Outro ano máis o noso centro organizou as charlas da Guardia Civil dentro do Plan Director, que tiveron lugar o xoves 21 de maio. Nesta ocasión, e a petición dos titores e titoras, leváronse a cabo as seguintes charlas para os seguintes grupos:
- 9:45 – 11:30 → charla sobre “novas tecnoloxías” para 5º e 6º de primaria e 1º da ESO.
- 12:35 – 14:15 → charla sobre “violencia de xénero” para 2º, 3º e 4º da ESO.
As charlas resultaron amenas e entretidas, logrando os poñentes unha boa participación e implicación por parte do alumnado, que aínda que xa coñecían parte dos contidos da exposición, sempre resulta moi positivo continuar realizando intervencións nestas temáticas que tanto lles preocupan a eles como xente nova, como ás familias e aos docentes como formadores e educadores. Esperamos que continúe o labor preventivo por parte de toda a comunidade educativa.
Para rematar coas actividades de coordinación co corpo da Guardia Civil, temos previsto organizar unha exhibición para todo o alumnado do centro o mércores 17 de xuño; con esta exhibición pretenden acercar aos mozos e mozas en idade escolar os medios e procedementos de actuación, co obxectivo de dar a coñecer as actividades que realizan no desempeño das súas diversas funcións. Departamento Orientación CPI Virxe da Cela
