XORNADAS DE DEPORTE ADAPTADO 2025: ENKI

Están dirixidas aos estudantes de 5º e 6º de primaria dos centros educativos galegos e compóñense de dúas actividades: unha charla con deportistas con diversidade funcional e un evento para coñecer o deporte adaptado e inclusivo.

Hoxe contamos no centro cunha espectacular  charla con deportistas con diversidade funcional. Este diálogo compartido supuxo un achegamento  previo ao encontro provincial, no que varios deportistas compartiron a súa traxectoria e conversaron co alumnado, resolvendo todas as preguntas que lles xurdiron.

O encontro provincial será o próximo 17 de marzo. O mesmo, é un evento reúnense os colexios da provincia participantes na iniciativa e son onde alumnado proba distintos deportes e material deportivo adaptado, rotando por diferentes estacións deportivas dirixidas por entidades deportivas locais, deportistas con diversidade funcional e o equipo ENKI. 

Cartel das xornada ENKI de deporte adaptado.

PRIMEIRA FORMACIÓN PARA ALUMNADO REDE COMPÁS

 Venres 24 xaneiro 2025

 

Un total de 17 alumnos/as dos diferentes cursos da ESO e dúas docentes do CPI Virxe da Cela están a participar nun interesante proxecto, Red Compás, integrado na convocatoria Erasmus Plus K154, financiado pola Unión Europea coa vontade de aportar xuventude que deseñe e pense modelos alternativos e sostibles para as súas localidades.  A Red Compás ten como obxectivo acompañar á mocidade de cinco localidades galegas para desenvolver unha acción colectiva de carácter social. 

O venres 24 de xaneiro de 2025 tivo lugar a primeira das actividades formativas, impartida por María Lobo de AGARESO (Asociación Galega de Comunicación para o Cambio Social), que foi unha primeira toma de contacto para aprender a deseñar estratexas de comunicación e interacturar con institucións locais e medios de comunicación, un proceso de varios meses nos que estes rapaces e rapazas darán visibilidade as súas propostas e buscarán a implicación de líderes comunitarios e políticos nas súas ideas. Nesta primeira xornada formativa amosouse como o pico do iceberg o enorme potencial de esta mocidade que empeza a despuntar, aprendendo que do diálogo respectuoso e da unión como grupo pode canalizarse toda esta enerxía transformadora. 

O venres 24 de xaneiro de 2025 tivemos o primeiro obradoiro da Rede Compás. Foi dirixido por María Lobo, da asociación AGARESO (Asociación Galega de Comunicación para o Cambio Social). Nel estivemos debatindo sobre que obxetivos da xuventude (propostos pola ONU) críamos máis o menos importantes, para despois elixir un e levalo até o Parlamento Europeo (previsto para o vindeiro curso).  A sesión durou 2 horas e media e para min estivo moi entretida. Gustoume moito a maneira de dirixir de María, xa que en case todo momento mantivo un ambiente amigable e dinámico. Aínda que pasamos moito tempo debatindo sobre cousas que non estaban necesariamente relacionadas co que estabamos a facer, creo que fixemos avances enormes e que na seguinte sesión poderemos afondar máis. Tamén penso que as nosas habilidades de debatir poden mellorar grazas a este proxecto. En conclusión, o obradoiro encantoume, penso que fixen ben en apuntarme, vou seguir no programa e penso que a idea de darlle voz á rapazada é xenial. Marcu Popa (2º ESO).

CENTROS EDUCATIVOS UNIDOS POLA PAZ E A NON VIOLENCIA

 Os alumnos do CPI Virxe da Cela (Monfero) e o CPI As Mirandas (Ares)  uníronse nunha fermosa actividade colaborativa para conmemorar o Día Escolar da Paz e a Non Violencia.

Os estudantes mergulláronse na interpretación do  conto  “Un Planeta de Paz” que transmite valores de paz nun mundo no que segue habendo guerras e conflitos pero no que a esperanza da PAZ segue a ser o noso soño.  A mensaxe  de que  a paz constrúese a través da colaboración e o entendemento mutuo reflictese neste conto demostrando que cando traballamos xuntos por un obxectivo común, podemos crear momentos máxicos que perduran no tempo.

Obradoiros sobre accesibilidade e sobre diversidade funcional

En colaboración con EuroEume queremos crear un espazo lúdico de expresión e reflexión sobre a Educación Inclusiva, co fin de sensibilizar aos alumnado da importancia e os beneficios de que todos os nenos e as nenas aprendan xuntos, independentemente das súas condicións persoais, sociais ou culturais. Partimos da necesidade de ofrecer un centros educativo comprensible, capaz de proporcionar contornas e espazos onde as persoas os comprendan dunha maneira fácil, segura e autónoma o que facilitará que toda a comunidade coñeza e comprendan os múltiples elementos cos que conta o centro desde un punto de vista accesible. Polo tanto, estas charlas nacen da necesidade de dar a coñecer o termo de accesibilidade e os seus diferentes clasificacións, así como aprender a identificar os elementos da nosa propia contorna que axudan e facilitan a adaptación e accesibilidade dos espazos. O obxectivo principal, é concienciar da importancia de crear espazos onde todas as persoas poidan participar de forma activa e independente na comunidade.  Unha das cousas que aprendemos nas charlas é que accesibilidade nos beneficia a todas as persoas, con e sen discapacidade. Xa que as vilas e os espazos non están deseñados para todas as diversidades que hai na poboación, entre todos e todas podemos cambiar a mirada e repensar de que maneira contribuír nun mundo máis acorde coa realidade e a diversidade das persoas. Ao tempo, desde a Asociación Euroeume estase a traballar  na sinalización con pictogramas para actualizar a sinalática coa que contamos no centro.

Diferentes imaxes dos obradoiros sobre accesibilidade e diversidade funcional realizados no segundo trimestre do curso escolar.

OBRADOIRO "RADIO CUN SORRISO"

 OBRADOIRO “RADIO CUN SORRISO”

En colaboración coa ONG Agareso (Asociación Galega de Comunicación para o Cambio Social) bota a andar o obradoiro "Radio cun sorriso". Esta iniciativa pretende traballar na consecución dos obxectivos de desenvolvemento sostible (ODS) e o benestar empegando a radio como unha ferramenta de aprendizaxe e cambio social a través de micro-experiencias.

As temáticas estarán enfocadas cara ao tratamento dos ODS desde a análise e posta en valor da realidade contextual para despois enfocala cara á globalidade e contando con referentes significativos desta (familias, entidades, asociacións,...) que nos acheguen a propostas de desenvolvemento endóxeno sustentable. 

                                 

                                       

 

RADIO CUN SORRISO: obradoiros de radio para contribuir a consecución dos ODS

 

  OBRADOIRO “RADIO CUN SORRISO”

Comezan os obradoiros de radio escolar no centro en colaboración coa ONG Agareso.

“Radio cun sorriso” é unha iniciativa do noso centro para traballar na consecución dos obxectivos de desenvolvemento sostible (ODS) e o benestar empegando a radio como unha ferramenta de aprendizaxe e cambio social, o que concorda co traballo realizado por Agareso (Asociación Galega de Comunicación para o Cambio Social) 

Trátase de obradoiros mensuais destinados aos cursos de 3º a 6º da Ed. Primaria e aos catro niveis da ESO dentro das materias de Lingua e literatura galega. Estes obradoiros están deseñados para integrar a radio no tratamento curricular das áreas e materias do centro e darlle valor na súa dimensión social ao tempo que favorecen o desenvolvemento das competencias comunicativas do alumnado. Asemade,  fomentan o diálogo e a reflexión sobre aqueles temas que máis lles preocupan,  sempre dende unha perspectiva positiva e tentando achegar solucións (axudando no seu benestar emocional). 

         

Así, as temáticas estarán enfocadas cara ao tratamento dos ODS desde a análise e posta en valor da realidade contextual para despois enfocala cara á globalidade e contando con referentes significativos desta (familias, entidades, asociacións,...) que nos acheguen a propostas de desenvolvemento endóxeno sustentable.

             

Colaboran nesta proposta: titorías, especialidades de Lingua galega e Literatura e equipos de DLG

e de Orientación.

PASANDO A BÓLA, XOGANDO PARA CAMBIAR: aprendendo a convivir

 

Este curso contamos co obradoiro promovido pola Consellería de Educación no marco do programa contra o acoso escolar: PASANDO A BÓLA, XOGANDO PARA CAMBIAR, do cal o noso centro resultou beneficiario. Ven da mán da Xanela do Maxín. PASANDO A BÓLA XOGANDO PARA CAMBIAR emerxe como un evento de intervención escolar e social, onde o xogo dramático serve como ferramenta poderosa para concienzar ao alumnado. A partir de aí explóranse solucións que se porán en práctica a través do teatro. Esta actividade está baseada no libro “A Banda dos insectos” de Celtia Figueiras e inspirado na técnica de Augusto Boal e o teatro do oprimido. Unha actividade aborda de forma única o problema do bullying no contexto escolar. Neste encontro singular, a guía da intervención, coa contará coa colaboración do alumnado voluntario como actores e actrices. En conxunto, escenificarán escenas construídas especialmente para representar as diversas manifestacións do acoso nas escolas. Trala presentación destas escenas, a audiencia convértese en parte activa do proceso. O alumnado aporta solucións aos comportamentos observados, encarnando e mostrando tamén as novas solucións propostas como parte da actuación. “Pasando a bóla Xogando para cambiar” non só ofrece un enfoque innovador para abordar o bullying, senón que tamén fomenta a participación activa da comunidade escolar na creación de solucións. A través do xogo teatral, a audiencia non só toma conciencia da problemática, senón que tamén se converte en axente de cambio. Construirán xuntos unha resposta colectiva que promove un ambiente escolar máis seguro e respetuoso.

VI EDICIÓN CONCURSO PILABOT 2025

O noso centro vai participar na sexta edición do Concurso Pilabot tras a boa acollida da nosa participación no curso anterior (229,65 kg netos recollidos). Dito concurso ten como obxectivo fomentar a recollida selectiva de pilas e acumuladores portátiles entre o alumnado e a súa familia e o persoal do centro. Esta actividade estará coordinada polo alumnado do 5º curso da Ed. Primaria e piden a nosa colaboración. Desta forma, repartirán polas aulas uns pequenos contedores onde depositar as pilas e acumuladores usados que teñamos nos nosos fogares. 

O alumnado as poderá depositar, unha vez cheos, nos contedores colocados no centro para tal finalidade. Unha vez baleirados os poderán levar de novo para o fogar e así, seguir depositado neles estes residuos. Desta forma, queremos favorecer a xestión adecuada da súa recollida selectivas (ben no centro, ben noutros espazos dos Concellos destinados ao efecto). 

 Máis información: https://pilabot.gal/es/concurso/

CAMPAÑA DE DIFUSIÓN REDE COMPÁS

 Luns 13 xaneiro 2025

Comezamos a nosa participación na REDE COMPÁS coa campaña de difusión entre o alumnado das súas características, obxectivos, plan de traballo e actuacións previstas por parte do alumnado de 4º da ESO que xa participa da iniciativa.

Imaxes da presenza nas aulas do alumnado de 4º da ESO para explicar a iniciativa.

A COMUNIDADE EDUCATIVA DO CPI VIRXE DA CELA DESÉXAVOS BO NADAL!

ASOCIACIÓN DE REDEIRAS O FEITAL. MALPICA

O martes 17 de decembro de 2024 levouse a cabo a última das actividades planificadas para este trimestre dentro do proxecto  Education4ThePlanet: a xuventude galega activada pola Axenda 2030 e a acción polo clima (2024-2025), financiado pola Cooperación Galega (Xunta de Galicia). Esta actividade consistiu na visita a unha explotación do sector primario liderada por mulleres, concretamente a Asociación de Redeiras O Feital de Malpica. Fumos recibidos no CAT (Centro de Artesanía e Tradición) de Buño por Ángeles Mille Rodríguez, e nese mesmo edificio realizamos a primeira parte da actividade, consistente en charla-obradoiro sobre o oficio das redeiras, impartida por Verónica Veres Tasende e Pilar García Ricoy. Aprendimos moitas cousas sobre o oficio, e incluso chegamos a facer prácticas coas agullas de tecer. Visitamos diferentes espazos do CAT, vencellados ao oficio da pesca e das redeiras, e xa como broche final o alumnado do CPI Virxe da Cela realizou diferentes preguntas a Verónica Veres, para afondar no impacto do cambio climático nos oficios de mar e analizar o papel da muller nesea explotación do sector primario. A continuación visitamos o Cabo e a Ermita de Santo Adrián, e xa en Malpica estivemos na zona do porto, onde a asociacion O Fieital ten a súa sede. 

O proxecto "Education4ThePlanet" establece como obxectivo xeral fomentar unha mocidade activa en Galicia, que contribúa na loita contra a emerxencia climática e ao cumprimento dos Obxectivos do Desenvolvemento Sostible da Axenda 2030, desde a transformación de actitudes propias e a promoción da sensibilización da súa contorna.

Fanzine: Enraizadas

 Neste último obradoiro reflexionamos sobre os contidos traballados e creamos o noso propio fanzine. 

Os fanzines son revistas de escasa tirada e distribución, feita con poucos medios por persoas aficinonadas a distintos temas.

 A través desta publicación caseira, o alumnado de 5º curso da Ed. Primaria creou de forma colaborativo dos diferentes centros participantes na actividade unha publicación que repartiremos nos diferentes centros da iniciativa. 

Creatividade  a partir dunha idea e a través de debuxos, collage, fotos, textos, comic da que pronto teremos o resultado.

Imaxe de portada do Fanzine elaborado polos tres centros educativos.

REDE COMPÁS PRIMEIRO TRIMESTRE

Durante este primeiro trimestre do curso 2024-2025 foron varias as actividadades desenvolvidas para poñer en funcionamento, organizar e dinamizar o proxecto  Rede Compás Erasmus+ que se levará a cabo nos vindeiros meses. Deixamos constancia neste pequeno resumo: 

O martes 14 de novembro de 2024, de 17:30 a 19:00 horas, aplicación zoom. 

Profesorado de cinco centros galegos que van participar na Rede Compás (proxecto Erasmus+), cos coordinadores Roi Quitián e María Lobo (AGARESO).

Martes 3 decembro 2024. O Grupo Motor do CPI Virxe da Cela, liderado por alumnado de 4º da ESO, comunícase con Roi Quitián por videoconferencia.

Venres 13 decembro de 2024: As profesoras Yolanda Castro e Verónica Dopico, que coordinan a Rede Compás no CPI Virxe da Cela, realizan unha videoconferencia Zoom con María Lobo.

Paralelamente a estas actividades de coordinación entre os responsables do proxecto, estamos a realizar reunións periódicas co alumnado do Grupo Motor algúns venres de 15:35 a 16:25 para ir marcando obxectivos e para proporcionar un espazo para que a rapazada poda tomar as súas propias decisións e marcar o rumbo. 

Videoconferencias cos coordinadores

Alumnado de 4º ESO do Grupo Motor

Visita ao centro de día

O alumnado de Ed. Infantil  e o de ESO acudiu  ao centro de día do Concello a compartir momentos coas persoas usuarias e a cantarlles unhas panxoliñas desta época tan especial.

Ademais, levamos unha pequena aportación recollida polo alumnado para  programa de doazón de alimentos non perecedeiros que leva a cabo o Centro de día O Xestal.

Tivemos moita sorte porque ao sair, os usuarios tíñannos uns agasallos para cada un de nos!

Imaxes desta estupenda xornada de encontro.