PROGRAMA CIBERVOLUNTARIOS

O Xoves 5 novembro 2020 o alumnado de 5º e 6º EP inicia unha formación online sobre o acoso e a violencia de xénero na rede dentro do programa "Piensa, Conéctate" de Cibervoluntarios, e impartida por Genoveva García.  

VII PREMIO CONCEPCIÓN ARENAL PROXECTOS EDUCATIVOS POLA IGUALDADE DE XÉNERO

 

O Premio Concepción Arenal 2019: proxectos educativos pola igualdade de xénero ten por obxecto deseñar e executar proxectos educativos que procuren o desenvolvemento de habilidades para a identificación e o rexeitamento de estereotipos sexistas que contribúen a xerar e manter a violencia de xénero, así como a construción de esquemas alternativos que axuden a comprender e respectar a igualdade de oportunidades real entre sexos. Poderán participar centros educativos públicos da provincia nas seguintes modalidades: A) Proxectos educativos en educación infantil B) Proxectos educativos en educación primaria C) Proxectos educativos en educación secundaria Premio: Convócase un premio en metálico de 5.000 euros por cada modalidade. 

 Información web: https://www.dacoruna.gal/servizos-sociais/area-igualdade/premios-e-concursos/concepcion-arenal-proxectos-educativos-igualdade-xenero#2020 Bases:

VII CONCURSO DE GUIÓNS CONTRA A VIOLENCIA DE XÉNERO

 

INVITACIÓN CAFÉ CON ENTRECULTURAS

Invitacion cafe coruna 2020 from satelite1

I PREMIO GALEGO DE EDUCACIÓN PARA O DESENVOLVEMENTO E A CIDADANÍA GLOBAL

Aberta a 1ª edición do Premio Galego de Educación para o Desenvolvemento e Cidadanía Global A Coordinadora Galega de ONGD abre a convocatoria da primeira edición do Premio Galego de Educación para o Desenvolvemento e a Cidadanía Global coa vontade de recoñecer experiencias educativas transformadoras que fomenten unha cidadanía solidaria, crítica e comprometida coa construción dun mundo xusto.

Bases premio-galego-ep cg from satelite1

REUNIÓN PROFESORADO ENTRECULTURAS

 

O pasado luns 19 de outubro de 2020 o profesorado responsable dos grupos galegos da Rede Solidaria da Mocidade Entreculturas mantivemos unha reunión online coa técnico da ONG Entreculturas (Estefanía Franco) para intercambiar impresións e aportar ideas neste inicio de curso 2020-2021. 

DE NENAS E DE LENDAS

Dentro das actividades de conmemoración do 8 de Marzo polo "Día da Muller", o Departamento de Orientación e o de Educación Física de Secundaria en colaboración coa coordinadora da actividade para infantil e primaria, elaboran e propoñen as seguintes actividades, para realizar coa colaboración de todo o profesorado de Infantil, Primaria e Secundaria.

 

8 maio de ninas-a-leyendas from satelite1

8 marzo actividades.docx from satelite1

GRADUACIÓN 4º ESO. CPI VIRXE DA CELA. 2020

A verdade é que cando me puxen a escribir a entrada do blog e mirei o título,“Graduación 2020”, invadiume  unha mestura de tristeza e satisfacción.Tristeza porque non puidemos festexar o voso acto de graduación como quereriamos, como vos merecedes... A situación que vivimos por mor desta pandemia obrigounos a deixar de vernos desde marzo, a deixar de facer moitas actividades que tiñamos programadas e nas que vós seriades protagonistas, e a cambiar moitos dos nosos hábitos. Pero  en todo este contexto, debemos quedarnos  coa alegría de pensar que conseguistes finalizar con meritorio éxito unha etapa que comezou hai 13 anos neste, o voso cole o  Virxe da Cela.

A todos os  profes  gustaríanos agradecervos todo o que nos aportastes durante todos estes anos. En moitos momentos convertéstesvos en activistas, mestras, contacontos, presentadoras, voces críticas...fixéstesnos lembrar o importante que é loitar con paixón polo que un quere, aprender de amizade, de goce, de paixón pola vida e mil cousas máis.

O noso obxectivo non foi simplemente que aprenderades, senón moito máis que iso. O tempo é ese ben tan prezado que non se pode recuperar, e esperamos que ese tempo sexa importante para vós, non só pola formación académica que  recibistes, senón tamén pola humana. Gustaríanos que vos levarades valores, actitudes, gratitude, xenerosidade, amizade, formas de entender a vida... e que isto vos resulte útil para o voso futuro.

 Agora é o momento de que  comecedes unha nova etapa. Non perdades o gusto por aprender, por descubrir, por investigar, por estar conectadas con todo o que vos rodea. Non hai mellor forma de estar vencellados aos outros e á vida que esa habilidade que temos desde nenos de querer saber e saber máis aló.

E bueno... sen dúbida xa vos convertestes en parte das nosas vidas.
Moitas grazas por formar parte desta comunidade educativa e alá, onde a vida os leve, non vos  esquezades nunca das vosas orixes, de quen sodes e de onde  vides, sentídevos moi orgullosas porque sodes Monfero  Calidade, Galiza  Calidade.

Para rematar  querémosvos  desexar de corazón toda a  sorte  do mundo  e  recordarvos que  sempre  teredes  abertas  as portas  deste, o voso cole.

Con cariño de toda a Comunidade Educativa do CPIP Virxe da Cela

CALENDARIO ENTRECULTURAS 2020-2021

Calendarioescolar20202021 from satelite1

CPIP VIRXE DA CELA NO EDCAMP MALLORCA

Compartimos convosco este vídeo que resume a participación de 9 alumnos do CPIP Virxe da cela no EDCAMP, un proxecto L@bs4Opps a través da Fundación Ayuda en Acción. Esta actividade tivo lugar o 26 de outubro de 2019, e constituiu un lugar de intercambio de experiencias entre mozos e mozas de Baleares, Aragón e Galicia, creando un espazo para o debate aberto sobre tecnoloxía e igualdade de oportunidades. A EdCamp poido realizarse grazas ao apoio da Fundació Jaume Bofill e a Fundación Probitas. Preme na seguinte imaxe para acceder a máis información (nota de prensa).

O VALOR DO ESFORZO DIARIO

Eu escollín esta película porque me parece que nos pode axudar moito, nesta crise que estamos a pasar do coronavirus a que hai que facer os deberes e non estar xogando todo o día porque o día da para todo. Ademais se ti mesmo non fas os deberes e chos fai outro a inda que ti leves os logros non vas saber facer nada, e se fas por ti mesmo as cousas sempre vas aprender algo novo. Manuel Freire Platas (1º ESO)

ENTRECULTURAS: ASAMBLEA FIN DE CURSO FORMATO TELEMÁTICO

    Este ano, debido á situación excepcional (Covid-19), o encontro Fin de Curso da Rede Solidaria da Mocidade Entreculturas tivo lugar de maneira telemática o pasado xoves 14 de xuño de 2020 de 18:00 a 20:00 horas. Contamos coa participación da nosa profe Yolanda e dos alumnos Uxía (1º ESO) e Hugo (3º ESO). 

      Todos coñecemos algún evento ao que queríamos asistir este ano pero debido ao estado de alarma que co que levamos convivindo xa tres meses non foi posible . Ao que quero chegar con isto é que a Rede Solidaria Mocidade Entreculturas non se detivo ante esta situación e buscou alternativas para poder celebrar a súa Asamblea de Peche de Curso, o que levounos a celebrar a reunión dixitalmente. Algúns dos alumnos do CPI Virxe da Cela participaron no encontro que, ainda de larga duración (dúas horas) facíase levadeiro grazas a que a participacipación era activa. Neste encontro dixital tratamos temas como a incidencia política, no que profundizamos bastante, o estado actual do medio ambiente e da migración e por último a situación de desigualdade que estan a vivir mulleres de todo o planeta. Tamén empregamos a plataforma kahoot, coa que tivemos que responder un quiz con preguntas relacionadas a estos temas. Persoalmente estou satisfecho de haber participado , xa que foi entretenido e adquirín coñecementos de temas moi importantes que non dominaba tanto. Hugo Lucía Romero (3º ESO)

      O día 4 de Xuño participei no Encontro final de Entreculuras. Había rapaces e rapazas de Galicia, Asturias e Latino América. Este ano foi por videoconferencia xa que por culpa da pandemia non o podeimos facer como todos os anos. Fixemos un Kahoot sobre a incidencia política, estivemos falando entre todos, puxéronos en grupos pequenos para debater sobre as preguntas do Kahoot. Logo volveron a preguntarnos sobre as cuestións tratadas nos grupos e debater que nos parecía, como foi a nosa posta en común etc. Eramos 35 persoas en total na vídeo conferencia de Galicia, Asturias e Latino América. Espero que para o próximo curso non sexa por videoconferencia e poidamos vernos en persoa con saúde. Uxía Boado (1º ESO)

                                                                  

                 

Asamblea cierre 2020 from satelite1

SITUACIÓN DE EMERXENCIA NOS CAMPOS DE REFUXIADOS

Observa unha imaxe na que aparecen datos e debuxos sobre o coronavirus e os campos de refuxiados. Busca información sobre que é e como está organizado un “campo de refuxiados” e escribe un informe poñéndote na pel dun médico de “Médicos sen Fronteiras” que está a traballar nun campo de refuxiados describindo a situación de emerxencia pola chegada do coronavirus. Contextualiza a túa historia (elixe un campo de refuxiados que exista, indica a súa situación xeográfica, indica o número de refuxiados que viven nel, o motivo polo que hai poboación desplazada neste lugar de acollida, as organizacións de axuda humanitaria que están a traballar, etc).

 

Covid refugiados dpb from satelite1

CANDO POIDAMOS VOLVER AO COLE

      O Departamento de Orientación do CPI Plirilingüe Virxe da Cela quere saber que pasa polas cabezas do noso alumnado en relación a como elas e eles ven a futura volta ao cole. Non sabemos cando nin como polo que, seguramente, poidamos sacar moitas e moi boas ideas de todos eles.

     "Dende que o 13 de marzo confináronnos nos nosos fogares, deixando baleiro o Virxe da Cela, as familias asumiron unha gran responsabilidade ao proporcionar entornos de aprendizaxe que ata o momento realizábamos de forma compartida. Esta nova situación que nos tocou vivir fai que cando volvamos á escola pode que teñamos que adaptar as nosas formas de relacionarnos e de utilizar os espazos. Imaxinades ter que falar, xogar, estar na aula,… a unha distancia mínima de dous metros? Non debemos volver con medo, pero si con precaución; tampouco volver sen afecto, pero si gardando as distancias e cunhas normas mínimas de hixiene básica que xa todos e todas coñecemos."   Departamento de Orientación.

 

Cando poidamos-volver-ao-cole... de satelite1

Manuiel freire platas (1) from satelite1

Marcos areosa volta ao cole from satelite1