INAUGURACIÓN DA EXPOSICIÓN ARTIVISMO

Despois de todo un curso traballando no proxecto Education4ThePlanet 2024-2025 a xuventude galega activada pola Axenda 2030 e a Acción polo Clima, unha iniciativa que foi posible grazas ao apoio da Fundación Ayuda en Acción, toca agora amosar os resultados, xa que consideramos que é imprescindible visibilizar o noso traballo e o noso esforzo e tamén acadar incidencia política e social.  

O martes 27 de maio de 2025 contamos coa presencia de Alberto Cortizas, teniente alcalde do Concello de Monfero, que visitou o noso centro para a inauguración da nosa exposición de “Ariivismo” e tamén con Laura Gómez Vales (técnica da Fundación Ayuda en Acción para Education4ThePlanet) que leva todo o curso acompañándonos neste proxecto, que explicou os obxectivos do proxecto e as actividades desenvolvidas, todo isto recollido nun gran panel expositivo. Varios alumnos/as de 1º e 2º de ESO presentaron as obras "artivísticas" que realizaron utilizando materiais de refugallo que eles memos/as recolleron nunha xornada de limpeza na praia do Pedrido (abril 2025).

E aproveitando a visita desta figura política, convidámolo ao noso estudio radiofónico para facerlle unha entrevista. Foi un faladoiro moi agradable, non que Alberto recordou tempos pasados neste centro educativo ao que el tamén asistiu como alumno xa fai uns anos, e tamén explicou minuciosamente as medidas que se poden levar a cabo nun concello do rural galego para poder acadar os obxectivos da Axenda 2030, en concreto especialmente o 11 e 12,  enfocados no medio ambiente, abordando temas como o cambio climático e a sustentabilidade.

RTVENXEBRE: A VOZ DA INFANCIA DO RURAL

 

RTVEnxebre é un proxecto de Ayuda en Acción co apoio da Xunta de Galicia. Desenvolve: AGARESO, Asociación Galega de Comunicación para o Cambio Social.

Fomentar a participación infantil, favorecer a inclusión e o desenvolvemento socio educativo da infancia rural e a posta en valor da cultura rural galega son os obxectivos que a Fundación Ayuda en Acción marcouse xa no ano 2018 para dar inicio a este proxecto, a través da creación de tres radios rurales escolares nas localidades coruñesas de Mazaricos, Zas e Monfero. 

Contamos co apoio de profesionais que visitan o noso centro quincenalmente para ofrecer formación ao alumnado de educación primaria, e así permitir alzar a voz e participar activamente aos escolares, falando dos temas que lles preocupan. Neste curso 2023-2024 realizáronse variados podcast que queremos compartir coa comunidade educativa.

Preme a imaxe ou ligazón para acceder a Radio Xesteira en Ivoox

https://www.ivoox.com/podcast-radio-xesteira-a-radio-do-cpi-virxe-da_sq_f11267344_1.html

O mar: Programa completo realizado polo alumnado de 3ºEP. Programa con todos os contidos realizados durante o curso polos nenos e nenas de 3º de primaria na súa investigación sobre o mar.

O abandono animal: Programa completo realizado polo alumando de 4ºEP con todos os contidos realizados durante o curso polos nenos e nenas de 4º de primaria na súa investigación sobre o abandono animal.

A muller no rural: Programa completo do alumando de 5ºEP, con todos os contidos realizados durante o curso polos nenos e nenas de 5º de primaria na súa investigación sobre a Muller no rural.

Os deportes: Programa completo do alumnado de 6ºEP con todos os contidos que realizaron durante o curso os mozos e mozas de 6º de primaria no seu proceso de investigación sobre os deportes.

Entrevista a Mikel Pasabant, campión de vela, polo alumnado de 6º. O alumnado de 6º centrou a súa investigación nos deportes, e quen mellor para falar dun deles, que un campión! Mikel Pasabant que ademáis de ser profe de inglés no cole é tamén campión de vela! e moito máis, xa veredes!!

Entrevista a Dolores Porto, Granxas Lousada: Doleres, nai de Antón e propietaria da granxa Lousada en Irixoa responde a un montón de interesantes preguntas que lle fan os nenos e nenas de 5º de primaria.

Entrevista a Sandra Amezaga de Mulleres Salgadas. A que sabe o peixe? quen son e que fan as Mulleres Salgadas? que podemos facer os nenos e nenas para reducir a contaminación dos mares? Estas son só algunhas das cuestións que o alumnado de 3º de primaria decidiu preguntarlle a Sandra Amezada, secretaria da Asociación Mulleres Salgadas, que se pasou pola nosa radio nestes días. Grazas Sandra!!

O alumnado de 4ºEP entrevista a Marisé da protectora de animais de Irixoa. Cales son as principais causas do abandono animal? Que hai que facer cando atopas un animal abandonado? Marisé, da protectora de animais Francisco de Asis de Irixoa responde tódalas dúbidas plantexadas polo alumnado de 4º...e foron moitas!!!

Os deportes preferidos dos mozos e mozas de 6º. Queres coñecer cales son os deportes preferidos do alumnado de 6º ? e por que? Pois non perdas esta pequena peza onde nolo contan!

Pasapalabras sobre o mar con 3ºEP. Canto sabes sobre os animais mariños? Xoga co alumnado de 3º a un Pasapalabras radiofónico moi especial

Faladoiro sobre a muller no rural con 5ºEP. Os nenos e nenas de 5ºEP participan nestes interesantes faladoiros onde dan a súa opinión sobre a imaxe que se ten do rural dende as cidades, os traballos que realizan mulleres no rural ou se hai verdadeira igualdade entre os homes e as mulleres, entre outros temas. Moi recomendable escoitar o que teñen que dicir!

Como foi a visita da asociación 13 GRADOS? O alumnado de3 º EP cóntanos como foi a visita que tiveron no colexio da Asociación 13 GRADOS que se encarga entre outras cousas de gravar os fondos mariños de Galicia.

1º Conto sobre o abandono animal por 4º de EP. O alumnado de 4º EP, presenta o primeiro dos contos que realizaron sobre o abandono animal...pero estade pendentes porque hai máis!

2º conto sobre o abandono animal por 4ºEP. O alumnado de 4º EP, presenta o segundo dos contos que realizaron sobre o abandono animal.

3º Conto sobre o abandono animal cos nenos e nenas de 4º EP. Cun ton moi distinto aos dous contos anteriores, o terceiro grupo de 4º propón esta historia que ben podía estar sacada dunha lenda de Samaín...que medo!!

Faladoiro sobre o abandono animal con 4ºEP. Tes animais na casa? que farías se algún se perdera? que sinten os animais cando se abandonan? O alumnado de 4ºEP danos a súa opinión sobre a temática que traballaron durante todo o curso: o abandono animal.

O alumnado de 3º EP cóntanos o que aprendeu durante o proxecto. Queres saber o que aprenderon os nenos e nenas de terceiro? pois eles e elas mesmas no lo contan nesta peza!!

Recomendacións do alumnado de 3º EP. Os nenos e nenas de terceiro de primaria investigaron sobre o mar durante todo o curso. Despois de todo este traballo, atoparedes nestras tres pezas radiofónicas as súas principais recomendacións.

Aprendizaxes e recomendacións do alumnado de 4º EP. Tras todo un curso investigando sobre o abandono animal, aquí podedes escoitar as aprendizaxes e tamén as recomendacións que nos fan os nenos e nenas de cuarto de primaria.

Aprendizaxes e recomendacións do alumnado de 5º EP. Os nenos e nenas de quinto de primaria cóntannos nestas tres cuñas as súas reivincicacións e aprendizaxes sobre "A Muller no rural", a temática que escolleron e traballaron durante todo o curso.

Aprendizaxes e recomendacións do alumnado de 6º EP. Despois de todo un curso investigando sobre os deportes aquí están as principais aprendizaxes e as recomendacións que nos fai o alumnado de 6º de primaria. Escoitade que hai cousas ben interesantes!

A experiencia en RadioTVEnxebre-Radio Xesteira do alumnado de 3ºEP. Os nenos e nenas de 3º de primaria fan un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 4ºEP. Neste pequeno programa o alumnado de 4º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 5ºEP. O alumnado de 5º de primaria fai un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 6ºEP. Neste pequeno programa o alumnado de 6º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

PROTECCIÓN DOS ANIMAIS

 

https://www.ivoox.com/o-alumnado-4-ep-entrevista-a-marise-da-audios-mp3_rf_126274120_1.html

Descripción de O alumnado de 4ºEP entrevista a Marisé da protectora de animais de Irixoa

Cales son as principais causas do abandono animal? Que hai que facer cando atopas un animal abandonado?

Marisé, da protectora de animais Francisco de Asis de Irixoa responde tódalas dúbidas plantexadas polo alumnado de 4º...e foron moitas!!!

RTVEnxebre é un proxecto de Ayuda en Acción co apoio de Fundación Repsol e Fundación La Caixa. Desenvolve: AGARESO, Asociación Galega de Comunicación para o Cambio Social

CENTRO DE INTERCAMBIO DE PRÁCTICAS DOCENTES: AYUDA EN ACCIÓN

Lorena Boga e Jennifer Chamadoira, da Fundación Ayuda Acción, visitaron o CPI Virxe da Cela o martes 16 de xaneiro para presentar aos docentes o Centro de Intercambio de Prácticas Docentes (para a Ed. Primaria ás 13:55 e para a ESO a partir das 14. 10 h).  Afondaron nos contidos de dous cursos en especial: o de Radio Escolar e Participación Infantil e o de Xestión Emocional, ambos cursos de especial interese dado que grazas a esta entidade contamos con programas como a Radio Escolar, de Ioga para a Ed. Infantil ou o de Habilidades sociais para as etapas da Ed. Primaria e da ESO.

MONFEROSOLIDARIO NA RADIO: PREMIO GALEGO DE EPDCG

ENTREVISTA EN RADIO VOZ REALIZADA POR POR ISIDORO VALERIO

Verónica Dopico, coordinadora xunto con Yolanda Castro do proxecto Monferosolidario, fala da importancia para o noso centro de recibir o I Premio Galego de Educación para o Desenvolvemento e a Cidadanía Global. 

Podcast 

ENTREVISTA EN RADIO GALEGA. Programa Convivir do día 15 abril 2021. Verónica Dopico é entrevistada por María Xosé Rodríguez e Xosé Luís López Vila. 

CONVIVIR DEPORTIVO: A RADIO GALEGA NO CPI VIRXE DA CELA

      O pasado martes 13 de novembro de 2018 ás 12:00 horas retransmitiuse desde co CPI Plurilingüe Virxe da Cela o programa da Radio Galega “Convivir Deportivo”, presentado por Alfonso Pardo. Todo o alumnado e profesorado do centro asistiu a este acontecemento tan importante que tiña como obxectivo principal a difusión do Plan Deportivo que se está a levar a cabo na nosa escola. Por iso formaban parte da mesa de entrevistados as profesoras de educación física Teresa e Ruth, o profesor de bioloxía David, O técnico de deportes do Concello de Monfero e a directora do centro. Varios alumnos a alumnas participaron activamente no programa radiofónico respondendo as preguntas formuladas polo presentador en torno a diversas actividades deportivas.

RADIO ESCOLAR PARA CONCIENCIAR SOBRE A DOAZÓN DE ÓRGANOS

  A radio do CPI Virxe da Cela de Monfero desprázase este venres ao Complexo Hospitalario Universitario A Coruña (CHUAC) para facer un programa de radio sobre a doazón de órganos coa presenza do Coordinador de Transplantes de Órganos do CHUAC, o doutor Fernando Mosteiro; o secretario da Federación Galega de Doantes de Sangue, José Manuel Otero e o vicepresidente da Asociación Galega de Transplantes Airiños, Juan Graíño, entre outros. 

      O programa, titulado Doando Boas Ondas, estará presentado polo alumnado de 5º de Primaria do Virxe da Cela e contará cos testemuños de pacientes que recibiron unha doazón e pacientes que agardan por unha. Ademais, ao longo do programa, haberá reportaxes e varias entrevistas. Un programa que antecederá á charla didáctica que o Dr. Mosteiro ofrecerá aos escolares para explicarlles a importancia de doar. 

      Por primeira vez nesta tempada, a Radio CPI Virxe da Cela sae das aulas e o fai para achegarse aos protagonistas e concienciar sobre unha cuestión tan fundamental como é doar. Nese sentido, un dos lemas do espazo radiofónico é ‘Doar é Doado’. 

      Esta aposta do CPI Virxe da Cela pola radio para ensinar valores e coñecemento comezou en 2014 da man do Laboratorio de Radio como un xeito diferente de adquirir competencias comunicativas a través dun medio tan flexible e lúdico como é a radio. Actualmente, a actividade conta co apoio da Fundación Repsol e Axuda en Acción que fan posible o desenvolvemento desta actividade no centro educativo de Monfero (A Coruña).

ESPECIAL RADIOFÓNICO: CIENCIA SOLIDARIA

Ciencia e solidariedade nun mesmo programa? Correcto, en Ciencia Solidaria celebramos os dez anos de Monferosolidario cunha das responsables, Yolanda Castro. Ademais, pasaron polo cole Margarita Vidal e Antonio Quintela, ACNUR para contarnos o seu labor humanitaria. E ciencia por que? Porque aproveitamos a semana da ciencia coa visita da profesora da UDC, Ana González e Lucía Mato, doutoranda. E, por suposto, os experimentos que fixemos da man e voz das nosas reporteiras invitadas Ariadna, Nerea e Andrea. Un programa feito polo alumnado de 4º de Primaria. Todo isto e máis en:

http://www.radioitinerantecreativa.blogspot.com

 

JÓVENES EN MOVIMIENTO. LUCÍA ABARRATEGUI

Lucía Abarrategui. Jóvenes en movimiento. El país con tu futuro.

 

ESPECIAL RADIOFÓNICO VIII RASTRO SOLIDARIO E OPERACIÓN QUILO 2016

O alumnado de 4º e 5º de primaria do CPI Virxe da Cela gravaron un especial radiofónico para retransmitir a VIII edición do Rastro Solidario e Operación Quilo 2016. Entrevistaron a alumnado e profesorado que traballou na organización deste evento solidario (como a alumna Diana Caruncho de 4º da ESO ou a profesora Verónica Dopico), así como a outros profesionais que visitaron o noso centro, como a Elisangela Silfa, moza da República Dominicana voluntaria na ONG Solidariedade Internacional Galicia que impartiu un obradoiro de Comercio Xusto e Consumo Responsable. Agradecemos a Sergio Pascual e Lucía Abarrategui a súa implicación nas actividades no noso centro e o magnífico traballo que están a facer a través do Laboratorio Radiofónico "Radio Itinerante Creativa". 

ESPECIAL RADIOFÓNICO FUNDACIÓN REPSOL

Os alumnos de 3º da ESO fixeron un programa de radio sobre o seu propio instituto. Nel, puideron entrevistar a Ignacio Egea (vicepresidente da Fundación Repsol) , Javier Inclán (director da area social e institucional de Respsol), Beatriz Varela (técnico de Ayuda en Acción) e a Yon Penas (docente do programa Genios). Todos eles son a mostra da participación co CPI Virxe da Cela co fin de lograr un futuro sostible baseado no coñecemento e na innovación. Velaí vai:

 

ESPECIAL RADIOFÓNICO SOBRE A PAZ

A palabra paz significa que os dereitos dun rematan onde empezan os de outro, baixo a tolerancia. Todos queremos a paz ¿pero de verdade a buscamos? este programa, feito polos rapaces de 2º da ESO, é unha reflexión sobre a paz, dende os pequenos xestos ata os grandes conflictos. A Radio dende o CPI Virxe da Cela.

 

INFORMATIVO POSITIVO NO CPI VIRXE DA CELA

O tempo voa na nosa redacción (Laboratorio Radiofónico con Lucía Abarretegui e Sergio Pascual), eno terceiro trimestre deste 2015 a nosa radio recibe ós redactores de 5º e 6º de primaria. Con Informativo positivo o achegámonos á figura do editor, aquel que decide qué información entra no programa e, moi importante, en que orde. Para que todo vaia ben terá que facer traballo en equipo cos redactores e productores. Neste caso por levar á contraria ós informativos convencionais, facemos un boletín cheo de novas boas: "Solidariedade para os nenos con cancro", "Na agricultura participan as mulleres", "Aínda que pareza mentira os españois reciclan", e "A riqueza das familias aumentou". 

 

O CPI VIRXE DA CELA CELEBRA A SEMANA DA PRENSA NA ESCOLA

"Son poucos. Tan só 154 alumnos (e tendendo á baixa) e 24 profesores. E, por riba, o centro atópase nun concello coruñés, Monfero, montañoso e lonxe das principais vías de comunicación". Así comeza o xornalista Cristóbal Ramírez a súa crónica sobre o CPI Virxe da Cela publicada esta misma mañá do mércores 4 de marzo de 2015 no especial La Voz de la Escuela adicado á Semana da Prensa da Escola. Estar alonxado das principais vías de comunicación físicas e terrestres non significa estar "incomunicado", xa que o noso centro educativo leva anos utilizando diferentes medios de comunicación como parte do proceso de ensinanza-aprendizaxe. Participamos no programa Prensa Escuela de La Voz de Galicia grazas ao cal recibimos semanalmente a prensa na aula, e desde os primeiros cursos o noso alumnado comeza a descubrir acontecementos notables e de actualidade a través dos xornais. A radio constitúe outro medio de comunicación moi utilizado e valorado tanto polo alumnado como polo profesorado da nosa escola, á que chegou da man de Lucía Abarrategui e Sergio Pascual co seu proxecto de Radio Itinerante Creativa. E de novo nas palabras de Cristóbal Ramírez, que pecha o seu artigo remarcando que "todo un exemplo para un centro que acomete a Semana da Prensa na Escola facendo o que sabe facer: traballar cos medios de comunicación e valerse deles un día si e outro tamén". 

Crónica semana da prensa na escola from satelite1

PRESENTACIÓN DO PASAPORTE SOLIDARIO NO CPI VIRXE DA CELA

Pola nosa cabeciña andaba a roldar a idea de utilizar o formato radiofónico para a presentación dos Pasaportes Solidarios da Xunta de Galicia. Nesta ocasión o resultado final superou con creces á idea inicial, e todos e todas os que asistimos a esta actividade desenvolvida o pasado venres 20 de febreiro no CPI Virxe da Cela quedamos máis que encantados coa maxia e feitizo da radio.  En realidade os méritos quedan moi repartidos…

Por unha banda temos aos rapazas e rapaces de 4º de primaria, que amosaron un talento innato diante dos micrófonos, guiando o programa radiofónico de principio a fin sen cortes nin  repeticións e conversando con grande naturalidade co convidado principal. Tamén neste interesante convidado, de nome Cristóbal Rodríguez, de profesión “xornalista” e de vocación “voluntario”, recaen merecidos méritos, xa que explicou a finalidade deste documento que rexistra as nosas actividades solidarias (iniciativa que descubriu en Dinamarca fai uns anos) e contestou con moitísimo detalle a todas e cada unha das preguntas realizadas tanto polos presentadores como polo público asistente (alumnado e profesorado de educación primaria), e iso que algunhas delas tiñan o seu grado de complexidade… Parabéns por tanto, e en terceiro lugar, a estes nenos/as  que durante case unha hora estiveron atentos/as á realización deste programa radiofónico en directo e dinamizaron coas máis variadas preguntas o desenvolvemento do mesmo. 

E finalmente temos que recoñecer a interesante labor que están levando a cabo no noso centro Lucía Abarrategui e Sergio Pascual a través do seu proxecto “Radio Itinerante Creativa”, visitando as nosas aulas dúas veces ao mes para impartir obradoiros a todo o alumnado do centro (desde infantil ata a ESO) e deste xeito fomentar as súas capacidades orais e comunicativas… E os resultados están máis que á vista, viaxando polo espazo en forma de onda sonora…

Crónica presentación radiofónica pasaporte solidario from satelite1

TEN SENTIDO SER SOLIDARIOS?

Algunha vez parácheste a pensar que é esto da solidariedade? Ser solidarios é participar nas diferentes actividades que plantexamos a través de Monferosolidario, pero a acción sen reflexión non ten sentido. Por un momento imos parar, sentarnos tranquilamente e poñer orde aos nosos pensamentos. -Ten sentido ser solidarios? -Podemos cambiar o mundo coas nosas pequenas intervencións? -Poñemos en práctica as nosas aprendizaxes na vida diaria, coa nosa familia, os nosos amigos, etc. -Que opinas daquela xente que ante as inxusticias non fai máis que virar a cara para outro lado? Estas e outras preguntas darán pé a unha pequena reflexión, seguramente moi rica e interesante. Esmerádevos nas vosas redaccións, xa que do papel pasarán ás ondas radiofónicas e chegarán aos oídos da poboación a través do programa "A Fenestra Solidaria", de Radio Fene.

A VOZ DE MONFEROSOLIDARIO NAS ONDAS DE RADIO FENE

Grazas, Conchi Ramil, por ofrecernos o teu programa radiofónico "A Fenestra Solidaria" para dar voz a Monferosolidario. Como ben dicías na entrevista, é moi importante difundir experiencias constructivas e positivas, para combatir este momento de pesimismo que nos está a envolver. Esperamos que a nosa próxima visita a Radio Fene sexa sendo acompañados por algúns mozos e mozas do CPI Virxe da Cela, xa que eles son os auténticos protagonistas do proxecto Monferosolidario, e nas súas mans está a posibilidade do cambio. Noraboa polo teu programa, que nunha hora semanal serve como plataforma para colectivos e individuos que pensamos que ese cambio é posible, a través de accións de maior ou menor envergadura. Recordando as túas palabras, xa tomadas de Teresa de Calcuta: "o océano non está completo se falta unha desas gotiñas de auga". Moito ánimo e moita forza para continuar esa labor tan activista, non só a través das palabras difundidas nas ondas radiofónicas, senón co teu esforzo e suor en todos eses proxectos nos que estás colaborando. Esperamos que algún día poidas visitar o noso centro e contar a túa propia experiencia persoal, tan rica e coherente, no eido da solidariedade.
Grazas. Verónica Dopico e Yolanda Castro.

           Programa de radio A fenestra Solidaria