Acompañando á exposición "Cartas de Amor", o pasado mércores 13 de novembro contamos coa visita de Gloria Isabel Serrato Arat, autora da unidade didáctica, quen impartiu dous obradoiros ao alumnado de 1º e 2º ciclo da ESO, respectivamente. A través dunha charla explicativa e de varias dinámicas os rapaces e rapazas sensibilizáronse de cára á problemática da violencia de xénero, analizando as emocións e os sentimentos nos diferentes tipos de relacións humanas, entendendo as diferencias entre "sexo" e "xénero", descubrindo as ideas de base do feminismo, a labor das sufraxistas, e rescatando a figuras clave na nosa cultura e historia galega como Concepción Arenal ou Maruja Maio, entre outros puntos de interese.
No hay comentarios:
Publicar un comentario