AS XANELAS DO 2024

Solidariedade Internacional de Galicia compartiu este vídeo-memoria do 2024. É unha xanela aberta ao seu traballo, ás historias que constrúen xuntas e xuntos e aos logros que alcanzan grazas ao apoio e compromiso de moitas persoas e institucións, entre eles o CPI Virxe da Cela. Por iso queremos contribuír á difusión deste documento visual e esperamos seguir colaborando no futuro para facer o camiño xuntos.

III PREMIO GALEO EPDCG: VIAXE A GUATEMALA

A terceira edición do PREMIO GALEGO DE EDUCACIÓN PARA O DESENVOLVEMENTO E CIDADANÍA GLOBAL incluíu como novidade unha viaxe a terreo para o profesorado gañador en cada categoría.   

A viaxe a terreo para coñecer a cooperación internacional chegou para quedarse como parte deste galardón, no que dende xa estamos a traballar, para ofrecervos as mellores experiencias posibles para un recoñecemento que esta á altura da vosa implicación e labor cotiá. 

O GLOBO: SOLIDARIEDADE INTERNACIONAL GALICIA

 Solidariedade Internacional de Galicia teN en marcha o proxecto O Globo, unha ferramenta pedagóxica que visibiliza e fomenta a participación social e que ten o fin último de formar nos coñecementos, habilidades e valores necesarios para exercer a cidadanía mundial e o desenvolvemento sostible.

O Globo xira en torno a “microexperiencias de transformación social”. Trátase de iniciativas socioeducativas que se organizan segundo a tríada: luces (investigar), cámara (analizar criticamente) e acción (actuar), que pretenden contribuír a consecución dos Obxectivos de Desenvolvemento Sostible (ODS), a través das diferentes temáticas que se poden traballar.

Dende o pasado curso escolar, para traballar baixo esta metodoloxía cos centros educativos a través do profesorado, púxose en marcha unha formación (homologada pola Consellería de Educación), xa que esta metodoloxía pode ser utilizada nas aulas como estratexia didáctica.  Para iso realizaremos unha formación ao profesorado (neste enlace podes ver a información Formación curso 2022/2023), coa idea é que vós, profes, asistades á formación para facer despois unha micro-experiencia co voso alumnado, por suposto acompañadas polas educadoras de Solidariedade Internacional de Galicia, axudándovos en todo o que precisedes. A formación é Homologable pola Consellería de Educación.

Por si queres mirar traballos doutros anos e inspirarte, neste enlace podes ver as Microexperiencias do curso pasado.

Comentarche que ademais, O GLOBO realiza un encontro anual onde os centros de ensino, as ONG e outros colectivos sociais nos xuntamos e intercambiamos aprendizaxes, reflexionamos e construímos cidadanía global. Neste enlace podes ver o IV Encontro, celebrado o pasado mes de xuño IV Encontro. Encontro que sempre é motivador para o alumnado e tamén para as/os profes

VIII XORNADAS DE EDUCACIÓN PARA A CIDADANÍA GLOBAL. CURRÍCULO E ACCIÓN SOCIAL PARA A TRANSFORMACIÓN

Dende Solidariedade Internacional de Galicia e o grupo de investigación ECIGAL vos convidamos a participar nas “VIII Xornadas de Educación para a Cidadanía Global. Currículo e acción social para a transformación”. A Educación para a Cidadanía Global  entra con forza na nova lei educativa e é esta unha oportunidade para formarnos e dialogar. Tamén, fóra da escola, destaca como estratexia transformadora na promoción do necesario cambio social.

 Dirixido a profesorado de todas as etapas educativas (infantil, primaria, secundaria, formación profesional e universidade) así como alumnado universitario das titulacións de Educación Infantil, Educación Primaria e Educación Social, ademáis de persoal técnico e/ou voluntario de diversas entidades, ONGs e colectivos sociais interesados en traballar esta temática.

Serán o 9 de novembro, na Facultade de Ciencias da Educación (Campus Elviña) da Universidade da Coruña. Nas mesmas daránse a coñecer diferentes prácticas de ECG transformadoras e se realizará un obradoiro específico, dinamizado pola entidade Madre Coraje, que nos dará orientacións sobre como incorporar a educación para a cidadanía global no currículo escolar. As xornadas serán de mañá e tarde, pero pódese participar nunha soa quenda. Certificado de 4 horas de formación por asistencia na Xornada da mañá, e 8 horas de formación pola asistencia completa.

Máis información e inscricións de balde na seguinte ligazón: 

https://www.ecigal.gal/es/xornadas-inscrici%C3%B3n

VIII Xornadas de Educación Para a Cidadanía Global Currículo e Acción Social Para a Transformación by veracruces on Scribd

FORMACIÓN "O GLOBO"

    Dende fai uns anos, SI Galicia (Solidariedade Internacional Galicia) está a traballar no fomento da participación social, para iso creou colectivamente, unha ferramenta chamada O Globo, na que a través dunha metodoloxía baseada no coñecer (luces), reflexionar(cámara) e no actuar (acción) visibilizas e promovemos micro-experiencias de transformación social. Esta metodoloxía pode ser utilizada nas aulas como estratexia didáctica e por iso SIG queren dala a coñecer contextualizándoa no enfoque da Educación para a Cidadanía Global. 

      Terá unha duración de 20 horas, sendo 12 presenciais (o sábado 13 de novembro en horario de 10:00 – 14:00 e de 15:00 a 19:00 horas e o xoves 20 de xaneiro de 2022 en horario de 16:30 a 20:30) e 8 de traballo en aula titorizado polo equipo de SI Galicia. 

     Realizarase na EGAP ( Escola de administración pública en Santiago de Compostela). A formación ten os seguintes obxectivos 

 1.- Adquirir coñecementos teóricos-prácticos sobre a Educacion para a Cidadanía Global e a Axenda 2030 de Desenvolvemento Sostible coma proceso socio-educativo.  

 2.- Coñecer O Globo (observatorio para educar na cidadanía global) como ferramenta de participación social. 

 3.- Utilizar a metodoloxía que dende O Globo se impulsa: Luces (coñecer), Cámara (reflexionar) Acción (actuar) como estratexia didáctica na aula. 

 4.- Por en practica os coñecementos e as habilidades adquiridas na fase presencial. 

 5.- Desenvolver na aula unha micro-experiencia de transformación social baixo a metodoloxía de luces-cámara-acción. 

 6.- Socializar a micro-experiencia elaborada nos espazos de encontro de O Globo.  

 E os seguintes contidos: : Analizarase o contexto global de desigualdade no que vivimos e afondaranse nos conceptos de interdependencia, corresponsabilidade, Axenda de Desenvolvemento Sostible (Axenda 2030) e participación social, imprescindibles para traballar desde un enfoque de Cidadanía Global. Mostraremos unha ferramenta de participación social, O Globo, que permite traballar e formarse nos coñecementos, habilidades e valores para exercer a cidadanía global. Potenciando o desenvolvemento de competencias propias do currículo escolar e de habilidades participativas. Traballarase desde unha estratexia que contempla a investigación, análise e acción. 

 O enlace para inscribirse está na seguinte dirección https://forms.gle/1wRkts7y3i3BKmyQA

FormacionOGlobo by veracruces on Scribd

III ENCONTRO "O GLOBO"

 

III encontro de O Globo que terá lugar este venres día 29 en horario de 16:30 a 20:30 no Pazo da Peregrina de Bertamiráns. É unha proposta na que coñeceremos micro-experiencias de transformación social de aquí e acolá, festexaremos tamén, coñecerémonos un pouquichiño máis e, como novidade, habilitaremos un espazo de reflexión sobre participación social e activismo en Galicia.

MICROEXPERIENCIAS PARA A TRANSFORMACIÓN SOCIAL

Este ano tamén participaremos, ao igual que nos dous últimos cursos anteriores, no proxecto O Globo promovido pola ONG Solidariedade Internacional Galicia. Coa súa metodoloxía "Luces, Cámara, Acción", trataremos de levar a cabo miniexperiencias para a transformación social. Durante a semana do 12 ao 16 abril 2021 o alumnado da ESO, a través dunha elección dialogada,  tratou de mirar desde a súa contorna máis próxima (o local) ata a totalidade do mundo (o global) para determinar cales son os problemas que lle preocupan e partindo deste "quilómetro 0", tratar de buscar posibles solucións.

O GLOBO: ENCONTRO VIRTUAL DO PROFESORADO

 O venres 9 abril 2021 tivo lugar un encontro virtual do profesorado participante no proxecto "O Globo" (Plataforma Zoom). María Caride, técnico da ONG Solidariedade Internacional Galicia foi guiando este encontro, achegando diferentes materiais e explicacións moi para que o profesorado participante no observatorio "O Globo" poda ir orientando a súa práctica educativa e acadar o obxectivo: que o alumnado dos centros lebe a cabo microexperiencias para a transformación social. 

FORMACIÓN PROFESORADO by veracruces on Scribd

Guia Luces-camara-Acción Para as Aulas by veracruces on Scribd

I PREMIO GALEGO DE EDUCACIÓN PARA O DESENVOLVEMENTO E A CIDADANÍA GLOBAL

Aberta a 1ª edición do Premio Galego de Educación para o Desenvolvemento e Cidadanía Global A Coordinadora Galega de ONGD abre a convocatoria da primeira edición do Premio Galego de Educación para o Desenvolvemento e a Cidadanía Global coa vontade de recoñecer experiencias educativas transformadoras que fomenten unha cidadanía solidaria, crítica e comprometida coa construción dun mundo xusto.

Bases premio-galego-ep cg from satelite1

O CPIP VIRXE DA CELA NA PRESENTACIÓN DUN LIBRO DE EPD

O noso centro foi convidado á presentación na librería Berberiana de Coruña do libro "Educación para el Desarrollo y la Ciudadanía Global. Una experiencia de investigación-acción participativa", publicación que por fin ve a luz despois dun longo proceso no que o noso centro foi un elemento clave. Representados na mesa da presentación os tres axentes clave: Ana Lamón (ONG Solidariedade Internacional Galicia), Renée DePalma (Universidade da Coruña, facultade de Ciencias da Educación), e Mª Camino Pereiro (directora do CPIP Virxe da Cela), falaron desta interesante unión e agradeceron as sinerxías para encamiñarnos á construción dun futuro mellor!

XUNTANZA FINAL HORIZONTE 2030

"Preservar os mares e océanos é responsabilidade de tod@as: nas túas mans está o cambio". Este é o lema que resumía o noso interesante proxecto de investigación "ODS14", e que veu a luz e foi proxectado na xuntanza final do proxecto Horizonte 2030 que tivo lugar en Santiago de Compostela o venres 24 de maio de 2019. Nesta xuntanza reuníronse todos os colexios participantes este interesante proxecto que facemos en colaboración coa ONG Solidariedade Internacional Galicia. 

I encontro o globo. nova de satelite1

AUDIOVISUAL HORIZONTE 2030

HORIZONTE 2030. CPI VIRXE DA CELA from Yolanda Castro on Vimeo.

 

 HORIZONTE 2030. CPI VIRXE DA CELA from Yolanda Castro on Vimeo.

Como produto final para o proxecto "Horizonte 2030" que estamos a realizar en colaboración coa ONG Solidariedade Internacional Galicia, o alumnado de 1º 2º e 3º da ESO do CPI Virxe da Cela lanza este documental para sensibilizar da importancia das nosas accións á hora de coidar os nosos mares e océanos (ODS 14, Axenda 2030). Este documental é froito dun exhaustivo traballo de investigación tomando como referencia un informe da FAO. 

3º OBRADOIRO "HORIZONTE 2030"

Georgina de los Angeles Molina Rivera é unha rapaza que estivo traballando en temas de novos liderados con xóvenes e mulleres en Nicaragua. Visitou o noso centro o pasado venres 26 de maio de 2019 da man de Solidariedade Internacional Galicia, a través do proxecto “Horizonte 2030”. Georgina explicou o traballo do ILS (Instituto de Liderazgos de Las Segovias, Nicaragua), unha rede formada por mulleres e por xóvenes que participan nun programa de formación centrado en temáticas como as relacións de xénero igualitarias, os dereitos humanos das mulleres, os dereitos sexuais e reprodutivos, os dereitos sociais, ambientais, económicos e políticos. A finalidade desta charla impartida aos mozos e mozas de Monfero é facelos conscientes da importancia da súa participación á hora de mellorar a situación das súas comunidades, isto é “construír unha xuventude galega transformadora”.

2º OBRADOIRO HORIZONTE 2030

Martes 26 de marzo de 2019. Alumnado de 1º, 2º e 3º ESO. Noa, de Solidariede Internacional Galicia, visitou de novo o noso colexio para impartir este segundo obradoiro do "Proxecto Horizonte 2030", nesta ocasión centrando o seu discurso nas técnicas de investigación para a Cidadanía Global. A través dunha dunha divertida dinámica de busca de pistas, o alumnado, dividido en tres grandes grupos, descubriu diferentes técnicas para a investigación: enquisas, experimentos, grupos focais, experimentación, análise de contidos, etc. Todo isto servirá como ferramenta para a seguinte fase do proceso: lanzarnos a facer a nosa propia investigación, que por maioría absoluta decidimos que estará centrada no Obxectivo do Desenvolvemento Sostible nº 14: Vida Submarina

HORIZONTE 2030: FORMACIÓN EN INTELIXENCIA EMOCIONAL

O pasado sábado 23 de febreiro de 2019 SIG (Solidariedade Internacional Galicia) ofertou un obradoiro en Pontevedra para seguir coas formacións no marco do proxecto "Horizonte 2030: construíndo liderados positivos para unha xuventude galega transformadora". A formación estaba centrada en "intelixencia emocional" e os asistentes eran técnicos e voluntarios da ONG, así como profesores dos centros galegos onde se está levando a cabo o proxecto Horizonte 2030, entre eles, o CPI Plurilingüe Virxe da Cela (Monfero).

1º OBRADOIRO "HORIZONTE 2030"

Martes 19 de febreiro 2019, de 12:15 a 13:25. O alumnado de 1º, 2º e 3º da ESO recibiu o primeiro obradoiro deste proxecto "Horizonte 2030: construíndo liderados positivos para unha xuventude galega transformadora" que estamos a desenvolver coa ONG Solidariedade Internacional Galicia, que ten como marco os Obxectivos de Desenvolvemento Sustentable. Noa, a encargada de impartir esta actividade, fixo unha interesante dinámica utilizando graos de café  na que os rapaces e rapazas tiveron que reflexionar sobre o reparto equitativo. A seguinte sesión a realizaremos no vindeiro mes de marzo, e consistirá nun proceso de investigación.

XORNADA FORMATIVA: PROMOVER A PARTICIPACIÓN DENTRO DUNHA ORGANIZACIÓN

    O castelo de Santa Cruz (Oleiros) foi o espazo idílico que acolleu o pasado sábado 17 de marzo de 2018 o módulo 2 do programa de formación-acción en participación enmarcado dentro do proxecto “Horizontes 2030: Construíndo liderados positivos para unha xuventude galega transformadora”.

 A xornada comezou ás 10 da mañá, repartíndonos en dous grupos de traballo: por un lado a Xunta Directiva de Solidariedade Internacional Galicia e por outra banda o profesorado. Este último grupo reuniuse co obxectivo de potenciar un traballo  conxunto co fin ultimo de deseñar colaborativamente unha proposta educativa para levar as aulas o próximo ano. Unha proposta educativa baseada no paradigma da educación para o desenvolvemento e con perspectiva de xénero.

Ás 12:00 da mañá deu comezo a charla-coloquio con Haydeé Castillo, Directora do Instituto de Liderazgos las Segovias, que é a contraparte de SIG en Nicaragua.  Despois do xantar participamos todos e todas das dinámicas ofrecidas por Ana Lorenzo e antes do remate fixemos unha reflexión e un compromiso individual para poñer xa en práctica o aprendido.

Programa 17 marzo de satelite1

ÉXITO DO MERCADILLO DE COMERCIO XUSTO

     Con expresión de satisfacción posan os rapaces e rapazas de 1º da ESO que, voluntariamente, encargáronse das ventas no mercadillo de Comercio Xusto organizado no CPI Plurilingüe Virxe da Cela en decembro de 2017. Non é para menos, despois de estar varios recreos dedicados a este menester e chegados á hora do reconto… recadáronse 402’60 euros!!! Estes cartos foron ingresados na conta de Solidariedade Internacional Galicia, unha organización non gubernamental que vela pola xustiza e a equidade. O mercadillo de Comercio Xusto foi unha actividade para complementar a campaña navideña “No Nadal non te Consumas”.

SEMANA DO COMERCIO XUSTO NO CPI VIRXE DA CELA

Tras participar no obradoiro “No Nadal Non te Consumas” impartido por Solidariedade Internacional Galicia, un grupo de alumnos/as voluntarios de 1º da ESO están a “atender” un posto informativo e de venta de produtos de Comercio Xusto (do 13 ao 21 de decembro). A finalidade desta acción é que o alumnado se convirta en axente multiplicador da información cara o resto do centro e familias e ofrecer unha alternativa de compra real de cara aos agasallos de Nadal. Rapaces e rapaces serán protagonistas da súa propia acción de educación para o consumo. Ao mesmo tempo e a través da venta dos produtos de comercio xusto, colabora coas cooperativas produtoras dos países do Sur e con Solidariedade Internacional de Galicia.

MERCADILLO DE COMERCIO XUSTO

      Achégase o Nadal, e nestas datas tan especiais queremos agasallar aos nosos familiares e seres queridos con múltiples regalos para expresar o noso cariño. Mais ás veces este xesto tan xeneroso convértese nun acto de puro consumismo… Este ano, e da man da ONG Solidariedade Internacional Galicia (coa cal xa levamos colaborando un tempo) trocaremos de hábitos e mercar regalos axudaranos a reflexionar sobre o consumo responsable e o comercio xusto. 

       O comercio xusto é un sistema comercial solidario e alternativo que ten por obxectivo mellorar o acceso ao mercado dos produtores máis desfavorecidos e cambiar as inxustas regras do comercio internacional, que consolidan a pobreza e a desigualdade mundial. É, ademais, un movemento internacional formado por organizadores de todo o mundo. 

      Se vós queredes, pois, unir a este movemento, non deixedes de visitar o CPI Virxe da Cela, que albergará desde o 12 ata o 21 de decembro un “stand” de comercio xusto no horario de recreo de secundaria (de 12:15 a 12:35). Aquí poderedes mercar artesanía, café, chocolate, xabóns e outros moitos atractivos produtos de calidade e poder facer os típicos regalos de Nadal. Os nenos/as de educación infantil e primaria tamén poderán facer compras acompañados polos seus titores/ras.