UN GOL POLA EDUCACIÓN I

A Semana de Acción Mundial pola Educación (SAME) de 2010 pon en marcha no marco da campaña 1 GOL pola educación, promovida pola Campaña Mundial pola Educación xunto coa FIFA. A Copa do Mundo de Fútbol que se celebrará en Sudáfrica en xuño de 2010 é unha oportunidade única para cHegar a millóns de persoas e invitalos a que lle pidan aos líderes da comunidade internacional que lle dean prioridade á educación nas súas axendas

Dende a nosa escola queremos apoiar esta iniciativa, e os nosos/as alumnos/as farás as súas propias propostas a través de debuxos e lemas, que serán expostos nun enorme panel á entrada do edificio de secundaria. Nós tamén queremos marcar un GOOOOL...

Albita e Magdalena


Yaiza e Marta

Enfrascados na tarefa

Monferosolidario: Educación en valores e corresponsabilidade comunitaria.

Co título "Monferosolidario: Educación en valores e corresponsabilidade comunitaria", participamos como ponentes nas "Xornadas de Atención á Diversidade: Mellora do clima de aula", organizadas pola Consellería de Educación da Xunta de Galicia e celebradas no Palacio de Congresos de Santiago de Compostela, os días 11 e 12 de Decembro de 2009.

Monferosolidario Ponencia

View more documents from satelite1.

Programa Xornadas AtencióN Diversidade

View more documents from satelite1.

A CIDADE DA ALEGRÍA

Drama sobre a pobreza baseado no best-seller homónimo de Dominique Lapierre, sobre os desherdados e a miseria dos habitantes da India. A película céntrase na historia dun xoven cirurxián norteamericano desilusionado (Patrick Swayze) que, tras perder a unha paciente, viaxa á India en busca de paz espiritual. En Calcuta, tras ser mallado e roubado, é axudado por un campesiño indio e unha enfermeira que o levan a unha clínica na Cidade da alegría, unha das zonas máis pobres de Calcuta. Condenados a ser heroes, pelexarán, loitarán e vencerán no medio das inundacións, a pobreza, a miseria, os deuses, as festas e as setenta mil "luces do mundo "que poboan A cidade da Alegría. A súa epopeia é un canto de amor, un himno á vida, unha lección de tenrura e de esperanza para todas as persoas do noso tempo.

Ficha De Traballo A Cidade Da AlegríA

View more documents from yolick.

20 DE NOVEMBRO: DÍA INTERNACIONAL DOS DEREITOS DOS NENOS

Día Mundial da Infancia: o dereito a vivir en Paz.

Todos temos dereitos, adultos e nenos. A gran diferenza é que os adultos podemos pelexar por eles, esixir que se cumpran, en cambio os nenos, necesitan de nós para que os seus dereitos respétense. O neno debe ser protexido e coidado, non só pola súa familia e o seu grupo primario, polo Estado, polos políticos, pola cidadanía enteira. Os dereitos dos nenos son tan amplos como amplos son os aspectos dunha vida, teñen dereito a estudar, a vivir en condicións dignas, a que se coide da súa saúde (física e mental), a ser alimentados e sobre todo amados. Cada un de nós, seguramente desde o seu lugar, tenta que estes dereitos sexan respetados, pero non sempre a realidade permite que iso se cumpra. As políticas de seguridade social, saúde, educación moitas veces non contemplan estes dereitos básicos. É un deber de todos coñecer cales son os dereitos que os nosos mozos teñen porque, coñecendo, é máis fácil loitar por que todos gocen deles.

Todos e cada un dos dereitos da infancia son inalienables, irrenunciables, innatos e imprescindibles para unha boa infancia.

A proposta didáctica deste ano para o 20 de novembro céntrase na interculturalidade, entendida como unha diversidade positiva e enriquecedora. O obxectivo é que os nenos, nenas e moz@s comprendan que na realidade coexisten opinións diferentes, relixións diferentes e nacionalidades diferentes, sen ser unhas máis válidas que as outras e merecendo todas o mesmo respecto.

VISITA A SOTAVENTO

O luns 16 de Novembro de 2009 visitamos o Parque Eólico Experimental de Sotavento, ubicado na Serra de Loba, entre os municipios de Xermade (Lugo) e Monfero (A Coruña), inaugurado no 2001. O parque investiga, desenvolve e produce enerxía, contando cunha selección de 24 aeroxeneradores. Conta tamén cun plan educativo divulgativo propio que, iniciado en Xaneiro de 2002, que consiste en promover o aforro e a eficiencia enerxética entre os escolares.

Consideramos de gran interese a adquisición de coñecementos e conciencia crítica para reforzar os contidos impartidos dende as materias de Tecnoloxía, Ciencias Sociais e Educación para a Cidadanía, na E.S.O.

O alumnado de 1º, 2º e 3º da ESO realizou unha visita guiada polas instalacións. Os monitores explicaron de maneira lúdica e amena a importancia das enerxías renovables en Galicia: solar, hidráulica, de hidróxeno, biocombustible, e sobre todo eólica. Percorrimos as instalacións do centro, visionamos un documental sobre a producción de enerxía, aprendemos ideas para o aforro energético doméstico, que tentaremos levar á practica nas nosas propias casas, fixemos un pequeno paseo (en bus, xa que a choiva nos acompañou nesta xornada) polo parque, ollando de preto os aeroxeneradores. Os profesores acompañantes tiveron a oportunidade de mostrar as súas dotes de condutores nun pequeno obradoiro de condución eficiente.

Atendendo ás explicacións do monitor

O alumnado descubrindo as propiedades do hidróxeno

O alumnado co profe de Tecnoloxía e a profe de CCSS

Visita ao Parque Eólico. Vista dun aeroxenerador

Os profes de Tecnoloxía, CCSS e EPC no curso de Condución Eficiente

"POR NADA": unha curtometraxe que aborda a problemática do acoso escolar

COMENTARIO DIDÁCTICO

"Por nada" é unha curtometraxe de ficción baseada en feitos reais descritos por persoas que levan anos analizando os comportamentos violentos de sectores moi concretos da nosa mocidade, máis concretamente do que fora o Primeiro Defensor do Menor, Javier Urra.
Nel preséntasenos a uns alumnos dun colexio, a cuadrilla de Roi, aburridos e consentidos, resultado dunha educación permisiva e superprotectora, que produce tanto dano como o autoritarismo, na nosa mocidade.
Aborda tamén o tema da violencia, da súa práctica e da súa publicación a través de Internet, en Youtube neste caso, e do chamado ciberacoso, a gravación non autorizada de imaxes, reais ou ficticias, que logo son publicitadas sen consentimento na rede.
Permite reflexionar sobre a violencia, o ciberacoso ou matonismo e a convivencia, sobre o respecto, a xustiza, a responsabilidade sobre os propios actos, o aburrimento ou a diversión.
Imos pois a reflexionar sobre iso, sobre si as situacións que se describen nel adáptanse á realidade, si quedan curtas ou si pensas que son unha esaxeración...
Tras o debate do tema e a exposición do mesmo na clase, deberedes de facer un comentario reflexivo e agregar as conclusións ás que cheguedes no blogue.

Ficha De Traballo

View more documents from yolick.

RECADACIÓN "MARCAPÁXINAS SOLIDARIOS"

Na recadación de donativos da actividade “Marcapáxinas Solidarios”, realizada no noso centro no mes de Abril, obtivemos un importe de 176´13 euros. Estes cartos foron ingresados na conta bancaria da O.N.G. Save the Children.

GRAZAS POLA VOSA COLABORACIÓN

PLAN DIRECTOR PARA A CONVIVENCIA E MELLORA DA SEGURIDADE ESCOLAR

Datas:

-Mércores 17 de Xuño de 2009. De 10:00 a 12:00 e de 12:30 a 14:30: 1º ciclo da E.S.O.
-Xoves 18 de Xuño de 2009. De 10:10 1 12:00 e de 12:30 a 14:30: 2º ciclo da E.S.O.

Imparten o obradoiro:

Eugenio Nemiña Suárez e Jesús A. López Bergantiños, Formadores da Garda Civil no Plan Director

Os obxectivos desta campaña son:

-Acercar os servicios públicos de seguridade á comunidade escolar, para mellorar a confianza do alumnado nas Forzas e Corpos de Seguridade do Estado, como elemento de garantía da seguridade e das liberdades públicas na sociedade democrática.

-Axudar a mellorar o coñecemento do alumnado, profesorado e familias sobre os problemas de seguridade que afectan á xente nova.

Os problemas nos que se centra a campaña:

-Acoso escolar.

-Drogas e alcol.

-Bandas xuvenís.

-Riscos de Internet.

Trátase de ofrecer información sobre estes problemas e os seus riscos obxectivos, de motivar ao alumnado na adopción de contuctas pro-activas e de facilitar a familias e profesorado as pautas de detección e reacción, ademais da axuda inmediata, nas situacións máis graves, de funcionarios policiais especializados.

EDUCAR EN IGUALDADE

O Luns 15 e o Martes 16 de Xuño de 2009 o alumnado da E.S.O. do noso centro ten a oportunidade de "aprender en igualdade" a través das xornadas "Educar en Igualdade", un obradoiro de sensibilización organizado polo Concello de Monfero, impartido polo Grupo OBZ Consulting, e financiado pola Deputación da Coruña. Cada alumno/a terá á súa disposición un caderno de apoio, que contén información sobre "O papel das mulleres na historia", así como xogos, pasatempos, e propostas de actividades para aprender de forma lúdica.

Horarios:

Luns 15 de Xuño, aula de UUMM3
-De 10:00 a 12:00.- 1º ciclo da E.S.O.
-De 12:30 a 14:30.- 2º ciclo da E.S.O.

Martes 16 de Xuño, aula de UUMM3
-De 10:00 a 12:00.- 1º ciclo da E.S.O.
-De 12:30 a 13:30.- 2º ciclo da E.S.O.

Obradoiro de imaxes: estereotipos de xénero; publicidade sexista

Obradoiro de imaxes: estereotipos de xénero; publicidade sexista




Exposición de carteis nos corredores do centro

ANOCA: Aprender no cárcere

Luns 15 de Xuño de 2009: O profesorado da EPAPU do cárcere de Teixeiro visita o noso centro, acompañados por dous internos do centro penitenciario. Presentan o Proxecto ANOCA, "Aprender no cárcere", contando a súa enriquecedora experiencia como docentes no Módulo Terapéutico. Os dous internos contaron as súas vivencias personais, e responderon ás preguntas formuladas polos alumnos/as.

Horario:

-De 11:00 a 12:00.- 2º ciclo da E.S.O.

-De 12:30 a 13:30.- 1º ciclo da E.S.O.

EDUCACIÓN EN VALORES

Na nosa educación como cidadáns é básica a adquisición de valores que faciliten e melloren a nosa vida en comunidade. Intenta definir cada un destes conceptos e analiza a súa importancia na túa propia experiencia e na humanidade no seu conxunto. Cres que a través da materia de E.P.C. conseguimos afondar neles? Podes añadir a esta lista outros valores que consideres necesarios para mellorar as relacións humanas e construir entre todos un mundo mellor?

Cooperación
Escoita
Diálogo
Proximidade
Tolerancia
Justicia
Non violencia
Compromiso
Participación
Empatía
Amor
Equidade
Responsabilidade
Espírito crítico
Solidariedade
Consumo responsable

ÉXITO DA SAME (SEMANA MUNDIAL POLA EDUCACIÓN)

O Instituto Cervantes de Madrid foi o escenario no que se desenvolveu A Gran Lectura, o acto principal da Semana de Acción que promove tódolos anos a Campaña Mundial pola Educación (CME). Este evento, ao que acudiron preto de 100 persoas entre escolares, docentes, membros de ONG e representantes políticos, tivo como obxectivo poñer de manifesto a importancia da educación na loita contra a pobreza, en concreto, a campaña centrouse este ano na alfabetización de persoas novas e adultas.

Neste sentido, na última parte do acto, os alumnos e alumnas -en representación de todos os colexios españois que participaron na SAME 2009-, expresaron coas súas palabras a importancia que para eles ten a educación e, polo tanto, a necesidade de garantir este dereito a todas as persoas do mundo. A continuación, Luís Arancibia, presidente da Coalición Española da CME, solicitou á os representantes políticos asistentes ao acto unha firma de compromiso cos obxectivos da campaña. A firma, plasmada ao final do Gran Libro de Relatos, constitúe un compromiso dos líderes políticos de contribuír á meta de Educación para Todos en 2015.

Peticións formais da Campaña:

1. Destinar, polo menos, o 0.7% do orzamento español a Axuda aos países do Sur.

2. Destinar máis diñeiro da Axuda Oficial ao Desenvolvemento para a Educación Básica dos países do Sur, polo menos o 8%.

3. Continuar apoiando iniciativas que favorezan unha Educación para todos e todas, como a Iniciativa de Vía Rápida e o Canxe de débeda por educación.

4. Eliminar as condicións da axuda, renunciando a impoñer a compra de bens ou servizos de orixe española, así como outro tipo de condicións macroeconómicas que contradigan obxectivos como o reforzo do gasto en Educación.

5. Respectar e protexer as políticas educativas dos países do Sur que dean prioridade á formación e mellora das condicións de vida dos e as docentes.

6. Aumentar considerablemente a porcentaxe de AOD destinado á alfabetización de persoas novas e adultas, que actualmente está en torno ao 5% do adicado a educación.

7.Garantir unha axuda de xeito estable e a longo prazo, para que os países do Sur poidan planificar as súas políticas educativas adecuadamente.

DÍA MUNDIAL DO MEDIO AMBIENTE

O próximo 5 de xuño é o Día Mundial do Medio Ambiente. Baixo o lema:
"A TERRA COMPROMETIDA", queremos aproximarnos á difícil situación que atravesa a biodiversidade existente en moitos lugares do mundo e os/as que a habitan, por causas que teñen que ver coa actividade humana e, que en gran parte dos casos, poderían ser evitadas.

A desertización que se está a dar en moitos lugares do noso planeta pode ser natural pero en gran parte dos casos é provocada ou agravada por actividades humanas como o sobrepastoreo, a tala de árbores, o mal uso do chan e da auga ou o modelo de consumo actual, que incide no aumento do efecto invernadoiro, causando o quecemento global.

Segundo o Programa das Nacións Unidas para o Medio Ambiente, a desertización ameaza á cuarta parte das terras do planeta.






Consecuencias: A desertización comporta fame, pobreza, guerras.

No mundo hai:

• máis de 100 millóns de persoas que sofren a ameaza do éxodo debido á inseguridade alimentaria.

• 25 millóns de persoas que se viron obrigadas a emigrar debido á desertización das súas terras.

A situación destas persoas non está recoñecida internacionalmente, polo que non existen estruturas de acollida para elas a diferenza do que ocorre coas persoas que se ven obrigadas a deixar os seus fogares por outros motivos. Expertos en desertización e migracións comezan a avogar polo recoñecemento internacional do estatus de "Refuxiado ecolóxico".

Actividade:
Propoñemos unha viaxe imaxinaria a partir da cal traballaremos o respecto e o coidado recíproco para a Terra. Iníciase cunha historia que deberá ser continuada en asemblea entre todos e todas e posteriormente traballaranse con debuxos a importancia dos elementos naturais e o compromiso que debemos asumir de coidado para eles/as.

Xesto: Comprometéndonos coa Terra

Cadaquén pensará algunha acción que poida asumir de compromiso coa Terra (reciclar, reducir consumo, reempregar, informarse, sensibilizar a outros/as,…) e erguerase a poñer unha tiriña no mundo debuxado no cartel dicindo en voz alta o seu compromiso.

O DÍA DA PAZ

Texto elaborado polo alumnado de 3º de Primaria:

O 30 de xaneiro celebramos o día da Paz, aínda que todos os días do ano debemos procurar que sexan días de Paz.
Fixemos un mural cunha pomba: collemos un folio e marcamos as nosas mans, recortámolas e rizamos os dedos coas tesoiras. Logo pegámolas no corpo da pomba.O ceo pintámolo con esponxas e témpera.
A pomba e as nosas mans xuntas simbolizan a Paz.
Tamén puxemos un corazón cunha frase porque o amor é símbolo de Paz.
Finalmente, falamos de que a Paz comeza estando contentos e en paz con nós mesmos, logo coa familia, veciños, profes, compañeiros…
O mural quedounos así de “chulo”, ¿Gústavos?

OS NENOS DE 3º DE PRIMARIA CONSIDERAMOS QUE TEMOS DEREITO A:

- Ter amigos e xogar con eles.
- Aprender e recibir educación.
- A ler.
- A rir
- Á sanidade.
- Descansar.
- Facer plástica.
- Ler moito.
- Ir ao baño cando sexa necesario.
- Preguntarlle á profe se non se entende algo ou se temos dudas.
- Facer as mesmas cousas ca os demais.
- A que nos escoiten cando falamos.
- Que non nos peguen.
- Decidir algo e falalo cos demais.
- Ir de excursión e non escapar.
- Facer traballos en grupo.
- Estudar.
- Comer.
- Ser respetado.
- Transporte escolar.
- Divertirnos aprendendo.
- Facer deporte.
- Que non nos peguen.

MAIS TAMÉN TEMOS O DEBER DE:

- Estudar e facelos deberes.
- Escribir o mellor que sepamos e sen faltas.
- Coidar o material, os libros da biblioteca…
- Non pegar nin facer trampa nos xogos.
- Ir limpos.
- Ser educados e ordenados.
- Respetar ós compañeiros, ós profesores e as normas da clase.
- Non destragar a comida.
- Atender á profe e facer os deberes.
- Non insultar, non facer burlas nin decir” palabrotas”.
- Ser bos e non facer dano ós demais.
- Non berrar no comedor escolar.
- Non pelexarse nos recreos.
- Facer examenes e intentar non suspender.
- Mellorar o noso comportamento.E prestar as nosas cousas.
- Sacudir os pés antes de entrar na clase.
- Obedecer e escoitar a Marisol, a nosa profesora.
- Escoitar, pensar, non estar “papando moscas”.
- Non interrumpir cando alguén está falando.
- Non mentir.Axudar ós demais e non desprecialos.
- Decirlle a unha profe que un neno me pegou en vez de pegarlle outra vez.E preocuparme polos demais.

CAMPAÑA MUNDIAL POLA EDUCACIÓN

GAÑADORES CONCURSO MARCAPÁXINAS SOLIDARIOS

MODALIDADE EDUCACIÓN INFANTIL

O Xurado determinou otorgar un premio colectivo a repartir en Educación Infantil

MODALIDADE EDUCACIÓN PRIMARIA

Marcapáxinas finalistas:

Sheila Buyo Collazo (4º Ed. Primaria); Aldara (1º Ed. Primaria); Nerea (3º Ed. Primaria); Elisa Fernández Martínez (6º Ed. Primaria); Martín Cortizas Suárez (5º Ed. Primaria)

Marcapáxinas gañador:

Sergio García Coira (2º Ed. Primaria)

MODALIDADE EDUCACIÓN SECUNDARIA

Marcapáxinas finalistas:

Lorena Varela (1º E.S.O.), Luz Mery Barral (2º E.S.O.), Jacqueline López Pérez (3º ESO),Lucía Pérez (4º E.S.O.)

Marcapáxinas gañador:

Saray Fernández Mosquera (3º E.S.O.)

A NOSA EXPOSICIÓN DE MARCAPÁXINAS SOLIDARIOS

Como xa indicamos días atrás, con motivo da "Semana Mundial pola Educación"e do "Día do libro", realizamos no cole unha exposición de marcapáxinas.

A continuación podedes ver a reportaxe de dita exposición.
Gracias a tódolos cursos do C.P.I.,( infantil, primaria e secundaria), pois sin eles non se tería levado a cabo tan magnífico traballo.

Unha pequena mostra dalgúns dos marcapáxinas feitos no colexio.