DÍA DA PAZ 2020

       Un ano máis o CPIP Virxe da Cela aposta pola cultura da paz e da non violenta celebrando un acto conxunto para conmemorar o Día da Paz 2020. Reunido o profesorado e alumnado de todos os ciclos e niveis no patio cuberto, o venres 31 de xaneiro deixamos a nosa pegada a favor da paz, diante dunha fermosa "Árbore das Palabras" que serviu de telón de fondo para a conmemoración. 

       Un grupiño de alumnos da ESO foron os encardagos de presentar o acto, explicando a todos os alí reunidos, a importancia deste día, mais, aclarando, que a Paz ten que ser cousa de 365 días ao ano. A modo de introdución fíxose a lectura do conto "O Carballo da Paz", de Andrea Rivera Andrade (2º ESO, gañadora do certame "A Árbore das Palabras"), unha fermosa historia que nos fixo reflexionar sobre a importancia das boas relacións entre humanos. Posteriormente o alumnado de 2º de primaria recitou un poema, e o alumnado de 3º de primaria representou a obra teatral "A Controversia das Cores". O acto finalizou cantando todos xuntos "Papeles Mojados", de Chambao. 

      Achegamos neste espazo non so videos e fotos do acto, senón tamén un simpático vídeo das impresións dos máis pequerrechos do cole, os nenos e nenas de educación infantil, que nos contan o que para eles significa "Paz". 

Poema creado polos nenos e nenas de 2º de primaria coa súa profe Marisol


A clase de 3º de primaria baixo a dirección da súa mestra Carmen Espiñeira escenificaron "A controversia das cores".


Rematamos o acto cantando a canción "Papeles mojados" de Chambao


 A paz non é só ausencia de guerra ou conflitos. Os pequerrechos de infantil téñenno moi claro.

O carballo da paz de satelite1

Pegatinas

Pegatinas paz 2020 de satelite1

Disputa de cores de satelite1

PHILIP ALSTON (ONU) VISITA O CPIP VIRXE DA CELA

      Galiza, na axenda do relator especial da ONU sobre pobreza extrema. Philip Alston visita a nosa comunidade autónoma, onde se reunirá cunha representación do Goberno galego ou departirá con familias afectadas pola exclusión en Monfero, entre otras citas. 

      Un total de 542 892 persoas na Galiza, 18,8 % da poboación, viven por baixo do limiar da pobreza, fixado en 8.871 euros anuais para unha persoa soa. Esta é una das conclusión dun recente estudo elaborado por CCOO e que ratifica análises e informes que ao longo destes anos advirten e alertan da cronificación de situación de pobreza extrema e exclusión na Galiza. Premer a imaxe para consultar nota de prensa. 

      "Esta semana visitounos Philip Alston xunto cos seus colaboradores das Nacións Unidas. É relator sobre Dereitos Humanos e Pobreza Extrema da ONU e estaba visitando diversas localidades españolas para levar unha impresión de primeira man sobre as necesidades do rural. Na tarde do martes reunímonos no cole con representantes de Ayuda en Acción, das nais e pais do alumnado, da Rede de Desenvolvemento Rural e coa traballadora social do concello de Monfero. 

     Ao longo dunha hora, trasladáronselle as preocupacións da xente da nosa contorna: problemas de illamento no rural, tanto físico como tecnolóxico; dificultades para acceder á información ou á busca activa de emprego; falta de oportunidades de traballo para as familias e de ocio e cultura para os rapaces e rapazas; desigualdade de oportunidades con respecto a contextos urbanos... E como todo isto incide nunha sorte de círculo vicioso que se perpetúa: non hai transporte público efectivo porque non hai xente e non h ai xente porque non hai trasnporte público eficaz, por exemplo.  

     Pero tamén lle mostrams como, a pesar de todo, o rural e o seu xeito de vida ten moitas cousas positivas: natureza, calidade de vida, supervivencia da lingua e de saberes, mantemento de patrimonio inmaterial... 

      O relator mostrouse comprensivo co que se lle transmitiu (nomeadamente coa dispersión, porque el é australiano, e diso, saben un lote) e comprometeuse a plasmar todas as precupacións e demandas no informe que trasladará á ONU." Rosalía Regueiro Méndez, Xefa Estudos Secundaria. 

Visita relator onu de satelite1

A ÁRBORE DAS PALABRAS

    Partindo este fermoso texto que nos facilitou Magú, a orientadora do centro, o alumnado da ESO traballou nas clases de Relixión e Valores Éticos o tema da Paz e da Mediación. Como froito deste proceso saíron moitas e variadas versións deste conto africano (texto e ilustracións), que pasarán a formar parte dunha publicación titulada "Colección A Árbore da Paz".

A ÁRBORE DAS PALABRAS by veracruces on Scribd