Esta actividade enmárcase dentro do proxecto de Educación
para o Desenvolvmento realizado pola ONGD Solidariedade Internacional de Galicia
“Creando Cidadanía Global: Un reto na axenda Post 2015”.
Trátase dun proxecto de incidencia política que formou parte
da materia Ético- Cívica, co cal axudamos a desenvolver entre o profesorado e o
alumnado de 9 centros educativos de Galicia actitudes para exercer a cidadanía
global, mediante o fomento da participación, a loita polos Dereitos Humanos, a
responsabilidade social, o empoderamento cívico e a autonomía persoal, coa
finalidade de formar cidadáns e cidadás críticas e comprometidas coa
construción dun mundo máis equitativo. Para elo, realizáronse tres obradoiros
dende novembro de 2014 ata a actualidade,animando á nosa xuventude a participar
nas iniciativas políticas e sociais dos seus concellos.
No primeiro obradoiro traballamos os Obxectivos de
Desenvolvemento do Milenio como exemplo de axenda política, e realizamos
diversas dinámicas que nos serviron para dar a coñecer algunhas das
problemáticas globais como o consumo responsable e o comercio xusto, a
explotación laboral, os dereitos sexuais e reprodutivos, a trata de persoas, a
soberanía alimentaria, a interculturalidade, o medioambiente… vinculándoas co
seu contexto local. A idea era traballar estes temas e provocar a “indignación”
do estudantado fronte aos mesmos para que lles dera pé a actuar. Neste sentido,
dada a proximidade das eleccións municipais, os mozos e mozas comezaron a
deseñar a súa propia Axenda Política sobre un tema do seu interese para logo
visibilizalo mediante a presente acción de incidencia.
No segundo obradoiro traballamos o tema da Participación
como ferramenta empoderadora da sociedade civil e falamos dos futuros
Obxectivos de Desenvolvemento Sostible Post 2015 como exemplo dunha axenda política
participada para que o alumnado coñecera os consensos aos que chegaron as
Nacións Unidas. Ademais realizamos unha “Audiencia” en cada clase, empregando o
sistema da democracia participativa, para identificar as propostas de cada alumno
e alumna e que así todos/as foran escoitados/as.
No terceiro obradoiro introducimos a visión do Sur,
presentándolle aos mozos e mozas unha experiencia real dunha actividade de
incidencia política coa presenza dunha rapaza de El Salvador, quen lles falou
sobre o tema das pandillas ou maras e de como a xuventude salvadoreña na
localidade de Tecoluca, organizouse para crear un movemento xuvenil que loitase
para que as mozas e mozos tivesen alternativas para exercer unha xuventude
responsable, activa e reivindicativa cara o seu goberno.
A última actividade do proxecto é este acto de incidencia
no que os alumnos de incidencia no que os alumnos e alumnas do CPI Virxe da
Cela reivindican as súas demandas ao seu goberno municipal.
