Este Nadal continuamos coa iniciativa coa que colaboramos coa asociación "Reyes Magos de Verdad". Este curso todo o alumnado de educación infantil, así como o alumnado de 1º, 2º, 3º e 4º de educación primaria participaron nesta iniciativa da man de Alba e Camino como mestras de Valores e Proxecto Competencial, e de Cris Rabuñal como mestra de Reli.
Recordemos que esta asociación busca que ningunha persoa quede sen agasallos nestas festas. Neste caso, a nosa pequena colaboración foi enfocada cara tres usuarios da Residencia García Hermanos de Betanzos: Celso, Rocío e Mª Carmen.
O alumnado, trala lectura das súas cartas implicouse en todo o proceso: dende a elección dos agasallos, a preparación de postais, debuxos e manualidades ou incluso no pintado e personalización do papel de regalo.
Bo Nadal Celso, Rocío e Mª Carmen!
No hay comentarios:
Publicar un comentario