CARREIRA SOLIDARIA

O vindeiro 15 de maio celebrarase, como todos os anos, a carreira solidaria. A mesma comezará as 10. 00 h e rematará sobre as 11.00 h. 

CARREIRA SOLIDARIA SAVE THE CHILDREN. CPIP VIRXE DA CELA

 Venres 2 xuño 2023

Un ano máis o noso cole organizou a Carreira Quilómetros de Solidariedade para colaborar coa ONG “Save the Children”. Desde o noso centro agradecemos a toda a comunidade educativa a súa implicación e solidariedade.

Calzar as nosas zapatillas e correr por unha causa solidaria merece a pena, porque moita xente pequena, en lugares pequenos, facendo cousas pequenas pode cambiar a vida das nenas e nenos máis vulnerables.

CPIP VIRXE DA CELA: CONSTRUÍNDO UN MUNDO MELLOR

 

               Carreira

               Galería de imaxes

CARREIRA SOLIDARIA SAVE THE CHILDREN 2023

O vindeiro venres 2 de xuño de 2023 terá lugar no CPI Virxe da Cela a Carreira Solidaria Save The Children, baixo o lema "Por unha cultura de paz". Esta actividade está organizada polo departamento de educación física coa finalidade de concienciar e sensibilizar á comunidade educativa, e ao mesmo tempo recadar fondos para axudar á infancia. CARREIRA SOLIDARIA - SAVE THE CHILDREN - POR UNHA CULTURA DE PAZ Data: 2 de xuño de 2023. Lugar: Campo de fútbol (se non chove) ou pabillón (se chove). Horario: 10:00 - 11:30 Etapas: EI, EP, ESO. Dorsal: Pola parte de diante.

CARREIRA SOLIDARIA 2022

 Mércores 8 de xuño de 2022. 18ª Edición de Kilómetros de Solidariedade, ONG Save the Children. Sensibilización e recadación de fondos para axudar á infancia do corno de África (Etiopía, Somalia). 

DIPLOMA E CARTA DE AGRADECEMENTO SAVE THE CHILDREN

Queremos compartir con toda a comunidade educativa o diploma de participación na Carreira Solidaria Save the Children 2021, así como o xustficante da doazón dos 875,52 euros recadados. Grazas a todos vós pola vosa participación.

RESUMO DA CARREIRA SOLIDARIA 2021. CPIP VIRXE DA CELA

Compartimos convosco este vídeo que recolle algúns dos momentos máis representativos da Carreira Solidaria 2021 realizada no CPIP Virxe da Cela para axudar aos nenos/as da República Democrátiva do Congo (iniciativa da ONGD Save the Children).

 

CARREIRA SOLIDARIA NO CPI VIRXE DA CELA

Como en anos anteriores, o venres 22 de Novembro do 2019 (Venres) celebramos  no noso centro a Carreira Quilómetros de Solidariedade  para colaborar coa ONG “Save the Children”, que este ano vai dedicada ás nenas/os do pobo Rohingya.

Pero este ano, a carreira tivo un triple motivo de conmemoración. Tendo en conta que o 20 de Novembro foi o día dos Dereitos dos Nen@s e o 25 de Novembro é o Día Internacional contra da Violencia de Xénero, conmemoramos no mesmo acto estas dúas datas e os valores que representan.

Así que a carreira (a diferencia doutros anos) foi unha carreira de relevos por clases, encabezada primeiro por unha rapaza de cada un dos cursos que, sentada nunha cadeira de cor vermella (símbolo dos millóns de nenos e nenas que non teñen dereito á educación), recolle o relevo simbolizado por un facho de cor morado (símbolo do Día contra a Violencia de Xénero), dando saída a todos os nenos e nenas do seu curso.

Cada clase vestiu unha camiseta facilitada polo Concello, coa lenda Monfero en Negro e o dorsal de “Save the Children”.

Ao remate da carreira Clara e Lucía, alumnas de 4º ESO, leron un manifesto a favor dos Dereitos dos Nen@s e en contra da Violencia de Xénero.

Como final do acto as profesoras de E.F deron aos nenos, nenas e rapaces/as un agasallo e un  diploma pola súa participación.

Dende o noso cole queremos dar as grazas a toda a comunidade educativa pola súa colaboración e solidariedade.

Porque un mundo mellor é posible....

CONSTRUÁMOLO ENTRE TODOS!