REUNIÓN COA FUNDACIÓN AYUDA EN ACCIÓN

O venres 18 outubro 2024, ás 12:45 horas, levouse a cabo no CPI Virxe da Cela unha reunión coa Fundación Ayuda en Acción para planificar a implementación de varios proxectos que a través desta fundación estanse levando a cabo no noso centro. Contamos coa visita de Martín Mejuto (técnico Fundación Ayuda en Acción) e as responsables dos proxectos Education4theplanet (Laura Gómez Vales) e Campaña Mundial pola Educación. Falouse da posibilidade da creación dunha Comisión Mixta de Seguimento para poder levar a cabo o seguimento do proxecto e das súas posibles mellora no ámbito das actividades. Laura Gómez amosou ao profesorado do centro vinculado ao proxecto Education4ThePlanet unha presentación dixital do proxecto, e explicou as diferentes fases e actividades que o conforman, entre elas obradoiros para o alumnado de toda a ESO centrados no ODS 13 e a produción gandeira, agrícola e pesqueira rexenerativa, a elaboración dun Mural polo Clima e unha visita  a unha explotación do Primeiro Sector de carácter ecofeminista (liderada por unha muller e respetuosa co medio ambiente). 

PPP_ Presentación Proxecto ... by veracruces

Reciclamos con Sogama

 A finalidade desta actividade é aprender a realizar unha recollida selectiva dos residuos xerados no centro coa finalidade de xerar unha conciencia ecosocial das nosas responsabilidades persoais. Para isto contamos coa colaboración de Sogama que é encargada de impartir os tres obradoiros nos que participou o alumnado da etapa da Ed. Primaria. 

A idea é que os contedores de separación do lixo cos que contamos no centro sexan aproveitados adecuadamente. Ademais, este curso queremos darlle pulo á compostaxe para que a horta escolar non careza dos nutrientes necesarios para que a mesma creza esplendorosa.  

Desta forma, Cristina a monitora da actividade, acompañounos durante toda esta xornada escolar.

Moitas grazas!!!!

    Imaxe autoeditada do obradoiro realizado co 2º ciclo da etapa.

                                             Imaxe autoeditada do obradoiro realizado co 3º ciclo da etapa.

                                            

                                          Imaxe autoeditada do obradoiro realizado co 1º ciclo da etapa.

EDUCAR EN POSITIVO

 

PRESENTACIÓN DO CONSELLO DA INFANCIA NA VISITA DE PEDRO BLANCO LOBEIRAS

Este martes Euroeume acompañounos na visita do delegado do Goberno, Pedro Blanco Delgado, que puido desfrutar da escola onde estudou na súa infancia. 📝 Para a súa visita, preparamos xunto co alumnado, unha presentación onde amosaban o traballo que desenvolven no centro, entre o que tamén están as actividades de Euroeume e o Programa de Educación Social na Escola, que conta con diversos ámbitos de traballo: igualdade co proxecto Enraizadas, educación ambiental co proxecto Hortos e Composteiros e o proxecto Ríos, os novos proxectos de Accesibilidade e Espazos Inclusivos, e, en concreto, o máis relevante desta exposición, o proxecto Coidando-nós, co Consello Escolar da Infancia. 👉🏽 Este último tivo gran importancia ao amosarlles a profundidade do traballo desenvolto no curso pasado e a continuación no presente. ✅ A importancia da formación dunha infancia que medre coa conciencia cara unha cidadanía crítica, activa e implicada nos procesos e fenómenos de cambio e transformación tanto educativos como sociais, xerando ese nexo entre o mundo escolar e o comunitario para camiñar cara unha sociedade máis xusta, onde as crianzas – de onde todo parte - sexan as protagonistas e as súas voces teñan espazo e sexan escoitadas. 🔎 Amosamos o análise que se realizou dos espazos do centro educativo, a avaliación que fixeron dende o alumnado dos patios, as necesidades que detectaron e as propostas e melloras que xeraron a través dun proceso reflexivo cun enorme traballo cooperativo e en equipo. 👏🏼 Foi unha experiencia chea de significado onde as representantes do alumnado fixeron un gran traballo! Parabéns!

 Martes 15 outubro 2024.

#educaciónsocial #educaciónsocialnaescola #coidandonos #conselloescolardainfancia #euroeume #monfero

Imaxes editadas pola asociación EuroEume de diferentes momentos da presentación do Consello Escolar da Infancia ao Delegado do Goberno en Galicia.

III PREMIO GALEO EPDCG: VIAXE A GUATEMALA

A terceira edición do PREMIO GALEGO DE EDUCACIÓN PARA O DESENVOLVEMENTO E CIDADANÍA GLOBAL incluíu como novidade unha viaxe a terreo para o profesorado gañador en cada categoría.  A viaxe a terreo para coñecer a cooperación internacional chegou para quedarse como parte deste galardón, no que dende xa estamos a traballar, para ofrecervos as mellores experiencias posibles para un recoñecemento que esta á altura da vosa implicación e labor cotiá. 

COIDÁNDO-NOS: CONSELLO ESCOLAR DA INFANCIA

Co gallo do 2 de outubro, Día Internacional da Educación Social, non se nos ocorre mellor forma que celebralo cunhas imaxes deste comezo de curso, cheo de ganas, ilusión, traballo e moita educación social en tódolos espazos, tamén nas escolas e na nosa Biblioteca.

Este é o lema co que comezamos a nova andaina do Consello Escolar da Infancia da man da asociación Euroeume. 

Tratase de entender a educación social como unha forza capaz de transformar o mundo, ou, polo menos, deixalo mellor que como nos vén dado. Un camiño cara a utopía, cheo de soños, aprendizaxes, decostrucións, persistencia, coidados...

 

Imaxe autoeditada pola asociación EuroEume da presentación das actividades do programa neste curso escolar.

Este  proxecto de Euroeume desenvolvese a a través do Programa Coidando– nós.. Nel, o alumnado é escoitado para acadar o que se  propoñan, sendo elas e eles mesmos conscientes da súa importancia como axentes principais e activos na participación e implicación nos procesos sociais, e, concretamente nesta actividade, para a mellora dos centros educativos. Nesta ocasión, comezamos a traballar para contar cunha boa saúde emocional no conxunto da comunidade.

Así,  esta nova andaina, comezou no noso centro e continúa a súa senda no CEIP Plurilingüe de Andrade e no CEIP Plurilingüe Eladia Mariño, en Cabanas.

Estamos no camiño, traballando desde a educación social para continuar transformando o mundo!!! “Educación Social: Unha profesión de Dereitos Humáns”.

PRESENTACIÓN REDE COMPÁS

Mércores 2 de outubro 2024. 

María Lobo, da ONGD AGARESO, visitou o noso centro para impartir un obradoiro para todo o alumnado da ESO sobre asociacionismo xuvenil. Esta é a primeira das actividades (toma de contacto) co  proxecto “Rede Compás”. A través de diferentes dinamicas participativas, os mozos e mozas do CPI Virxe da Cela reflexionaron sobre os súas necesidades para garantir o seu presente e futuro nun medio rural como o noso, para extraer unha serie de demandas e peticións que se pretende facer chegar aos nosos representantes políticos. María Lobo explicou detalladamente o cronograma deste proxecto, que nos fará compartir experiencias con outros catro centros galegos. 

A "Rede Compás"  intégrase na convocatoria Erasmus Plus KA154, financiado por la UE, e realizarse a través dun convenio de colaboración con AGARESO (Asociación Galega de Comunicación para o Cambio Social). Consta de varias formacións online, unha xuntanza con outros centros galegos en abril de 2025 e unha viaxe ao Parlamento Europeo en setembro 2025.

XII PREMIOS MEP 2023 de BBPP Educativas.

A finais do mes de outubro unha representación do CPI Virxe da Cela viaxará a Madrid á gala da entrega dos XII Premios MEP 2023 de Buenas Prácticas Educativas, xa que a experiencia Monferosolidario: Una escuela en y para el medio, quedó entre los finalistas. Este Concurso Nacional de Boas Prácticas Educativas, organizado pola Asociación Mejora tu Escuela Pública (MEP), ten o obxectivo de estimular o valor pedagóxico e achegar ao alumnado ao mundo real. 

Estimado finalista. Estamos encantados de saludarte.¡¡¡Muchas Felicidades!!! por ser FINALISTA de los XII PREMIOS MEP 2023 de BBPP Educativas.

Nos alegra muchísimo invitaros al evento de entrega de premios. El acto  de entrega de premios tendrá lugar el viernes 25 de octubre de 2024 a las 17:00 h, en el Espacio Bertelsmann, en la calle O'Donnell,10. 28009 Madrid 

Al evento acudirán todos los centros premiados de esta edición, de seis comunidades distintas( Andalucía, Castilla la mancha, Madrid, Comunidad Valenciana, Galicia, Castilla y León) así como autoridades del mundo de la educación y profesionales de la enseñanza. Recibe un cordial saludo. Marta Babé y Ana Hernández. Secretaria y Presidenta de MEP.

INICIATIVA CLUB RADIO FUNDACIÓN AYUDA EN ACCIÓN

Un grupo de alumnos/as da ESO do CPI Plurilingüe Virxe da Cela visita o luns 30 de setembro de 2024 os estudos da emisora CUAC FM (A Coruña) para realizar a gravación dun programa radiofónico, grazas ao apoio da Fundación Ayuda en Acción que promoveu o pasado curso escolar 2023-2024 a creación du Club de Radio no noso centro. 

REUNIÓN PARA A PLANIFICACIÓN DO PROXECTO EDUCATION4THEPLANET

 Mércores 25 setembro 2024. Martín Mejuto (Fundación Ayuda en Acción). Reunión con parte do profesorado participante do proxecto Education4ThePlantet.

GRADUACIÓN ALUMNADO 4º ESO PROMOCIÓN 2023-2024

 

Venres 21 de xuño 2024 ás 16:30 horas

 

CARTAS DE PAVANI, A NENA INDIA APADRIÑADA A TRAVÉS DA FUNDACIÓN VICENTE FERRER

 Na sesión realizada o martes 17 de xuño 2024 ás 11:30 horas, damos por finalizado o Proxecto School to School que levamos a cabo a través da Fundación Vicente Ferrer. O alumnado de 4º EP visitou a Aula Ferraganchos xunto coa súa mestra de inglés, Cristina Cillero, e alí a coordinadora de Monferosolidario amosoulle varios videos que os nenos e nenas da Konampalli School nos envían desde a India. E xa como remate abrimos varias cartas de Pavani, a nena india (agora xa moza) que fai anos o noso centro apadriñou a través da FVF. Foi emotivo ler as súas cartas, e comprobando como aquela pequena nena que grazas ao noso apoio e á FVF poido iniciar os seus estudos, agora xa está gañándose a vida e axudando á súa familia a saír do círculo da pobreza.

RTVENXEBRE: A VOZ DA INFANCIA DO RURAL

 

RTVEnxebre é un proxecto de Ayuda en Acción co apoio da Xunta de Galicia. Desenvolve: AGARESO, Asociación Galega de Comunicación para o Cambio Social.

Fomentar a participación infantil, favorecer a inclusión e o desenvolvemento socio educativo da infancia rural e a posta en valor da cultura rural galega son os obxectivos que a Fundación Ayuda en Acción marcouse xa no ano 2018 para dar inicio a este proxecto, a través da creación de tres radios rurales escolares nas localidades coruñesas de Mazaricos, Zas e Monfero. 

Contamos co apoio de profesionais que visitan o noso centro quincenalmente para ofrecer formación ao alumnado de educación primaria, e así permitir alzar a voz e participar activamente aos escolares, falando dos temas que lles preocupan. Neste curso 2023-2024 realizáronse variados podcast que queremos compartir coa comunidade educativa.

Preme a imaxe ou ligazón para acceder a Radio Xesteira en Ivoox

https://www.ivoox.com/podcast-radio-xesteira-a-radio-do-cpi-virxe-da_sq_f11267344_1.html

O mar: Programa completo realizado polo alumnado de 3ºEP. Programa con todos os contidos realizados durante o curso polos nenos e nenas de 3º de primaria na súa investigación sobre o mar.

O abandono animal: Programa completo realizado polo alumando de 4ºEP con todos os contidos realizados durante o curso polos nenos e nenas de 4º de primaria na súa investigación sobre o abandono animal.

A muller no rural: Programa completo do alumando de 5ºEP, con todos os contidos realizados durante o curso polos nenos e nenas de 5º de primaria na súa investigación sobre a Muller no rural.

Os deportes: Programa completo do alumnado de 6ºEP con todos os contidos que realizaron durante o curso os mozos e mozas de 6º de primaria no seu proceso de investigación sobre os deportes.

Entrevista a Mikel Pasabant, campión de vela, polo alumnado de 6º. O alumnado de 6º centrou a súa investigación nos deportes, e quen mellor para falar dun deles, que un campión! Mikel Pasabant que ademáis de ser profe de inglés no cole é tamén campión de vela! e moito máis, xa veredes!!

Entrevista a Dolores Porto, Granxas Lousada: Doleres, nai de Antón e propietaria da granxa Lousada en Irixoa responde a un montón de interesantes preguntas que lle fan os nenos e nenas de 5º de primaria.

Entrevista a Sandra Amezaga de Mulleres Salgadas. A que sabe o peixe? quen son e que fan as Mulleres Salgadas? que podemos facer os nenos e nenas para reducir a contaminación dos mares? Estas son só algunhas das cuestións que o alumnado de 3º de primaria decidiu preguntarlle a Sandra Amezada, secretaria da Asociación Mulleres Salgadas, que se pasou pola nosa radio nestes días. Grazas Sandra!!

O alumnado de 4ºEP entrevista a Marisé da protectora de animais de Irixoa. Cales son as principais causas do abandono animal? Que hai que facer cando atopas un animal abandonado? Marisé, da protectora de animais Francisco de Asis de Irixoa responde tódalas dúbidas plantexadas polo alumnado de 4º...e foron moitas!!!

Os deportes preferidos dos mozos e mozas de 6º. Queres coñecer cales son os deportes preferidos do alumnado de 6º ? e por que? Pois non perdas esta pequena peza onde nolo contan!

Pasapalabras sobre o mar con 3ºEP. Canto sabes sobre os animais mariños? Xoga co alumnado de 3º a un Pasapalabras radiofónico moi especial

Faladoiro sobre a muller no rural con 5ºEP. Os nenos e nenas de 5ºEP participan nestes interesantes faladoiros onde dan a súa opinión sobre a imaxe que se ten do rural dende as cidades, os traballos que realizan mulleres no rural ou se hai verdadeira igualdade entre os homes e as mulleres, entre outros temas. Moi recomendable escoitar o que teñen que dicir!

Como foi a visita da asociación 13 GRADOS? O alumnado de3 º EP cóntanos como foi a visita que tiveron no colexio da Asociación 13 GRADOS que se encarga entre outras cousas de gravar os fondos mariños de Galicia.

1º Conto sobre o abandono animal por 4º de EP. O alumnado de 4º EP, presenta o primeiro dos contos que realizaron sobre o abandono animal...pero estade pendentes porque hai máis!

2º conto sobre o abandono animal por 4ºEP. O alumnado de 4º EP, presenta o segundo dos contos que realizaron sobre o abandono animal.

3º Conto sobre o abandono animal cos nenos e nenas de 4º EP. Cun ton moi distinto aos dous contos anteriores, o terceiro grupo de 4º propón esta historia que ben podía estar sacada dunha lenda de Samaín...que medo!!

Faladoiro sobre o abandono animal con 4ºEP. Tes animais na casa? que farías se algún se perdera? que sinten os animais cando se abandonan? O alumnado de 4ºEP danos a súa opinión sobre a temática que traballaron durante todo o curso: o abandono animal.

O alumnado de 3º EP cóntanos o que aprendeu durante o proxecto. Queres saber o que aprenderon os nenos e nenas de terceiro? pois eles e elas mesmas no lo contan nesta peza!!

Recomendacións do alumnado de 3º EP. Os nenos e nenas de terceiro de primaria investigaron sobre o mar durante todo o curso. Despois de todo este traballo, atoparedes nestras tres pezas radiofónicas as súas principais recomendacións.

Aprendizaxes e recomendacións do alumnado de 4º EP. Tras todo un curso investigando sobre o abandono animal, aquí podedes escoitar as aprendizaxes e tamén as recomendacións que nos fan os nenos e nenas de cuarto de primaria.

Aprendizaxes e recomendacións do alumnado de 5º EP. Os nenos e nenas de quinto de primaria cóntannos nestas tres cuñas as súas reivincicacións e aprendizaxes sobre "A Muller no rural", a temática que escolleron e traballaron durante todo o curso.

Aprendizaxes e recomendacións do alumnado de 6º EP. Despois de todo un curso investigando sobre os deportes aquí están as principais aprendizaxes e as recomendacións que nos fai o alumnado de 6º de primaria. Escoitade que hai cousas ben interesantes!

A experiencia en RadioTVEnxebre-Radio Xesteira do alumnado de 3ºEP. Os nenos e nenas de 3º de primaria fan un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 4ºEP. Neste pequeno programa o alumnado de 4º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 5ºEP. O alumnado de 5º de primaria fai un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 6ºEP. Neste pequeno programa o alumnado de 6º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

PRESENTACIÓN DOS MATERIAIS DA KONAMPALLI SCHOOL (A INDIA)

Clausuramos o proxecto School to School deste curso 2024-2023, un intercambio cultural e de tradicións coa Konampalli School (A India) que realizamos grazas á Fundación Vicente Ferrer. O xoves 13 de xuño de 2024 o alumnado de 4º de EP, acompañados pola súa mestra de inglés Cristina Cillero, reuníronse na Aula de Ferraganchos para pode ver os materiales que están pendurados unha plataforma virtual. Antes de nada fixemos un pequeno faladoiro de o que significou este intercambio cos nenos e nenas da India, e comprobamos que a pesares das grandes diferencias, todos/as temos moitas cousas en común: gústanos xogar, ter amigos, unha familia que nos quera e nos coide. Encantounos ler a carta dos rapaces/zas da India, que describen tamén a súa escola que está no rural, e descubrimos que eles/as tamén están moi concienciados co medio ambiente.