ANDAINA EN NEGRO POLAS VIOLENCIAS

Andaina 25 novembro de satelite1

XX ENCONTRO REDE SOLIDARIA DA MOCIDADE ENTRECULTURAS EN MONFERO

Este sábado  24 de novembro o noso colexio  foi o centro anfitrión da Asemblea de Inicio de Curso da Rede Solidaria de mozas e mozos de Entreculturas que tivo lugar durante toda a xornada dende a mañá a tarde. Alumnado e profesorado dunha ducia de centros galegos pertencentes á Rede Solidaria acudiron a este encontro, contando coa participación de máis dun centenar de persoas. 

Este evento ten como obxectivo ser un punto de encontro e intercambio de ideas entre rapaces e rapazas comprometidos, formarse en cuestións relacionadas coa Educación para a Cidadanía Global,  e establecer as liñas básicas de actuación para o curso escolar. Realizáronse talleres e dinámicas onde o alumnado abordou temáticas como a igualdade, os dereitos humanos, a cooperación, o consumo responsable... Ademais o profesorado contou  cun espazo propio para o debate e a reflexión.

O noso centro escolar leva xa unha década formando parte desta Rede Solidaria, baixo a coordinación das profesoras  Yolanda Castro e Verónica Dopico, especialistas nas materias de Educación en Valores e Relixión.

Aquí podedes ver un pequeno vídeo resumo da xornada

           
                   

CARREIRA SOLIDARIA SAVE THE CHILDREN NO CPI VIRXE DA CELA

Venres 23 de novembro 2018. 12:15-13:45h.: Carreira solidaria “Save the Children” organizada polo Departamento de E. F de Primaria e Secundaria e o Coordinador de deportes do Axuntamento de Monfero e interdisciplinarmente co Dpt. De Orientación, Relixión e Valores 

As 12:15, O alumnado dirixiuse ao pavillón para a carreira solidaria, cos seus correspondentes profesores. 

A carreira e un xesto solidario, que a través da nosa participación e visibilidade como centro, ten como fin, recaudar o maior número de cartos posible para a ONG mencionada que traballa para axudar as nenas e nenos do mundo e que este ano o centra na desprotección deses nenos/as nas zonas en conflicto de todo o mundo. Cada un/unha( alumnado, nais/país, familiares, profes, persoal non docente, amigos…) aporta económicamente o que quera e poida.

O NOSO MURAL POLA IGUALDADE

               

A NOSA CARREIRA

                    

Finalmente foron recadados 397,18€ que foron ingresados a Save the Children: 

Diploma da nosa participación: 

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Co gallo do Día Internacional contra a Violencia de Xénero que se celebra o 25 de novembro, o  alumnado dos centros escolares CPI As Mirandas de Ares e CPI Plurilingüe Virxe da Cela de Monfero, realizaron un vídeo para visibilizar e sensibilizar á comunidade educativa e a toda a  sociedade en xeral, sobre esta data.

Desde os nosos centros adherímonos pois, a todas aquelas iniciativas que suman esforzos e solucións á erradicación da violencia de xénero, na loita contra os malos tratos e no apoio ás vítimas e as súas familias. Apoiamos ás accións que tratan de concienciar ao tecido social e a todas as actividades educativas baseadas na formación en valores para que a sociedade avance no camiño da igualdade, no benestar común e a convivencia que todas e todos queremos.

   
                   

Manifesto Día Internacional contra a Violencia de Xénero de Yolanda Castro

Venres 23 de novembro 2018. 14:50-16:25h.:
Actividades conmemoración día contra a violencia de xénero:
      • Lectura de manifesto (2º ESO)
      • Proxección dos vídeos realizados polo alumnado (Ares-Monfero e 2º ESO da materia Igualdade        de Xénero).
      • Presentación dos diferentes lemas elaborados por cada grupo de alumn@s.
      • Lectura do conto “A cincenta que non quería comer perdices”
      • Presentación do cartel de 3º de ESO e entrega de pegatinas.

TOLERANCIA CERO. NON A VIOLENCIA DE XÉNERO

Fai un par de semanas as nosas profesoras Yoli e Verónica nos propuxeron un reto: lanzar unha mensaxe ao mundo para dicir “NON” á violencia machista. Estivemos varias sesións de clase traballando en equipo, facendo un torbellino de ideas, pensando posibles lemas, decidindo o formato ideal. Foi un proceso complicado e demos moitos pasos adiante e outros para atrás.

Pensamos en utilizar as tecnoloxías dixitais porque forman parte das nosas vidas como adolescentes. No final do proceso decidimos dar nós a cara, xa que queriamos lanzar a nosa mensaxe especialmente a rapazas e rapaces coma nós, xente nova, xa que nas nosas mans está o cambio…

Un dos momentos máis difíciles foi representar esta escena… unha de nós posou diante da cámara e un de nós tapoulle a boca coa man… Este xesto tan simple non soamente quedou conxelado nunha fotografía, senón que a todos/as os/as que alí estabamos (alumnos/as e profesoras) nos deixou paralizados/as durante uns segundos e realmente  puxémonos na pel de tantas mulleres desde tempos pasados ata o día de hoxe a quen lles taparon a boca, a quen fixeron invisibles… 

Nós non queremos quedar calados/as e queremos dicir ben alto e forte “NON”.

PREPARACIÓN 25N

Alumnado de Relixión e Educación en Valores de 3º da ESO, biblioteca escolar, martes 20 novembro 2018. 

PROXECTO AXUDA. 4º EDUCACIÓN PRIMARIA

      Por iniciativa propia o alumnado de 4º de Primaria fai unha proposta que asume con moita implicación. Atendendo á normativa do centro elaboran un proxecto para o desenvolvemento da súa proposta solidaria. En harmónica interacción cos membros do grupo e con gran implicación das familias, organizan a mesa para iniciar a súa “carreira solidaria”. Durante unha semana ceden voluntariamente o seu tempo de lecer co fin de realizar as tarefas deseñadas no PROXECTO AXUDA. Durante o transcurso da semana toman as decisións precisas para escoller unha ONG á que doar a recadación, para facer as modificacións necesarias no plan de traballo, para a realización das tarefas previas ao tempode lecer… A organización do grupo e a realización das tarefas mellorou cada día animados pola gran participación de alumnado e familias para esta semana solidaria. A recadación final foi entregada no centro para formar parte do total recadado xunto coa carreira solidaria á ONG Save the Children.

Artigo sobre o proxecto axuda de satelite1

CURSO DE MEDIACIÓN

Experimentar e vivir os conflitos é parte indispensable da vida en sociedade, xa que forman parte da condición humana, as actitudes que adoptemos ante eles e as habilidades que teñamos para resolvelos van a facer que a nosa vida sexa máis ou menos satisfactoria. A mediación escolar como instrumento de mellora nas relación interpersoais e a xestión de conflitos ten un longo percorrido no ámbito escolar. Isto unido ao traballo en valores e pola boa convivencia no CPI Plurilingüe Virxe da Cela, en coordinación co concello de Monfero a través de Abel, animador sociocultural, lévanos a deseñar unha formación en mediación para o alumnado voluntario de 2º de ESO.

OBRADOIRO SOBRE O CONTROL DA IRA

Venres 16 de novembro 2018. Sonia Nogueira. Organizado polo Departamento de Orientación. Colaboración co Concello de Monfero

É A HORA DA IGUALDADE. ENCONTRO DE ENTRECULTURAS NO CPI VIRXE DA CELA

Cartel asamblea inicio de curso de satelite1

CONVIVIR DEPORTIVO: A RADIO GALEGA NO CPI VIRXE DA CELA

      O pasado martes 13 de novembro de 2018 ás 12:00 horas retransmitiuse desde co CPI Plurilingüe Virxe da Cela o programa da Radio Galega “Convivir Deportivo”, presentado por Alfonso Pardo. Todo o alumnado e profesorado do centro asistiu a este acontecemento tan importante que tiña como obxectivo principal a difusión do Plan Deportivo que se está a levar a cabo na nosa escola. Por iso formaban parte da mesa de entrevistados as profesoras de educación física Teresa e Ruth, o profesor de bioloxía David, O técnico de deportes do Concello de Monfero e a directora do centro. Varios alumnos a alumnas participaron activamente no programa radiofónico respondendo as preguntas formuladas polo presentador en torno a diversas actividades deportivas.