EN PATERA POLO SINAÍ

O alumnado de 3º de Educación Primaria atópase inmerso nun proxecto no que está a investigar, dentro da área de Reli, a diferencia entre ser refuxiado, ser emigrante ou ser turista. O pasado luns, tivemos unha visita moi especial que preparamos xunto co alumnado de Valores. Puidemos facer unha entrevista a un experto: un papá da clase pasou polo proceso e trámites da emigración para formar parte agora da nosa comunidade educativa, este luns contestou a todas as preguntas e inquedanzas dos nosos reporteiros e reporteiras, coma por exemplo: Necesitaches pasaporte ou visado para entrar en España? Que comida botas de menos de Perú? E cal te gusta máis de España? Cantas hora leva a viaxe? ou Cal é a capital de Perú? Graciñas polo teu tempo e paciencia respondendo a todas as nosas dúbidas.

 

21M: DÍA MUNDIAL DO SÍNDROME DE DOWN.

Para o Síndrome de Down visibilizar, un calcetín de cada cor debes levar. Hoxe é o día mundial do Síndrome de Down. Por iso, dende as áreas de Valores-Reli de Educación Infantil e Reli de primaria, decidimos traballalo co noso alumnado. A concienciación e visualización da diversidade é un aspecto que consideremos fundamental para acadar que o noso alumnado se convirta en persoas críticas, solidarias, empáticas e voluntarias. Aquí tedes o resultado final do noso traballo!

Mercadillo Solidario

Outro ano máis, levando a cabo a Aprendizaxe e Servizo, buscouse dende as áreas de Valores e Proxecto Competencial de Educación Infantil e Educación Primaria, e, dende a área de Reli de Infantil e Primaria, colaborar cunha protectora de animais: a protectora Cometa (organización sen ánimo de lucro para a protección dos animais da comarca de Ferrolterra). 

Para facelo, dende estas materias, elaboráronse manualidades que posteriormente puxéronse a venda no Mercadillo Solidario. Grazas á colaboración de toda a comunidade educativa contan con 260 euros para alimentar e coidar aos animais do refuxio. Representantes da Asociación Cometa viñeron recoller a recadación total do mercadillo. 

 

Reis Magos de VERDADE

 

Este Nadal continuamos coa iniciativa que comezamos o curso pasada colaborando coa asociación "Reis Magos de Verdade". Este curso todo o alumnado de educación infantil, así como o alumnado de 1º, 2º e 3º de educación primaria participaron nesta iniciativa da man de Alba,  Camino como mestras de Valores e de Cris Rabuñal.

Recordemos que esta asociación busca que ningunha persoa quede sen agasallos nestas festas. Neste caso, a nosa pequena colaboración foi enfocada cara dúas usuarias da Residencia García Hermanos de Betanzos: Guadalupe e María.

O alumnado, trala lectura das súas cartas implicouse en todo o proceso: dende a elección dos agasallos, a preparación de postais, debuxos e manualidades ou incluso no pintado e personalización do papel de regalo.

Bo Nadal María e Guadalupe!

UN MURO CARGADO DE VALORES

A finais do curso pasado e a comezos do presente curso todo o alumnado do CPI Virxe da Cela armouse de pinceis e botes de pintura para decorar o muro que rodea a nosa escola. Unha iniciativa de Marta Novo, a profesora de Debuxo, quen coordinou todo o proceso de decoración deste elemento arquitectónico, dividíndoo por tramos e repartindo as parcelas entre os diferentes cursos e etapas. Cada grupo aportou as súas ideas e bocetos, e o resultado é fantástico, non so pola calidade artística do mesmo, senón pola mensaxe solidaria contida no conxunto das imaxes, que falan do cooperativismo, da axuda mútua, da cultura da paz, e do respecto e conservación do noso patrimonio.

Pintando nos muros do xestal from satelite1