FORO DE DIÁLOGO DE MULLERES

 

VIDEOCONFERENCIA ALUMNADO REDE COMPÁS

 Luns 19 de maio 2025, aula Ferraganchos, de 15:35 a 16:45

A EDUCACIÓN TRANSFORMADORA NA EDUCACIÓN EN EMERXENCIAS

Neste ano 2025, aproveitando a relación co grado de Educación Infantil da UDC, a V edición das Xornadas de Educación para o Desenvolvemento e a Cidadanía Global (EDCG) pretende dar unha nova visión sobre a importancia da educación en emerxencias e a importancia do traballo nesta liña educativa (martes 6 e mércores 7 de maio de 2025). Repetimos experiencia nas I Xornadas EpCG Universidad de Vigo Campus Ourense (martes 13 de maio de 2025).

A sesión indagará sobre o concepto de educación en emerxencias, e de que falamos cando referímonos a necesidade de esta educación en situacións de crise. Dividirase en dúas intervencións nas que falaremos, por un lado, da Campaña Mundial pola Educación e da Semana de Acción Mundial pola Educación; e doutra banda, contaremos con 3 organizacións que participaran en formato mesa redonda contando experiencias sobre a educación en emerxencia. As 2 organizacións plantexadas para está mesa redonda son: Cristrina Otero quen traballou en Uganda da man de Ayuda en Acción e Verónica Dopico, docente do CPI Virxe da Cela. 

Obxectivos: 

1. Xerar espazos de diálogo e reflexión sobre as dificultades e oportunidades no ámbito da educación en clave da construción dunha cidadanía global. 

2. Achegar experiencias e prácticas comprometidas coa construción dunha cidadanía activa, crítica e solidaria na que se promova a defensa dos dereitos humáns. 

3. Dar a coñecer o traballo das entidades que traballan no tema de Educación en Emerxencias. 

Xornadas UDC by veracruces

Radio cun sorriso: entrevista a Omenuke Mfulu do Deportivo da Coruña

Hoxe  fixemos unha visita moi especial. 

O alumnado de 4º e 6º da Ed. Primaria estivo nas instalacións deportivas do Deportivo da Coruña para realizar unha entrevista a Omenuke Mfulu. Estivemos acompañados de Rocio, a nosa mellor guía no camiñar da radio da man de Agareso.

Del, ademais de destacar a súa faceta como xogador interesámonos pola súa vertente máis solidaria. Concretamente, pola academia para novos talentos do mundo do fútbol, a Nuke Mfulu Camp que creou en Kinshasa.

Nesta iniciativa solidaria o Deportivo tamén pon o seu granito de area, dotando á academia de camisetas de adestramento e de encontros oficiais.

Ademais, aprendemos algo máis de realidade da República Democrática do Congo, estado africano de grandes contrastes, onde se entrelaza desenvolvemento e modernidade cun conflito endémico que trastorna a vida da poboación da súa rexión oriental.

Pero tamén, coñecemos a súa cultura e a súa gran biodiversidade, que inclúe a segunda selva tropical máis grande do mundo.

Esta experiencia foi sobre todo enriquecedora e inesquecible. Saúdos e firmas das camisetas por parte dos xogadores do primeiro equipo acompañaron esta entrevista.

Moitísimas grazas!!!!!

Imaxe de grupo tras a visita.

APRENDE XOGANDO SOBRE A EDUCACIÓN EN EMERXENCIAS

Escoitaches falar algunha vez do concepto "educación en emerxencias"? Pois se queres "defender a educación e apagar as emerxencias", lema da Campaña Mundial da Educación neste ano 2025, lanza os dados e irás descubrindo cos teus compañeiros/as as claves. Non é unha competición, se xogamos en equipo, acadaremos o noso obxectivo: unha educación de calidade.

https://view.genially.com/680ddb16912e790ca850bc36/interactive-content-xogo-same-2025

SEGUNDO OBRADOIRO DE ARTIVISMO. PROXECTO EDUCATION4THEPLANET

Alumnado de 1º e 2º da ESO realizaron un segundo obradoiro de Artivismo, para rematar as creacións que iniciaron na primeira sesión (martes 22 abril),. Nesta ocasión Laura Gómez Vales, técnica de Ayuda en Acción para o proxecto Educatio4ThePlanet, visitou de novo o centro para traballar con alumnado nesta actividade que axuda a sensibilizar á mocidade, e na que se utilizan materias de refugallo, algúns deles recollidos na praia do Pedrido nunha xornada de limpeza realizada o venres 11 de abril de 2025.

Agora que as propostas creativas xa están elaboradas queda pensar na seguinte etapa do proxecto: facer unha exposición pública das mesmas e convidar a algunha figura institucional. 

Durante este último trimestre os alumnos/as de 1° e 2° da ESO participamos en dous obradoiros de "Artivismo" dentro do proxecto Education4ThePlanet. Tras formar equipos de aproximadamente 5 persoas, empezamos a traballar nunha maqueta expresando algúns problemas da actualidade e do mundo, a nivel global, ou incluso algo máis local coma a falta de transporte público na zona rural onde vivimos. "Artivismo" e o termo que utilizamos para referirmos a utilizar a arte para chamar  a atención. Os materias usados nestes proxectos eran reciclados totalmente, coma por exemplo plásticos para así crear unha paisaxe mariña expresando a contaminación dos oceanos. Ao principio andabamos todos/as un pouco perdidos/as e non sabiamos moi ben que facer, uns collían tapóns, outros teas e fios, e co tempo esas ideas abstractas tomaron sentido. Os tapóns xuntáronse para crear un planeta expresando a importancia da reciclaxe e o pouco que se fai; coas teas creamos un pantalón moi feo tratando de criticabar a grande contaminación na industria téxtil. A importancia destes obradoiros é moita xa que podemos expresar os problemas que nós temos e buscar solucións. EAS (2º ESO).

AS XANELAS DO 2024

Solidariedade Internacional de Galicia compartiu este vídeo-memoria do 2024. É unha xanela aberta ao seu traballo, ás historias que constrúen xuntas e xuntos e aos logros que alcanzan grazas ao apoio e compromiso de moitas persoas e institucións, entre eles o CPI Virxe da Cela. Por iso queremos contribuír á difusión deste documento visual e esperamos seguir colaborando no futuro para facer o camiño xuntos.

PREPARACIÓN DISCURSO PARLAMENTO

Durante varias sesións de clase, 7 alumnos/as de 1º da ESO están a preparar un discurso sobre a Educación en Emerxencias para facer chegar aos nosos políticos nun acto oficial da Campaña Mundial da Educación que terá lugar o vindeiro venres 23 de maio de 2025. 

REUNIÓN PROFESORADO INVESTIGACIÓN MOVEMENTO 4.7

Venres 25 de abril 2025, de 10:45 a 11:45. Reunión con ETEA _ Investigación Movimiento 4.7. María José Vázquez (ETEA), Estefanía Franco (Entreculturas), profesorado do CPI Virxe da Cela.

Dentro do Movemento 4.7. (que se financia a través dun convenio coa AECID) unha investigación activa na que se proba unha ferramenta de promoción da Cidadanía Global dentro da aula, buscando ver como levar a cabo unha educación transformadora e con perspectiva de EpCG axuda na formación e desenvolvemento dos alumnos e alumnas. Esta ferramenta consta dun cuestionario e uns xogos que a idea sería poder implementar con alumnxs de 1º da ESO. 

Para isto, o equipo de ETEA reuniríase en liña co equipo directivo/o e con lxs educadorxs en cuxa clase se vaia a pasar o cuestionario antes de que o fagan, para darlles indicacións e/o resolver dúbidas. 

A Fundación ETEA, Instituto de Desenvolvemento da Universidade Loyola, céntranse na investigación ao servizo do desenvolvemento, especializándose na implementación de proxectos e programas de cooperación internacional e realizando consultorías, estudos, asistencias técnicas e avaliacións.

CELEBRACIÓN DA SAME 2025 NO CPI VIRXE DA CELA

Un ano máis o noso centro participa na Semana de Acción Mundial pola Educación (SAME). Este ano, na SAME 2025, baixo o lema «Defende a Educación, apaga a Emerxencia» en España a campaña ten o foco na Educación en Emerxencia, que vaia máis aló da mellora do acceso á educación das nenas, novas e mulleres, nunha educación enfocada en equipar e capacitar a toda a comunidade educativa (alumnado, profesorado, familias, comunidades e responsables políticos) para ser capaces de examinar, cuestionar e cambiar as construcións sociais e culturais que manteñen os privilexios do xénero masculino fronte ás nenas, novas, as mulleres e outras identidades de xénero ata o de agora moi invisibilizadas.

No corredor da planta baixa do edificio de secundaria hai un panel expositivo que ilustra esta campaña. Neste mesmo espazo está colgado o discurso que un grupo de alumnos/as de 1º da ESO levará ao Parlamento Galego no acto que terá lugar o vindeiro martes 29 de abril de 2025.

Proposta para unha actividade conxunta: Deixarase na sala do profesorado unha plantilla coa silueta dunha linterna, obxecto que simboliza a Educación en Emerxencia  (SAME 2025), para que poda ser fotocopiado e distribuído entre os alumnos/as das diferentes clases de EI, EP, ESO, e así cada quen faga por grupo ou de maneira individual a súa personalización do obxecto (pintar, decorar, escribir mensaxes, etc) e engadir ao panel expositivo da SAME 2025. 

HACKATLON DA REDE COMPÁS EN ALLARIZ

 Varios alumnos/as de 2º, 3ºe 4º  ESO participarán na actividade de mobilidade organizada no marco do proxecto “Red Compás: juventud europea y participación”, coordinado por AGARESO, que terá lugar entre os días 23 e 25 de abril de 2025.

As actividades previstas nesta mobilidade forman parte dun programa educativo extraescolar, certificado con Youthpass, e teñen como obxectivo a formación do alumnado en:

 ✔️ Competencias dixitais e mediáticas

 ✔️ Xestión de grupos e traballo en equipo

 ✔️ Habilidades de comunicación interpersoal e pública

 ✔️ Cidadanía e participación social (dereitos, deberes, institucións e vías de participación a nivel local, rexional e europeo)

https://www.lavozdegalicia.es/noticia/ourense/allariz/2025/04/24/jovenes-cinco-concello-reunen-allariz-crear-manifiesto-sera-presentado-parlamento-europeo/00031745514788340917841.htm 

PRIMEIRO OBRADOIRO DE ARTIVISMO CON ATALAIAS

 Martes 22 de abril 2025. Para 1º e 2º ESO. De 12:15 A 14:15. Actividade enmarcada dentro do proxecto Education4theplanet, promovido pola Fundación Ayuda en Acción. Tras a visita á praia do Pedrido (venres 11 de abril de 2025) e a recollida de obxectos de refugallo, neste obradoiro de Artivismo impartido pola organización Atalaias serviu para darlle un novo uso a estes materiais e sobre todo, para reflexionar e concienciarnos sobre o efecto dos nosos actos á hora de aplacar os efectos do cambio climático. 

XORNADA DE LIMPEZA NA PRAIA DO PREDRIDO E VISITA AO PAZO DE MARIÑAN RESERVA BIOSFERA MARIÑAS CORUÑESAS

Que mellor maneira de rematar o trimestre que pasar unha xornada lúdica, educativa e cultural na zona das Mariñas Coruñesas e Terras do Mandeo  (Reserva de Biosfera pola UNESCO,  2013), encadrada dentro do proxecto Education4theplanet. Foi o  venres 11 abril 2025, e todo o alumnado da ESO participou nesta actividade, pasando a xornada na Praia do Pedrido e no Pazo de Mariñán. O tempo nos acompañou e resultou moi agradable percorrer o areal do Pedrido en busca de obxectos de refugallo cunha doble intención: limpar de lixo este paraíso natural e utilizar os materiais recollidos para unha futura actividade artística, dándolle un novo uso. A poucos quilómetros desta praia se atopa o Pazo de Mariñán, e tivemos a sorte de poder disfrutar dunha visita guiada a este edificio tan fermoso, así como percorrer os fabulosos xardíns e gozar das vistas á Ría de Betanzos. 

REUNIÓN ALUMNADO REDE COMPÁS

Xa faltan poucos días para o evento tan esperado, o Hackatlon en Allariz, que permitirá que varios alumnos/as de 2º, 3º e 4º da ESO do CPI Virxe da Cela podan convivir tres días con outros xóvenes de outros 4 centros educativo galegos, da man do proxecto Erasmus+ "Rede Compás2. Para ultimar detalles e planificar a participación, a rapazada da Rede Compás do noso centro reuniuse o mércores 2 abril 2025 na Biblioteca Escolar, en horario de14:45 a 15:35.