REUNIÓN PROFESORADO INVESTIGACIÓN MOVEMENTO 4.7

Venres 25 de abril 2025, de 10:45 a 11:45. Reunión con ETEA _ Investigación Movimiento 4.7. María José Vázquez (ETEA), Estefanía Franco (Entreculturas), profesorado do CPI Virxe da Cela.

Dentro do Movemento 4.7. (que se financia a través dun convenio coa AECID) unha investigación activa na que se proba unha ferramenta de promoción da Cidadanía Global dentro da aula, buscando ver como levar a cabo unha educación transformadora e con perspectiva de EpCG axuda na formación e desenvolvemento dos alumnos e alumnas. Esta ferramenta consta dun cuestionario e uns xogos que a idea sería poder implementar con alumnxs de 1º da ESO. 

Para isto, o equipo de ETEA reuniríase en liña co equipo directivo/o e con lxs educadorxs en cuxa clase se vaia a pasar o cuestionario antes de que o fagan, para darlles indicacións e/o resolver dúbidas. 

A Fundación ETEA, Instituto de Desenvolvemento da Universidade Loyola, céntranse na investigación ao servizo do desenvolvemento, especializándose na implementación de proxectos e programas de cooperación internacional e realizando consultorías, estudos, asistencias técnicas e avaliacións.

CELEBRACIÓN DA SAME 2025 NO CPI VIRXE DA CELA

Un ano máis o noso centro participa na Semana de Acción Mundial pola Educación (SAME). Este ano, na SAME 2025, baixo o lema «Defende a Educación, apaga a Emerxencia» en España a campaña ten o foco na Educación en Emerxencia, que vaia máis aló da mellora do acceso á educación das nenas, novas e mulleres, nunha educación enfocada en equipar e capacitar a toda a comunidade educativa (alumnado, profesorado, familias, comunidades e responsables políticos) para ser capaces de examinar, cuestionar e cambiar as construcións sociais e culturais que manteñen os privilexios do xénero masculino fronte ás nenas, novas, as mulleres e outras identidades de xénero ata o de agora moi invisibilizadas.

No corredor da planta baixa do edificio de secundaria hai un panel expositivo que ilustra esta campaña. Neste mesmo espazo está colgado o discurso que un grupo de alumnos/as de 1º da ESO levará ao Parlamento Galego no acto que terá lugar o vindeiro martes 29 de abril de 2025.

Proposta para unha actividade conxunta: Deixarase na sala do profesorado unha plantilla coa silueta dunha linterna, obxecto que simboliza a Educación en Emerxencia  (SAME 2025), para que poda ser fotocopiado e distribuído entre os alumnos/as das diferentes clases de EI, EP, ESO, e así cada quen faga por grupo ou de maneira individual a súa personalización do obxecto (pintar, decorar, escribir mensaxes, etc) e engadir ao panel expositivo da SAME 2025. 

HACKATLON DA REDE COMPÁS EN ALLARIZ

 Varios alumnos/as de 2º, 3ºe 4º  ESO participarán na actividade de mobilidade organizada no marco do proxecto “Red Compás: juventud europea y participación”, coordinado por AGARESO, que terá lugar entre os días 23 e 25 de abril de 2025.

As actividades previstas nesta mobilidade forman parte dun programa educativo extraescolar, certificado con Youthpass, e teñen como obxectivo a formación do alumnado en:

 ✔️ Competencias dixitais e mediáticas

 ✔️ Xestión de grupos e traballo en equipo

 ✔️ Habilidades de comunicación interpersoal e pública

 ✔️ Cidadanía e participación social (dereitos, deberes, institucións e vías de participación a nivel local, rexional e europeo)

OBRADOIRO DE ARTIVISMO CON ATALAIAS

 Martes 22 de abril 2025. Para 1º e 2º ESO. De 12:15 A 14:15. Actividade enmarcada dentro do proxecto Education4theplanet, promovido pola Fundación Ayuda en Acción. Tras a visita á praia do Pedrido (venres 11 de abril de 2025) e a recollida de obxectos de refugallo, neste obradoiro de Artivismo impartido pola organización Atalaias serviu para darlle un novo uso a estes materiais e sobre todo, para reflexionar e concienciarnos sobre o efecto dos nosos actos á hora de aplacar os efectos do cambio climático. 

XORNADA DE LIMPEZA NA PRAIA DO PREDRIDO E VISITA AO PAZO DE MARIÑAN RESERVA BIOSFERA MARIÑAS CORUÑESAS

Que mellor maneira de rematar o trimestre que pasar unha xornada lúdica, educativa e cultural na zona das Mariñas Coruñesas e Terras do Mandeo  (Reserva de Biosfera pola UNESCO,  2013), encadrada dentro do proxecto Education4theplanet. Foi o  venres 11 abril 2025, e todo o alumnado da ESO participou nesta actividade, pasando a xornada na Praia do Pedrido e no Pazo de Mariñán. O tempo nos acompañou e resultou moi agradable percorrer o areal do Pedrido en busca de obxectos de refugallo cunha doble intención: limpar de lixo este paraíso natural e utilizar os materiais recollidos para unha futura actividade artística, dándolle un novo uso. A poucos quilómetros desta praia se atopa o Pazo de Mariñán, e tivemos a sorte de poder disfrutar dunha visita guiada a este edificio tan fermoso, así como percorrer os fabulosos xardíns e gozar das vistas á Ría de Betanzos. 

REUNIÓN ALUMNADO REDE COMPÁS

 Mércores 2 abril 2025. Biblioteca Escolar. De 14:45 a 15:35

VIDEOCONFERENCIA ALUMNADO REDE COMPÁS

 Xoves 27 de marzo de 2025, de 10:30 a 11:15. Aula de Ferraganchos. Representantes do alumnado dos 5 centros galegos que participan no Proxecto Rede Compás (Erasmus+), realizan unha videoconferencia para organizar a actividade Hackatlon que se levará a cabo conxuntamente os días 23, 24 e 25 de abril de 2025 en Allariz. Para a vindeira semana os representantes do alumnado reunirase co resto dos rapaces/zas inscritos no proxecto para informarlles sobre os acordos tomados. 

O ALUMANDO DE 3º DA ESO, GAÑADOR AUTONÓMICO DO CONCURSO ESCOLAR ONCE

 O alumnado de 3º da ESO do CPI Plurilingüe Virxe da Cela de Monfero resultou gañador  en Galicia do 41 Concurso Escolar do Grupo Social ONCE. En esta ocasión, a iniciativa invitaba aos participantes –tomaron parte 12.700 escolares de 249 centros educativos da Comunidade– a reflexionar e traballar sobre os aspectos negativos que ten  a soedade  non desexada, “tendo  en conta a maior incidencia que esta ten nas persoas con discapacidade”.

O xurado baseou a súa decisión na creatividade,  orixinalidade e adaptabilidade sendo os traballos presentados accesibles para todas as persoas. Tras a fase autonómica, agora representarán a Galicia no nacional. Moita sorte e parabéns ao alumnado e a súa titora Inés.

 Logo da actividade presentada

Explicación do logo.

       

                                                  

                

TÍTIULO DA ACTIVIDADE: PARCHIS DA AMIZADDE INCLUSIVA

ACTIVIDADE CONCURSO ESCOLAR ONCE. by veracruces

ENTREVISTA A MULLERES ACTIVISTAS POLO CLIMA EN GALICIA: CASA GRANDE XANCEDA

Venres 21 de marzo de 2025. 15:35 horas. Aula Ferraganchos. Entrevista a Cristina (Casa Grande Xanceda)

Entrevistas a realizar polo alumnado a mulleres cun papel protagónico no combate contra o cambio climático a partir do sector primario (gandería, pesca, agricultura, apicultura) que sairán maquetadas nunha publicación de carácter colaborativo, que levará por título: Historia de mulleres activistas polo clima en Galicia. 

Casa Grande de Xanceda, é unha granxa láctea ecolóxica en Galicia. Co leite fresco e ecolóxico das nosas 380 vacas felices producimos iogures e queixos ecolóxicos! Realizamos visitas guiadas á granxa, nas que aprenderemos todo o proceso desde o campo á neveira.

DEFENDE A EDUCACIÓN, APAGA A EMERXENCIA

Un ano máis o CPI Virxe da Cela únese á Campaña Mundial pola Educación (CME). A Semana de Acción Mundial pola Educación (SAME) é unha semana onde máis de 124 países que traballamos para garantir o ODS 4 mobilizámonos para chamar a atención da comunidade educativa, os medios de comunicación, a sociedade en xeral e especialmente, a dos representantes políticos, sobre a necesidade de facer real e efectivo o dereito a unha educación de calidade para todas as persoas no mundo, enmarcado na Axenda 2030.

Este ano, a SAME 2025 pon como foco principal a EDUCACIÓN EN EMERXENCIAS, baixo o lema "Defende a Educación, apaga a Emerxencia". Na actualidade, máis de 75 millóns de nenas e nenos en todo o mundo viron interrompida a súa educación debido a conflitos, desastres naturais e outras crises humanitarias. Estas emerxencias non só privan á infancia do seu dereito para aprender, senón que tamén poñen en risco o seu futuro e o desenvolvemento das súas comunidades. Con todo, a educación non é só un dereito fundamental; é unha ferramenta de cambio:

– Protexe aos nenos e nenas en contextos de crises, ofrecéndolles estabilidade e seguridade.

- Rompe ciclos de pobreza, abrindo oportunidades para un futuro máis xusto e equitativo.

-Constrúe sociedades máis pacíficas e resilientes, promovendo a igualdade e o respecto mútuo.

 

O ESPÍRITO DA COLMEA

Videoconferencia. Mércores 19 marzo 2025. 12:35 horas. Apicultora Natalia Varela. Espíritu da Colmea. 

Entrevistas a realizar polo alumnado a mulleres cun papel protagónico no combate contra o cambio climático a partir do sector primario (gandería, pesca, agricultura, apicultura) que sairán maquetadas nunha publicación de carácter colaborativo, que levará por título: Historia de mulleres activistas polo clima en Galicia.

VIDEOCONFERENCIA PROFESORADO REDE COMPÁS

 Luns 17 de marzo de 2025, ás 16:00 horas. Zoom

Grazas Candela!

 Co gallo do 8 M tivemos unha convidada moi especial. Veu a visitarnos Candela Pérez, que en decembro quedou subcampeona de Europa de surf, na categoría SUB- 10. 

Explicounos moitas cousas sobre este deporte que a apaixoa, trouxo a súa táboa, vimos vídeos de cómo se collían as olas e comentounos sobre as correntes, os distintos campeonatos aos que ía próximamente e sobre o seu club. 

Moita sorte esta finde e foi un auténtico pracer terte con nós. 

Graciñas!

8M: MULLERES DA NOSA VIDA

 Este 8 de marzo os pequenos de infantil de 3 anos quixeron render un emotivo tributo ás mulleres que forman parte das súas vidas. Con motivo do Día Internacional da Muller, crearon un fermoso mural titulado "Mulleres da nosa vida". Cada un deles deseñou e pintou unha representación das mulleres que son fundamentais para eles: as súas nais, e outras figuras femininas que, dalgunha maneira, impactan nas súas vidas de forma positiva como son tamén as avoas.

Cada debuxo converteuse nun fermoso tributo a todas aquelas que co seu amor e forza, coas súas loitas e dedicacións, fan que o mundo sexa mellor para todos nós.

O mural "Mulleres da nosa vida" quedou exposto para que todos os membros da comunidade educativa puideran admiralo e reflexionar sobre a forza e o cariño que, día tras día, nos dan as mulleres que nos rodean.

Ademais, para dar un paso máis na conmemoración deste día tan importante, os pequenos tamén gravaron un vídeo onde compartiron as súas palabras e sentimentos cunha inocencia propia da súa idade, pero cargado dun profundo amor. Unha forma de ensinar aos máis pequenos a importancia de recoñecer o traballo e sacrificio das mulleres, non só o 8M, senón en cada día do ano.

Semana da Prensa e 8M

HISTORIAS DE VIDA DE MULLERES VINCULADAS AO SECTOR PRIMARIO

 Luns 10 de marzo de 2025. De 15:35 a 16:25. “Mulleres que transforman o mundo. Historias de activistas polo clima en Galicia"

Visita de Laura Gómez Vales para presentar a actividade. 

Sector lácteo-gandeiro, sector apícola.

 Unidade Didáctica que estamos elaborando coas compañeiras de educación rural, Outonía, baixo o título: Mulleres de mar e terra ante o cambio climático. Dentro dela, contémplase a realización de entrevistas por parte do alumnado de Secundaria a mulleres dedicadas ao sector primario poida presentar a actividade e dar as indicacións precisas. A idea é que sexan eles e elas as protagonistas, que poidan entrevistar a mulleres dos seus entornos e que reflexionen sobre o poder do sector primario para frear ou revertir a emerxencia climática.

O produto esperable é obter unha publicación, baixo o título: “Mulleres que transforman o mundo. Historias de activistas polo clima en Galicia" na que se recopilen estas historias.

Soberania alimentaria: educación ecosostible

 Con esta actividade quixemos dar a coñecer a agricultura e gandaría social, sostible e de proximidade, que garanta unha alimentación segura, nutritiva, sa, e de calidade; baseada en métodos responsables de produción que promovan a protección ambiental e o benestar animal e que ademais, fomenten a conservación dos recursos naturais. Un proceso que garante a calidade de vida dos pequenos e medianos produtores para preservar un medio rural social, ambiental e economicamente viable.

A mesma, consta de dúas partes:

1ª Actividade no centro educativo sobre a soberanía alimentaria onde se expón de maneira sinxela e amena o concepto de soberanía alimentaria, os principais problemas ambientais polos nosos hábitos de alimentación e consumo actuais, a importancia dunha agricultura e gandeira ecolóxicas e sostibles, e a forma que temos entre todos de mudar os nosos hábitos diarios de consumo para axudar a mitigar este problema. 2ª Visita guiada a un produtor asociado á Marca de Calidade da Reserva da Biosfera das Mariñas Coruñesas e Terras do Mandeo ou dos Grupos de Desenvolvemento Rural da provincia da Coruña, neste caso a Asociación Raíña Paraíso (Vilasantar).

Desta forma, vimos como a realidade do rural de hoxe en día e posible se somos quen de aproveitar as nosas potencialidades formando parte dunha sociedade crítica e responsable cun futuro sostible.

MATERIAIS PARA A KONAMPALLI SCHOOL (A INDIA)

Un ano máis chegamos a cumprir o noso obxectivo, elaborar materiais para enviar a unha escola da India, a través dun proxecto de intercambio cultural e tradicións promovido pola Fundación Ayuda en Acción. School to School é o nome do proxecto, no cal levamos xa máis dunha década formando parte. Tanto alumnado como profesorado dalgúns cursos de educación primaria e secundaria estiveron traballando durante semanas, recollendo información sobre a nosa cultura e as nosas tradicións, deseñando carteis, debuxando e redactando textos en inglés. Esperemos que todo este esforzo serva non so para amosar aos nenos e nenas da Konampalli School (India) a nosa realidade, senón tamén para valorar todo o que temos, que é dunha grande riqueza, tanto material como inmaterial.  

SEGUNDA FORMACIÓN PARA O ALUMNADO REDE COMPÁS

 Venres 21 de febreiro 2025. UUMM

Este pasado venres, 28 de febreiro de 2025, María Lobo impartiunos a segunda charla sobre o proxecto da Rede Compás. Este proxecto trata sobre visibilizar á xente do rural galego que non ten un papel importante nas decisións que se toman dende á Xunta de Galicia, dende o Goberno central de España, en Madrid, ou mesmo dende Bruxelas, en Bélxica. A este obradoiro apuntámonos a mitade da ESO, xa que estamos 20 alumnos e alumnas implicados neste proxecto. Paréceme moi bo resultado xa que normalmente a estas actividades non se apunta tanta xente e prefiren emplear ese empo para outras cousas. No obradoiro debatimos e falamos sobre os temas do primeiro obradorio. Ademáis veu un chico que non me lembro do seu nome a sacarnos fotos mentres facíamos o obradoiro que tamén pertence ao proxecto. Así que este obradoiro gústame moito porque podemos levar os nosos pensamentos ata o mesmiño Parlamento da Unión Europea de Bruxelas! MG 3º ESO.

 

COMISIÓN MIXTA DE SEGUEMENTO EDUCATION4THEPLANET

 Xoves 20 febreiro 2025. no marco do proxecto de Educación Ambiental que estamos implementando con toda a vosa axuda, Education4ThePlanet: a xuventude galega activada pola Axenda 2030 e a acción polo clima. para convocarvos a unha reunión, chamada Comisión Mixta de Seguimento,  xoves día 20 de febreiro en horario de tarde (17h). Laura Gómez Vales (Fundación Ayuda en Acción), Outonía, avaliación externa. 

Balance das actividades realizadas no 2024: Obradoiros do Mural do Clima e Produción Rexenerativa (ganadería, pesca e agricultura) vinculada ao ODS 13 (Acción polo clima); Visitas a explotacións ecolóxicas, realización das Enquisas CAP (Coñecementos, Actitudes e Prácticas), Obradoiro de Moda sostible (UDC), elaboración dunha Unidade Pedagóxica e Liña de Base do Proxecto

Previsión das actividades no 2025 e comentarios sobre as mesmas:Entrevistas a realizar polo alumnado a mulleres cun papel protagónico no combate contra o cambio climático a partir do sector primario (gandería, pesca, agricultura, apicultura). Xornadas de recolla de residuos co alumnado de Secundaria baixo un concurso de orixe xaponesa (spogomi) para a motivación dos e das participantes. Obradoiros de ARTIVISMO coas compañeiras de ATALAIAS co alumnado de Secundaria. Os obxectos/artigos creados servirán para crear unha exposición pública nas instalacións dos centros como evento de incidencia política.

Presentación breve da Unidade Pedagóxica que se está creando para levar aos centros de Secundaria. Outonía.

Presentación de Dámaris Otero, que se encargará de realizar a avaliación externa final do proxecto. Para este efecto, terá que realizar algunhas técnicas de recolla de información (entrevistas ao profesorado sobre o decorrer da intervención, observación participante, etc).

CURSO EN LIÑA CAMPAÑA MUNDIAL POLA EDUCACIÓN

Desde a Campaña Mundial pola Educación (CME) Galicia, convidnnos a sumarnos a este curso deseñado para: Curso en liña de : “Guía de Formación de Activistas Xuvenís polo Dereito á Educación” dentro do proxecto da Campaña Mundial pola Educación 2025 Galicia. O profesorado participante conseguirá a través deste curso

✔️ Dotarse de ferramentas pedagóxicas e recursos innovadores. 

✔️ Fortalecer a túa capacidade para fomentar o activismo xuvenil. 

✔️ Inspirar as mozas e mozos a defender o seu dereito a unha educación inclusiva, equitativa e de calidade. 

Movémonos cos maiores

Fai uns días visitáronnos as maiores do centro de día do Xestal para facer con nós unha sesión de ximnasia xerontolóxica. Foi un pracer aprender con vós!

AHORA MÁS QUE NUNCA, CIUDADANÍA GLOBAL

A directora do CPI Plurilingüe Virxe da Cela e unha docente deste centro educativo participarán no evento  “Ahora más que nunca, ciudadanía global. De la teoría a la práctica: cómo implementar la Educación para la Ciudadanía Global y el Desarrollo Sostenible en la educación formal”, que terá lugar o xoves 6 de febrero de 2025, de 09:30h a 14:30h no .Impact Hub Madrid 

Este evento está organizado polo Movimiento 4.7 e conta coa colaboración de Cooperación Española. A través dunha mesa para o diálogo, de dinámicas de grupos e dun plenario, abordarase o reto de establecer liñas para unha implementación efectiva da Cidadanía Global e do Desenvolvemento Sostible nos espazos de educación formal. 

Agenda Evento Movimiento 4.7 by veracruces

Conclusiones de La Mesa Dia... by veracruces

<

Sintesis y Conclusiones de ... by veracruces

XORNADAS DE DEPORTE ADAPTADO 2025: ENKI

Están dirixidas aos estudantes de 5º e 6º de primaria dos centros educativos galegos e compóñense de dúas actividades: unha charla con deportistas con diversidade funcional e un evento para coñecer o deporte adaptado e inclusivo.

Hoxe contamos no centro cunha espectacular  charla con deportistas con diversidade funcional. Este diálogo compartido supuxo un achegamento  previo ao encontro provincial, no que varios deportistas compartiron a súa traxectoria e conversaron co alumnado, resolvendo todas as preguntas que lles xurdiron.

O encontro provincial será o próximo 17 de marzo. O mesmo, é un evento reúnense os colexios da provincia participantes na iniciativa e son onde alumnado proba distintos deportes e material deportivo adaptado, rotando por diferentes estacións deportivas dirixidas por entidades deportivas locais, deportistas con diversidade funcional e o equipo ENKI. 

PRIMEIRA FORMACIÓN PARA ALUMNADO REDE COMPÁS

 Venres 24 xaneiro 2025

 

Un total de 17 alumnos/as dos diferentes cursos da ESO e dúas docentes do CPI Virxe da Cela están a participar nun interesante proxecto, Red Compás, integrado na convocatoria Erasmus Plus K154, financiado pola Unión Europea coa vontade de aportar xuventude que deseñe e pense modelos alternativos e sostibles para as súas localidades.  A Red Compás ten como obxectivo acompañar á mocidade de cinco localidades galegas para desenvolver unha acción colectiva de carácter social. 

O venres 24 de xaneiro de 2025 tivo lugar a primeira das actividades formativas, impartida por María Lobo de AGARESO (Asociación Galega de Comunicación para o Cambio Social), que foi unha primeira toma de contacto para aprender a deseñar estratexas de comunicación e interacturar con institucións locais e medios de comunicación, un proceso de varios meses nos que estes rapaces e rapazas darán visibilidade as súas propostas e buscarán a implicación de líderes comunitarios e políticos nas súas ideas. Nesta primeira xornada formativa amosouse como o pico do iceberg o enorme potencial de esta mocidade que empeza a despuntar, aprendendo que do diálogo respectuoso e da unión como grupo pode canalizarse toda esta enerxía transformadora. 

O venres 24 de xaneiro de 2025 tivemos o primeiro obradoiro da Rede Compás. Foi dirixido por María Lobo, da asociación AGARESO (Asociación Galega de Comunicación para o Cambio Social). Nel estivemos debatindo sobre que obxetivos da xuventude (propostos pola ONU) críamos máis o menos importantes, para despois elixir un e levalo até o Parlamento Europeo (previsto para o vindeiro curso).  A sesión durou 2 horas e media e para min estivo moi entretida. Gustoume moito a maneira de dirixir de María, xa que en case todo momento mantivo un ambiente amigable e dinámico. Aínda que pasamos moito tempo debatindo sobre cousas que non estaban necesariamente relacionadas co que estabamos a facer, creo que fixemos avances enormes e que na seguinte sesión poderemos afondar máis. Tamén penso que as nosas habilidades de debatir poden mellorar grazas a este proxecto. En conclusión, o obradoiro encantoume, penso que fixen ben en apuntarme, vou seguir no programa e penso que a idea de darlle voz á rapazada é xenial. Marcu Popa (2º ESO).