A canción “Encore
un autre hiver” do grupo Les Enfoirés servíu
aos alumnos e alumnas da materia de
Francés para introducir o tema da
solidariedade. Trala escoita, lectura e a tradución da mesma realizaron un
traballo en grupos para buscar información:
1º grupo: Coluche, humorista
e activista polos dereitos sociais, creador
do organismo caritativo les Restos du coeur.
2º grupo:les Restos du Coeur.
3º grupo : Les Enfoirés,
grupo de artistas e personalidades públicas que traballan en beneficio da
asociación sin ánimo de lucro les restos
du coeur. Este é o resultado
Algunha vez parácheste a pensar que é esto da solidariedade?
Ser solidarios é participar nas diferentes actividades que plantexamos a través de Monferosolidario, pero a acción sen reflexión non ten sentido. Por un momento imos parar, sentarnos tranquilamente e poñer orde aos nosos pensamentos.
-Ten sentido ser solidarios?
-Podemos cambiar o mundo coas nosas pequenas intervencións?
-Poñemos en práctica as nosas aprendizaxes na vida diaria, coa nosa familia, os nosos amigos, etc.
-Que opinas daquela xente que ante as inxusticias non fai máis que virar a cara para outro lado?
Estas e outras preguntas darán pé a unha pequena reflexión, seguramente moi rica e interesante. Esmerádevos nas vosas redaccións, xa que do papel pasarán ás ondas radiofónicas e chegarán aos oídos da poboación a través do programa "A Fenestra Solidaria", de Radio Fene.
Cada ano setembro convértese no mes no que millóns de nenos
e nenas volven encher as aulas dos colexios. Na nosa sociedade, nas nosas
familias, a volta ao cole é un acto cotián ano tras ano.
Con todo aínda hoxe en día hai 61 millóns de nenos e nenas
no mundo sen escolarizar.
Estes nenos e nenas ven vulnerado o seu dereito á educación, recollido en
numerosos tratados internacionais. Ademais, os beneficios da educación están
ampliamente recoñecidos: a educación amplía o acceso a outros dereitos e
favorece o progreso conxunto da sociedade, promove a liberdade e a autonomía
persoal e xera importantes beneficios para o desenvolvemento das persoas. Así
mesmo, a educación é un instrumento poderoso para reducir a pobreza e a
desigualdade.
Desde Entreculturas quérese dar visibilidade a todos eses
nenos e nenas e aproveitar a volta ao cole para crear conciencia desta realidade.
A campaña "A cadeira vermella", unha
cadeira para 61 millóns de nenos e nenas que non poden ir ao colexio",
anima a todos os colexios a colocar en cada unha das súas aulas unha cadeira
vermella. Este elemento alerta de todos eses nenos e nenas que non poden ir ao
colexio e que ven vulnerado o seu dereito á educación.
A educación é un dereito de todos os nenos e nenas do mundo.
É un investimento de futuro que lles abrirá as portas a unha ampla gama de
posibilidades de desenvolvemento ao longo da súa vida.
A petición de un grupiño de alumnos e alumnas de primaria, aquí tedes unha selección de libros con temática solidaria para investigar e poder aportar máis datos ao voso pasaporte solidario: Un pacto de amor, mi vida junto a Vicente Ferrer, de Ana Ferrer; El gran libro de cuentos con valores; Cómo complacer a todo el mundo sin dejar de hacer... lo que uno quiere, de KIlaus-Peter Wolf e moitísimos máis. Ánimo. A lectura segue a ser unha porta aberta ao mundo.
A ONCE celebra a 27 edición do Concurso poñendo en marcha o Programa de sensibilización educativa "Unha viaxe para tod@s" , que fomenta o respecto pola diversidade do ser humano e a non discriminación das persoas con discapacidade.
O alumnado do noso centro está a participar, como en anos anteriores, neste concurso tan especial. Aquí vos deixamos algunhas mostras dos deseños feitos por eles.
O mércores 24 de Febreiro visitamos as instalacións da Cociña Económica de Ferrol. Con esta acción damos por finalizada a campaña "Operación Quilo". Dende o pasado mes de decembro, alumnado, profesorado e familias depositaron paquetes de arroz, galletas, pasta, botellas de aceite, cartóns de leite e outros alimentos non perecedeiros nun espazo habilitado nos corredores do edificio de secundaria. Aínda que o obxectivo fundamental non era conseguir caixas e caixas de alimentos, senón concienciar á nosa comunidade educativa da importancia de aportar unha pequena axuda para cambiar o mundo, foron moitos os quilos acumulados... Os transeúntes ollaban con atención e curiosidade aos mozos e mozas de 2º, 3º e 4º da ESO carretando caixas en dirección á Rúa Ruvalcaba, en Ferrol, onde está situada a sede da Cociña Económica. Unha vez depositados os alimentos, o seu director amosounos as instalacións, e ofreceu unha enriquecedora charla, oportándonos unha visión global do funcionamento desta instutución benéfica, e recordándonos a importancia da nosa axuda sobre todo agora, en tempos de crise. Foi gratificante recibir os parabéns, e alentounos a continuar na nosa labor de construír unha mocidade solidaria, crítica e responsable.
Good Vibrations 2009 (Boas vibracións) é unha curtametraxe animada creada para a campaña "Proxecto de responsabilidade" da compañía de seguros “Liberty Mutual”. Forma parte dunha serie de curtos de animación destinada a crear un debate na xente sobre os actos persoais da responsabilidade e sobre a necesidade das persoas de tomar a iniciativa en lugar de curiosear e fisgar.
Este vídeo foi escrito e dirixido por Jeremy Clapin (París 1974) artista gráfico, ilustrador para prensa e varias casas editoriais e director independente de anuncios publicitarios.
PARA COMENTAR NA CLASE:
1. Resume a breve historia. 2. Os personaxes que aparecen (Executivo con lentes,señor con lentes,paxaro comendo pan,ancián, neno en bici, persoas nas ventás do edificio). 3. Que quere dicir esta pequena historia? 4. Que lles fai reaccionar ás persoas que están nas ventás?, 5. Que lle fai actuar ao ancián de xeito diferente? 6. Podemos pensar en nós mesmos: que nos fai vibrar na vida?. 7. Somos persoas espectadoras das cousas ou gústanos actuar? 8. Comenta algunha acción que fagas en que deixes de ser espectador do que estaba acontecendo. 9. Pensa nalgún personaxe que na historia deixe de ser espectador para traballar e facer algo polos demais. 10. Gustouche esta historia?
Ante a situación de emerxencia que estase a vivir en Haití, Monferosolidario movilízase organizando un Rastro Solidario para recadar fondos para a ONG Entreculturas, no seu programa de Emerxencia en Haití. Por isto solicitamos a vosa colaboración, podendo contribuír de maneira voluntaria aportando os obxectos que estarán á venda no Rastro.
Cada alumno/a poderá aportar un máximo de 3 obxectos.
Tipo de materiais: libros, cds, dvds, xogos, bisutería, obxectos decorativos... que estean en boas condicións, sen deterioro, e que non sexan moi voluminosos.
Os alumno/as que desexen participar deberán entregar os obxectos a través das titorías entre o 20 e 27 de Xaneiro de 2010.
Os obxectos estarán expostos á venda no Rastro Solidario que terá lugar o Venres día 29 de Xaneiro de 2010, en horario lectivo, situado na entrada do edificio de Secundaria. Cada grupo visitará o Rastro co seu titor/a, seguindo un horario previamente establecido, podendo efectuar compras. As familias poderán visitar o Rastro no seguinte horario: de 13:25 a 14:45, e de 16:25 a 17:30.
Agradecemos unha vez máis o voso compromiso e participación.
Día Mundial da Infancia: o dereito a vivir en Paz.
Todos temos dereitos, adultos e nenos. A gran diferenza é que os adultos podemos pelexar por eles, esixir que se cumpran, en cambio os nenos, necesitan de nós para que os seus dereitos respétense. O neno debe ser protexido e coidado, non só pola súa familia e o seu grupo primario, polo Estado, polos políticos, pola cidadanía enteira. Os dereitos dos nenos son tan amplos como amplos son os aspectos dunha vida, teñen dereito a estudar, a vivir en condicións dignas, a que se coide da súa saúde (física e mental), a ser alimentados e sobre todo amados. Cada un de nós, seguramente desde o seu lugar, tenta que estes dereitos sexan respetados, pero non sempre a realidade permite que iso se cumpra. As políticas de seguridade social, saúde, educación moitas veces non contemplan estes dereitos básicos. É un deber de todos coñecer cales son os dereitos que os nosos mozos teñen porque, coñecendo, é máis fácil loitar por que todos gocen deles.
Todos e cada un dos dereitos da infancia son inalienables, irrenunciables, innatos e imprescindibles para unha boa infancia.
A proposta didáctica deste ano para o 20 de novembro céntrase na interculturalidade, entendida como unha diversidade positiva e enriquecedora. O obxectivo é que os nenos, nenas e moz@s comprendan que na realidade coexisten opinións diferentes, relixións diferentes e nacionalidades diferentes, sen ser unhas máis válidas que as outras e merecendo todas o mesmo respecto.
O martes 17 de Novembro dimos por concluída a campaña de sensibilización "Shoes for Africa", levada a cabo no noso centro dende o 3 ao 16 de Novembro, seguindo a iniciativa de Kiwi (coidado para o calzado), o Corte Inglés e Hipercor e co apadriñamento da Fundación de Samuel Eto'o. Durante duas semanas o alumnado e as familias achegáronse ao centro para depositar calzado usado, e deste xeito aprender do consumo responsable, posibilitando otro uso a obxectos xa utilizados, e aportando a nosa pequena contribución para que homes, mulleres en nenos en África podan levar zapatos.
Teresa, profe de CCSS e encargada de AAEE, posa coas alumnas de 3º da E.S.O.,
amosando a cantidade de material recollido.
.
Yolanda, profe de Relixión, entregando as bolsas con zapatos no Corte Inglés da Coruña.
O noso centro unirase a unha campaña de sensibilización promovida pola marca de coidado de calzado Kiwi, El Corte Inglés e Hipercor, que persigue recoller en Europa o maior número posible de zapatos para envialos a África, onde se lles pode dar unha vida máis longa. Esta iniciativa, que comezou no 2006, conta nesta ocasión co apadriñamento por parte da Fundación de Samuel Eto’o.
Do 3 ao 16 de Novembro podedes achegar ao colexio o calzado, e nós encargarémonos de entregalo no Corte Inglés. Como di o noso lema, “moita xente pequena, en moitos lugares pequenos, facendo cousas pequenas, cambiará a face da Terra”.
"Por nada" é unha curtometraxe de ficción baseada en feitos reais descritos por persoas que levan anos analizando os comportamentos violentos de sectores moi concretos da nosa mocidade, máis concretamente do que fora o Primeiro Defensor do Menor, Javier Urra. Nel preséntasenos a uns alumnos dun colexio, a cuadrilla de Roi, aburridos e consentidos, resultado dunha educación permisiva e superprotectora, que produce tanto dano como o autoritarismo, na nosa mocidade. Aborda tamén o tema da violencia, da súa práctica e da súa publicación a través de Internet, en Youtube neste caso, e do chamado ciberacoso, a gravación non autorizada de imaxes, reais ou ficticias, que logo son publicitadas sen consentimento na rede. Permite reflexionar sobre a violencia, o ciberacoso ou matonismo e a convivencia, sobre o respecto, a xustiza, a responsabilidade sobre os propios actos, o aburrimento ou a diversión. Imos pois a reflexionar sobre iso, sobre si as situacións que se describen nel adáptanse á realidade, si quedan curtas ou si pensas que son unha esaxeración... Tras o debate do tema e a exposición do mesmo na clase, deberedes de facer un comentario reflexivo e agregar as conclusións ás que cheguedes no blogue.
Máis de 40 cidades españolas acollen, do 16 ao 18 de outubro, as mobilizacións da Semana Contra a Pobreza promovida pola Alianza Española contra a Pobreza. Todas elas programaron actividades para este fin de semana. O obxectivo? Esixir aos líderes políticos mundiais o cumprimento dos seus compromisos cos Obxectivos de Desenvolvemento do Milenio na loita contra a pobreza extrema e a fame que afectan xa a máis de 1.000 millóns de persoas no mundo. Barcelona, Bilbao, San Sebastián, Valencia, Pamplona, Sevilla, Valladolid, Santiago de Compostela,Coruña, Ferrol, Vigo,Ourense,Lugo, Pontevedra entre outras moitas, acollerán diversas mobilizacións.
No vídeo “EU ESIXO” El Canto del Loco, Javier Cámara, Cayetana Guillén Cuervo, Patricia Conde e Marcos Cao esixen aos gobernos o cumprimento dos compromisos asumidos na loita contra a pobreza na Declaración do Milenio do ano 2000. Animan tamén á cidadanía a participar nas manifestacións contra a pobreza que se celebrarán os días 16, 17 e 18 de outubro.
¡NORABOA A TODA A COMUNIDADE EDUCATIVA DO C.P.I. "VIRXE DA CELA"
OMinisterio de Asuntos Exteriores, a través dá Axencia Española de Cooperación Internacional, acaba de conceder oPremio Nacional de Educación para o Desenvolvementoo noso centro, en recoñecemento aos proxectos levados a cabo neste ano académico.
Durante este curso procuramos traballar por unha Educación para o Desenvolvemento multicultural e diversa, que servira para xerar propostas educativas como: aprender a coñecer de xeito crítico diverso e ético, aprender a facer, a ser solidarios e a ser cidadáns conscientes da globalidade das nosas accións. Dende esta formulación intentamos reflexionar e crear propostas , non só para saber “o mal que está o mundo” e permanecer inmóbiles, senón intentando aportar o noso gran de area dende a convicción de que “outro mundo é posible”. Este premio é un motivo de gran ledicia para todos e é unha realidade grazas ao traballo, implicación e colaboración de toda a comunidade educativa. Por todo iso noraboa.
En setembro viaxaremos a Antigua (Guatemala) para compartir as nosas experiencias con outros centros educativos e con expertos en educación para o desenvolvemento.
Graciñas a todos e todas e....seguiremos informando.
Na recadación de donativos da actividade “Marcapáxinas Solidarios”, realizada no noso centro no mes de Abril, obtivemos un importe de 176´13 euros. Estes cartos foron ingresados na conta bancaria da O.N.G. Save the Children.
A distribución desigual da riqueza nos países do Primeiro Mundo aumentou a distancia que separa ás persoas ricas dos grupos máis desfavorecidos.
O crecemento económico dos países desenvolvidos deu orixe ao que se coñece como Cuarto Mundo, un termo que engloba a todas aquelas persoas que residen nos países máis avanzados, pero atopanse excluídas ou en risco de exclusión social.
¿Por que xorde? O termo 'Cuarto Mundo'
foi utilizado por primeira vez nos anos 70 para designar a aquelas persoas que viven en situacións realmente precarias. O seu creador foi o pai Joseph Wresinski, criado nun ambiente moi afastado da opulencia e que fundou en 1957 a primeira asociación contra a exclusión dos máis pobres. "O Cuarto Mundo é un pobo formado por homes, mulleres e nenos que, xeración tras xeración, vense excluídos dos dereitos fundamentais dos que goza o resto da sociedade. Vense excluídos dos progresos sociais e da participación na vida asociativa, política, relixiosa, cultural, sindical... das súas sociedades. Non se conta con eles como interlocutores senón, como moito, como meros beneficiarios de axudas. ¿Pero cal é a principal característica deste denominado Cuarto Mundo? O máis curioso é que xurde dentro do que se coñece como Primeiro Mundo. É nos países máis avanzados onde a gran diferenza no reparto da riqueza dá lugar a dous grandes grupos que ocupan un mesmo espazo físico, pero non social. Non son casos illados. Segundo datos de Médicos do Mundo, só en Europaresiden máis de 40 millóns de persoas pobres.
A miseria sempre estivo presente na nosa sociedade. Sempre existiron ricos e pobres. Pero é agora cando esta diferenza faise máis patente. A medida que a economía do mundo occidental crece, tamén aumenta o número de persoas ás que esta riqueza non chega. Téndese a pensar que os máis pobres viven nos países do Sur. Sorprende recoñecer a pobreza 'a beira da casa', pero a hai. "En tódolos países hai pobres, que son os que menos medios teñen para saír adiante". Combater a pobreza é un dos retos da sociedade en que vivimos. Se non se atopa unha solución, o problema pode facerse crónico e entrar nunha espiral de difícil saída. É necesario poñer sobre a mesa as diferentes situacións de exclusión social e afrontar cada unha delas coas mellores ferramentas. Unha das claves podería ser a incorporación destas persoas ao proceso produtivo ou a elaboración dunha Lei de Inclusión Social. "O crecemento económico espectacular xerado nos últimos anos non contribuíu a garantir os dereitos humanos nin a mellorar as condicións de vida de tódolos cidadáns porque o umbral de pobreza non descendeu. Dentro da categoría podemos atopar: Anciáns desamparados. Viuvas e nais sen medios económicos. Nenos abandonados, explotados ou prostituidos. Marxinados sociais (drogadictos, alcohólicos...) Persoas sen fogar e mendigos. Persoas sen protección oficial.
Proposta de actividade (ESO): Lectura do texto “Mendicópolis”,unha cidade real. Tralo debate do tema e a exposición do mesmo na clase, debedes facer un comentario reflexivo e agregar as conclusiones as que cheguedes no noso blogue.
