MATERIAIS PARA A KONAMPALLI SCHOOL (A INDIA). PROXECTO SCHOOL TO SCHOOL DA FUNDACIÓN VICENTE FERRER

O alumnado de EP e a ESO do CPI Virxe da Cela realizaron unha serie de xogos tanto tradicionais da nosa comunidade autónoma (Galicia) como populares e ben coñecidos por moitas persoas no noso país, ofrecendo unha pequena mostra das actividades lúdicas que realiza a infancia para posteriormente enviar a una escola india, a Konampalli School (Anantapur, A India). Desde fai máis dunha década a nosa escola vén mantendo un intercambio cultural e de tradicións con esta escola india, a través do proxecto School to School, da Fundación Vicente Ferrer. Nas vindeiras semanas subiremos á plataforma School to School as nosas propostas, para facerllas chegar aos nenos e nenas da escola da India que temos asignada, e igualmente procederemos a descargar os materiais que eles/as elaboraron para a nosa escola. 

A nosa clase participou na elaboración de materiais para a Fundación Vicente Ferrer, a través do proxecto School to School. Este proxecto leva moitos anos facendose no noso centro intercambiando cunha escola da India información sobre as nosas custumes e coñecer sobre os seús hábitos de vida e que eles coñezan os nosos. Este ano optamos por intercambiar de maneira audiovisual un vídeo sobre xogos míticos que nos xogamos ou que eles xogan como xa fixemos outros anos. O noso xogo foi o brillé, xogo por equipos e eliminacións; O pilla-pilla foi outro xogo que se engadiu na filmación; o impostor, un xogo verbal para atopar ao impostor do grupo e por último un xogo indio sobre lanzar máis afastado un pau golpeadoo contra o suelo. Na miña opinión este programa da Fundación Vicente Ferrer é un acerto xa que e moi interesante para intercambiar culturas con isos lugares xa que tenden a ser moi difentes aos nosos e sempre está ben ter maís dunha visión da realidade. E. A. S. (3º ESO).

As nosas profesoras de Proxecto Competencial e Relixión contáronnos que na India hai un colexio que ten unha placa na que se menciona que foi construído grazas á colaboración da nosa escola. Explicáronnos que hai tempo unha iniciativa da nosa escola serviu para reunir cartos para o momento da súa costrución. Grazas á Fundación Vicente Ferrer axudamos ás xentes da India, e tamén participamos un intercambio chamado School to School. Cada ano os colexios españois envíanlles materiais ás escolas da India, e este curso centrámonos nos xogos.  Enviamos un vído xogando a xogos tradicionais da nosa comarca e eles enviarannos un a nós.  Este ano, os de 4º da ESO xogamos á billarda. Trátase dun xogo tradicional galego que se xoga ao aire libre utilizando un pau longo e outro pequeno chamado billarda. Primeiro levántase a billarda do chan cun golpe co pau grande e despois dáselle forte para mandala o máis lonxe posible. Gaña quen a envía máis lonxe ou consiga máis puntos. M. G. T. (4º ESO).

 

30 XANEIRO: DÍA DA PAZ E DA NON VIOLENCIA

 -Reparto agasallo Paz 

-Desexos que tecen Paz e quitan Penas

MISIÓN CUMPRIDA: OS GARDIÁNS DA PAZ SALVAN A MENSAXE UNIVERSAL

Este ano, o alumnado da ESO celebrou o Día Escolar da Paz e a Non Violencia converténdose en axentes especiais dunha misión crítica. A través dun emocionante Escape Room titulado "Os Gardiáns da Paz", os nosos mozos e mozas tiveron que facer fronte a unha ameaza silenciosa que pretendía sementar o caos e o illamento no mundo.

🕵️ O Desafío: 50 minutos para salvar o mundo

Cun cronómetro marcando unha conta atrás de 50 minutos, os alumnos e alumnas dividíronse en equipos de elite para abortar o "Protocolo de Desconexión Global". A misión non era doada: o Axente do Caos fragmentara a Mensaxe Universal da Paz, e os seus pedazos estaban espallados e ocultos.

Para superar a proba, os equipos seguiron estas Regras de Ouro:

·         Traballo en equipo: A colaboración foi a súa mellor arma, compartindo ideas e escoitando aos compañeiros.

·         Observación e Enxeño: Tiveron que mirar con atención cada detalle e resolver enigmas usando a mente, sen forza bruta.

·         Xestión do tempo: O reloxo non se detivo, e cada pista solicitada supoñía un pequeno sacrificio de tempo no contador.

🕊️ Unha metáfora de convivencia

O obxectivo final foi a reconstrución da Mensaxe Universal da Paz. Esta actividade serviu para que o alumnado entendese que a paz non se constrúe en solitario, senón que require do esforzo colectivo e da comunicación para romper as barreiras do illamento.

O alumnado estivo moi activo e implicado durante toda a sesión, demostrando unha gran axilidade mental para resolver os enigmas que os levarían a localizar e recompoñer cada un dos fragmentos da mensaxe. A tensión do reloxo e o misterio do sistema de desconexión converteron a aprendizaxe nunha aventura inesquecible. Con actividades coma esta, os nosos mozos e mozas non só aprenden sobre a paz, senón que a poñen en práctica a través do compañeirismo e a resolución de problemas en común

  Noraboa aos nosos Gardiáns da Paz polo seu enxeño e compromiso!

 

 

 

 

-Lectura Manifiesto Paz

 

OBRADOIRO REDE SOLIDARIA DA MOCIDADE ENTRECULTURAS

O Mércores 21 e o venres 23 de xaneiro 2026 contamos coa visita de Estefanía Franco e Patricia Meléndez, da ONGD Entreculturas, que impartiron un obradoiro a cada un dos grupos da ESO para abordar a través de diferentes dinámicas o concepto de Cidadanía Global. Esta foi unha oportunidade ideal para a creación de grupos focais e debatir sobre as problemáticas locais. A rapazada visibilizou as súas necesidades, tendo en conta a situación que se está a vivir no rural galego, onde a falta de transporte público e lugares para a socialización supón unha fenda ás veces difícil de superar. Outro dos obxectivos que pretendía este obradoiro era presentar e reactivar a Rede Solidaria da Mocidade Entreculturas, unha rede que tivo grandísima importancia entre a mocidade do noso centro entre os anos 2009 e 2019, e que desde a situación sociosanitaria da covid-19 foi perdendo forza. 

Levar a cabo os obradoiros no CPI Virxe da Cela permitiume lembrar e reconectar co meu pasado na Rede Solidaria da Mocidade. Foi un pracer ver como os rapaces e as rapazas identificaban as problemáticas que lles afectan directamente e como debatían sobre elas. As súas inquedanzas difiren das que poden ter outros grupos cos que facemos sesións similares na cidade, o cal é sumamente enriquecedor para unha rede con alcance nacional (no caso da RSJ) e internacional ( no da RG21+). Ademais, tras indagar distintas realidades, decátaste de que moitas coinciden independentemente do código postal ou do país. En resumo: a xuventude reclama ser escoitada e que se cumpran os seus dereitos. Patricia Meléndez

Como participante do obradoiro, considero que foi unha experiencia moi enriquecedora. Non só aprendemos conceptos novos, senón que tamén tivemos a oportunidade de expresar o que sentimos sobre a nosa realidade como mozos e mozas do rural. Gustoume especialmente ver que as nosas voces foron escoitadas e tomadas en serio. Saín da actividade coa sensación de que, aínda que sexamos novos, podemos contribuír a mellorar o noso entorno se traballamos unidos. Oxalá esta rede solidaria recupere a forza que tivo no pasado e se converta nun espazo onde a nosa xeración tamén deixe pegada. Marcos Garabana (4º ESO).

A través desta actividade fixémonos preguntas xerais de como está o mundo e as nosas vidas, como están os nosos dereitos, por exemplo, e se serve  o que facemos para evitar o cambio climatico. Na miña opinión, este obradoiro de Entreculturas fíxonos replantexar as nosas ideas sobre o mundo, xa que como hoxe en día todo é moi efímero e descontrolado non nos deixa pensar sobre estas cousas. Erik Allegue (3º ESO). 

PRESENTACIÓN FERRAMENTA DE AVALIACIÓN DE COMPETENCIAS DE CIDADANÍA GLOBAL. MOVEMENTO 4.7

O pasado curso académico o noso centro participou na experimentación cunha nova ferramenta para a avaliación de competencias de Cidadanía Global e Desenvolvemento Sostible, que foi deseñada e impulsada desde as ONGs da Alianza 4.7 (Alboan, Entreculturas, InteRed e ONGAWA). É por isto que fomos convidados para participar nunha sesión en liña de presentación da ferramenta cos equipos dos 7 centros que participaron no proceso, para comentar os primeiros resultados da implementación. Consistiu nunha sesión de 90 minutos, o luns 19 de xaneiro, en horario de 15.00-16.30h. O espazo foi facilitado polo equipo da Universidade Loyola Andalucía, e acompañado por compañeiras da Alianza 4.7.

 

NADAL 2025

 

 Hoxe, venres 19 de decembro de 2025, desde o CPI Virxe da Cela queremos dar as doce badaladas en familia, reuníndonos alumnado e profesorado no comedor escolar para despedirnos antes das vacaciones de Nadal. Grazas a todos aqueles rapaces e rapazas que axudaron a amenizar musicalmente esta xornada festiva. Bo Nadal 2025!! E Feliz Aninovo 2026!!

UN ENCONTRO DE CORAZÓNS: VISITA AO CENTRO DE DÍA DO XESTAL

 Un ano máis, o Nadal serviu de ponte para unir as xeracións do noso concello. Nunha xornada cargada de emoción, o alumnado de Infantil, acompañado polos rapaces e rapazas de 3º e 4º da ESO do Colexio Virxe da Cela, visitaron o Centro de Día do Xestal para compartir o seu tempo e alegría cos nosos maiores.

Música, tradición e moita ilusión

O centro encheuse de vida coas voces dos máis pequenos e a enerxía dos maiores. Durante a visita:

• Os nenos e nenas de Infantil fixeron rir e aplaudir a todos cantando e bailando o tradicional "Mi burrito sabanero".
• Non faltaron as panxoliñas nin o son das gaitas e pandeiretas, que puxeron o ritmo tradicional a esta mañá tan especial.
• Pero, sobre todo, o que máis brillou foi a ilusión reflectida nas caras de pequenos e maiores ao compartir este ratiño xuntos.

Un agasallo con raíces

Para selar este momento de unión, o alumnado fixo entrega dunha Flor de Pascua moi especial, acompañada dunha mensaxe que emocionou a todos os presentes:

"Vedes as follas novas, coma nós? Pois para que esas follas medren fermosas e cheguen ao máis alto, necesitan algo esencial: as raíces. Vós, os nosos queridísimos maiores, sodes esas raíces fondas e poderosas que nos suxeitan á terra. Sodes a sabedoría que nos dá seguridade e o amor que nos permite soñar."

Con este pequeno detalle, quixemos enviarlles un abrazo quentiño a cada un dos seus corazóns, desexándolles unhas festas cheas de saúde, paz e, sobre todo, moitísimo agarimo.

Grazas, maiores, por ser o noso mellor exemplo!

 

CONMEMORACIÓN DO 25 N NO CPI VIRXE DA CELA

 

 A comunidade educativa do CPI Virxe da Cela reuniuse o martes 25 de novembro de 2025 no patio cuberto para conmemorar unha data moi significativa: o Día Internacional da Vioencia contra a Muller. O acto iniciouse cunha pequena presentación de posicionamento para combater esta problemática social e xa a continuación alumnado e profesorado cantou e signou o famoso tema La Puerta Violeta de Rozalén, toda unha metáfora do escape e a liberación das mulleres. Agradecemos a Lola Flores, alumna de 4º da ESO, e a Diego Garabana, alumno de 2º de ESO, por ofrecernos a súa voz e a súa guitarra respectivamente, interpretando a música en directo. 

Este martes 25 de novembro de 2025 reunímonos todo alumnado e profesorado do CPI Virxe da Cela no patio cuberto co fin de conmemorar o Día Internacional da Violencia contra a Muller. Neste acto, cantamos e representamos con lingua de signos a canción de “La Puerta Violeta”, de Rozalén. Ademais, tivemos a sorte de que a miña compañera de 4º da ESO, Lola Flores, deleitounos e guiounos coa súa gran voz, acompañado por Diego Garabana de 2º da ESO. Foi un acto dun día que hai que reivindicar e que todos/as/es debemos coñecer, por iso está moi ben que nos colexios se conmemorar. Alexandre Doutón (4º ESO).

A conmemoración do 25 N no noso centro  foi un acto sinxelo pero cargado de significado, no que quixemos mostrar o noso malestar fronte a esta realidade. Participar nesta actividade fixo que todos e todas tomásemos maior conciencia sobre a importancia de loitar contra a violencia machista e de apoiar ás vítimas. A letra da canción de Rozalén, La Puerta Violeta, que fala de liberdade e de romper co medo, encaixaba perfectamente coa mensaxe do día. É fundamental que nos centros educativos se organicen iniciativas como esta, porque axudan a educar, sensibilizar e lembrar que a igualdade é tarefa de todos. Foi unha experiencia positiva que sen dúbida recordaremos no futuro. Marcos Garabana (4º ESO).

I EDICIÓN POLO DÍA UNIVERSAL DOS DEREITOS DA INFANCIA NA COMARCA DO EUME

 

Este mércores 19 de novembro reunímonos na Casa da Cultura de Pontedeume tres colexios pertencentes á comarca do Eume (o CPI Virxe da Cela de Monfero, o CEIP Eladia Mariño de Cabanas e o CEIP de Andrade), para conmemorar o 20 de novembro, Día Universal dos Dereitos da Infancia. Xunto cos meus compañeiros da clase de 4º da ESO acudimos alí xa que, como case todos tocamos algún instrumento, como o tambor, a gaita, ou pandereta, pedíronnos que fóramos facer a entrada e o peche do acto. Durante este acto interviron varios representantes políticos desta comarca e tamén representantes dos centros educativos, como o noso director Iker Sánchez. Máis tarde seguimos coas exposicións do alumnado dos tres centros, as cales todos fixeron moi ben, e finalmente voltamos outra vez coa nosa actuación musical, e cun picoteo antes de saír. Foi un acto moi agradable no que a Asociación Euroeume, a asociación que organizou o acto, nos tratou moi ben. Alexandre Doutón (4º ESO).

VIDEOCONFERENCIA REPRESENTANTES ALUMNADO REDE COMPÁS

 Luns 27 outubro 2025, ás 12:00 horas. A piques de finalizar o proxecto Rede Compás, tras varios meses de intenso e interesantísimo traballo, xa soamente queda facer una reflexión sobre todo o proceso. Representantes do alumnado do CPI Virxe da Cela mantiveron unha videoconferencia co alumnado dos outros centros educativos galegos para facer unha posta en común, e expresar todas aquelas opinións que cremos que poden contribuír a un enrequecemento. É evidente que o grao de satisfacción do alumnado con respecto a este proxecto Erasmus+ foi moi alto, e foron moitas as aprendizaxes adquiridas.  

ACTIVIDADE FINAL REDE COMPÁS

Mércores 15 outubro 2025. Roi Quitián, da asociación AGARESO (Asociación Galega de Comunicación para o Cambio Social) visitou hoxe o noso centro para facer a última das actividades integradas dentro do proxecto Rede Compás, que deu inicio en setembro de 2024. Todo o alumnado do CPI Virxe da Cela que de maneira voluntaria decidiu formar parte deste proxecto para a mocidade tivo a oportunidade de analizar todos os obxectivos acadados e de deseñar a maneira de dar continuidade a esta iniciativa, xa que a Rede Compás foi unha semente que pode seguir medrando.

A Rede Compás  intégrase na convocatoria Erasmus Plus KA154, financiado por la UE, e realizarse a través dun convenio de colaboración con AGARESO. Consta de varias formacións online e presenciais, unha xuntanza con outros centros galegos en abril de 2025, unha comunicación de guerrilla e un acto de incidencia política no noso concello (xuño 2025) e unha viaxe ao Parlamento Europeo en setembro 2025. O CPI Virxe da Cela é un dos cinco centros galegos que forma parte da Rede Compás (cun total de 15 alumnos/as participantes e 3 docentes).

Este proxecto estivo moi ben, incluso me atrevo a dicir que a REDE COMPÁS foi o mellor que tivemos, polo menos nestes últimos 4 anos en secundaria. Foi unha gran experiencia, na que aprendimos a organizarnos e loitar polo que queremos. Nel fixemos varias actividades, destacando entre elas o Hackatlón en Allariz xunto con outros 4 centros de Galicia (Brión, Bueu, Silleda e Viana do Bolo) durante 3 días, e alí, ademáis de facer moitas amizades, puxemos entre todos as nosas ideas en común. E para finalizar, algúns tivemos a sorte de visitar o Parlamento Europeo en Bruselas con alumnos/as e profesorado dos outros centros, facendo desta, unha experiencia inesquecible. Pero non só acaba aquí, esperemos que a Rede Compás soamente fora unha semente en nós, e sigamos organizándonos e loitando xuntos polas cousas que queremos. Alexandre Doutón (4º ESO). 

A8 Difusión, transferencia y sostenibilidad by veracruces

PRESENTACIÓN DA EXPERIENCIA EN BRUXELAS DO ALUMNADO REDE COMPÁS

 Despois da viaxe realizada en setembro a Bruxelas, os tres alumnos/as do CPI Virxe da Cela que representaron ao noso centro educativo nesta actividade explicaron o mércores 1 de outubro de 2025  ao resto do alumnado que forma parte da Rede Compás en que consistiu esta experiencia. Poder ser recibidos por persoas vinculadas á política europea no Parlamento de Bruxelas e facerlles chegar as peticións da mocidade galega foi un momento moi importante, algo que estivemos preparando durante todo un curso. Ademais deste compoñente de activismo político e cidadanía responsable, estes tres estudantes tiveron a oportunidade de relacionarse con outros mozos e mozas dos outros catro centros educativos galegos que participan no proxecto. Foi unha experiencia vital, iso foi evidente, por iso agradecemos a AGARESO (Asociación Galega de Comunicación para o Cambio Social) ter pensado no noso centro para participar neste proxecto Erasmus+. Aínda que a Rede Compás chega ao seu final, sabemos que está plantada a semente e seguramente todas as aprendizaxes servirán para crear un grupo de asociacionismo xuvenil que atenda ás demandas da xente moza.

ALUMNADO DO CPI VIRXE DA CELA VISITA O PARLAMENTO EUROPEO EN BRUXELAS

A Rede Compás é un proxecto socioeducativo e de participación xuvenil impulsado por AGARESO (Asociación Galega de Comunicación para ou Cambio Social), financiado pola Unión Europea a través do programa Erasmus+. O seu obxectivo é conectar a mozos de zonas rurais galegas para convertelos en axentes de cambio.

En setembro de 2025 alumnado e profesorado dos cinco centros educativos galegos que participan no proxecto viaxaron a Bruxelas para presentar as súas reivindicacións e propostas de cambio social ante eurodeputados, adquirindo experiencia directa no funcionamento político comunitario. Esta viaxe foi a culminación dun proceso onde o alumnado debateu e redactou un manifesto xuvenil sobre o futuro da súa contorna. 

SCHOOL TO SCHOOL 2025-2026

 Iniciamos o curso escolar 2025-2026 mantendo o compromiso que temos coa Fundación Vicente Ferrer, a través do proxecto School to School, un intercambio cultural e tradicións cunha escola da India, a Konampalli School. 

Este curso a temática a tratar vai a ser os "Deportes e Xogos".

Guion Tema4 Deportes -e Xogos Galego by veracruces