sábado, 22 de junio de 2024

lunes, 17 de junio de 2024

CARTAS DE PAVANI, A NENA INDIA APADRIÑADA A TRAVÉS DA FUNDACIÓN VICENTE FERRER

 Na sesión realizada o martes 17 de xuño 2024 ás 11:30 horas, damos por finalizado o Proxecto School to School que levamos a cabo a través da Fundación Vicente Ferrer. O alumnado de 4º EP visitou a Aula Ferraganchos xunto coa súa mestra de inglés, Cristina Cillero, e alí a coordinadora de Monferosolidario amosoulle varios videos que os nenos e nenas da Konampalli School nos envían desde a India. E xa como remate abrimos varias cartas de Pavani, a nena india (agora xa moza) que fai anos o noso centro apadriñou a través da FVF. Foi emotivo ler as súas cartas, e comprobando como aquela pequena nena que grazas ao noso apoio e á FVF poido iniciar os seus estudos, agora xa está gañándose a vida e axudando á súa familia a saír do círculo da pobreza.








viernes, 14 de junio de 2024

RTVENXEBRE: A VOZ DA INFANCIA DO RURAL

 

RTVEnxebre é un proxecto de Ayuda en Acción co apoio da Xunta de Galicia. Desenvolve: AGARESO, Asociación Galega de Comunicación para o Cambio Social.

Fomentar a participación infantil, favorecer a inclusión e o desenvolvemento socio educativo da infancia rural e a posta en valor da cultura rural galega son os obxectivos que a Fundación Ayuda en Acción marcouse xa no ano 2018 para dar inicio a este proxecto, a través da creación de tres radios rurales escolares nas localidades coruñesas de Mazaricos, Zas e Monfero. 

Contamos co apoio de profesionais que visitan o noso centro quincenalmente para ofrecer formación ao alumnado de educación primaria, e así permitir alzar a voz e participar activamente aos escolares, falando dos temas que lles preocupan. Neste curso 2023-2024 realizáronse variados podcast que queremos compartir coa comunidade educativa.


Preme a imaxe ou ligazón para acceder a Radio Xesteira en Ivoox

O mar: Programa completo realizado polo alumnado de 3ºEP. Programa con todos os contidos realizados durante o curso polos nenos e nenas de 3º de primaria na súa investigación sobre o mar.

O abandono animal: Programa completo realizado polo alumando de 4ºEP con todos os contidos realizados durante o curso polos nenos e nenas de 4º de primaria na súa investigación sobre o abandono animal.

A muller no rural: Programa completo do alumando de 5ºEP, con todos os contidos realizados durante o curso polos nenos e nenas de 5º de primaria na súa investigación sobre a Muller no rural.

Os deportes: Programa completo do alumnado de 6ºEP con todos os contidos que realizaron durante o curso os mozos e mozas de 6º de primaria no seu proceso de investigación sobre os deportes.

Entrevista a Mikel Pasabant, campión de vela, polo alumnado de 6º. O alumnado de 6º centrou a súa investigación nos deportes, e quen mellor para falar dun deles, que un campión! Mikel Pasabant que ademáis de ser profe de inglés no cole é tamén campión de vela! e moito máis, xa veredes!!

Entrevista a Dolores Porto, Granxas Lousada: Doleres, nai de Antón e propietaria da granxa Lousada en Irixoa responde a un montón de interesantes preguntas que lle fan os nenos e nenas de 5º de primaria.

Entrevista a Sandra Amezaga de Mulleres Salgadas. A que sabe o peixe? quen son e que fan as Mulleres Salgadas? que podemos facer os nenos e nenas para reducir a contaminación dos mares? Estas son só algunhas das cuestións que o alumnado de 3º de primaria decidiu preguntarlle a Sandra Amezada, secretaria da Asociación Mulleres Salgadas, que se pasou pola nosa radio nestes días. Grazas Sandra!!

O alumnado de 4ºEP entrevista a Marisé da protectora de animais de Irixoa. Cales son as principais causas do abandono animal? Que hai que facer cando atopas un animal abandonado? Marisé, da protectora de animais Francisco de Asis de Irixoa responde tódalas dúbidas plantexadas polo alumnado de 4º...e foron moitas!!!

Os deportes preferidos dos mozos e mozas de 6º. Queres coñecer cales son os deportes preferidos do alumnado de 6º ? e por que? Pois non perdas esta pequena peza onde nolo contan!

Pasapalabras sobre o mar con 3ºEP. Canto sabes sobre os animais mariños? Xoga co alumnado de 3º a un Pasapalabras radiofónico moi especial

Faladoiro sobre a muller no rural con 5ºEP. Os nenos e nenas de 5ºEP participan nestes interesantes faladoiros onde dan a súa opinión sobre a imaxe que se ten do rural dende as cidades, os traballos que realizan mulleres no rural ou se hai verdadeira igualdade entre os homes e as mulleres, entre outros temas. Moi recomendable escoitar o que teñen que dicir!

Como foi a visita da asociación 13 GRADOS? O alumnado de3 º EP cóntanos como foi a visita que tiveron no colexio da Asociación 13 GRADOS que se encarga entre outras cousas de gravar os fondos mariños de Galicia.

1º Conto sobre o abandono animal por 4º de EP. O alumnado de 4º EP, presenta o primeiro dos contos que realizaron sobre o abandono animal...pero estade pendentes porque hai máis!

2º conto sobre o abandono animal por 4ºEP. O alumnado de 4º EP, presenta o segundo dos contos que realizaron sobre o abandono animal.

3º Conto sobre o abandono animal cos nenos e nenas de 4º EP. Cun ton moi distinto aos dous contos anteriores, o terceiro grupo de 4º propón esta historia que ben podía estar sacada dunha lenda de Samaín...que medo!!

Faladoiro sobre o abandono animal con 4ºEP. Tes animais na casa? que farías se algún se perdera? que sinten os animais cando se abandonan? O alumnado de 4ºEP danos a súa opinión sobre a temática que traballaron durante todo o curso: o abandono animal.

O alumnado de 3º EP cóntanos o que aprendeu durante o proxecto. Queres saber o que aprenderon os nenos e nenas de terceiro? pois eles e elas mesmas no lo contan nesta peza!!

Recomendacións do alumnado de 3º EP. Os nenos e nenas de terceiro de primaria investigaron sobre o mar durante todo o curso. Despois de todo este traballo, atoparedes nestras tres pezas radiofónicas as súas principais recomendacións.

Aprendizaxes e recomendacións do alumnado de 4º EP. Tras todo un curso investigando sobre o abandono animal, aquí podedes escoitar as aprendizaxes e tamén as recomendacións que nos fan os nenos e nenas de cuarto de primaria.

Aprendizaxes e recomendacións do alumnado de 5º EP. Os nenos e nenas de quinto de primaria cóntannos nestas tres cuñas as súas reivincicacións e aprendizaxes sobre "A Muller no rural", a temática que escolleron e traballaron durante todo o curso.

Aprendizaxes e recomendacións do alumnado de 6º EP. Despois de todo un curso investigando sobre os deportes aquí están as principais aprendizaxes e as recomendacións que nos fai o alumnado de 6º de primaria. Escoitade que hai cousas ben interesantes!

A experiencia en RadioTVEnxebre-Radio Xesteira do alumnado de 3ºEP. Os nenos e nenas de 3º de primaria fan un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 4ºEP. Neste pequeno programa o alumnado de 4º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 5ºEP. O alumnado de 5º de primaria fai un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 6ºEP. Neste pequeno programa o alumnado de 6º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.


jueves, 13 de junio de 2024

PRESENTACIÓN DOS MATERIAIS DA KONAMPALLI SCHOOL (A INDIA)

Clausuramos o proxecto School to School deste curso 2024-2023, un intercambio cultural e de tradicións coa Konampalli School (A India) que realizamos grazas á Fundación Vicente Ferrer. O xoves 13 de xuño de 2024 o alumnado de 4º de EP, acompañados pola súa mestra de inglés Cristina Cillero, reuníronse na Aula de Ferraganchos para pode ver os materiales que están pendurados unha plataforma virtual. Antes de nada fixemos un pequeno faladoiro de o que significou este intercambio cos nenos e nenas da India, e comprobamos que a pesares das grandes diferencias, todos/as temos moitas cousas en común: gústanos xogar, ter amigos, unha familia que nos quera e nos coide. Encantounos ler a carta dos rapaces/zas da India, que describen tamén a súa escola que está no rural, e descubrimos que eles/as tamén están moi concienciados co medio ambiente. 









ENTREGA PREMIOS INNOVAGAL

Xoves 19 xuño 2024. Cidade da Cultura (Santiago de Compostela). O conselleiro de Educación preside a entrega dos galardóns. Os premios Innovagal recoñecen o labor dos centros de Outes, Cerceda, Vilanova, Zas, Tui, Monfero, Vigo e Celanova a prol da innovación educativa. O obxectivo é poñer en valor os centros que desenvolven enfoques didácticos para dar reposta ás necesidades particulares do seu alumnado.

O CPI Plurilingüe Virxe de Cela tamén é galardoado con este premio polo proxecto MonferoSolidario, que ten como obxectivo mellorar a calidade educativa e dar respostas ás necesidades identificadas polo claustro. 








OBRADOIROS XESTIÓN EMOCIONAL CON ALUMNADO E FAMILIAS

O curso está a punto de rematar e vanse finalizando diferentes proxectos desenvolvidos durante estes meses. Martín Mejuto, psicólogo que visita o noso centro de maneira quincenal para impartir obradoiros sobre emociones ao alumnado de EP e 1º e 2º da ESO grazas á Fundación Ayuda en Acción, realizou xunto con Jennifer Corredoira, técnico desta mesma fundación, diferentes dinámicas nun obradoiro para alumnado e familias. Xogos, risas, cores, debuxos, palabras tan máxicas como a empatía, o compañerismo, a autoestima, elementos claves para abordar as emocións dos nosos pequenos/as e guiar ás familias a axudar aos nosos fillos a expresar e entender as emocións para facilitar a comunicación e a convivencia e o benestar. Mércores 12 xuño 2024.






PARABÉNS MONFEROSOLIDARIO: FINALISTA XII CONCURSO BUENAS PRÁCTICAS MEP

 Estimado participante en la XII convocatoria del Concurso de Buenas Prácticas MEP 2023:

 
                                     ¡ENHORABUENA! 
 
Es un placer para nosotros notificarte que tu Buena Práctica ha sido seleccionada como una de las 20 BBPP FINALISTAS.
 
Te deseamos toda la suerte del mundo para el siguiente viernes 14 de junio en el que haremos públicos los premiados finales.
 
Un abrazo enorme.



miércoles, 12 de junio de 2024

martes, 11 de junio de 2024

Obradoiro: Reciclamos con Sogama

Hoxe o alumnado de 1º de Educación Primaria aprendeu a importancia de aplicar as 4R: Reducir, Reciclar, Reutilizar e Recuperación Enerxética, na nosa vida diaria. Ademais, descubriron o uso dos diferentes contenedores, dende o verde, ao amarelo, o azul, o marrón...




 

jueves, 6 de junio de 2024

EXPOSICIÓN ENRAIZADAS

Grazas a Euroeume poidemos desfrutar desta exposición na que nos amosa o rol da muller no rural, enmarcado dentro do proxecto Enraizadas, que forma parte do programa  “Educación Social na escola” e ten como obxectivo a visibilización das mulleres do sector primario da comarca e difusión dos valores do ecofeminismo.

O programa educativo, iniciado no 2022, centra a posta en valor do papel das mulleres no sector primario e o rural, contribuíndo á visibilidade e recoñecemento e poñendo ás mulleres que o sustentan como referentes. 

No curso 2023 – 2024 a temática principal foi a soberanía alimentaria, e, a través deste proxecto xeráronse espazos de sensibilización, formación e diálogo estimulantes; fomentouse o empoderamento das nenas; reflexionouse sobre as referentes da infancia e achegáronse outras con perspectiva de xénero; púxose en valor o traballo desenvolto historicamente polas mulleres no rural, dende o global ao local; coñecéronse e reivindicáronse mulleres e os seus proxectos no territorio e recoñeceuse a súa realidade; e traballáronse valores transversais como a igualdade, creatividade e sustentabilidade. 

Todos estes contidos quedan perfectamente recollidas nos paneis expositivos que están en frente da biblioteca escolar. As entrevistas en formato Código QR están á vosa disposición físicamente xunto con material informativo e de visibilidade traballado nas sesións acompañado pola Exposición Enraizadas 2024, para incrementar a visibilidade e acceso a toda a comunidade educativa.




Contacontos Donas de Si: Maruja Mallo

 Este curso, o alumnado de Educación Infantil puido desfrutar dun contacontos sobre a vida de Maruja Mallo, grazas á nosa participación no programa Donas de Si. Mentres o narrador contábanos a súa vida e como foi evolucionando na súa obra por mor da Guerra Civil. Faláronnos tamén das súas obras máis famosas.









Lixo mariño

O vindeiro 8 de xuño é o día do coidado e protección dos océanos. Para concienciar ao noso alumnado, hoxe o alumnado de 5º e 6º participou nun obradoiro, onde Ángel (formador do CEIDA) onde lles estivo explicando a evolución da producción dos plásticos e como, os microplásticos e os nanoplásticos, están a afectar na flora e fauna mariña dos nosos océanos. 






lunes, 3 de junio de 2024

ALUMNADO DE 4º DA ESO NO PARLAMENTO EUROPEO: CAMPAÑA MUNDIAL POLA EDUCACIÓN

O martes 4 de xuño de 2024 o alumnado de 4º da ESO do CPI Virxe da Cela participou nun acto de incidencia política realizado no Parlamento Galego, como punto álxido da Campaña Mundial pola Educación. Iria Lence e Iván Bermúdez, voceiros do grupo, dirixíronse aos políticos facendo unha serie de peticións para poder erradicar o discurso do odio, tema central da CME deste ano 2024.  Santiago de Compostela.




12:00 Breve saúdo do presidente do Parlamento de Galicia, D. Miguel Ángel Santalices Vieira. 

12:05 Intervención da representante da Campaña Mundial pola Educación, Dª Mónica Viqueira Martínez (dende a Mesa) (5’) 

12:10 Intervención do director xeral de Centros e Recursos Humanos da Consellería de Educación, Ciencia, Universidades e Formación Profesional, D. Jesús Manuel Álvarez Bértolo (dende a mesa) (5’) 

12:15 Intervencións do alumnado para expoñer as reflexións xeradas nos centros educativos e as súas propostas en favor da loita contra o discurso de odio (dende a tribuna) (2’/centro) 

1. CEIP PLURILINGÜE DAS VENDAS DA BARREIRA (RIÓS. OURENSE) 

2. CEIP VÍCTOR SÁENZ (MAZARICOS. A CORUÑA) 

3. CPI PLURILINGÜE VIRXE DA CELA (MONFERO. A CORUÑA) 

4. COLEXIO PLURILINGÜE A INMACULADA (MARISTAS. LUGO) 

5. ENTIDADE: ESTUDANTES POLA INCLUSIÓN 

6. USC: ALUMNAS DO GRAO DE PEDAGOXÍA 

12:30 Intervención dos representantes dos grupos parlamentarios (dende escano) (3’) • GP Mixto: D. Armando Ojea Bouzo • GP dos Socialistas de Galicia: D. Julio Abalde Alonso • GP do Bloque Nacionalista Galego: Dª Cristina Fernández Davila  • GP Popular de Galicia: D. Raúl Santamaría González 

12:45 Intervención e peche do presidente do Parlamento de Galicia (5’) 

Discurso Cpi Virxe Da Cela ... by veracruces

CRÓNICA CME PARLAMENTO 4ºESO by veracruces

martes, 28 de mayo de 2024

20 XUÑO: DÍA INTERNACIONAL DAS PERSOAS REFUXIADAS

O vindeiro xoves 20 de xuño de 2024 conmemórase o Día Internacional das Persoas Refuxiadas. A Delegación Entreculturas de A Coruña organizará unha actividade para mozos/as co horario de 10:00 ata 13:30. 



Memoria 20j 2024 by veracruces

viernes, 24 de mayo de 2024

CARTEL FEIRA SOLIDARIA

 



O Rastro Solidario é unha actividade de sensiblización que se leva realizando no noso centro desde hai máis dunha década. Ano tras ano (aínda que a pandemia interrumpiu a continuidade) o proxecto Monferosolidario mobiliza a toda a comunidade educativa para reflexionar sobre o consumismo excesivo, a acumulación de bens materiais, as fenda social, as prácticas de produción excesiva que danan os ecosistemas, etc. Un día ao ano organízase un Rastro ou Feira Solidaria na que todos/as aportamos algúns obxectos que xa non usamos para poñer á venda e darlle un novo uso a través dun proceso de economía circular. Moitas veces utilizamos os cartos recadados para donar a unha boa causa, ou ben pagamos con trocos, utilizando produtos non perecedeiros, para axudar ás Cociñas Económicas. 

Alumnado de 4º da ESO posa xunto coa súa profesora de Educación Plástica, Visual e Audiovisual (Marta Novo) e coas coordinadoras de Monferosolidario (Yolanda Castro e Verónica Dopico) amosando un fermoso panel realizado en tela que servirá como telón de fondo para decorar e anunciar próximas edicións destas Feiras ou Rastros Solidarios.

martes, 21 de mayo de 2024

31 DE MAIO: DÍA INTERNACIONAL DO ACOLLEMENTO FAMILIAR

O día 31 de maio celébrase o Día Mundial do Acollemento Familiar.  ACOUGO, a asociación galega de familias acolledoras, vén de invitar ao noso centro educativo a participar na celebración desta data tan especial, considerándoa unha oportunidade parasensibilizar e educar aos máis novos sobre a importancia do acollemento familiar.



miércoles, 15 de mayo de 2024

CARREIRA SOLIDARIA A FAVOR DE SAVE THE CHILDREN












    Prezados amigos e amigas: O 27/05/2024 recibimos un ingreso pola cantidade de 505€ do voso centro. En nome dos nenos e nenas do noso programa queremos darvos as grazas polo voso esforzo e implicación. Facede extensible este agradecemento aos vosos compañeiros e compañeiras, que trasladaron toda a ilusión polo proxecto ao seu alumnado, quen se mobilizou e se puxo en marcha tódolos recursos ao seu alcance: o seu propio esforzo e foron o altofalante para que a súa contorna coñecera a complexa situación que atravesan milleiros de nenos e nenas. E, por suposto, grazas ás familias do voso centro, que aportaron o seu gran de area en forma de doazón económica. A vosa axuda permítenos seguir traballando polos dereitos da infancia e lograr que nenos e nenas sobrevivan, teñan acceso a unha educación de calidade e estean protexidos. Grazas por darlles a oportunidade de seguir soñando: Axuntamos un diploma para o centro e un recibín para compartir partillar con toda a comunidade educativa. Ao final do curso recibiredes a memoria da actividade. Facémosvos chegar tamén o noso selo de centro solidario. Podede descargalo e incluílo na vosa web ou blogue. Este selo representa todo aquilo polo que traballamos en conxunto: a defensa dos Dereitos da Infancia. Grazas dende o Equipo de Programas en Centros Escolares. Save the Children.


lunes, 13 de mayo de 2024

EXPOSICIÓN CAMPAÑA CONTRA A FAME: MANOS UNIDAS

Desperdiciar comida é un acto cotiá que esconde moitos máis impactos dos que podemos ver a simple vista e para lograr un planeta sustentable e xusto é necesario reducir o desperdicio de alimentos. Podedes visitar os corredores do edificio de secundaria para visitar una exposición fotográfica de Manos Unidos que ten como obxectivo concienciar á poboación da redución do desperdicio alimentario para xerar condicións para erradicar a pobreza e a fame.

Link á guía da exposición: https://www.manosunidas.org/delegacion/terrassa/noticia/guia-exposicion-despilfarro-alimentario-material-trabajo-propuestas