OBRADOIROS DE XESTIÓN EMOCIONAL EN EDUCACIÓN INFANTIL

 Helena García Álvarez, psicóloga. A través da Fundación Ayuda en Acción. 2º e 3º trimestre

COMUNIDADE EDUCATIVA PARA O BENESTAR SOCIOEMOCIONAL

 

CARREIRA SOLIDARIA SAVE THE CHILDREN 2023

O vindeiro venres 2 de xuño de 2023 terá lugar no CPI Virxe da Cela a Carreira Solidaria Save The Children, baixo o lema "Por unha cultura de paz". Esta actividade está organizada polo departamento de educación física coa finalidade de concienciar e sensibilizar á comunidade educativa, e ao mesmo tempo recadar fondos para axudar á infancia. CARREIRA SOLIDARIA - SAVE THE CHILDREN - POR UNHA CULTURA DE PAZ Data: 2 de xuño de 2023. Lugar: Campo de fútbol (se non chove) ou pabillón (se chove). Horario: 10:00 - 11:30 Etapas: EI, EP, ESO. Dorsal: Pola parte de diante.

QUERIDOS REIS MAGOS: POR UNHA EDUCACIÓN DE CALIDADE

 Para concluír a nosa participación activa na Campaña Mundial pola Educación (CME) e a Semana Mundial da Educación (SAME), e para reflexionar sobre o Obxectivo do Desenvolvento Sostible nº4: Unha Educación de Calidade", gustaríanos compartir este fantástico curtametraxe gravada e editada no CPI Virxe da Cela no mes de xaneiro 2023, e que representou ao noso centro na súa participación no programa "21 Días en Galego e+" da Xunta de Galicia. 

GUÍA EDUCATIVA PARA O ACTIVISMO CLIMÁTICO

A delegación de Ayuda en Acción de Galicia, e no marco do proxecto Education4thePlanet: o bo Camiño cara a Axenda 2030 (financiado pola Dirección Xeral de Relacións Exteriores e coa UE da Xunta de Galicia), comparte este contido interesante material educativo:

 - Guía Educativa para o Activismo Climático. 

 - Guía Educativa de Secundaria sobre Ecofeminismo(ligazón para descarga). 

Durante os últimos 10 anos, a Fundación Ayuda en Acción leva traballando con centros educativos galegos para mellorar e consolidar unha educación de calidade e sen fronteiras. Ante a problemática medio ambiental que sufrimos na actualidade, está a impulsar unha liña de acción vinculada coa Educación para o Desenvolvemento e a Cidadanía Global, coa cal se procura fomentar unha xuventude activa que contribúa na loita ante a emerxencia climática e ao cumprimento dos Obxectivos de Desenvolvemento Sostible (ODS) da Axenda 2030. 

Así, Education4thePlanet: o bo Camiño cara a Axenda 2030 é un proxecto galego enmarcado na proposta europea 1Planet4All, onde 14 ONGs de 12 países suman forzas para crear espazos e accións de participación para a xuventude europea ante a problemática medio ambiental. Como froito desta e outras iniciativas territoriais, elaboráronse os recursos que hoxe vos queremos compartir. Ambos documentos están formados por píldoras ou sesións formativas, mediante as cales profundizar en contidos articulados a partir da problemática ambiental. Así mesmo, están acompañadas de actividades e recursos didácticos de maneira estructurada.

Guia Educativa Secundaria_Activismo Climático by veracruces on Scribd

TRANSFORM-ACCIÓN EN IGUALDADE

Neste panel expositivo situado nos corredores do edificio de secuntaria poderedes ver o cartel elaborado polo alumnado de 3º da ESO e os compromisos das aulas do CPI Virxe da Cela para acadar unha educación máis igualitaria, unha actividade de sensibilización dentro da Campaña Mundial pola Educación, que este ano céntrase na igualdade a través do lema "TransmormAcción en Igualdade".

 

OBRADOIRO EDUREFERENTES

Dentro do Programa Educativo "EduReferentes" da Xunta de Galicia, recibimos a visita de Beatriz García Cibreiro, que foi  a responsable de realizar a mentoría coas alumnas de 4º da ESO.  Esta actividade realizouse o venres 19 maio 2023 ás 12:30 horas.

OBRADOIRO CAMPAÑA MUNDIAL POLA EDUCACIÓN

Un ano máiso CPI Virxe da Cela participa activamente na Campaña Mundial pola Educación. Temos xa a mirada posta na nosa intervención no Parlamento Galego, que terá lugar o vindeiro martes 6 de xuño de 2023. Por iso xa estamos a preparar o noso discurso. Supervisados e guiados por Laura Álvarez, e a través da Fundación Ayuda en Acción, tres alumnos que cursan a materia de Proxecto Competencial en 1º da ESO, xa están hoxe (venres 19 de maio de 2023) a redactar ideas para poder ter un fío conductor e dirixirse aos nosos representantes políticos as súas demandas para acadar unha educación de calidade, e baseada na igualdade (xa o din o lema da CME: TransformAcción pola Igualdade).

Coñecendo os noso rios: actividade de voluntariado e sensibilización ambiental.

 Durante a mañá do 27 de maio temos esta proposta da Asociación EuroEume. Esta actividade familiar ademais de ser unha estupenda xornada de convivencia permitira coñecer a importancia e as características das fragas de ribeira e dos cursos fluviais que atravesan o noso territorio, realizándose diversas medicións e analíticas da auga, identificándose a fauna e flora da contorna do río, e  os diversos elementos patrimoniais situados no entorno dos cauces fluviais.

Estas actividades de educación e sensibilización ambiental encádranse dentro do Proxecto Ríos de ADEGA. O prazo de inscrición é ata o día 26 de maio.

Coñecendo Os Nosos Ríos by veracruces on Scribd

SESIÓN AVALIACIÓN EDUCATION4THEPLANET

 Xoves 11 de maio 2023, ás 11:25 horas, unha asesoría externa vén ao centro para reunirse co alumnado da ESO e o profesorado para valorar a súa experiencia de participación no proxecto Education4Theplanet, realizado no noso centro grazas á colaboración con Fundación Ayuda en Acción. A opinión de todos/as os que estivemos participando neste proxecto axudará a valorar o grao de satisfacción e os puntos débiles e fortes, así como suxerencias de mellora para próximas actividades. 

PODCASTS SAME 2023

 Alumnado de 2º da ESO do CPI Virxe da Cela participaron na Semana Mundial de Acción pola Educación sensibilizando á comunidade educativa a través da elaboración de podcasts radiofónicos nas materias de Educación en Valores e Relixión.Todo o proceso foi levado íntegramente polo propio alumnado: desde a elaboración do guión, a gravación e edición do audio utilizando o software Audacity e a difusión a través do canal Ivoox. 

VISITA E CHARLA DE EX-ALUMNOS/AS

Na tarde do mércores 10 de maio de 2023 tivemos a visita de varios compañeiros/as que remataron 4º ESO o curso pasado. Andrea, Antía, Alex e Matías contaronnos como están a desenvolverse nas sús novas traxectorias académicas. Antía e Matías están cursando Bacharelato de Ciencias Sociais no IES das Mariñas en Betanzos, vailles moi ben aínda que teñen que pelexar algo co inglés. Alex está a cursar unha FP de grao medio de electromecánica no IES de Curtis, está moi contento coa decisión que tomou e o que máis lle gusta e a parte práctica e terse librado por fin de estudar sintaxe. Andrea esta a cursar un FP de grao medio de auxiliar de enfermería, comentounos que este curso ten máis carga teórica pero que xa comezaron a facer prácticas e que atopase moi satisfeita coa elección que fixo. O alumnado de 3º e 4º ESO aproveitou esta charla para preguntar dúbidas e escoitar os consellos e a experiencia dos compañeiros/as, feito que sempre é moi enriquecedor.

GRUPO ASOCIACIONISMO XUVENIL EUROEUME

Un pequeno grupo de alumnos/as voluntarios da ESO reuníronse o mércores 10 de maio de 2023 na biblioteca escolar con Nuria, a técnica de Euroeume, co obxectivo de detectar necesidades da mocidade da zona e plantexar actividades de dinamización. Son os primeiros e difíciles pasos que tratamos de dar para poder crear dinámicas de asociacionismo xuvenil. Esperemos que a este reducido grupo de mozos e mozas vaian uníndose outros/as! 

INFORME DE POSICIONAMIENTO EDUCATION4THEPLANET

Despois de catro obradoiros, unha ruta e un mapeo, o alumnado da ESO do CPI Virxe da Cela vai acercándose ao final da aventura "Education4ThePlanet: o bo camiño cara a Axenda 2023". Hxoe toca a unha sesión conclusiva e adoptando un posicionamento ante a problemáticas presentadas, impartida de novo por Cristina Otero. O camiño percorrido nestos  meses serviunos para sensibilizarnos, investigar, e agora toca pasar á acción.  Grazas a todo o aprendido, mudar as nosas rutinas e os nosos hábitos é un primeiro paso. O seguinte é facer chegar as nosas demandas ás administracións e aos representantes políticos no Parlamento Galego no vindeiro mes de xuño. A mocidade comprometida ten que facer escoitar a súa voz e as súas propostas para acadar os obxectivos marcados na axenda 2023, sobre todo nos centrados no coidado da nosa contorna e en extensión, de todo o planeta. O proxecto Education4theplanet realízase grazas á colaboración coa Fundación Ayuda en Acción.

I CONCURSO DE MICROVÍDEOS "DE FRONTE Á VIOLENCIA DE XÉNERO"

Coa intención de alcanzar a igualdade real de oportunidades entre mulleres e homes na sociedade e concienciar á poboación en xeral e a mocidade sobre a violencia de xénero dixital, a Deputación Provincial da Coruña convoca neste ano o I Concurso de microvídeos "De fronte á violencia de xénero".

O obxecto do certame é elaborar un microvídeo a través do cal se xere reflexión, conciencia, sensibilización, identificación e prevención das violencias de xénero dixital, entendidas estas como todas as condutas de violencia de xénero que se exercen a través das novas tecnoloxías, redes sociais e/ou en Internet.

Preténdese que a través da elaboración do microvídeo a poboación adolescente cree debate, reflexión, mobilización e cambio social sobre o ciberacoso, sexting, sextorsión, stlaked, grooming, shaming, doxing ou calquera outra forma de acoso nas redes.

Así mesmo, o concurso anima á participación da comunidade educativa (profesorado, familias e contorna) como piar necesario para guiar e orientar o proceso de creación.

Poderán participar todas as persoas físicas con idades comprendidas entre 12 e 18 anos, de calquera nacionalidade, que se presenten individualmente ou en grupo.

Cada participante só poderá presentar un único microvídeo orixinal e inédito, non premiado con anterioridade nin difundido publicamente antes por ningún tipo de soporte nin canle.

Outorgaranse ata 10 premios de 1000 euros.

microvídeos violencia xénero by veracruces on Scribd

CAMPAÑA DE SENSIBILIZACIÓN: SAME 2023

O alumnado de 1º da ESO do CPI Virxe da Cela visitou as aulas do centro educativo para concienciar ao alumnado da importancia da educación e promocionar a SAME (Semana de Acción Mundial pola Educación) e a CME (Campaña Mundial pola Educación). O noso centro escolar leva moitos anos participando de maneira activa nesta campaña, este ano baixo o lema "TransforMacsión en Igualdade: Mobilízate". Todas as aulas agora teñen á súa disposición un folleto onde deberán anotar de maneira consensuada cal é o seu compromiso de cara á consecución dunha mellora da educación. Todas as propostas serán penduradas próximamente nun gran panel que hai nos corredores do edificio de educación secundaria.

O CPI Plurilingüe Virxe da Cela na Revista da TVG: os medios e recursos dixitais para axudarnos na aprendizaxe.

 

Imaxe autoeditada de fragmentos da emisión. 

Da man do investigador Antonio Rial Boubeta  estivemos no programa da TVG A Revista para falar sobre o uso dos medios e recursos dixitais no eido educativo. 

Enlace a emisión do programa do día 28/04/2023 (No tramo das 11 da mañá).

Desde hai fai anos que o CPI Virxe da Cela apostou polo uso dos recursos e medios dixitais, pensando que un bo uso delas conecta co alumnado, reforza a súa creatividade  e o traballo colaborativo. Ábrennos unha inmensa ventá cara a realidade e ao seu futuro e potencian a calidade educativa. Para isto primamos a formación e actualización docente e vinculación das familias para incentivar un uso correcto e funcional das mesmas. Neste sento contamos cunha liña formativa específica que levamos a cabo en colaboración con CFR Ferrol e coa Fundación Axuda en Acción.

Cine na escola

 Dentro delas un dos elementos principais de conexión da escola cos intereses da rapazada é a creación audiovisual, neste senso o mellor é que xa é unha constante. Contamos  co espazo Ferraganchos que forma parte da biblioteca creativa no que temos un pequeno estudo de gravación, ambientado en Croma e no que tamén está o  equipos da radio escolar.

 Desta forma, as actividades do centro cobran valor a través desta creación e desde fai dos anos contamos cunha actividade na que o alumnado crea as súas curtas para tratar temas como a igualdade ou a convivencia a través da súa perspectiva. Están acompañados por Omar Rabuñal, realizador, guionista e actor, con 14 anos de experiencia no medio audiovisual.

 Así, co cine na escola temos creatividade e empodaramento para cuestionar a realidade. Desenvolvendo as competencias do alumnado e dándolle vida as aprendizaxes adquiridas a través da ruptura cos estereotipos e coas desigualdades, favorecendo o rexeitamento cara a violencia e poñendo en valor a diversidade como riqueza cultural como obxectivos desta aventura.

Radio escolar

Levamos xa máis dunha década dándolle vida a radio escolar e con ela facemos un uso emerxente dunha tecnoloxía tradicional, neste caso acompañados de Sergio Garcia a través da Fundación Axuda en Acción.

• Supón unha mellora da Competencia en Comunicación Lingüística do alumnado, nas súas catro destrezas fundamentais (comprensión e expresión oral á hora de facer o programa / Comprensión e expresión escrita á hora de elaborar o guión).

• O alumnado conta cun recuncho de aprendizaxe colaborativo e de participación, sexa cal sexa o seu grao de timidez-sociabilidade ou rendemento académico, todas as persoas teñen o seu papel e a súa función. Investigan e dar sentido real as aprendizaxes básicas para a vida. 

Pero non é solo a radio en si mesma, tamén a preparación da voz, o traballo coa escoita e co dialogo e o uso e emprego de dispositivos tecnolóxicos.  A mesa de mezclas, os micros, a edición de podcast, a difusión,…e o valor engadido que supón para o centro.

Ademais, de por en valor a nosa lingua galega como elemento identitario do que estamos moi orgullosos.

 O obradoiro de xogos de mesa

Tamén, desde a biblio creativa o alumnado ten a posibilidade de achegarse a formas de ocio que o mellor estaban un pouco afastadas, poñéndoas en valor cos medios dixitais.

Son os xogos de mesa que favorecen estratexias creativas nas aprendizaxes ademais de ser elemento de diversión entre iguais e entre alumnado e profesorado.

A súa vinculación coa tecnoloxía e a través de vidotitoriais elaborados polo alumnado onde explican os distintos xogos de mesa cos que están a xogar. Para isto, aprenden como empregar o croma os programas de edición e todo o que convela a produción audiovisual. Ademais o fan por si mesmos.  

Xogos como as abelliñas zum-zum, o taco, o queixo e os lobos de castronegro estarán abertos ou publico para que todo o mundo poda desfrutar deles.

 Digicraft

Proxecto Digicraft consiste nun programa ofrecido pola Fundación Voddafone España e a Consellaría de Educación para formar ao alumnado de primaria en competencias dixitais.

Para elo, contamos con diferentes recursos e materiais tecnolóxicos, xunto cun catálogo de actividades mediante as cales o alumnado pode ir coñecendo e aprendendo a utilizar diferentes ferramentas tecnolóxicas a través da manipulación e experimentación directa coas mesmas.

Entre estes recursos atópanse: tablets, robots Zowi, placas Makey-makey, tabletas gráficas, etc.

Moitos destes recursos non se atopaban na escola e serían de moi difícil acceso ao alumnado de non ser por este programa. Por iso, valoramos de forma moi positiva a participación neste proxecto, que permite ao alumnado tomar contacto a través de actividades moi dinámicas, activas e lúdicas cun mundo dixital e tecnolóxico que é cada vez máis importante, pero ao que é difícil acceder dende zonas rurais coma esta.

Ademais, o alumnado amosa unha gran resposta ás actividades deste tipo, xa que os nenos e nenas de hoxe en día non son alleos a este novo mundo tecnolóxico e amosan gran interese por manexar e aprender como se utilizan os diferentes elementos tecnolóxicos, especialmente os máis novidosos como poden ser os robots ou as tabletas gráficas.

Desta forma o alumnado pode desenvolver a creatividade poñendo en práctica todo o aprendido e investigando e descubrindo novas formas de utilizar estes recursos, o que estimula moito a súa competencia dixital.

A cultura interactiva para potenciar o pensamento artístico: o MUV no Virxe da Cela.

Imaxe autoeditada

 

MUV: Arte e artefactos dixitais para despertar a creatividade!!!!

Imaxe: captura de pantalla da páxina de Cope Ferrol.

Apúntaste?

https://www.diariodeferrol.com/articulo/comarcas/reportaje-virxe-da-cela-monfero-disfruta-estos-dias-arte-contemporaneo-gracias-muv-4279513

Cinema comprometido: alumnado de 5º e 6º da Ed. Primaria

Imaxe: autoeditada

Un curso máis contamos cos obradoiros de cine a cargo de Omar Rabuñal. 

Os cursos de 5º e 6º da Ed. Primaria tiveron esta actividade extraescolar na que crearon unha curta. A temática escollida é toda unha sorpresa pero, coñecéndoos/as seguro que non nos deixara indiferentes.

En canto a teñan lista a teremos nas pantallas.