viernes, 17 de junio de 2022

GRADUACIÓN ALUMNADO 4º ESO. 2022

 


O venres 17 de xuño celebramos a graduación do alumnado de 4º ESO. Un acto cargado de emoción en compañía das familias, profesorado, compañeiros, representantes dos Concellos e Anpa.

Despois de varias semanas de traballo intenso, exames, estrés, chegou o momento máis desexado: o final de curso. E para o alumnado de 4º da ESO esta foi a derradeira xornada no CPI Virxe da Cela, despois de trece anos compartindo aula e pupitre... Ante estes marabillosos rapaces e rapazas preséntase unha nova etapa na vida, noutro centro educativo. Botaremos en falta os vosos sorrisos e a vosa alegría, e vos desexamos o mellor. E xa sabes...non dubidedes en pasarvos polo noso e o voso "cole" a facernos unha visita. Sempre será a vosa casa.

Toda a comunidade educativa desexámosvos o mellor para o camiño que empezades agora.

miércoles, 15 de junio de 2022

INTERCAMBIO SCHOOL TO SCHOOL: CHEGAN OS MATERIALES DA INDIA

 Mércores 15 de xuño de 2022. Visionado dos materiais elaborados tanto polo CPI Virxe da Cela como a Konampalli School dentro do proxecto School to School, da Fundación Vicente Ferrer.  Como este ano, debido ás condicións sanitarias e protocolo Covid-19 non se enviaron os materiais en formato papel, o alumnado de 5º de primaria, acompañados pola súa mestra de inglés Cristina, tiveron a primicia de visionar todos os materiais que están en formato dixital pendurados na páxina web do proxecto. 









lunes, 13 de junio de 2022

ASAMBLEA DE FIN DE CURSO REDE SOLIDARIA DA MOCIDADE ENTRECULTURAS

 Sábado 11 xuño 2022

HORTO ESCOLAR

Os primeiros froitos de todo o traballo realizado durante este curso académico 2021-2022 en colaboración coa asociación Euroeume empezan a ser visibles, e nunca mellor dito!! Xa temos dispostos nos bancais varias prantas que coidaremos con cariño. Tanto o alumnado de infantil, primaria e secundaria aportaron o seu graniño de area: recibindo obradoiros teóricos e prácticos sobre a xestión de residuos ou a compostaxe, xa que un dos obxectivos fundamentais é sensibilizar e promover un modelo de desenvolvemento sustentable. 











viernes, 10 de junio de 2022

ENTREGA DE DIPLOMAS EPDLAB

A Asociación Galega de Comunicación para o Cambio social  (AGARESO) recoñece a implicación, compromiso e creatividade do alumnado da ESO do CPI Virxe da Cela, e otorga un diploma acreditativo da súa participación no obradoiro virtual "A linguaxe non importa: Memes para chamar as cousas polo seu nome", que se levou a cabo durante o terceiro trimestre do curso académico 2021-2022 nas materias de Relixión e Valores Éticos.









miércoles, 8 de junio de 2022

CARREIRA SOLIDARIA 2022

 Mércores 8 de xuño de 2022. 18ª Edición de Kilómetros de Solidariedade, ONG Save the Children. Sensibilización e recadación de fondos para axudar á infancia do corno de África (Etiopía, Somalia). 















martes, 7 de junio de 2022

ALUMNADO DE SECUNDARIA VISITA O PARLAMENTO DE GALICIA

 O Parlamento de Galicia  (Santiago de Compostela) acolleu hoxe, martes 7 de xuño de 2022, a un centenar de alumnos/as de distintos centros educativos galegos, entre eles, o CPI Plurilingüe Virxe da Cela, nun acto que serveu de encontro entre o mundo educativo e o mundo político, encadrado dentro da CME (Campaña Mundial pola Educación). Os escolares galegos tiveron a oportunidade para expresar inquietudes, reflexións e propostas. Damián García Ramos foi o voceiro do noso centro educativa, quen con grandes dotes de oratoria puxo en coñecemento dos representantes das diferentes forzas políticas unha serie de demandas de cara á mellora e impulso da educación no rural. O discurso de Damián susténtase nun traballo en equipo realizado previamente polo alumnado de 4º da ESO do CPI Virxe da Cela, analizando os puntos fortes e débiles do noso centro e buscando solucións que incidan na construción colectiva dunha educación de calidade e unha igualdade de oportunidades para todos e todas. 

 Aquí podedes ver a intervención de Damián 










Texto Cpi Virxedacela Para Parlamento Galego by veracruces on Scribd