jueves, 16 de marzo de 2017

Ayuda en Acción acerca a tecnoloxía ao noso cole da man de Ricoh

O programa de apoio á infancia de Axuda en Acción, “Aquí tamén”  traballa para combater a desigualdade no noso país a través dos centros educativos, co obxectivo de mellorar a inclusión social da infancia, adolescencia e as súas familias en risco de exclusión. Unha das liñas de intervención do programa céntrase na innovación educativa con base tecnolóxica, baseada no ensino de programación, impresión 3D e robótica, para romper a fenda dixital, con énfase na educación en valores e o enfoque de xénero.

Ricoh colabora con Axuda en Acción, achegando o último equipamento de impresión 3D a 11 centros educativos do programa “Aquí tamén”, repartidos por todo o territorio español, e entre eles está o noso.

Así nace o proxecto Mak3rs by Ricoh, que contempla a doazón dunha impresora 3D a cada escola, así como o material necesario para que poidan traballar en clase. Ademais, capacitarase aos profesores por parte do equipo de voluntarios de Ricoh para conseguir que os mozos en risco de pobreza e exclusión social aprendan a interactuar coa tecnoloxía. Con este programa, que dá continuidade ao traballo que xa realiza Axuda en Acción, os nosos alumnos/as  desenvolverán habilidades dixitais, mellorarán a súa aprendizaxe e coñecemento colaborativo, á vez que se fomenta a educación tecnolóxica para impulsar o emprendemento e a innovación.

No hay comentarios:

Publicar un comentario