GAÑADORES DO I CONCURSO A PROL DA IGUALDADE E CONTRA A VIOLENCIA DE XÉNERO 2021

 O Concello de Irixoa fallou os premios do I Concurso a Prol da Igualdade e Contra a Violencia de Xénero 2021. Os gañadores son alumnos/as que cursan os seus estudos no CPIP Virxe da Cela: Elisa Fernández Vázquez (5º de educación infantil) e Hugo Lucía Romero (4º da ESO). O premio deste concurso consiste en visibilizar e difundir as obras gañadoras e así sensibilizar á poboación da importancia da igualdade e a loita contra a violencia de xénero. No caso do debuxo gañador de eduación infantil será unha mochila serigrafiada e co debuxo gañador da ESO unha libreta-axenda co debuxo gañador na portada.

Acta Reunión Concurso Igualdade 31 Marzo 2021 by veracruces on Scribd

CARREIRA SOLIDARIA SAVE THE CHILDREN 2021

Por motivos metereolóxicos adiantouse para hoxe, xoves 8 de abril de 2021, a Carreira Solidaria organizada pola ONG Save the Children. Como en anos anteriores, todo o alumnado e profesorado do centro aproveitou esta ocasión para celebrar una acción conxunta, iso si, respectando o protocolo Covid-19. A pesares do uso das máscaras o alumnado foi quen de chegar a meta, aínda que neste caso o importante non era gañar a carreira, senón sensibilizarnos ante os problemas do mundo. Grazas ás pequenas aportacións a modo de donativo, poderemos axudar aos nenos e nenas da República Democrática do Congo, xuntos correremos para loitar contra a neumonía e a desnutrición infantil. 

OLIMPIADAS DA SOLIDARIEDADE: 6 ABRIL, DÍA INTERNACIONAL DO DEPORTE E DA PAZ

Hoxe, 6 de abril de 2021, celebramos o "Día Internacional do Deporte e da Paz" participando na primeira das actividades programadas no proxecto "Olimpiadas da Solidariedade", unha iniciativa da ONG Taller de Solidariedade. 

Os rapaces e rapazas da ESO, nas materias de Relixión e Valores Éticos, xogaron  a unha particular modalidade de "Brilet Solidario": un xogo de balón prisioneiro no que, ademais de facer deporte e divertirnos, o alumando reflexionará sobre a interacción dos dereitos humanos coas reglas básicas do xogo, isto é, poñer o deporte ao servizo do desenvolvemento armónico do ser humano coa finalidade de favorecer o establecemento dunha sociedade pacífica e comprometida co mantemento dos Dereitos Humanos. Nesta particular versión do xogo do brilet o noso alumnado poido experimentar a privación de dereitos fundamentais: dereito á vida, dereito á educación, igualdade, liberdade de pensamento, liberdade de pensamento e asilo, etc... a través de normas específicas como xogar cunha soa man, privados de calzados, eliminar xogadores arbitrariamente, etc..

Realizando esta actividade acaderamos a primeira das medallas olímpicas: a Medalla Negra.

Cartel Medal La Negra by veracruces on Scribd

 

MOITO POR CAMBIAR

 

Con data 11 de marzo publicáronse as bases completas do Concurso de viñetas "Moito por cambiar" 2021 dirixido á poboación entre os 12 e 18 anos. Esta actividade está organizada pola Deputación Provincial da Coruña e forma parte do programa do 8 de marzo "Día das mulleres".

Concurso Moito Que Cambiar 2021 by veracruces on Scribd

REMATADA A FORMACIÓN EN MEDIACIÓN

 Martes 16 marzo. Última sesión de Formación en Mediación. 

     Os primeiros días centrámonos na teoría. Despois facíamos xogos interpretando conflictos , e un de nos era o mediador. Nestes xogos había que axudar a que as persoas que tiveran un conflicto resolveran o problema soas. Ademáis non sempre había unha soa resposta. Durante as últimas clases aprendimos a manexar todos os papeis conforme dúas ou máis persoas piden que lles axude a resolver o seu conflicto un mediador. Por último Andrea, a profe de mediación, deunos uns diplomas conforme remataramos a nosa aprendizaxe sobre a mediación. A min persoalmente pareceume moi divertido e moi efectivo para os conflictos , sobre todo para os da vida cotiá. Eu animaría a xente a que se apuntara a un obradoiro de mediación coma este. Iria Lence Porca (1º ESO)

       O obradoiro consistiu en que nós aprenderamos como solucionar os conflictos que poden xurdir no día a día da nosa vida cotiá. A min o que máis me gustou foi o roleplay que consistía nun conflicto conxunto no que había dous mediadores que tiñan que solucionalo. O obradoito foi moi interesante porque aprendín moitas cousas, como por exemplo, que todos os conflictos teñen unha posible solución sen chegar a facelos moito mais grandes. Eu penso que no futuro sempre se pode aportar algunha cousa das que aprendimos como por exemplo solucionar un conflicto para que non chegue nin a peleas nin a insultos. Lucía Freire Souto (1º ESO)

OLIMPIADA DA SOLIDARIEDADE: ENTRENO CONCIENCIA

 

O alumnado da ESO participará no terceiro trimestre nas Olimpiadas da Solidariedade organizadas pola ONG Taller de Solidariedade. Nas materias de Valores Éticos e Relixión realizaremos as actividades olímpicas "Entreno Conciencia" e iremos acadando as diferentes medallas que nos permitirán subir ao pódium e acreditarnos como Centro Olímpico Entreno Conciencia. Cada unha das actividades levarase a cabo seguindo un calendario con "Días Internacionais", datas destacadas: -6 Abril: Día Internacional do Deporte e a Paz -23 Abril: Día Internacional do Libro -8 Maio: Día Mundial do Comercio Xusto -5 Xuño: Día Mundial do Medio Ambiente -Xuño: Evento Deportivo Solidario.

Cartel Medal La Negra by veracruces on Scribd

CARREIRA SOLIDARIA SAVE THE CHILDREN 2021

O departamento de Educación Física de Primaria e Secundaria organiza un ano máis a carreira solidaria apoiando a labor de Save the Children co fin de reunir cartos, este ano, polos dereitos dos nenos e das nenas da República Democrática do Congo (Xuntos corremos para loitar contra a neumonía e a desnutrición infantil). A carreira terá lugar o venres 9 de abril de 9:55 a 11:30 no campo de fútbol e, no caso de choiva, cancelaríase e pasaríase a outro día.

Carrera Solidaria 2020-2021 by veracruces on Scribd

ENTREVISTAS SOLIDARIAS: DÍA DA PAZ E DA NON VIOLENCIA 2021

 O alumnado de 2º e 3º da ESO utilizou o formato radiofónico para investigar  sobre a labor de certos personaxes históricos na sua loita persoal cara á construcción dun mundo pacífico e a erradicación da violencia. Imaxinádesvos que diría Gandhi sobre Hitler, ou en que se inspiro o escritor William Golding para escribir a súa famosa novela "O Señor das Moscas"? Foi unha actividade de reflexión á vez que posibilito ao alumnado a potenciar as súas capacidades creativas e comunicativas, así como á adquisición de novas fermentas dixitais (este caso, a gravadora en liña "Vocaroo"). 

Veronica Dopico · Entrevista Gandhi

Veronica Dopico · Entrevista William Golding

CPIP VIRXE DA CELA: GAÑADOR DA FASE PROVINCIAL XXXVII CONCURSO ESCOLAR ONCE

 O cartel "Non deixes que che atrape", realizado polo alumnado de 4º da ESO do CPIP Virxe da Cela, gañador na fase provincial no 37 Concurso ONCE. 

Mentres facíamos o noso  MUPI publicitario, pensabamos o que queríamos transmitir, e cal sería a mellor forma de contalo con pouco texto e máis fotografías. O primeiro que vemos no centro do cartel en grande é unha fotografía dun teléfono móbil onde se esta “afundindo” unha persoa. Con iso queremos transmitir que os aparatos tecnolóxicos están moi ben, pero dentro duns límites. Temos que saber reaccionar a tempo e facer outras actividades que non impliquen estar diante dunha pantalla demasiado tempo. Na esquina inferior esquerda puxemos as iconas das redes sociais mais populares para reflexionar sobre a cantidade de aplicacións que inundan as nosas vidas, e que se nos deixamos atrapar por elas podemos caer na adicción ata o punto de ter que chegar a pedir auxilio.  Arriba a esquerda puxemos dúas sinais de precaución e alerta, porque como ven indica o titulo do cartel, isto non é un xogo!  

Carta Felicitando Ganadores Categoría C, A Coruña Marzo 2021 by veracruces on Scribd

MIL MILLÓNS DE VOCES PARA A EDUCACIÓN

A Semana de Acción Mundial pola Educación (SAME) celébrase anualmente no mes de abril. Este ano, baixo o lema "Mil Millóns de Voces", terá como obxectivo abordar, de maneira urxente, a falta de financiación da educación, agravada pola pandemia da Covid-19, e que está a afectar negativamente ao progreso de toda a axenda do desenvolvemento sostible, e concretamente, ao Obxectivo do Desenvolvemento Sostible (ODS) número 4. 

Un ano máis, estamos inmersos no desenvolvemento da Campaña Mundial pola Educación, unha acción que ten por obxectivo sensibilizar e mobilizar á cidadanía como portavoz e activista do Dereito á Educación e incidir nos representantes políticos para que cumpran os seus compromisos con este Dereito. Unha das accións con máis forza dentro da Campaña Mundial pola Educación é a SAME (Semana de Acción Mundial pola Educación) que este ano celébrase do 26-30 abril. No mes de maio do pasado ano, o peche de colexios afectou a máis do 90% da poboación estudantil de todo o mundo, o que supuxo que máis de 1.500 millóns de nenos, nenas e mocidade non puidesen acudir aos seus centros educativos. Este ano, queremos poñer voz e rostro a eses millóns de estudantes que se quedaron fora das aulas, mil millóns de voces cunha historia que merece ser escoitada e un dereito á educación que non debe ser ignorado. Baixo o lema #MilMillonesdeVoces e a través dos materiais que axuntamos nesta comunicación así como as actividades de mobilización, sensibilizaremos á poboación entorno á importancia de defender a financiación da Educación como ferramenta fundamental para que ninguén se quede atrás na recuperación fronte á crise social, económica e sanitaria xerada pola COVID-19. #MilMillonesdeVoces xurde do que nenos e nenas contáronos a través da acción da #MejorLección. Escoitar á infancia sobre todo en asuntos que lles concirnen e unha maior inversión en Educación é imprescindible para asegurar que ningún neno o nena se quede atrás. Ademais, queremos denunciar como a pandemia está agravando os retos para acceder a unha educación equitativa, inclusiva e de calidade para todas as persoas poñendo en perigo a financiación do Dereito á Educación. A continuación, podedes encontrar os materiais para poder sumarvos á Campaña Mundial pola Educación 2021. Ademáis, podedes acceder aos materiais online a través do landing: https://milmillonesdevoces.cme-espana.org/gl/ E deixámosvos neste correo ademais os arquivos coas UDs, para que volos poidades descargar e utilizar. Súmate ao lanzamento de #MilMillonesdeVoces! O Equipo da CME Galicia

DÍA INTERNACIONAL DA MULLER 2021

Neste Día Internacional da Muller, desde o CPI As Mirandas de Ares e o CPIP Virxe da Cela de Monfero,  vai o noso recoñecemento a todas as mulleres e o noso desexo dun futuro en igualdade en tódolos ámbitos da vida. Grazas a todas por saber  escribir a historia con tinta indeleble e por deixar a vosa pegada  nas nosas vidas.

PREPARATIVOS PARA O 8 DE MARZO: DÍA INTERNACIONAL DA MULLER

O Departamento de Orientación deseñou unha serie de actividades para realizar colectivamente todas as clases do CPI Virxe da Cela e así conmemorar o 8 de Marzo, "Día Internacional da Muller Traballadora". Para introducir a temática nas aulas, propoñemos a realización dunha actividade para levar a cabo de xeito oral en gran grupo. Reflexionamos sobre as tarefas propias do fogar e quen as realiza. Elaboramos un mural con gomets que representa dun xeito visual este aspecto. (Facer a compra, lavar a roupa, cociñar, coidar das/os fillas/os, poñer a mesa, limpar, pasar o ferro, recoller). No patio cuberto, sobre un papel continuo colocarase de forma plastificada as tarefas a realizar. Así cada docente preguntará orlamente ao grupo quen desenvolve esas tarefas, colocando o gomet dunha cor ou doutra según lenda. 

Actividade para o 8 de marzo: a desigualdade, como os virus, só produce vítimas. Por iso, propoñemos crear a nosa propia VACINA CONTRA A DESIGUALDADE, enmarcando a conmemoración na realidade que estamos a vivir. Cada curso, elaborará a súa propia vacina escribindo/debuxando os ingredientes precisos para asegurar a igualdade entre homes e mulleres. Colaborarán na súa elaboración diferentes mulleres relevantes na historia que podedes consultar e seleccionar na seguinte ligazón: https://11defebrero.org/2019/09/06/materiales-singulares/ 

Cada titor/a escollerá unha muller das presentadas e investigará a súa traxectoria. Deste xeito, ao realizar a vacina, levará como título: Vacina de (curso) en colaboración con (nome da muller relevante sobre a que se investigará na aula).

I CONCURSO A PROL DA IGUALDADE E CONTRA A VIOLENCIA DE XÉNERO 2021

O Concello de Monfero organiza o "I Concurso da prol da igualdade e contra a violencia de xénero 2021"

496809867 Bases i Concurso ... by veracruces

 

O NOSO COLE NA PRENSA: I PREMIO GALEGO EPDCG

Diferentes medios de comunicación (prensa escrita, radio) fixeron eco do galardón que acaba de recibir o noso centro co proxecto "Monferosolidario": o I Premio Galego de Educación para o Desenvolvemento e a Cidadanía Global (EPDCG). 

https://www.laopinioncoruna.es/gran-coruna/2021/02/22/entrega-premio-galego-educacion-colegio-35256304.html

                             https://www.diariodeferrol.com/texto-diario/mostrar/2641481/