MONFEROSOLIDARIO NA REVISTA GALEGA DE EDUCACIÓN

 Compartimos coa comunidade educativa o artigo "I Premio de Educación para o Desenvolvemento e a Cidadanía Global" publicada na Revista Galega de Educación (número 82, abril 2022) na que se inclúe a experiencia "Monferosolidario: abrindo a escola á transformación social desde a EPDCG do CPI Plurilingüe Virxe da Cela". 

Monferosolidario Revista Galega Educación 2022 by Yolanda Castro López on Scribd

RGE_82_web by veracruces on Scribd

ENCONTRO VIRTUAL DO I PREMIO GALEGO EPDCG

xoves, 8 de abril, de 18.30 a 20:00 horas. Plataforma Zoom

O xoves, día 8 de abril, celebrouse un acto virtual que tivo coma obxectivo o recoñecemento aos centros educativos participantes na primeira edición do I Premio Galego de Educación para o Desenvolvemento e a Cidadanía Global (Plataforma Zoom, de 18:30 a 20:00 horas). Do acto participou o profesorado, representantes da Coordinadora Galega de ONGD e Solidariedade Internacional de Galicia, así coma os membros do xurado. Como despedida deste encontro contamos coa experiencia das "Cholitas Escaladoras". 

Nesta primeira edición participaron 19 centros educativos ( (7 correspondentes á Categoría A: Educación Infantil e Primaria; e 12 correspondentes á Categoría B: ESO, Bacharelato, Formación Profesional, Centros de Ensinanza de Réxime Especial e Ensinanzas Artísticas) que presentaron experiencias educativas, proxectos e propostas pedagóxicas realizadas durante os dous últimos cursos escolares: 2019-2020 e 2018-2019. Un xurado composto por seis persoas vinculadas ao mundo da educación, a cooperación e a Educación para o Desenvolvemento e a Cidadanía Global en Galicia avaliou as candidaturas e aprobou por unanimidade a resolución do Premio.O CEIP Ponte dos Brozos de Arteixo e o CPI Plurilingüe Virxe da Cela de Monfero foron os dous centros gañadores desta primeira edición. Nos seguintes videos podes coñecer todas as experiencias participantes;

 

              

O NOSO COLE NA PRENSA: I PREMIO GALEGO EPDCG

Diferentes medios de comunicación (prensa escrita, radio) fixeron eco do galardón que acaba de recibir o noso centro co proxecto "Monferosolidario": o I Premio Galego de Educación para o Desenvolvemento e a Cidadanía Global (EPDCG). 

https://www.laopinioncoruna.es/gran-coruna/2021/02/22/entrega-premio-galego-educacion-colegio-35256304.html

                             https://www.diariodeferrol.com/texto-diario/mostrar/2641481/  

MONFEROSOLIDARIO RECIBE O I PREMIO GALEGO EPDCG (EDUCACIÓN PARA O DESENVOLVEMENTO E A CIDADANÍA GLOBAL)

Venres 19 febreiro 2021. 13:30 horas. Comisión oficial (cordinadora galega ONGs), representantes políticos dos concellos de Monfero e Irixoa, presidente da ANPA do CPIP Virxe da Cela. Acto ao que asiste o profesorado e alumnado da ESO. 

Desde os inicios de Monferosolidario sempre tivemos moi claro que os auténticos protagonistas son os rapaces e rapazas. Grazas ao seu esforzo, implicación, entusiasmo, curiosidade, as nosas accións se levan a cabo dándolle sentido ao noso grande obxectivo: “educar cidad@s para construír un mundo mellor”. Por iso, quen mellor que eles, para agradecer este premio que a nosa escola está a recibir o día de hoxe. Marta Fernández, alumna de 4ª da ESO, en representación de todo o alumnado do centro e comunidade educativa en xeral, vai ser a voceira do noso agradecemento:

Recoller os parabéns e os premios ao noso esforzo e traballo sempre é grato e motivador. Non é a primeira vez que a nivel institucional se recoñece a labor realizada por todos/as nós nas aulas desta pequena escola do rural. Desde ben pequenos tivemos a oportunidade de recibir diplomas que agora mesmo están pendurados nas paredes do noso centro e que, ao igual que este que hoxe recollemos, van formando parte da nosa historia. Vir á escola, é aprender, mais non soamente se aprende dos libros, senón das experiencias, das accións e de todos eses momentos que nos aportou, nos aporta e nos aportará este pequeno-gran centro nas nosas vidas e recordos. 

       Detrás de toda esta emoción, agóchase un gran esforzo e dedicación por parte de todos e todas: 

-Os alumnos e alumnas que estamos hoxe aquí presentes recollemos este premio, pero non podemos esquecer a todos os rapaces e rapazas que pasaron por este centro en anos anteriores e que nos foron abrindo o camiño. 

-O mesmo temos que dicir dos profesores e profesoras, grazas ás súas propostas e apoios puidemos levar a cabo o proxecto e aprender, entre outras cosas, a traballar en equipo, ser mellores compañeiros e, en xeral, mellores persoas: isto é unha aprendizaxe para a vida e o futuro. 

-Queremos resaltar o apoio recibido por diferentes asociacións e ONGs, que apostaron polo noso proxecto e sempre nos ofreceron axuda para levalo a cabo. 

-Grazas a Miriam Seoane, anterior directora do colexio, por abrir as portas a este proxecto, Monferosolidario, e a Camino Pereiro, actual directora, por continualo e potencialo. 

       Gustaríame aproveitar este momento para dirixirme aos representantes políticos para que adiquen os seus esforzos en dotar de infraestructura e revitalizar os nosos concellos. Así as familias continuarán escolarizando no CPI Virxe da Cela aos seus fillos e fillas, e poderemos, entre todos, manter vivo este proxecto e a nosa escola.

MONFEROSOLIDARIO NA RADIO: PREMIO GALEGO DE EPDCG

ENTREVISTA EN RADIO VOZ REALIZADA POR POR ISIDORO VALERIO

Verónica Dopico, coordinadora xunto con Yolanda Castro do proxecto Monferosolidario, fala da importancia para o noso centro de recibir o I Premio Galego de Educación para o Desenvolvemento e a Cidadanía Global. 

Podcast 

ENTREVISTA EN RADIO GALEGA. Programa Convivir do día 15 abril 2021. Verónica Dopico é entrevistada por María Xosé Rodríguez e Xosé Luís López Vila. 

RESOLUCIÓN DEFINITIVA: CPIP VIRXE DA CELA GAÑADOR DO I PREMIO GALEGO EPDCG

 

Comunican desde o equipo organizador do Premio Galego de Educación para o Desenvolvemento e Cidadanía Global a resolución definitiva. As as candidaturas gañadoras desta primeira edición do Premio son: Categoría A: ‘Aprendendo a convivir’ do CEIP Ponte dos Brozos (Arteixo) Categoría B: ‘Monferosolidario: abrindo a escola cara á transformación social desde a EPCGD’ do CPI Virxe da Cela (Monfero) Moitos parabéns!  Por outra banda, realizarase a entrega do Premio aos dous centros gañadores, asistindo unha representación do equipo organizador do a ambos colexios. Este acto está previsto para o día 19 de febreiro de 2021 pola mañá. Consistirá na entrega do elemento distintivo e os diplomas, como se establece nas bases.

Premer nas imaxes para acceder ás notas de prensa

Resolucion DEFINIITVA Premio Galego ED 2020 by veracruces on Scribd

CPIP VIRXE DA CELA: GAÑADOR DO I PREMIO GALEGO DE EDUCACIÓN PARA O DESENVOLVEMENTO E A CIDADANÍA GLOBAL

      "Monferosolidario: abrindo a escola cara a transformación social desde a EPDCG", do CPIP Virxe da Cela (Monfero), é a experiencia gañadora na categoría B do I Premio Galego de Educación para o Desenvolvemento e a Cidadanía Global.     

     A Coordinadora Galega de ONGD fai pública a resolución provisional da primeira edición do Premio Galego de Educación para o Desenvolvemento e a Cidadanía Global, un galardón co que se quere recoñecer experiencias educativas transfromadoras que fomenten unha cidadanía solidaria, crítica e comprometida coa construción dun mundo xusto. Nesta primeira edición presentáronse 19 candidaturas (7 correspondentes á Categoría A: Educación Infantil e Primaria; e 12 correspondentes á Categoría B: ESO, Bacharelato, Formación Profesional, Centros de Ensinanza de Réxime Especial e Ensinanzas Artísticas). Un xurado composto por seis persoas vinculadas ao mundo da educación, a cooperación e a Educación para o Desenvolvemento e a Cidadanía Global en Galicia avaliou as candidaturas e aprobou por unanimidade a resolución provisional do Premio.

I PREMIO GALEGO DE EDUCACIÓN PARA O DESENVOLVEMENTO E A CIDADANÍA GLOBAL

Aberta a 1ª edición do Premio Galego de Educación para o Desenvolvemento e Cidadanía Global A Coordinadora Galega de ONGD abre a convocatoria da primeira edición do Premio Galego de Educación para o Desenvolvemento e a Cidadanía Global coa vontade de recoñecer experiencias educativas transformadoras que fomenten unha cidadanía solidaria, crítica e comprometida coa construción dun mundo xusto.

Bases premio-galego-ep cg from satelite1