MERCADILLO SOLIDARIO DE NADAL

 Outro ano máis e por tercer curso consecutivo, buscamos que o noso alumnado se implique, aplicando a metodoloxía Aprendizaxe e Servizo, coa protección, coidado e respecto dos animais.

Este curso, a beneficiaria do noso mercadillo solidario de Nadal foi a protectora APADAN. Tal e como se fixo en cursos pasados, as familias e o persoal docente que así o desexe, onde puideron comprar por un simbólico prezo, un agasallo feito polo noso alumnado. O importe total recadado superou con creces as nosas expectativas! Case 850€! Moitas grazas familias!

Imaxes dos agasallos elaborados e do mercadillo. 

Mercadillo Solidario

Outro ano máis, levando a cabo a Aprendizaxe e Servizo, buscouse dende as áreas de Valores e Proxecto Competencial de Educación Infantil e Educación Primaria, e, dende a área de Reli de Infantil e Primaria, colaborar cunha protectora de animais: a protectora Cometa (organización sen ánimo de lucro para a protección dos animais da comarca de Ferrolterra). 

Para facelo, dende estas materias, elaboráronse manualidades que posteriormente puxéronse a venda no Mercadillo Solidario. Grazas á colaboración de toda a comunidade educativa contan con 260 euros para alimentar e coidar aos animais do refuxio. Representantes da Asociación Cometa viñeron recoller a recadación total do mercadillo. 

 

PROXECTO AXUDA. 4º EDUCACIÓN PRIMARIA

      Por iniciativa propia o alumnado de 4º de Primaria fai unha proposta que asume con moita implicación. Atendendo á normativa do centro elaboran un proxecto para o desenvolvemento da súa proposta solidaria. En harmónica interacción cos membros do grupo e con gran implicación das familias, organizan a mesa para iniciar a súa “carreira solidaria”. Durante unha semana ceden voluntariamente o seu tempo de lecer co fin de realizar as tarefas deseñadas no PROXECTO AXUDA. Durante o transcurso da semana toman as decisións precisas para escoller unha ONG á que doar a recadación, para facer as modificacións necesarias no plan de traballo, para a realización das tarefas previas ao tempode lecer… A organización do grupo e a realización das tarefas mellorou cada día animados pola gran participación de alumnado e familias para esta semana solidaria. A recadación final foi entregada no centro para formar parte do total recadado xunto coa carreira solidaria á ONG Save the Children.

Artigo sobre o proxecto axuda de satelite1