O noso centro participará un ano máis, como xa é habitual desde fai máis dunha década, na CME (Campaña Mundial pola Educación) e na SAME (Semana de Acción Mundial pola Educación). Ainda que quedan moitos meses por diante (ambas campañas levaranse a cabo en abril de 2025), xa con antelación imos preparando e planificando. Despois dunha visita ao noso centro de Tatiana Saenz Romero, a coordinadora da CME en Galicia o pasado mes de outubro, hoxe xoves 21 de novembro 2024 ás 18:00 horas realizamos unha reunión online para presentar a Campaña Mundial pola Educación 2025, este ano centrada na Educación en Emerxencias.
