O noso centro foi seleccionado como gañador
autonómico na 34 Edición do Concurso Escolar ONCE que nesta ocasión e baixo o Lema “Reinventemos xuntos unha escola
para tod@s” invitou a os docentes e alumnos/as a traballar e reflexionar sobre unha escola inclusiva que permita abordar e responder á diversidade das necesidades dos alumnos e alumnas a través dunha maior
participación na aprendizaxe, das actividades culturais e comunicativas e reducir a exclusión dentro e fora do sistema educativo.
O vídeo dos alumn@s de 1º ESO titulado “Apostamos polo i” reivindica unha
escola con “i” de igualdade, ilusión, innovación, identidade, inxenio e
inclusión.
O noso centro pasará agora a
representar a Galicia na fase estatal, cuxa resolución se coñecerá a
mediados de mayo.
Os ganadores absolutos desta edición,
gozarán durante unha fin de semana en Madrid do“ Campus Reinventa a Escola", no que vivirán momentos “cheos de actividades e experiencias innovadoras”, con visitas culturais e obradoiros.
Toca esperar á ultima fase. Mentras tanto.... parabéns e moita sorte.
Este ano baixo o lema “A educación o camiño cara á paz. Deixa a
túa pegada!”, queremos visibilizar a situación da educación en contextos de
conflito e emerxencia, destacando o papel fundamental da educación como a única
forma de acabar coa intolerancia e a violencia tanto nas contornas educativas
como no conxunto da sociedade, e como ferramenta imprescindible para favorecer
unha resolución pacífica dos conflitos e promover unha cultura de paz.
Nos últimos anos observamos un
incremento masivo dos desprazamentos forzosos de persoas, principalmente por
mor de graves situacións de conflito, como o caso de Siria, pero tamén por
culpa de desastres naturais derivados do cambio climático, a situación
económica dos seus países de orixe ou por razóns de persecución política e
relixiosa. Estes desprazamentos forzosos chegaron a un récord mundialalcanzando os 65,6 millóns de persoas,
privadas de moitos dos seus dereitos, entre eles o dereito á educación, e
afectando especialmente a menores,que representan o 51% da poboación refuxiada
do mundo.
A educación, unha ferramenta para a construción de paz
A paz empeza por rexeitar a violencia
como mecanismo de resolución de conflitos. É fundamental que as persoas se
eduquen nunha serie de valores que promovan a resolución non violenta dos
conflitos: xustiza, liberdade, cooperación, respecto, solidariedade, a actitude
crítica, o compromiso, a autonomía, o diálogo e a participación. No caso das
sociedades afectadas por situacións de conflito e post-conflito, o dereito á
educación é esencial para: a construción de paz e a promoción de sociedades
máis cohesionadas, a protección da infancia, a normalización da vida e a
efectiva reconstrución das zonas afectadas por conflitos.
No caso de España, a educación é
fundamental para que os menores sexan conscientes das realidades que vive a
infancia noutros contextos, para que recoñezan e eviten actitudes como o
racismo e a xenofobia e recoñezan o valor da diversidade mediante a comprensión
e o coñecemento.En definitiva, o acceso
á educación constitúe unha poderosa ferramenta para construír sociedades
capaces de resolver os seus conflitos de maneira pacífica, tanto naqueles
países que xa ven afectados por este tipo de situacións como nos que, como
España, convértense en lugares de acollida.
Prepárate para ser activista!Deixa A túa Pegada!
Aquípodes atopar as unidades didácticas para traballar a Campaña deste ano.
Marga e Antonio, ACNUR. Charla sensibilización para alumnado ESO, martes 20 marzo 2018 de 10:35 a 11:25
A migración dos seres
humanos é un fenómeno mundial e está presente en todas as épocas da historia e
en todas partes do noso planeta.
Calquera proceso
migratorio implica dous conceptos:
Emigración é a
saída de persoas dun país, lugar ou rexión, para establecerse noutro país, lugar
ou rexión.
Inmigración é a
chegada a un país ou lugar de persoas procedentes doutro país ou lugar.
O fenómeno
demográfico da migración é moi complexo e pode deberse a diferentes causas, algunhas
delas son por causas bélicas ou conflitos internacionais, como no caso de Siria,
onde a magnitude da emerxencia humanitaria é alarmante; por causas de
inestabilidade política ou socioeconómicas, como acontece na rexión do Sahel.
Para coñecer algo
máis desde fenómeno, o alumnado da ESO
comeza a Semana da Ciencia escoitando a Margarita Vidal Maceira, promotora de
ACNUR (Alto
Comisionado de Nacións Unidas para a atención ao Refuxiado),axencia da ONU que,
desde 1950, brinda asistencia e protección a todos os civís inocentes cuxas
vidas corren perigo ao desatarse conflitos bélicos nos seus países ou como
consecuencia de persecucións por motivos políticos, relixiosos ou sociais.
Durante os últimos 67
anos, ACNUR converteuse na axencia de axuda humanitaria con máis millóns de
persoas baixo o seu amparo, axudando a salvar a vida de máis de 60 millóns de
persoas e sendo a única galardoada co Premio Nobel da Paz en dúas ocasións
(1954 e 1981).
Esta organización
persegue protexer os dereitos e o benestar das persoas que teñen que migrar de
maneira involuntaria ou forzada. O seu esforzo vai dirixido a garantir que
todos e todas poidan exercer o dereito para solicitar asilo e atopar refuxio
seguro noutro Estado, pero tamén a que teñan a posibilidade de regresar aos
seus fogares de forma voluntaria ou de vivir noutro país.
O castelo de Santa
Cruz (Oleiros) foi o espazo idílico que acolleu o pasado sábado 17 de marzo de
2018 o módulo 2 do programa de formación-acción en participación enmarcado
dentro do proxecto “Horizontes 2030: Construíndo liderados positivos para
unha xuventude galega transformadora”.
A xornada comezou
ás 10 da mañá, repartíndonos en dous grupos de traballo: por un lado a Xunta
Directiva de Solidariedade Internacional
Galicia e por outra banda o profesorado. Este último grupo reuniuse co
obxectivo de potenciar un traballo conxunto
co fin ultimo de deseñar colaborativamente unha proposta educativa para levar
as aulas o próximo ano. Unha proposta educativa baseada no paradigma da
educación para o desenvolvemento e con perspectiva de xénero.
Ás 12:00 da
mañá deu comezo a charla-coloquio con Haydeé Castillo, Directora do Instituto de Liderazgos las Segovias,
que é a contraparte de SIG en
Nicaragua. Despois do xantar participamos todos e todas das dinámicas
ofrecidas por Ana Lorenzo e antes do remate fixemos unha reflexión e un
compromiso individual para poñer xa en práctica o aprendido.
Parabénsaos alumnos e alumnas de 1º da ESO do CPI Virxe
da Cela por ser os gañadores da Fase Provincial no 34 Concurso
Escolar da ONCE “Reinventemos
xuntosunhaescola para
tod@s”.
O
noso
vídeo “Apostasmos polo
i” pasa directamente á Fase
Autonómica.Moitasorte…
e seguimos apostando por unhaescola con “i” de
igualdade, ilusión, innovación, identidade, inxenio, inclusión, en definitiva unhaescolaIDEAL.
Parabénstaménaosnososcompañeiros do CPI As Mirandas de Ares polos traballos realizados a prol
da inclusión.
A educación é vital para construír un futuro mellor pero… que pasa con eses millóns de nenos e nenas que están privados dela? Poñámonos a pensar na cantidade de persoas que teñen que fuxir dos seus fogares por mor dunha guerra, un desastre natural, ou mesmo na procura dunha vida digna... Poden pasar semanas, meses e incluso anos, e no devenir de todo este tempo eses nenos e nenas convértense en adultos ser formación e, por tanto, con menos posibilidades para gañarse a vida e sacar adiante ás súas familias.
Poñámonos na pel desas persoas, empaticemos con elas, e expresemos en voz alta o noso sentir…
Isto é o que fixeron os rapaces e rapazas de 3º e 4º da ESO no 3º obradoiro da CME (Campaña Mundial pola Educación) que tivo lugar o pasado venres 16 de marzo de 2018. O resultado o podedes comprobar escoitando os audios destas testemuñas ficticias pero á vez tan reais… Roi Guitián, reporteiro de AGARESO (unha ONG galega de reporteiros solidarios) e encargado de impartir este obradoiro, fixo ao alumnado reflexionar sobre o enfoque que algúns medios de comunicación fan cando abordan as problemáticas da inmigración. Tamén achegou novas ferramentas (app Podbean) para que os rapaces/zas traballen a denuncia social e se convertan en activistas para a paz e a xustiza.
Baixo o lema “Reinventemos
xunt@s unha escola para tod@s” os alumnos e alumnas do CPI Plurilingüe Virxe da Cela de Monfero e o CPI As Mirandas de
Ares , uniron esforzos para
elaborar e realizarunha serie de vídeos
para o Concurso Escolar Once.Con esta
proposta a Fundación ONCE pretende sensibilizar aos alumnos/as, pais e nais,
profesores e profesoras e a todo o resto da sociedade sobre a importancia de
crear unha escola na que todo o mundo teña un oco e un lugar, dunha forma
dinámica e en equipo, unindo as nosas forzas e ideas para construila xuntos.
Aquí podedes ver os videos realizados e presentados ao
concurso escolar. Parabéns aos rapaces e rapazas dos dous centros polos guións que realizaron.
Venres 9 marzo. Un grupo de alumnos/as de 1º da ESO percorre as aulas do CPI Virxe da Cela para repartir as circulares ás familias e sensibilizar ao alumnado da importancia da súa implicación no X Rastro Solidario e Operación Quilo 2018.
Me parece buena idea darle más repercusión al Día de la Mujer en una sociedad tan machista como la actual. Realmente es triste, incluso indignante, que tengamos que reclamar la igualdad entre hombres y mujeres mediante una celebración cuando debería estar más que asimilado el concepto de la igualdad de género.
Con este comentario quiero reivindicar los derechos de la mujer en todos los ámbitos sociales y culturales porque es inimaginable que en pleno 2018 estén cobrando menos las mujeres que los hombres con iguales puestos de trabajo, que se planteen más darle un puesto de trabajo a una mujer (dudando de sus capacidades) que a un hombre.
Pero este problema no pasa sólo en el trabajo, por ejemplo: si tú le plantearas a alguien que te diga el nombre de un o una deportista te responderá, y te lo digo con seguridad, algún futbolista popular, algún jugador de la NBA o algún luchador de la UFC o de boxeo. Es bastante improbable que te responda el nombre de una mujer, ya que nuestra sociedad machista le da más repercusión a eventos deportivos masculinos que a femeninos.
Aunque todo esto está cambiando lentamente esto no quita que tenemos mucho que aprender, pero, recordad, los pequeños cambios (inclusión de mujeres en videojuegos deportivos, más repercusión en eventos organizados por mujeres, en general más reconocimiento a las mujeres) pueden cambiar, poco a poco, una sociedad entera. Hugo Lucía Romero (1º ESO).
Fundación Repsol colabora co
programa Aquí también de Ayuda en Acción que loita contra a pobreza
infantil en España
Para o noso centro, o CPI Plurilingüe Virxe da Cela (Monfero), é todo un honor recibir a visita da Fundación Repsol e a Fundación Ayuda en Acción, xa que a través dun convenio de colaboración que se está levando a cabo nos últimos anos con estas institucións o noso alumnado pode realizar saídas extraescolares e utilizar ferramentas on-line de grande utilidade pedagóxica como Glifing ou Smartick, que potencian as habilidades matemáticas e lingüísticas do alumnado.
Esta visita realizouse o mércores 7 de marzo de 2018, e entre os asistentes figuraban Ignacio Egea (Vicepresidente segundo de Fundación Repsol), Lola Zamarra (Directora del Área Social e Voluntariado de Fundación Repsol), Marta Marañón (Directora de Relacións Institucionais de Ayuda en Acción), Beatriz Varela (técnico de Ayuda en Acción) representantes dos Concellos de Monfero e Irixoa, así como o presidente da ANPA do CPI Virxe da Cela, Jorge Pena. Mª Camino Pereiro González, directora da nosa escola, exerceu de fantástica anfitriona guiando a comitiva polas instalacións do centro e amosando o traballo que se está levando nas aulas grazas en parte ao financiamento destas entidades.
Despois desta parte “oficial” pasamos a unha comida máis informal. Arredor dunha mesa no comedor escolar e acompañados dun bo xantar os convidados descubriron moito máis sobre os nosos proxectos nunha charla animada na que saíron diferentes debates sobre a educación, o papel das familias, as dificultades de día a día, as nosas motivacións, os novos retos, etc.
Como postre doce a esta xornada realizouse o visionado do documental elaborado pola cosa compañeira Yolanda Castro no que aparecían reflectidas as actividades froito da colaboración con estas fundacións e finalmente Lucía Abarrategui e Sergio Pascual (Laboratorio Radiofónico) prepararon un especial radiofónico “Visita Fundación Repsol e Fundación Ayuda en Acción”. Os rapaces/zas de 4º de educación primaria foron os encargados de guiar este espazo radiofónico tan emotivo que chegou incluso a arrincar algunha lágrima aos asistentes. Podedes escoitar o podcast no noso blogue Monferosolario!!
O mércores 7 de marzo Ignacio Egea,
Vicepresidente de Fundación Repsol, visitou varios centros educativos aos que
apoia a Fundación en Galicia. Fundación Repsol contribúe á
sustentabilidade do programa Aquí también de Ayuda en Acción, co obxectivo de dar apoio á
infancia e familias, que viven en condicións de vulnerabilidade e en risco de
exclusión en España.
A visita comezou ás 9 da mañá no centro
escolar de Meicende. Ao mediodía a comitiva trasladarase até A Coruña para
percorrer as instalacións doutro centro
educativo e o itinerario finalizou en Monfero, onde os alumnos e alumnas
manteron un diálogo cos representantes de Fundación Repsol e de Ayuda en Acción.
Actualmente, a colaboración de Fundación
Repsol consiste en cubrir de libros de texto e material escolar,
bolsas de comedor,
merendas saudables de
media mañá e excursións e saídas culturais para
alumnado de distintos centros educativos da Coruña, Meicende e Monfero que
forman parte do programa Aquí también de Ayuda en Acción. Estas axudas
promoven a igualdade de oportunidades de nenos, nenas, novas e familias en risco
de exclusión e contribúen ao normal desenvolvemento educativo e social do
alumnado.
Así mesmo, dentro deste programa, Fundación
Repsol apoia proxectos de innovación educativa nos centros
educativos galegos, como o teatro, talleres de radio, un horto escolar e
ferramentas online que melloran as habilidades lingüísticas e matemáticas do
alumnado (Smartick e Glifing), así como as formacións realizadas na Escola de
Pais e Nais dun centro educativo. Estas iniciativas melloran as habilidades do
alumnado, a súa cohesión social, desenvolvemento educativo e contribúen á
redución da desafección escolar e consecuentemente á súa permanencia no sistema
educativo.
Ignacio Egea estivo acompañado pola Directora da área Social e Voluntariado a
Fundación, Lola Zamarra, e
pola Directora de Relacións Institucionais de Ayuda en Acción, Marta Marañón. Ademáis no Virxe da Cela esperábanos representantes dos Concellos de Monfero e Irixoa e o presidente da ANPA Jorge Pena.
O noso centro foi seleccionado como gañador
autonómico na 34 Edición do Concurso Escolar ONCE que nesta ocasión e baixo o Lema “Reinventemos xuntos unha escola
para tod@s” invitou a os docentes e alumnos/as a traballar e reflexionar sobre unha escola inclusiva que permita abordar e responder á diversidade das necesidades dos alumnos e alumnas a través dunha maior
participación na aprendizaxe, das actividades culturais e comunicativas e reducir a exclusión dentro e fora do sistema educativo.
