BO NADAL E FELIZ ANINOVO!!

 Os rapaces e rapazas de 4º de ESO vos desexan, en nome do CPIP Virxe da Cela, unhas Felices Festas e un mellor Aninovo.

PREMIOS I CONCURSO CREANDO LAZOS ENTRE NEN@S E MAIORES. CENTRO DE DÍA XESTAL

 I PREMIO ROI FREIRE

                                         

                                                            1º PREMIO VALERIA GARCÍA

    

2º PREMIO LUCÍA ALLEGUE

3º PREMIO DANIELA DÍAZ

 

CANS DE RESCATE

 Unidad de Rescate Cans de Salvamento de Galicia (CA.SA.GA). Xoves 16 decembro 2021. Sensibilizar aos rapaces/zas sobre os coidados que se deben ter con calquera mascota no fogar, a responsabilidade que conleva tela, así como consellos sobre educación, sociabilidade, riscos e obrigas cos mesmos.  

MERCADILLO SOLIDARIO

Dende a organización do Festival de Nadal, pensouse que este ano podería facerse algo para, levando a cabo a Aprendizaxe Servizo, colaborar cunha asociación. Para levar a termo esta idea Cristina, a mestra de Reli de infantil e primaria, e Andrea, a mestra de Valores de Infantil, realizaron co seu alumnado unhas decoracións navideñas. Estas decoracións forman o "Mercadillo Solidario de Nadal", no que o profesorado poderá colaborar entre o 13 e o 17 de decembro. Os cartos recadados, irán destinados á Protectora "Cometa". Unha representación desta protectora, acudirá ao Festival a recoller a doazón.

No seguinte vídeo, pode verse tanto as manualidades realizadas polo alumnado, como coñecer a algúns dos cans que viven nesa protectora, como son (por orde de aparición): Bubu, Veguiña, Tiza, Llum, Coral, Lora, Budha ou Bolo.

REYES MAGOS DE VERDAD

 Este Nadal, Cristina a profe de reli de primaria, tras falalo co seu alumnado de sexto, decidiron colaborar coa asociación "Reyes Magos de Verdad". Esta asociación busca que ningunha persoa quede sen agasallos nestas festas. O alumnado, tras ler a carta de Guadalupe, decidiu que das tres cousas que desexaba, o mellor sería regalarlle a mantiña pois está a facer bastante frío. Ademais, para facerlle chegar o seu cariño, preparáronlle unhas preciosas manualidades.

                                                             Moi bo Nadal Guadalupe!

SCHOOL TO SCHOOL: FUNDACIÓN VICENTE FERRER NA BIBLIOTECA ESCOLAR

A partires do mércores 1 de decembro de 2021 tedes á vosa disposición na biblioteca escolar unha fermosa exposición cos materiais elaborados polo alumnado da Konampalli School, centro educativo da India co que levamos anos realizando un intercambio cultural a través do proxecto "School to School" da Fundación Vicente Ferrer. 

PROXECTO EDUCATIVO "PARTICIPAR PARA COIDAR"

O programa educativo Participar para coidar, programa didáctico para realizar en educación secundaria (resultado do convenio de colaboración entre o Colexio Oficial de Arquitectos de Galicia e a ONG Arquitectura Sen Fronteiras). Trátase dunha proposta de educación para a participación que toma como eixo central formar e sensibilizar sobre o Dereito ao Hábitat desde un enfoque ecofeminista, ecosocial e de Dereitos Humanos. O material que aquí se presenta fórxase no marco do Programa educativo Participar para Coidar que ASF Galicia está a desenvolver no marco temporal 2020-2023 nunha estrutura de catro fases ou cursos escolares. O programa consta de diversas actividades dirixidas a diferentes públicos e resultados. Entre elas, a ideación, posta en práctica e sistematización das actividades educativas que conforman esta proposta didáctica. Este traballo resulta da experiencia práctica realizada con cen alumnos e alumnas de ESO dun instituto da cidade da Coruña. Preséntanse agora as fases 1 e 2, desenvolvidas durante os anos 2020 e 2021, quedando pendentes as fases 3 e 4 e a súa publicación prevista para o ano 2023.

Habitando a Propia Pel by veracruces on Scribd

CHARLA PARA A PREVENCIÓN DO ACOSO ESCOLAR

O xoves 2 de decembro de 2021, ás 11:00 h, o alumnado de 5º e 6º da EP tiveron unha charla en formato videoconfercia titulada "Educación Siglo XXI: Piedra, papel, tijera". Esta actvidade está organizada por Afundación e ten o obxectivo de prevenir o acoso escolar. Raquel Linares Bertolín, directora de FITA Fundación e Rita Antón, psicóloga clínica especialista en trastornos de la conducta, serán as encargadas de ofrecernos as claves para loitar contra o acoso escolar. 

SESIÓNS DE DIAGNÓSTICO: UNHA ESCOLA QUE ROMPE BARREIRAS

O martes 30 de novembro de 2021 tivo lugar unha nova sesión do proceso dignóstico participativo sobre o estado da situación na escola (análise de contexto), un dos primeiros pasos para establecer as liñas de colaboración do noso centro coa Fundación Ayuda en Acción para o vindeiro curso. O noso centro forma parte da Estratexia de Educación "Unha escola que rompe barreiras". Nesta ocasión as encargadas de levar a cabo tres obradoiros (para o equipo directivo, para o alumnado e para o profesorado) foron as técnicas de Ayuda en Acción Lorena Boga e Jenni Camadoiro. 

Durante o obradoiro para profesorado (realizado na aula de UUMM ás 16:30 horas) un numeroso grupo de profesores/as das tres etapas educativas que se imparten no centro, así como os membros/as do departamento de orientación, reflexionaron sobre as barreiras e as potencialidades que se observan no centro.  O obxectivo desta acción participativa consistiu en identificar as barreiras sociais, actitudinais, educativas e dixitais que obstacularizan a inclusión educativa no centro e as capacidades coas que conta o claustro para derribalas.

CINE NA ESCOLA: CREATIVIDADE E EMPODERAMENTO PARA CUESTIONAR A REALIDADE

     O obxectivo deste proxecto é desenvolver as competencias do alumnado e darlle vida as aprendizaxes adquiridas a través da ruptura cos estereotipos e coas desigualdades, favorecendo o rexeitamento cara a violencia e poñendo en valor a diversidade como riqueza cultural son os obxectivos desta nova aventura. Será a través da creación audiovisual no tempo de lecer do comedor. 

    O alumnado de 5º e 6º da Ed. Primaria deixara a súa pegada en dou curtametraxes empregando técnicas de traballo cooperativo e sumativo nas que desenvolver ao máximo as súas posibilidades e reflexionando de forma crítica ante as desigualdades. Falamos dunha aprendizaxe creativa empoderada que dará lugar a unha ficción crítica con propostas de mellora ante situación das problemáticas actuais. Desta forma, achegaranse as diferentes fases da produción e da edición cinematográfica e o seu uso creativo. 

     Nesta andaina, contan coa compañía de Omar Rabuñal Varela, realizador, guionista e actor, con 14 anos de experiencia no medio audiovisual.

UNHA AVENTURA EXEMPLAR

O alumnado de 5º e 6º participa na iniciativa, na que será o Parlamento o que vaia ás aulas dun gran número de centros de Educación Primaria durante a semana lectiva comprendida entre o 29 de novembro e o 3 de decembro. Será a través do libro Unha aventura exemplar, orixinal de Xosé A. Perozo e ilustrado por Evaristo Pereira editado para esta ocasión acompañado dunha guía didáctica. Desta forma, coñeceremos o seu funcionamento e veremos como o diálogo e a suma de esforzos fan realidade as iniciativas que desde o mesmo se desenvolven.

GUIA Do Profesorado_web by veracruces on Scribd

ESPAZOS CON VIDA PARA APRENDIZAXES VIVAS

     Xa a piques de rematar o primeiro trimestre o Proxecto Mestra de Obra, (Sistema LUPO) segue camiñando cara un novo concepto de aula e escola no CPIP Virxe da Cela. O pasado mércores 17 de novembro 2021 visitamos o IES Rosalía Mera para achegarlle ao seu alumnado os principios nos que se sustenta. Así, o alumnado do Grao medio de Madeira e Moble coñeceron de primeira man, como o seu esforzo, dedicación e ilusión, van ser quen de darlle unha nova vida as nosas aulas con espazos funcionais e dinámicos. Será co super moble que están a crear e do cal xa temos lista a maqueta!!!!!      

       Pero, como todo está entrelazado, nesta ocasión contamos co apoio de Ignacio Bescansa, arquitecto do Sistema LUPO, que nos explicou os aspectos máis técnicos do deseño, creándose un espazo compartido de ideas e propostas no cal a funcionalidade, a creatividade e as prescricións técnicas deron vida a novas posibilidades. Así, resultou unha xornada de aprendizaxe mutuo, onde novas posibilidades xeran cambios nos espazos para que estes sexan funcionais e dinámicos. Un millón de grazas!!! É marabilloso que o esforzo compartido cobre vida a partir de múltiples ilusións!!!! 

       E así, con esforzo, traballo en equipo, apoios e a creatividade do alumnado…crearemos un espazo na Ed. Infantil cómodo, versátil, acolledor, cálido, funcional integrado no medio, para dar vida a ambientes de aprendizaxe que partan da realidade e dos intereses do noso alumnado. Desde aquí, dar as grazas ao alumnado e profesorado do IES Rosalía Mera, a LUPO polo seu bo facer, e cono non, ao CFR Ferrol por crer e apostar por esta liña de innovación educativa. Por suposto, mencionar, tamén a nosa Comunidade educativa e en especial aos nenos e nenas de EI. Infantil por ser parte activa e creativa, son os seus principais protagonistas. Un pracer!!!!!!

O CPI AS MIRANDAS E O CPIP VIRXE DA CELA CONTRA A VIOLENCIA DE XÉNERO

Co gallo do Día Internacional contra a Violencia de Xénero que se celebra hoxe 25 de novembro, o  alumnado dos centros escolares CPI As Mirandas de Ares e CPI Plurilingüe Virxe da Cela de Monfero, realizaron un vídeo para visibilizar e sensibilizar á comunidade educativa e a toda a  sociedade en xeral, sobre esta data.

Desde os nosos centros adherímonos pois, a todas aquelas iniciativas que suman esforzos e solucións á erradicación da violencia de xénero, na loita contra os malos tratos e no apoio ás vítimas e as súas familias. Apoiamos ás accións que tratan de concienciar ao tecido social e a todas as actividades educativas baseadas na formación en valores para que a sociedade avance no camiño da igualdade, no benestar común e a convivencia que todas e todos queremos.

Por outra banda queremos tamén compartir convosco a iniciativa levada a cabo polo alumnado es mestras de educación infantil, que abordou a data do 25N cun colorido panel en homenaxe ás mulleres que forman parte das vidas dos nosos/as pequenos/as. 

ANTE A VIOLENCIA DE XÉNERO: ERES VIRUS OU VACINA?

Conmemoración do 25 de Novembro, Día Internacional contra a Violencia de Xénero, no CPIP Virxe da Cela.  Todo as aulas do centro participaron nesta iniciativa promovida desde o departamento de Orientación. O alumnado traballou nas titorías e outras materias (relixión, educación para a cidadanía) o tema da violencia de xénero, e a reflexión, o posicionamento e intención de cambio recóllese neste enorme mural situado no patio cuberto e que leva por título "Ante a violencia contra as mulleres: es virus ou vacina?

HORTA ESCOLAR: DESENVOLVEMENTO SUSTENTABLE NO CPIP VIRXE DA CELA

     Neste curso escolar temos unha nova ilusión, queremos contar ca nosa horta escolar. Pero, para chegar a ver os seus froitos, temos que coñecer como enfrontarnos a esta emocionante tarefa para que sexa significativa e viable dentro dun modelo de desenvolvemento sustentable (ODS). Así, que mans a tarefa!!!      

      O primeiro paso: dar valor a un modelo produtivo que entrelace a sabedoría tradicional cos avances dos medios actuais dando significatividade ao respecto polo medio natural e a economía circular. Queremos, que as nosas aprendizaxes xeren actitudes que melloren as nosas prácticas e comportamentos no quefacer do día a día. Nesta fermosa aventura non estaremos sen compañía, as nosas familias e persoas especialistas da comunidade e os Concellos nos acompañaran. 

    Para esta primeira parte, contamos coa colaboración da Asociación Euroeume, da que participan algunhas das nosas familias e que desenvolve moitas das súas actuacións a partir de iniciativas da Consellería de Política Social. Ángel foi o encargado de achegarlle, a todas as etapas do centro (11 e 16 novembro 2021), modelos tradicionais de produción, vendo como estes procesos produtivos evolucionaron de xeración en xeración acumulando sabedoría e respecto polo medio natural, tradicións que non debemos obviar nin esquecer. 

      Pero, por que temos que facer isto? Pois por que o noso planeta está a sufrir: contaminación, esgotamento dos recursos, residuos… Somos pegada ecolóxica, que impacta e transcende. Así, que isto nos leva a comprender o necesaria que é unha adecuada xestión dos residuos. Facémolo a partir do coñecemento do modelo actual de xestión de residuos aplicado na nosa contorna e vendo a importancia de aplicar a regra das catro erres. A súa análise da lugar a unha conclusión: precisamos de modelos naturais de xestión que dean valor a la recuperación. É aquí onde entra a compostaxe, un dos elementos clave da nosa futura horta, que realizaremos empregando os restos das merendas e dos menús do comedor. Ángel, fíxonos ver que ofrece múltiples posibilidades: organización, cooperación, divertimento, múltiples aprendizaxes,… Acompañádenos nesta fermosa viaxe!!!!!!!

CAMPAÑA "DE FRONTE Á VIOLENCIA DE XÉNERO"

 

Dende a área de Igualdade da Deputación da Coruña impúlsase un ano máis a campaña DE FRONTE á violencia de xénero. Ao longo do mes de novembro estanse a desenvolver unha serie de actividades tanto en formato presencial como en liña que apelan directamente á implicación de concellos e entidades do tecido social e educativo sensibilizadas na loita contra a violencia de xénero. Actividade xuvenil en formato Visual Thinking sobre tratamento e prevención da violencia de xénero. A actividade está composta de 3 micro vídeos onde se abordan conceptos básicos arredor da violencia de xénero de xeito didáctico a través de gráficos con animación para traballar nas aulas. Scape Room para traballar en igualdade e de xeito cooperativo sobre tratamento e prevención da violencia de xénero. Cóntase co contido da actividade de visual thinking.   

Guia Explicativa Para Elaborar o Scape Room de Fronte a Violencia de Xenero v2 by veracruces on Scribd

HOXE CELEBRAMOS O DÍA INTERNACIONAL DOS DEREITOS DOS NENOS E AS NENAS

Desde o cole do Xestal  por e para todos os nenos e nenas do mundo!!!

VISITA AO CENTRO DE DÍA DO XESTAL

 Venres 19 novembro 2021.

FARTAS PERO IMPARÁBEIS. PROPOSTA DIDÁCTICA 25N

 

Aproveitamos a ocasión para presentarvos as propostas didácticas elaboradas por STEG (Sindicato de traballadoras e traballadores do ensino de Galiza) este curso co ánimo de contribuír na vosa tarefa educativa ao redor do 25 de novembro, Día Internacional para a Eliminación da Violencia contra as Mulleres. Con estas actividades STEG pretende contribuír a configurar un currículo non sexista, onde superemos a histórica invisibilidade das mulleres e onde ensinemos e aprendamosa construír a igualdade entre mulleres e homes. STEG aporta materiais e estratexias que permitan detectar e combater situacións e condutas que conducen á violencia contra as mulleres, ao mesmo tempo que favorezan cambios cognitivos, emocionais e actitudinais que nos leven a construír unha convivencia entre todas as persoas rexida polos principios de xustiza social, equidade e igualdade.

Pro Post as Didactic as 25 n by veracruces on Scribd

SONRISAS PARA LA PALMA

Desde el CPI Plurilingüe Virxe da Cela de Monfero (Galicia), queremos enviar a todos los niños, niñas y habitantes de la isla de la Palma toda nuestra fuerza, ánimo y cariño.  

Deseamos que nuestras sonrisas y nuestra fuerza os lleguen y os den esperanza.

Con nuestros mejores deseos!!!

QUÉROTE SEN VIOLENCIA

 Video colaborativo entre os centros CPI Plurilingüe Virxe da Cela (Monfero) e CPI As Mirandas (Ares). O alumnado da ESO de ambos colexios redactará un decálogo para combatir a violencia de xénero (25N). 

UNHA ESCOLA QUE ROMPE BARREIRAS

O centro forma parte da Estratexia de Educación “Unha escola que rompe barreiras” de Ayuda en Acción grazas a cal contamos cun amplo abano de recursos para moitas actuacións do centro. Para establecer as liñas de colaboración para o vindeiro curso, un dos primeiros pasos e ser parte dun proceso de diagnóstico participativo sobre o estado da situación na escola (análise de contexto). Este proceso de diagnóstico divídese en catro sesións con diferentes axentes clave da Comunidade educativa. Unha delas é co claustro de forma presencial realizando o equipo de Ayuda en Acción un obradoiro co profesorado que se desenvolverá a través dunha dinámica grupal. Será o vindeiro: martes 30 de novembro de 2021, ás 16.30 horas na aula de UUMM de secundaria, cunha duración aproximada de 1 hora e 15 minutos.

Resumo Sesión de Diagnóstico_claustro_erb by veracruces on Scribd

MAPEO DE EXPERIENCIAS DE EDUCACIÓN PARA A CIDADANÍA GLOBAL

 

https://emapic.es/custom/cenitmapa?lyr=e&id=6-58

Difundimos a plataforma CENIT, un proxecto de mapeo de experiencias de educación para a cidadanía global, no que aparece recollida a iniciativa de Monferosolidario. 

SEGUNDO OBRADOIOR DE HABILIDADES SOCIAIS

 Venres 12 novembro 2021. UUMM2. Alumnado ESO. 

CONFERENCIA "A EDUCACIÓN CAMBIA A HISTORIA: DE EMIGRANTE A EMPRENDEDOR SOCIAL"

Martes 9 novembro 2021. O alumnado de 5º e 6 de educación primaria asistiu na aula de Usos Múltiples á videoconferencia de Ousman Umar, fundador da ONG NASCO Feeding Minds, unha entidade centrada na ensinanza de fundamentos dixitais ás novas xeracións de Ghana, o seu país de orixe. A charla ten o título "A educación cambia a historia: de emigrante a emprendedor social", e está organizada por Afuncación. Ousman Umar ten un proxecto vital que é froito da viaxe infernal que fixo para chegar ao noso país. Agora loita para que ningún outro mozo ou moza pase polo mesmo que el pasou. Ten claro que a educación e a información pode evitar moitas mortes de mozos africanos que queren vir a un falso paraíso, o que el chama o País dos Brancos.

APERTURA PAQUETE DA ESCOLA DA INDIA

Despois de moitos meses á espera, por fin hoxe fixemos o acto de apertura do paquete que nos envían os nenos e nenas da Konampalli School, escola da India coa que llevamos anos realizando un intercambio cultural e de tradicións a través do proxecto School to School da Fundación Vicente Ferrer. O alumnado de 5º de educación primaria, acompañada pola súa mestra de inglés Cristina Cillero, reuníronse na Biblioteca Castelao para abrir o sobre e ver os fermosos materiais e presentacións que nos envían desde a India, así como facer unha lectura pública da carta que nos envían explicándonos tantas cousas interesantes!! A ver si este ano podemos finalizar os traballos que tiñamos comezado dous cursos atrás, xusto antes de que o coronavirus o paralizase todo!