado do 6º curso participa no encontro do Globo a partir do seu traballo no programa de Radio escolar do centro.

Esta experiencia radiofónica pretende que o alumnado entenda as causas e as consecuencias dos conflitos bélicos inciden en todas as sociedades. Concretamente o desenvolvemento do obxectivo 16 dentro dos ODS: “Promover sociedades xustas, pacíficas e inclusivas”.

O evento  do Globo converteuse nun referente para persoas e organizacións comprometidas coa transformación social, que atopan aquí un espazo para compartir, aprender e inspirarse mutuamente.

Como cada ano, este encontro será o punto de unión para persoas diversas pero cunha mesma inquietude: traballar pola xustiza social. Un espazo para coñecer referentes e, á súa vez, converterse en referentes para outras persoas.

O encontro xira ao redor dunha Feira de Microexperiencias de Transformación Social, onde entidades e colectivos amosarán os seus proxectos e iniciativas. Entre elas o alumnado de 6º curso do noso centro. Pero tamén haberá lugar para a arte, o humor e a radio, disciplinas que nos permitirán reflexionar de forma conxunta sobre como colaborar para construír un mundo máis xusto. 

Toda unha experiencia de convivencia na que compartir iniciativas e aprendizaxes!!!

Imaxe autoeditada do expositor da microexperiencia do alumnado de 6º da Ed. Primaria.

Imaxe autoeditada dun obradoiro de fotografía realizado durante o evento.

Radio cun sorriso: A fin do mundo? Coñecer para comprender

Proceso de investigación sobre as accións do ser humano coas que estamos provocando un cambio climático e que fai que perdamos a atmosfera pero tamén a perda da forma en que nos relacionamos coa vida. Esta realizado polo alumnado do 3º curso da Ed. Primaria do CPI VIRXE DA CELA que como produto final elaborou un programa de radio no que entrevistaron a unha persoa experta que destaca polo seu traballo e compromiso social desde a divulgación da astronomía e das problemáticas medioambientais que as actividades humanas producen.

Nel queremos dar valor á consecución dos ODS, concretamente cara o desenvolvemento do obxectivo 13 dentro dos ODS: Obxectivo 13: Adoptar medidas urxentes para combater o cambio climático e os seus efectos.

                                                   Imaxe autoeditada do proceso de toma de decisións.

A fin do mundo? Coñecer para comprender

Esta experiencia radiofónica pretende que o alumnado entenda que as actividades humanas e valore e aprecie o papel da investigación científica para coñecer e paliar as consecuencias das nosas accións. Concretamente o desenvolvemento do obxectivo 13 dentro dos ODS: Adoptar medidas urxentes para combater o cambio climático e os seus efectos.

Na primeira parte das actividades compartimos diferentes temas de interese para decidir sobre que temática iamos investigar. O alumnado do 3º curso da Ed. Primaria do CPI Virxe da Cela decidiu investigar sobre o fin do mundo. Dentro desta investigación propuxeron unha persoa coñecedora desta temática para entrevistala. Neste caso entrevistaron a Carmen Dénevola, profesora do departamento de Pedagoxía e Didáctica na Facultade de Ciencias da Educación da universidade de Santiago de Compostela. Pero tamén conta cunha paixón: a astronomía. Así, forma parte da Agrupación Astronómica Coruñesa IO. Esta asociación desde o ano 2002 fomenta a aflición, o estudo, a investigación e a divulgación da astronomía e realizan actuacións para divulgar e evitar a contaminación luminosa.

(LUCES)

Que situacións actuais no noso arredor nos preocupan?

Esta pregunta foi o primeiro achegamento á experiencia radiofónica deste curso. O alumnado respondeu persoalmente mediante unha chuvia de ideas marcadas con etiquetas nunha cartolina. Unha vez lidas todas cada quen defendeu a súa achega. Á elección deste tema axudaron as inquedanzas e os intereses do alumnado.

Manifestaron o seu interese por como será o futuro e como imos evolucionar. Aquí entrou o coñecemento do espazo e da importancia da investigación. Decidida temática a tratar informámonos sobre as preocupacións que temos: Porque teño medo as cucarachas que sobrevivan? Porque poden caer os edificios e morrer moita xente? Porque morreremos? Porque non poderíamos estar na Terra? Porque a Terra é o único planeta con aire?

Investigando, consultaron a varios científicos e descubriron que dentro de millóns de anos, o Sol perderá a enerxía e a Terra correrá perigo e chegaron a conclusión que é necesaria a investigación científica pero tamén unha adecuada divulgación científica.

                                            Imaxe autoeditada con momentos da entrevista a Carmen Dénebola.

Que aprendemos e que podemos facer?

Con esta proposta aprendemos que ademais de preocuparnos por situacións que non podemos comprobar podemos facer pequenas cousas no noso día a día e construír o noso futuro tendo en conta que é moi importante contar con persoas científicas que investiguen, que nos acheguen a realidade e que nos axuden a identificas cales son as claves para progresar de forma sostible.

Aprender e formarse é fundamental para que entre todas as persoas poidamos construír un mundo mellor.

O resultado deste traballo o tempos neste potcast: https://go.ivoox.com/sq/2673475

ç

Grado de implicación da comunidade educativa e impacto da experiencia no alumnado

Estamos ante unha experiencia educativa cunha gran relevancia que ten como maior logro que parte dos intereses do alumnado e que na mesma tiveron unha participación activa no seu desenvolvemento (aprendizaxe cooperativa, competencial, experiencial) xerando capacidade crítica e responsabilidade ante as problemáticas sociais. Ademais, contaron coa colaboración de entidades como Agareso (Rocio) que lles acompañou no proceso de creación radiofónica para que o proceso fose unha nova aprendizaxe e con Carmen Démola que conectou a perfección coa rapazada facendo unha labor de divulgación clara, sinxela e rigorosa. Isto, favoreceu o pensamento critico, a responsabilidade e ás competencias para un adecuado tratamento da información do alumnado.

Ao tempo, xa temos a nosa experiencia no Mapa de experiencias para a cidadanía global.

Imaxe do mapa do Cenit onde se recolle a experiencia.

Radio cun sorriso: Previr a violencia sexual, parte da saúde

 “Radio cun sorriso” é unha iniciativa do CPI Virxe da Cela para traballar na consecución dos obxectivos de desenvolvemento sostible (ODS) e o benestar empregando a radio como unha ferramenta de aprendizaxe e cambio social en colaboración con Agaresco (Asociación Galega de Comunicación para o Cambio Social).

O alumnado do 5º curso de EP desenvolveu as súas competencias comunicativas a través do diálogo e da reflexión sobre os temas que máis lles preocupan, sempre dende unha perspectiva positiva e tentando achegar solucións. Cómpre dicir que as temáticas enfocáronse cara o tratamento dos ODS partindo da análise e posta en valor da realidade contextual do alumnado e contando con referentes significativos da súa realidade para enfocala despois cara a unha visión máis global. Neste caso camiñamos cara a valoración e a consecución do  Obxectivo 3: Garantir unha vida sa e promover o benestarpara todos en todas as idades.

Imaxe autoeditada a partir dun dos momentos da actividade.

A través da micro-experiencia “Radio cun sorriso”, 15 alumnos e alumnas de 5º EP reflexionaron, investigaron e tiraron conclusións sobre a importancia de evitar a violencia sexual e das consecuencias que pode chegar a ter unha persoa que presente problemáticas relacionadas con dita temática. Para darlle visibilidade ás súas inquedanzas, empregaron a radio como soporte e elaboraron un programa radiofónico que inclúe a presentación do tema, unha entrevista con recomendacións dunha profesional e as reflexións do grupo sobre o tema.

LUCES

Coñecer para comprender

Nunha experiencia educativa dirixida ao alumnado de Educación Primaria, decidimos investigar sobre un tema que debe tratarse con moito coidado, pero sen medos: o abuso sexual.

Coñecer é o primeiro paso para previr. Para iso, entrevistamos a unha sexóloga e educadora emocional, que leva anos traballando con nenos e nenas, familias e centros educativos para garantir espazos seguros. Forma parte de ASEIA (Asociación para a Saúde Emocional na Infancia e na Adolescencia) é unha asociación especializada na atención integral en saúde emocional e mental comunitaria dos nenos, adolescentes e as súas familias.

Así, Vanessa Rodríguez Pousada explícanos que estamos ante violencia sexual cando unha persoa obriga ou convence a un neno ou nena a facer cousas que teñen que ver co corpo ou a sexualidade e que non son adecuadas nin legais. A miúdo, estas situacións ocorren en segredo, e por iso é tan importante aprender a recoñecelas e saber pedir axuda.

CÁMARA

Que situacións actuais no noso arredor nos preocupan?

Neste punto tratamos de poñer en valor as aplicacións educativas da prevención. Así pois, así como o Smart Film cambia de transparente a opaco para protexer a intimidade, nós tamén podemos poñer barreiras de protección ao coñecemento e á confianza.

Onde podemos aplicar esta aprendizaxe?

• No colexio: Aprendendo que temos dereito a dicir “non”.
• Na casa: Falando con persoas adultas de confianza.
• Coas amizades: Aprendendo a escoitar e axudar sen xulgar.

ACCIÓN

Que aprendemos e que podemos facer?

Estas son algunhas das preguntas que lle fixemos á sexóloga:

- Por que é importante falar do abuso sexual aínda que sexa incómodo?

- Que sinais nos poden facer sospeitar que algo non vai ben?

- Que debe facer un neno ou nena se lle pasa algo así?

- Como podemos facer para que os colexios sexan espazos máis seguros?

- Pode o corpo dicirnos cousas aínda que non saibamos explicar con palabras?

Esta actividade permítenos comprender que: o noso corpo é noso, temos dereito á privacidade e non hai secretos malos que teñamos que gardar se nos fan dano.

Polo tanto, as accións que podemos facer son: falar abertamente sobre sentimentos e límites, coñecer os nosos dereitos como nenos e nenas e crear espazos de confianza no colexio e na casa.

                                                                    

Desta forma, como o cristal que se volve opaco para protexernos da vista, a educación sexual infantil axuda a crear protección emocional fronte a situacións perigosas.

Escoitade o programa e veredes como o abuso sexual non debe ser un tema tabú. Co apoio de profesionais como Vanesa, podemos ensinar ás novas xeracións a coidarse, a falar e a pedir axuda.

Ao tempo, xa temos a nosa experiencia no Mapa de experiencias para a cidadanía global. 

Imaxe do mapa do Cenit onde se recolle a experiencia.

Consello Escolar da Infancia: Coidando-NÓS. Curso 2024/2025

Este curso traballamos sobre o benestar e a saúde.

Cartel representativo do curso 2024/2025.

A temática escollida polo alumnado foi a contaminación acústica que moitas veces temos no comedor.

Unha situación que ás veces non nos damos conta que as nosas accións transcenden os límites do razoable e afectan ás persoas que nos rodean.

Actuacións que son asumidas polo grupo pero que non son admitidas de igual forma por todas as persoas.

Estamos ante unha  molestia para moitas persoas pero que ao tempo,  pasa desapercibida para outras que non chegan a ser conscientes dos niveis sonoros aos que estamos expostos a determinados momentos do día. 

 Segundo a OMS, especialmente os  nenos e nanas son un dos colectivos máis vulnerables ante os  efectos nocivos do ruído. En definitiva: o ruído ten efectos sobre a saúde de todas as persoas aínda que nun principio non os notemos.

Por iso, este curso tocou debater, investigar e pasar á acción. 

Cada mes tiñamos unha sesión onde o alumnado representante de cada aula (dous por clase) trataba o tema aportando as achegas do resto da aula e tendo a responsabilidade de achegar aos seus iguais o tratado en cada reunión. 

Desta forma, propuxemos tomar conciencia colectiva desta situación realizando dúas sesións conxuntas no propio comedor onde plasmar como nos sentimos ante esta situación e para trazar un  plan de acción para minorar esta situación.

Ao rematar o mes des maio xa tiñamos uns carteis preparados coas normas básicas de comportamento neste espazo para manter o benestar sonoro do espazo.

Toda unha experiencia de aprendizaxe!!!! Moitas grazas Nerea e Beatríz (Euroeume) por acompañarnos nesta viaxe!!!

Aprendizaxe cooperativa e sumativa. Quen da máis?

Imaxes autoeditadas das diferentes sesións do Consello Escolar da Infancia.

Temos dereito!!!: Cinema con perspectiva.

Deseño de Maria del Camino

                         Temos dereito!!! Curta realizada polo alumnado de 5º curso da Ed. Priamria pola igualdade.

Este curso participamos no programa “Cinema con perspectiva”, unha proposta da Consellería de Educación da Xunta de Galicia creada para dotar de recursos aos centros educativos públicos para á consecución da igualdade efectiva e de dereitos entre homes e mulleres, á prevención da violencia de xénero e ao respecto pola diversidade afectivo-sexual.

Toda unha oportunidade para o alumnado de 5º de primaria para aprender a través da creatividade audio-visual con perspectiva crítica. 

A proposta ven da man da Asociación FICBUEU que ademais de organizar o Festival Internacional de Cine de Bueu, promove numerosas accións relacionadas directamente coa cultura cinematográfica e co seu potencial educativo. 

Desta forma, o alumnado de 5º curso fixo a súa primeira produción audiovisual desenvolvendo as súas competencias persoais e sociais cunha proposta creativa e crítica ante situacións que non son xustas nin éticas.

O primeiro paso para evitalas é ser conscientes de que suceden na vida cotiá.

                        

Xornadas de deporte inclusivo: Ponte no seu lugar (CPAP de Bergondo)

Este  27 de maio, contamos coa presencia da CPAP do @imserso de Bergondo para unha xornada deportiva moi especial.

Persoas usuarias e profesionais compartiron co alumnado de 3º a 6º da Ed. Primaria unha xornada de  deporte adaptado demostrando que a diversidade funcional non é un impedimento so unha forma diferente de interactuar nunha sociedade que moitas veces non é quen de adaptarse a diversidade das persoas. Ademais, esta actividade resalta o deporte como unha ferramenta clave para a autonomía e o benestar das persoas.

Así, esta xornada ademais de sensibilizar sobre a diversidade funcional permitiu dar a coñecer os deportes adaptados e paralímpicos, mediante a participación social.

Un día cheo de aprendizaxe e respecto!

Para isto, as catividades se realizan ao redor de tres bloques: Boccia, Baloncesto en cadeira de rodas e Ponte no seu lugar.

Para isto dividimos o pavillón do Concello en tres partes e organizouse  alumnado de 3º a 6º da Ed. Primaria en  4 grupos: 2 grupos na primeira quenda e os outros 2 grupos na segunda.

As rotacións duraron aproximadamente 20 minutos para que os 4 grupos de alumnas e alumnos podan interactuar nas tres actividades.

Antes de comezar as rotación realizamos unha breve explicación práctica e teórica de como se van a levar a cabo cada unha das actividades e as normas oficiais.

Estamos ante unha proposta na que alumnado xoga, aprende e interactura coas persoas usuarias vendo como a diversidade é igualdade de dereitos e oportunidades.

Imaxes da actividade. A capacidade de esforzo e de superación foi pura inspiración!

Radio cun sorriso: entrevista a Omenuke Mfulu do Deportivo da Coruña

Hoxe  fixemos unha visita moi especial. 

O alumnado de 4º e 6º da Ed. Primaria estivo nas instalacións deportivas do Deportivo da Coruña para realizar unha entrevista a Omenuke Mfulu. Estivemos acompañados de Rocio, a nosa mellor guía no camiñar da radio da man de Agareso.

Del, ademais de destacar a súa faceta como xogador interesámonos pola súa vertente máis solidaria. Concretamente, pola academia para novos talentos do mundo do fútbol, a Nuke Mfulu Camp que creou en Kinshasa.

Nesta iniciativa solidaria o Deportivo tamén pon o seu granito de area, dotando á academia de camisetas de adestramento e de encontros oficiais.

Ademais, aprendemos algo máis de realidade da República Democrática do Congo, estado africano de grandes contrastes, onde se entrelaza desenvolvemento e modernidade cun conflito endémico que trastorna a vida da poboación da súa rexión oriental.

Pero tamén, coñecemos a súa cultura e a súa gran biodiversidade, que inclúe a segunda selva tropical máis grande do mundo.

Esta experiencia foi sobre todo enriquecedora e inesquecible. Saúdos e firmas das camisetas por parte dos xogadores do primeiro equipo acompañaron esta entrevista.

Moitísimas grazas!!!!!

Imaxe de grupo tras a visita.

Xornadas ENKI de deporte adaptado

 Toda unha experiencia participar nas Xornadas ENKI de deporte adaptado. 

Neste evento no que participamos con outros centros da provincia  probamos distintos deportes e material deportivo adaptado, rotando por diferentes estacións deportivas dirixidas por entidades deportivas locais, deportistas con diversidade funcional e polo equipo ENKI. 

Nelas, aprendemos que a través do deporte e do lecer, que a inclusión fai máis feliz á sociedade. Investigando, creando opcións, sensibilizando, visibilizando, facilitando unións entre persoas e colectivos, que contribúan a que a inclusión de persoas con diversidade física, mental ou sensorial, sexa unha realidade celebrada por todas as persoas.

Esta actividade tamén quedou recollida na prensa:

Imaxes que enlazan a noticias da prensa do evento.

Soberania alimentaria: educación ecosostible

Participamos no programa do CEIDA en colaboración coa Deputación da Coruña para unha transición ecolóxica sostible.

Con esta actividade quixemos dar a coñecer a agricultura e gandaría social, sostible e de proximidade, que garanta unha alimentación segura, nutritiva, sa, e de calidade; baseada en métodos responsables de produción que promovan a protección ambiental e o benestar animal e que ademais, fomenten a conservación dos recursos naturais. Un proceso que garante a calidade de vida dos pequenos e medianos produtores para preservar un medio rural social, ambiental e economicamente viable.

A mesma, consta de dúas partes:

1ª Actividade no centro educativo sobre a soberanía alimentaria onde se expón de maneira sinxela e amena o concepto de soberanía alimentaria, os principais problemas ambientais polos nosos hábitos de alimentación e consumo actuais, a importancia dunha agricultura e gandeira ecolóxicas e sostibles, e a forma que temos entre todos de mudar os nosos hábitos diarios de consumo para axudar a mitigar este problema. 2ª Visita guiada a un produtor asociado á Marca de Calidade da Reserva da Biosfera das Mariñas Coruñesas e Terras do Mandeo ou dos Grupos de Desenvolvemento Rural da provincia da Coruña, neste caso a Asociación Raíña Paraíso (Vilasantar).

Desta forma, vimos como a realidade do rural de hoxe en día e posible se somos quen de aproveitar as nosas potencialidades formando parte dunha sociedade crítica e responsable cun futuro sostible.

XORNADAS DE DEPORTE ADAPTADO 2025: ENKI

Están dirixidas aos estudantes de 5º e 6º de primaria dos centros educativos galegos e compóñense de dúas actividades: unha charla con deportistas con diversidade funcional e un evento para coñecer o deporte adaptado e inclusivo.

Hoxe contamos no centro cunha espectacular  charla con deportistas con diversidade funcional. Este diálogo compartido supuxo un achegamento  previo ao encontro provincial, no que varios deportistas compartiron a súa traxectoria e conversaron co alumnado, resolvendo todas as preguntas que lles xurdiron.

O encontro provincial será o próximo 17 de marzo. O mesmo, é un evento reúnense os colexios da provincia participantes na iniciativa e son onde alumnado proba distintos deportes e material deportivo adaptado, rotando por diferentes estacións deportivas dirixidas por entidades deportivas locais, deportistas con diversidade funcional e o equipo ENKI. 

Cartel das xornada ENKI de deporte adaptado.

Obradoiros sobre accesibilidade e sobre diversidade funcional

En colaboración con EuroEume queremos crear un espazo lúdico de expresión e reflexión sobre a Educación Inclusiva, co fin de sensibilizar aos alumnado da importancia e os beneficios de que todos os nenos e as nenas aprendan xuntos, independentemente das súas condicións persoais, sociais ou culturais. Partimos da necesidade de ofrecer un centros educativo comprensible, capaz de proporcionar contornas e espazos onde as persoas os comprendan dunha maneira fácil, segura e autónoma o que facilitará que toda a comunidade coñeza e comprendan os múltiples elementos cos que conta o centro desde un punto de vista accesible. Polo tanto, estas charlas nacen da necesidade de dar a coñecer o termo de accesibilidade e os seus diferentes clasificacións, así como aprender a identificar os elementos da nosa propia contorna que axudan e facilitan a adaptación e accesibilidade dos espazos. O obxectivo principal, é concienciar da importancia de crear espazos onde todas as persoas poidan participar de forma activa e independente na comunidade.  Unha das cousas que aprendemos nas charlas é que accesibilidade nos beneficia a todas as persoas, con e sen discapacidade. Xa que as vilas e os espazos non están deseñados para todas as diversidades que hai na poboación, entre todos e todas podemos cambiar a mirada e repensar de que maneira contribuír nun mundo máis acorde coa realidade e a diversidade das persoas. Ao tempo, desde a Asociación Euroeume estase a traballar  na sinalización con pictogramas para actualizar a sinalática coa que contamos no centro.

Diferentes imaxes dos obradoiros sobre accesibilidade e diversidade funcional realizados no segundo trimestre do curso escolar.

Fanzine: Enraizadas

 Neste último obradoiro reflexionamos sobre os contidos traballados e creamos o noso propio fanzine. 

Os fanzines son revistas de escasa tirada e distribución, feita con poucos medios por persoas aficinonadas a distintos temas.

 A través desta publicación caseira, o alumnado de 5º curso da Ed. Primaria creou de forma colaborativo dos diferentes centros participantes na actividade unha publicación que repartiremos nos diferentes centros da iniciativa. 

Creatividade  a partir dunha idea e a través de debuxos, collage, fotos, textos, comic da que pronto teremos o resultado.

Imaxe de portada do Fanzine elaborado polos tres centros educativos.

Reserva da Biosfera Mariñas Coruñesas e Terras do Mandeo

A provincia da Coruña conta con dous parques naturais: o Parque Natural Fragas do Eume e o Parque Natural Complexo Dunas de Corrubedo e Lagoas de Carregal e Vixán, e unha Reserva da Biosfera, a Reserva de Biosfera Mariñas Coruñas e Terras do Mandeo. Estes espazos a meirande parte das veces son descoñecidos pola poboación da mesma provincia, incluso polas persoas que viven en Concellos situados no seu interior. O programa 'Para unha Transición Ecolóxica', desenvolvido desde o CEIDA co apoio da Deputación da Coruña, posibilita poñer en valor nos centros educativos da provincia da Coruña a importancia e valores destes espazos naturais protexidos, mediante actividades que permiten aos participantes enmarcados na súa contorna xeográfica, establecer vínculos afectivos co medio, reforzar a visión respectuosa co entorno e adquirir actitudes e comportamentos cara á súa protección e conservación. Desta forma, o alumnado do 3º ciclo conta neste curso escolar con dúas propostas: Actividade no centro educativo sobre un dos espazos naturais protexidos da provincia da Coruña. Presentación  onde se expón de maneira sinxela e amena as características dun espazo natural protexido, a importancia dunha figura de protección, a riqueza do seu patrimonio natural e cultural, os principais problemas ambientais que sofren e a forma que temos entre todos de poder axudar a protexelos. Percorrido pola 'Reserva de Biosfera Mariñas Coruñesas e Terras do Mandeo: Costa do Dexo".

Con ela queremos que o alumnado:

• Coñeza patrimonio natural e cultural que albergan estes espazos, así como o seu valor ambiental xeral a través da historia.
• Analice   os recursos que amosa e o valor que aportan estas figuras ao territorio e á poboación local de cada un dos Parques Naturais e da Reserva da Biosfera.
•  Entenda as problemáticas ambientais ás que están sometidos estes espazos en busca do coidado e mantemento dos mesmos.
• Comparta experienzas e inquedanzas desde a responsabilidade crítica persoal e social.

Imaxe do primeiro obradoiro dentro deste programa do CEIDA.

Conversa Enraizadas

Imaxe autoeditada da xornada.

Segundo obradoiro desta proposta da Asociación EuroEume que en colaboración coa oficina para a igualdade de xénero da UDC contamos coa presenza dunha persoa experta que adica a súa vida profesional a investigar sobre distintas temáticas vencelladas á soberanía alimentaria, a custodia do territorio ou os coidados e comunidade.

Na procura da accesibilidade: obradoiros na ESO e no 3º ciclo da Ed. Primaria

Hoxe contamos cos obradoiros  sobre accesibilidade para o alumnado dea ESO e do 3º ciclo da Ed. Primaria.

Están organizados desde o programa de Educación social na escola (Asociación EuroEume) e con eles queremos achegar á rapazada a importancia da accesibilidade na nosa contorna, para que todas as persoas poidan moverse con total autonomía pola comunidade. 

Tamén, sensibilizar e dar a coñecer o termo de accesibilidade e os seus diferentes clasificacións, así como aprender a identificar elementos que axudan á mobilidade de forma accesible, na súa propia contorna. 

Neste caso, destacamos a importancia dá accesibilidade cognitiva, en concreto a sinalización a través de pictogramas, xa que é o elemento que imos implementar no centro educativo para facelo un pouco máis accesible. 

O obxectivo principal, é concienciar a importancia de crear espazos inclusivos e accesibles, onde todas as persoas poidan participar de forma activa e independente na comunidade.

Imaxes autoeditadas do desenvolvemento dos obradoiros.

Enraizadas

Enraizadas nace coa necesidade de visibilizar e poñer en valor as estratexias de sustentabilidade da vida que se leva a cabo no rural e, máis concretamente, o papel das mulleres neste proceso. Este proxecto educativo de educación social na escola da man da Asociación EuroEume, busca contribuír á visibilización e o recoñecemento das mulleres na sociedade, incidindo nun cambio de mentalidade no que os traballos reproductivos e as persoas que os sustentan se convertan en referentes. Imaxes das dinámicas da actividade. Buscando asi mesmo, espallar os valores e reflexións do ecofeminismo, contribuíndo ao desenvolvemento rural, reflexionando sobre a soberanía alimentaria, a custodia do territorio e os coidados e comunidade. Nesta nova edición de 2024, a temática son os coidados e comunidade, onde de maneira transversal, traballaremos valores como a igualdade, a creatividade e a sustentabilidade. Nesta primeira sesión o alumnado de 5º curso traballamos  sobre as nosas referentes e outras cunha perspectiva máis global para identificar a conversa que queremos desenvolver nos seguintes obradoiros da actividade.

Obradoiros sobre accesibilidade para un centro inclusivo

 Beatriz Riaño, terapeuta ocupacional, visitou o noso centro o venres 15 de novembro de 2024 para impartir obradoiros sobre accesibilidade. Foron realizados en tres quendas, ao longo do día: dúas quendas para 1º ciclo de EP e 2º ciclo de EP no horario de mañá, e xa pola tarde a quenda do alumnado de educación infantil. 

Esta actividade realízase grazas á colaboración con Euroeume que se vén realizando no noso centro desde fai varios anos. A proposta de EuroEume é crear un espazo lúdico de expresión e reflexión sobre a Educación Inclusiva, co fin de sensibilizar aos alumnado da importancia e os beneficios de que todos os nenos e as nenas aprendan xuntos, independentemente das súas condicións persoais, sociais ou culturais.

Partimos da necesidade de ofrecer un centros educativo comprensible, capaz de proporcionar contornas e espazos onde as persoas os comprendan dunha maneira fácil, segura e autónoma o que facilitará que toda a comunidade coñeza e comprendan os múltiples elementos cos que conta o centro desde un punto de vista accesible.

Imaxes da actividade.

Obradoiros sobre accesibilidade: por unha escola sen barreiras

Con estes obradoiros, organizados desde o programa de Educación social na escola (Asociación EuroEume) queremos achegar á rapazada a importancia da accesibilidade na nosa contorna, para que todas as persoas poidan moverse con total autonomía pola comunidade. Sensibilizar e dar a coñecer o termo de accesibilidade e os seus diferentes clasificacións, así como aprender a identificar elementos que axudan á mobilidade de forma accesible, na súa propia contorna.

Neste caso, destacamos a importancia dá accesibilidade cognitiva, en concreto a sinalización a través de pictogramas, xa que é o elemento que imos implementar no centro educativo para facelo un pouco máis accesible.

O obxectivo principal, é concienciar a importancia de crear espazos inclusivos e accesibles, onde todas as persoas poidan participar de forma activa e independente na comunidade.

Así, hoxe contamos cos obradoiros destinados a Ed. Infantil e ao 1º ciclo da Ed. Primaria.

Imaxe identificativa dos diferentes obradoiros deseñados.

Consello Escolar da Infancia: preparando a Conmemoración do Día da Infancia.

Tarde de obradoiro para preparar a nosa participación na Conmeración do Día da Infancia.

Nela contamos coa presenza de Nerea e Bea que xa é parte activa da nosa comunidade. 

Moitas grazas EuroEume!!!! 

Imaxe do desenvolvemento do obradoiro.