CONSUME CON CABEZA

A organización Oxfan, Intermón Oxfan en España, afirma que as políticas sociais e medioambientais das dez maiores empresas de alimentación e bebidas do mundo non se adaptan ao que debe ser o seu propósito actual, e terían que ser reformadas. Estas empresas (as "10 Grandes")- que xuntas gañan 1.100 millóns de dólares ao día- non están a respectar algúns dos dereitos básicos dos millóns de persoas dos países pouco desenvolvidos ou en vías de desenvolvemento que lles proporcionan terra, auga, man de obra e materias primas para elaborar os seus produtos. 

Animamos ao alumnado do CPI Virxe da Cela a reflexionar sobre as causas da desigualdade no planeta, a distribución da riqueza e da pobreza do mundo, así como a buscar ideas para arranxar un sistema alimentario roto. Será a través da campaña "Tras a marca", que ten por obxectivo evaluar e clasificar as políticas agrícolas, os compromisos públicos e a supervisión das cadeas de suministro das 10 Grandes.

TRAS LA MARCA  

TRAS LA MARCA

http://www.behindthebrands.org/es

Informe traslamarca from satelite1

CRÓNICA SOBRE A XORNADA DE COMERCIO XUSTO

Aquí vos deixamos as impresións de Bea, a dinamizadora da Cova da Terra que visitou o noso centro o pasado luns 21 de Decembro para impartir obradoiros sobre o Comercio Xusto e o Consumo Responsable:

Xornada de Sensibilización: Comercio Xusto e Consumo Responsable

Unha xornada do máis completa na que se combinou a parte práctica e teórica dos dous piares básicos da nosa asociación A Cova da Terra: o Comercio Xusto e o Consumo Responsable.

A parte máis teórica fíxose a través dunha pequena charla na que se intentou introducir os rapaces e rapazas no que é o comercio xusto e cómo funciona, e así complementaron a parte práctica, pois atenderon o mercadiño con produtos de Comercio Xusto durante toda a xornada.

Para os máis cativos tivemos ao longo da maña obradoiros nos que fixemos algunhas das moitas cousas que se poden facer reutilizando materiais: marcos de fotos, paus de choiva e coches. Todo isto con materiais que podemos atopar na casa: cartóns, caixas, tetra-bricks, papeis de regalos, celo, pinturas…

A idea destes obradoiros e de que os rapaces e rapazas vexan as múltiples cousas que poden facer con materiais que teñen na casa e de introducilos nun consumo responsable e crítico. Así tamén me parece moi importante a sensibilización destes temas de cara o consumismo esaxerado, especialmente nestas datas do nadal.

Soamente me queda agradecer a invitación do centro para compartir con vos este día, e animarvos a que sigades traballando en iniciativas tan interesantes como as que estades a levar a cabo. Parabéns polo voso traballo!!

                                                                 Bea

DÍA MUNDIAL DO MEDIO AMBIENTE

O próximo 5 de xuño é o Día Mundial do Medio Ambiente. Baixo o lema:
"A TERRA COMPROMETIDA", queremos aproximarnos á difícil situación que atravesa a biodiversidade existente en moitos lugares do mundo e os/as que a habitan, por causas que teñen que ver coa actividade humana e, que en gran parte dos casos, poderían ser evitadas.

A desertización que se está a dar en moitos lugares do noso planeta pode ser natural pero en gran parte dos casos é provocada ou agravada por actividades humanas como o sobrepastoreo, a tala de árbores, o mal uso do chan e da auga ou o modelo de consumo actual, que incide no aumento do efecto invernadoiro, causando o quecemento global.

Segundo o Programa das Nacións Unidas para o Medio Ambiente, a desertización ameaza á cuarta parte das terras do planeta.






Consecuencias: A desertización comporta fame, pobreza, guerras.

No mundo hai:

• máis de 100 millóns de persoas que sofren a ameaza do éxodo debido á inseguridade alimentaria.

• 25 millóns de persoas que se viron obrigadas a emigrar debido á desertización das súas terras.

A situación destas persoas non está recoñecida internacionalmente, polo que non existen estruturas de acollida para elas a diferenza do que ocorre coas persoas que se ven obrigadas a deixar os seus fogares por outros motivos. Expertos en desertización e migracións comezan a avogar polo recoñecemento internacional do estatus de "Refuxiado ecolóxico".

Actividade:
Propoñemos unha viaxe imaxinaria a partir da cal traballaremos o respecto e o coidado recíproco para a Terra. Iníciase cunha historia que deberá ser continuada en asemblea entre todos e todas e posteriormente traballaranse con debuxos a importancia dos elementos naturais e o compromiso que debemos asumir de coidado para eles/as.

Xesto: Comprometéndonos coa Terra

Cadaquén pensará algunha acción que poida asumir de compromiso coa Terra (reciclar, reducir consumo, reempregar, informarse, sensibilizar a outros/as,…) e erguerase a poñer unha tiriña no mundo debuxado no cartel dicindo en voz alta o seu compromiso.

IDEAS DE BAIXO CONSUMO RESPONSABLES E SOLIDARIAS.

Ideas de baixo consumo responsables e solidarias.

Instituto Galego de Consumo, Xunta de Galicia.

Todos somos responsables das consecuencias sociais e ambientais que supón a producción dos bens e servizos que adquirimos. Sabemos que os recursos naturais son limitados, que non sempre se respectan os dereitos humanos nos procesos de fabricación e que, ademais do prezo, pódense e temos que avaliar outros factores de compra.
Cando lle engadimos o cualificativo de "responsable" ao noso consumo, estamos a falar da importancia que ten o noso papel como consumidores á hora de elexir entre as distintas posibilidades que nos ofrece o mercado, tendo en conta a protección do medio, a solidariedade e outros valores.
Así poderemos optar por un consumo ecolóxico e que non comprometa as opcións das xeracións vindeiras, así como por un consumo solidario, evitando así que o noso consumo non comprometa o benestar doutros.
O consumo responsable consiste en ter en conta todas as repercusións sociais, ambientais e económicas no momento de elexir entre as infinitas opcións que nos ofrece o mercado.

Non por mercar máis seremos máis felices...

É o momento de modificar os nosos hábitos de consumo...

PROPOSTA DE ACTIVIDADE:

Traballo en grupo: Cada grupo (4 persoas) utilizará o manual Ideas de baixo consumo responsables e solidarias, Instituto Galego de Consumo, Xunta de Galicia, para consultar información e elaborar un guión, e posteriormente cada grupo realizará unha exposición oral do seu traballo de investigación. Cada grupo centrarase nun apartado:

1.- Consumo responsable co medio ambiente.
2.- Consumo responsable dos recursos naturais: auga e enerxías.
3.- Comercio Xusto.
4.- Alimentación responsable.


Traballo individual: Manifesto de compromiso individual: modificando os meus hábitos de consumo. Presentación do traballo a través do link "comentarios".

CAMPAÑA DE CONSUMO RESPONSABLE NAVIDEÑO

Circular ás familias: campaña de consumo responsable navideño




Queridas familias:


Dende a materia de Educación para a Cidadanía facémoslles partícipes dunha campaña de consumo responsable en Nadal, e deste xeito fomentar entre todos nós un desenvolvemento sustentable do noso Planeta, que permita mellorar as condicións de vida de todos os seus habitantes, e, á súa vez, que sexa compatible co respecto ao medio natural.


Felices Festas


Monfero, 16 Decembro 2008.

AULAFORO 2008-2009

Participación na Aulaforo 2008-2009. Obra Social Caja Madrid.

O Proxecto Educativo Aulaforo Caja Madrid ten como obxectivo potenciar a práctica dos valores humáns e democráticos do alumnado, a través da participación e o diálogo na aula e na web do proxecto.

Este ano o tema de Aula Foro xira en torno a cuestións medioambientais sobre a agua.

CAMPAÑA SOLIDARIA "DOA O TEU MÓBIL"

ÉXITO DA CAMPAÑA DE MÓBILES!.

O NOSO CENTRO LOGROU RECOLLER NADA MENOS QUE 55 MÓBILES.

GRAZAS A TODOS POLA COLABORACIÓN E SOLIDARIEDADE.

Os nosos ordenadores e móviles teñen un prezo altísimo. Porque a súa fabricación é imposible sen coltán, máis de 300.000 nenos e nenas matan e morren nun conflito que sacode África Central e centos de miles de persoas estano pagando nestes días. Unha das causas: o control do coltán.

Preguntarasche que é o coltán e por que pode converter nenos e nenas en soldados?. Coltán é a abreviatura de columnita e tantalita, dous minerais que unidos fainos imprescindibles na fabricación de teléfonos móbiles e ordenadorese e... ante un mercado xigantesco, a República Democrática do Congo posúe o 80% das reservas mundiais. Lonxe de levar prosperidade ao país, é parte da orixe dun conflito que ameaza con ser eterno. Gran parte dos ingresos da venda do coltán serviron para comprar armas.

O resultado?
Unha guerra na que xa morreron case 5 millóns de persoas, máis de 350 mulleres e nenas son violadas cada mes, hai case dous millóns de desprazados, e uns 7.000 nenos e nenas combaten como soldados.
Sácaselles á forza do colexio ou das súas casas, reciben malos tratos, torturas, son violados e obrigados a violar e asasinar. Na rexión de Kivu, a metade dos menores que foran desmovilizados volveron a ser recrutados. A súa experiencia convértelles en recrutas valiosos e ponlles en especial perigo.

Como podemos axudar?
Se temos algún móbil que xa non usamos non o tires, senón todo o contrario: utilízao para axudar ás vítimas deste conflito. Fariamos moito se doamos o noso móbil vello, practicamente estaremos facendo canto está nas nosas mans para que ningún neno teña que deixar de selo polo noso benestar.
Grazas por utilizar o voso móbil para conseguir que a súa fabricación non resulte tan cara.

OPERACIÓN QUILO. SOLIDARIOS COA COCIÑA ECONÓMICA DE FERROL.

Niste Nadal realizamos unha "operación quilo" de recollida de alimentos implicando a todo o centro. Os alumnos de primaria e secundaria, así como os profesores do centro aportaron perto de 200 quilos de alimentos, que foron empaquetados e levados á "Cociña Económica" de Ferrol.
Dende aquí queremos dar as mais expresivas grazas a toda a comunidade educativa polo seu traballo, implicación e xenerosidade e ás familias e alumnos en especial, pola sua colaboración.