VISITA DO EURODEPUTADO FRANCISCO MILLÁN MON

 Mércores 14 de maio 2026. Charla para 3º e 4º ESO. De 11:00 a 12:00

CPI PLURILINGÜE VIRXE DA CELA: ANOS DE COLABORACIÓN, XERACIÓNS DE IMPACTO

Compartimos este artigo publicado na web da Fundación Vicente Ferrer, no que se agradece a labor prestada durante máis dunha década no noso centro educativo a través do intercambio cultural cunha escola da India (Proxecto School to School). 

Preme a imaxe para visitar a web do programa School to School

A lo largo de los años, la colaboración School to School entre el Colegio Virxe da Cela de Monfero (A Coruña) y la escuela hermanada en India, Konampalli School, se ha convertido en mucho más que un proyecto: es un vínculo sólido basado en la confianza, el compromiso y una visión compartida de la educación como herramienta de transformación.

Junto al colegio Virxe da Cela y Konampalli School, hemos construido una relación de aprendizaje mutuo que ha permitido a nuestras comunidades crecer, abrirse al mundo y comprender la riqueza de la diversidad. Generaciones de alumnado, profesorado y familias han formado parte de este camino integrándolo como un valor esencial de nuestra identidad.

Celebramos con la visita de Shoma Subaiya al centro este pasado mes de marzo, no solo los logros alcanzados, sino la fuerza de una alianza que perdura en el tiempo y que seguimos impulsando con la misma ilusión de continuar construyendo juntos un futuro más justo y solidario. La distancia geográfica nunca ha sido un obstáculo, sino una oportunidad para abrir miradas, derribar fronteras y crecer desde la diversidad.

SAME 2026: A EDUCACIÓN NOS MOMENTOS DE CRISE

 

Na miña opinion isto da SAME esta ben, aínda que ao principio parece unha actividade máis das tipicas do instituto. O tema deste ano pareceume bastante real porque co do covid xa vimos que non todo o mundo pode seguir as clases igual. Hai xente que non ten internet nin ordenador e queda atrás mentres outros seguimos como se nada. Eu creo que estas cousas estan ben porque fanche pensar un pouco e darte de conta de que non todos temos as mesmas oportunidades. A veces nin o pensamos porque para nós é normal ter todo fácil porque foi así dende que nacemos. En resumen esta ben participar nestas actividades porque axudan a concienciar e a valorar máis o que temos aínda que non o pareza moito. Marcos Garabana (4º ESO).

VISITA MOCIDADE DA REPÚBLICA DOMINICANA

O mércores 15 de abril 2026 na primeira sesión de clase (de 9:45 a 10:35), e estaría dirixida ao alumnado de 3º e 4º da ESO.  A Fundación Entreculturas (ONG coa que mantemos colaboración desde hai moitos anos) convidounos a ser anfitrións dun grupo de mozos/as pertencentes á Rede Solidaria da Mocidade Entreculturas procedentes da República Dominicana. Esta actividade estaría encadrada dentro do marco do proxecto “Mozos de Galicia e Guatemala crean unha campaña de educación e comunicación conxunta para a promoción dunha cidadanía global crítica e activa ante as inxustizas”. 

No día 15 de abril de 2026, os alumnos de 3º e 4º da ESO tivemos a sorte de recibir a visita de 3 adolescentes procedentes de República Dominicana. Estas persosas viñeron principalmente a presentarnos como son as súas vidas no seu país: o día a día, educación, situación económica... Cómpre dicir que a realidade é que nós xa temos este tema bastante imbuído de tanto que o escoitamos. Seguindo coa crónica, hai que agradecer a estes rapaces/zas, pertencentes á Rede Solidaria da Mocidade Entreculturas, por vir falarnos sobre eles, xa que ben é certo que, se ves a persoas da túa idade falarche en directo sobre cousas tan duras, non é o mesmo que velos nun vídeo de Youtube calquera. Finalmente, tamén nos contaron acerca da Asociación Fé y Alegría, da cal dixeron estar moi contentos de ter, xa que lles presentaba oportunidades que eles non tiñan antes; como por exemplo, ter un lugar onde estar nos días de alerta vermella. En conclusión, moitas grazas a estes rapaces e á Fundación Entreculturas por esta experiencia. Alexandre Doutón (4º ESO).

Na miña opinión este tipo de actividades están moi ben pero aínda que ás veces parece que xa sabemos todo sobre estes temas. Que veñan rapaces/zas doutra parte do mundo como da República Dominicana fai que o vexas doutra maneira máis real, non solo como algo que escoitas na clase ou nun vídeo.

Penso que o máis importante é que non é o mesmo que cho conten persoas da túa idade en directo. Ao final empatizas máis e daste de conta de que a súa situación non é tan afastada como parece. A min paréceme que estas charlas fan que valoremos máis o que temos aquí, sobre todo en temas como a educación ou as oportunidades.

Tamén está ben que expliquen cousas como o que fai a asociación Fé y Alegría porque demostra que hai xente intentando mellorar a situación e non todo é negativo. Iso da un pouco de esperanza.

Iso si, tamén diría que moitas veces estas actividades quedan só nun día e xa está, e igual estaría mellor que se fixeran máis cousas despois, para non esquecelo tan rápido.

En xeral pareceume unha experiencia interesante e diferente, que axuda a abrir un pouco a mente e a conciencia. Marcos Garabana (4º ESO).

Representantes da asoiciación Fe y Alegría (Fundación Entreculturas) da República Dominicana, viñeron de visita ao noso centro e nos falaron da fundación, os seus obxectivos e solucións aos problemas dese país, tendo en conta como  está a situación económica, a sanidade, e, principalmente a educación. Nos dixeron que estaban moi contentos de estar incluidos dentro dos 64 centros públicos na República Dominicana, e que grazas a eses centros de Fe e Alegría, os nenos e nenas do país poden ir á escola incluso con alerta vermella.

Na miña opinión, paréceme unha grán asociación, que axude aos nenos/as dominicanos/as a ir á escola e ter unha boa educación como nós a temos Aquí en España. Pareceume moi importante tamén que esta fundación estivese dende hai anos en colaboración con nós, o CPI Virxe da Cela. Esta charla foime de gran axuda ao darme de conta de que non todos os nenos/as teñen as mesmas oportunidades en canto á educación e espero que esta asociación creza e se esparza polo mundo.  Manuel Tojeiro (3º ESO).

SAME 2026: A EDUCACIÓN DIXITAL EN CONTEXTOS DE EMERXENCIA

 

A Semana de Acción Mundial pola Educación (SAME) é unha iniciativa que busca sensibilizar e mobilizar á comunidade educativa ao redor do dereito a unha educación inclusiva, equitativa e de calidade para todas as persoas. 

Este ano o tema é “Educación dixital en contextos de emerxencia”, e invítanos a reflexionar sobre como garantir que a aprendizaxe continúe activo e accesible durante situacións de emerxencia —xa sexan conflitos, desastres naturais, pandemias ou cortes de conectividade—, utilizando os medios dixitais de forma xusta e sostible. 

A conectividade, o acceso a recursos, e a alfabetización dixital, así como os plans previos para adaptación a emerxencias, deben ser un compromiso dos gobernos e as autoridades locais, para que, en contextos de emerxencias, ninguén quede atrás. 

Nenos, nenas, adolescentes, persoas con dificultades de aprendizaxe, en situación de mobilidade humana, en zonas de conflito ou afectadas por desastres climáticos. Non podemos deixar a ninguén atrás. Por iso, este ano, súmate a #AcciónPorLaEducación! 

VISITA SHOMA SUBAYA, EMBAIXADORA DA FUNDACIÓN VICENTE FERRER

O noso centro leva anos traballando no proxecto School to School, da Fundación Vicente Ferrer, que consiste nun intercambio cultural e de tradicións cunha escola da India (Konampalli School). Este curso o alumnado de 4º , 5º e 6º EP e tamén o de 1º , 2º , 3º e 4º da ESO estiveron elaborando materiais para este intercambio, abordando o tema dos “Deportes e Xogos” . 

Grazas á participación neste proxecto, o  mércores 18 de marzo de 2026 o noso centro contou coa visita de Shoma Subaya, unha muller procedente de Anantapur (India), que actuará como embaixadora da Fundación Vicente Ferrer. Grazas ao apoio da fundación, Shoma puido estudar Económicas e Ciencia Política, aprender español e desenvolver unha visión internacional a través do contacto con persoas de España e doutros países que visitaban o proxecto. A súa historia é un testemuño inspirador sobre educación, liderado con valores, igualdade de oportunidades e o impacto que pode ter o compromiso social na transformación de comunidades enteiras. 

 HORARIOS 

De 13:00 a 13:45 CHARLA PARA ALUMNADO 4º, 5º E 6º PRIMARIA. UUMM 

De 13:45 a 14:45 XANTAR COMPARTIDO NO COMEDOR ESCOLAR 

De 14:45 a 15:35 CHARLA PARA O ALUMNADO DA ESO. UUMM 

De 15:35 a 16:25 CHARLA PARA ALUMNADO DE EI e 3º EP

Aproveitando a visita de Shoma Subaya temos á disposición do profesorado e o alumnado diferentes materiais que poden axudar a afondar na cultura da India e países da zona, así como nos proxectos que a Fundación Vicente Ferrer está a desenvolver no sur da India (Anantapur). 

1. - EXPOSICIÓN NA BIBLIOTECA ESCOLAR sobre a cultura da India e países cercanos. 

2. - EXPOSICIÓN MATERIAIS DO INTERCAMBIO CULTURAL COA KONAMPALLI SCHOOL. Ao lado da aula de UUMM estatán expostos dossieres e traballos enviados polos nenos e nenas da Konampalli School en anos anteriores. No televisor que hai ao lado da biblioteca facilitarase o visionado de materiais en formato audiovisual.

"Con todo mi cariño para todas las personas de CPI Virxe da Cela para vuestro espacio “Monfero Solidario”: En primer lugar, quiero dar las gracias de todo corazón a todo el equipo de CPI Virxe da Cela, en mi nombre y en nombre de mis compañeras María Moldes y Ana Belen Picazo por haber organizado nuestras charlas con el alumnado. Lo que pude sentir en vuestro colegio se ha quedado dentro de mí para siempre. He visto el futuro en los ojos de todas las niñas y todos los niños, un futuro brillante y próspero lleno de humanidad, solidaridad, diversión, pues, con una escuela como la vuestra, tan implicada y comprometida en amoldar una ciudadanía del mundo de primera, el bienestar está garantizada.

Cuando conocí a Verónica Dopico y al resto de profesorado de esta escuela, me transportó a la esencia de mi infancia, yo también tuve mentores tan comprometidas y comprometidos como ellas y ellos y esto sé que es un tesoro que no tiene precio. El mundo necesita escuelas como la vuestra y profesorado como el vuestro. El mundo, este planeta es nuestra, de todas y de todos por igual.

 La Fundación Vicente Ferrer siempre está a vuestra disposición, juntas sembramos humanidad. ¡Hasta pronto!"

Un fuerte abrazo,

Shoma

¡SOMOS GAÑADORES! O CPI Virxe da Cela triunfa na 42ª Edición do Concurso Escolar ONCE

Temos o pracer de compartir unha nova que nos enche de orgullo: o alumnado de 1º de ESO do noso centro resultou gañador da fase autonómica do 42º Concurso Escolar ONCE.

Baixo o lema de que a imaxinación é a semente dun futuro inclusivo, os nosos mozos e mozas demostraron que a creatividade é unha linguaxe universal que non entende de barreiras. 

Se impulsamos estas ideas, non só poderemos soñar, senón construír un mundo máis xusto, accesible e cheo de posibilidades para todos.

O desafío: Deseñar un futuro sen barreiras

Nesta edición, o concurso convidaba ao alumnado a usar o seu enxeño para crear un invento ou produto que eliminase barreiras reais para persoas con discapacidade. O traballo gañador do noso centro foi o Colar CECO, unha proposta que cautivou ao xurado pola súa combinación de tecnoloxía, seguridade e estilo.

Así é o Colar CECO: Moito máis que un accesorio

O CECO é unha ferramenta revolucionaria deseñada para mellorar a autonomía das persoas invidentes. Estas son as súas características clave:

• Tecnoloxía Intelixente: Incorpora unha micro-cámara que detecta os obstáculos da contorna e un chip de audio que se comunica co usuario, indicándolle o que ve e como actuar. Imaxina poder preguntar pola túa localización ou polos obxectos ao teu redor e recibir unha resposta clara!
• Seguridade SOS: Conta cunha función de emerxencia que, en situacións de perigo, detecta a alerta e avisa automaticamente a un familiar ou persoa de confianza.
• Deseño e Moda: Porque a accesibilidade non está rifada co estilo, o CECO ten chapas intercambiables para combinalo coa roupa e un peche magnético que facilita a súa colocación. É práctico, seguro e, ademais, ¡queda xenial!

Este invento demostra como a tecnoloxía e a creatividade poden unirse para dar un paso adiante na autonomía e seguridade das persoas.

Rumbo á fase nacional

Grazas a este proxecto, o grupo de 1º de ESO representará á nosa comunidade autónoma na fase nacional. Pero antes, os gañadores desfrutarán dunha experiencia educativa grupal como premio acadado na fase autonómica, que levaremos a cabo moi pronto.
 

O NOSO PROTOTIPO 

 

A EXPLICACIÓN DO ALUMNADO

Monferosolidario · COLAR CECO

8 DE MARZO: DÍA INTERNACIONAL DA MULLER

  Para conmemorar o 8 de marzo, Día Internacional da Muller, no noso cole, decidimos que as palabras non eran abondo e puxémonos mans á obra para visibilizar a aquelas mulleres que, ao longo da historia, axudaron a construír o mundo que hoxe coñecemos.

Baixo o marco do noso PDI "Tirando do fío", o alumnado converteuse en investigador para dar vida a un mural colectivo que enche de cor e sabedoría o noso corredor.

🧵 Un proxecto con fío propio

A actividade consistiu en que cada grupo-clase elixise unha muller ou un colectivo de mulleres cuxo legado fose transformador. Para que o mural tivese unha estética compartida, todos traballamos sobre unha ficha-modelo onde recollemos o máis esencial:

• O Nome: Identificando a protagonistas de tódalas épocas e ámbitos.
• O seu "fío" principal: Ese gran logro ou achega á sociedade que define a súa traxectoria.
• A súa historia: Un breve percorrido pola súa vida, loitas e legado.
• A súa imaxe: Retratos e ilustracións que poñen cara a estas referentes.

📚 Unha biblioteca para seguir descubrindo

Pero a homenaxe non quedou só nas paredes. Para acompañar o mural, organizamos unha exposición de libros vinculados co Día Internacional da Muller. Desde biografías de mulleres pioneiras ata contos que rompen estereotipos, esta selección está á disposición de todo o alumnado para seguir "tirando do fío" da lectura e da igualdade.

"A educación é o camiño para que as nenas de hoxe sexan as mulleres libres de mañá."

---

Grazas a todos os alumnos e alumnas polo voso esforzo na investigación e por axudarnos a tecer esta rede de referentes femininas!