Obradoiros sobre accesibilidade: por unha escola sen barreiras

Con estes obradoiros, organizados desde o programa de Educación social na escola (Asociación EuroEume) queremos achegar á rapazada a importancia da accesibilidade na nosa contorna, para que todas as persoas poidan moverse con total autonomía pola comunidade. Sensibilizar e dar a coñecer o termo de accesibilidade e os seus diferentes clasificacións, así como aprender a identificar elementos que axudan á mobilidade de forma accesible, na súa propia contorna.

Neste caso, destacamos a importancia dá accesibilidade cognitiva, en concreto a sinalización a través de pictogramas, xa que é o elemento que imos implementar no centro educativo para facelo un pouco máis accesible.

O obxectivo principal, é concienciar a importancia de crear espazos inclusivos e accesibles, onde todas as persoas poidan participar de forma activa e independente na comunidade.

Así, hoxe contamos cos obradoiros destinados a Ed. Infantil e ao 1º ciclo da Ed. Primaria.

Imaxe identificativa dos diferentes obradoiros deseñados.

Job-shadowing no centro

O martes 12 DE novembro 2024 realizamos no CPI Virxe da Cela unha xornada formativa de observación de boas prácticas (Job-shadowing) para que, neste caso, tres docentes das localidades belgas de Maldegem e de Eeklo (situadas na provincia belga de Flandes Oriental) comprobaran e observaran como traballan, se organizan e imparten docencia os profesionais educativos do noso centro. 

Esta iniciativa está enmarcada dentro dos programas Erasmus+ organizados desde o CFR de Ferrol (dos cales participamos desde fai anos realizando numerosas actividades formativas en países Europeos) este curso e por primeira vez, se nos encomenda desde o CFR ser centro formativo dunha destas estadías amosando diferentes das propostas pedagóxicas do mesmo. Entre elas, está a aprendizaxe matemática a través do método ABN, os ambientes de aprendizaxe na etapa de infantil, o desenvolvemento das competencias dixitais para a cidadanía na etapa da ESO, a Biblioteca escolar como centro de aprendizaxes informacionais e a aprendizaxe integrada das lingüas nas áreas curriculares (neste caso na ESO). 

Así, contando coa experiencia dun grupo de docentes do CPI Virxe da Cela programa Observa-Acción (actualmente estase a levar a cabo a IV Fase), estes profesionais asumiron a coordinación das actividades, participando tamén nesta xornada formativa de job-shadowing o profesorado incluído no PFPP de centro na liña de internalización e colaborando ademais, do profesorado especialista en Francés varias titorías e especialidades.

POLOS DEREITOS DA INFANCIA

 

O 20 de novembro conmemórase a data na que a Asemblea Xeral aprobou a Declaración sobre os Dereitos dos Nenos e as Nenas en 1959 e a Convención sobre os dereitos  en 1989. Por iso, o 20 de novembro pasou a ser o Día Universal dos Nenos e as Nenas.

Os rapaces e rapazas da ESO realizaron un fermoso mural para conmemorar esta data. 

 

SEGUNDO OBRADOIRO EDUCATION4THEPLANET

 Venres 8 novembro 2024. Alumnado dos diferentes cursos da ESO realizan na biblioteca escolar un obradoiro de Acción polo Clima, dentro do proxecto Education4ThePlanet.

Unha comarca solidaria e comprometida porque todos somos Valencia!!!

Xa está, xa está a punto de chegar!!!

Esta semana no centro recollemos botas, guantes, mascaras e cinta americana.

Foi incrible a colaboración e o esforzo do noso alumnado, das familias e de todo o persoal do centro. Tamén, a colaboración dos Concellos.

Recollemos os materiais nun par de días e o noso alumnado puxo as botas en bolsas co seu número e as empaquetaron en caixas identificando o seu contido. Tamén o resto de recursos e materiais. Sen esquecerse de escribir o destino nas caixas e cargalas nos vehículos que os levarían ao seu primeiro destino.

Un traballo altruísta do alumnado que ademais, por propia iniciativa decoraron as caixas e deixaron nelas debuxos e mensaxes de agarimo e ánimo.

O xoves saíron cara a Godella dous palets (de 650 kg) cos recursos recollidos. Foi posible grazas a unha empresa da Coruña que se encargou do seu transporte como parte das súas actividades (aínda non están restablecidos os servizos de transporte coas zonas afectadas). A mesma, fíxoo de forma altruísta e sen necesidade de publicitar esta colaboración.

Así, contamos que este luns os recursos cheguen ao seu destino.

                                                               Imaxes autoeditadas da recollida de materiais.

Tamén, saíu do centro un remolque completo de mascaras cedido polo Concello de Irixoa que tivo como destino os puntos de apoio ás persoas afectadas.

 

Composición audiovisual do traballo destes días.

Mentorías das novas direccións: o centro compartido experiencias

Hoxe tivo lugar a presentación e conformación dos grupos de #mentoría das #novasdireccións noIES As Fontiñas, Hoxe tivo lugar a presentación e conformación dos grupos de #mentoría das #novasdireccións noIES As Fontiñas, na que persoas directoras cunha ampla traxectoria guiarán a direccións no seu primeiro ano.

Estaremos compartindo esta experiencia de aprendizaxe coas persoas que comezan na dirección de centros educativos. Seguro que é unha aprendizaxe compartida!!!

Moitas grazas CAFI e CFR de Ferrol por ter en conta sempre ao CPI Plurilingüe Virxe da Cela.

Imaxes da xornada de presentación.

Consello Escolar da Infancia: preparando a Conmemoración do Día da Infancia.

Tarde de obradoiro para preparar a nosa participación na Conmeración do Día da Infancia.

Nela contamos coa presenza de Nerea e Bea que xa é parte activa da nosa comunidade. 

Moitas grazas EuroEume!!!! 

Imaxe do desenvolvemento do obradoiro.

Premios Mejora tu Escuela Pública

Este venres estivemos na entrega de premios do XII Concurso de “Boas Prácticas Educativas”.

Grazas a Mellora a túa Escola Pública pola excelente organización dunha xornada para compartir experiencias e chea de novas aprendizaxes. Parabéns a todos os centro premiados é unha honra estar entre os centros finalistas co noso proxecto MonferoSolidario.

Parabéns a Mellora a túa Escola Pública por impulsar a calidade educativa de forma innovadora!!!

    Imaxes do acto de entrega celebrado en Madrid.

Video resumo da iniciativa presentado polo centro.

EDUCAR EN POSITIVO: Escola de familias

Charla "Educar en Positivo", que tivo lugar o luns 28 de outubrode 2023 de 16:45 a 18:15 na aula de Ferraganchos do CPI Plurilingüe Virxe da Cela. É de vital importancia que familias e escola vaian da man no difícil camiño da educación, por iso esta actividade, promovida pola Fundación Ayuda en Acción e a ANPA do CPI Virxe da Cela, pode ser un elemento clave que repercutirá sen dúbida nos nenos e nenas. . A psicóloga e psicoterapeuta Medalith Falcón, especializada en dificultades de regulación emocional, foi a encargada de impartir esta charla, desde un enfoque de natureza integradora, tratando de guiar ás familias cara á comprensión e as xestión das dificultades desde a amabilidade e a resiliencia, e promovendo un proceso de autodescubrimento baseado na confianza e na empatía. Esta charla, xunto con outras impartidas o pasado curso académico, conformarán un ciclo formativo.

Imaxes da actividade coas familias.

 

1º OBRADOIRO EDUCATION4THEPLANET CURSO 2024-2025

 1º Obradoiro venres 25 de outubro (1º e 2º ESO).  9:45 - 10:35 

   Martín  e Laura  da Fundación Ayuda en Acción, visitaron o noso centro o venres 25 de outubro de 2024 para impartir na biblioteca escolar o primeiro dos obradoiros do proxecto "Education4ThePlanet" para o alumnado de ESO.

     O proxecto "Education4ThePlanet" establece como obxectivo xeral fomentar unha mocidade activa en Galicia, que contribúa na loita contra a emerxencia climática e ao cumprimento dos Obxectivos do Desenvolvemento Sostible da Axenda 2030, desde a transformación de actitudes propias e a promoción da sensibilización da súa contorna. O proxecto fará especial fincapé en actividades que permitan a transformación dos hábitos de consumo dos mozos e mozas  a través dunha serie de actividades de sensibilización, formación, concienciación, mobilización e incidencia política. En esta ocasión damos un paso máis alá para acercarnos  ao ODS13-Acción polo clima desde a  mirada do mundo rural.

Seguindo a liña de traballo na loita contra a emerxencia climática global, neste primeiro taller o alumnado  de 1º e 2º da ESO, dividido en tres grupos, realizou un mural onde reflectiron  as reflexións que previamente traballaron sobre as condicións climáticas anormais  que estamos a padecer polo cambio climático e que teñen cada vez máis repercusión  nas nosas economías, o medio  ambiente, a saúde e a vida  cotiá, tendo unha especial atención cara ás repercusións sobre o  mundo rural.

XII PREMIOS MEP 2023 de BBPP Educativas.

A finais do mes de outubro unha representación do CPI Virxe da Cela viaxará a Madrid á gala da entrega dos XII Premios MEP 2023 de Buenas Prácticas Educativas, xa que a experiencia Monferosolidario: Una escuela en y para el medio, quedó entre los finalistas. Este Concurso Nacional de Boas Prácticas Educativas, organizado pola Asociación Mejora tu Escuela Pública (MEP), ten o obxectivo de estimular o valor pedagóxico e achegar ao alumnado ao mundo real. 

Estimado finalista. Estamos encantados de saludarte.¡¡¡Muchas Felicidades!!! por ser FINALISTA de los XII PREMIOS MEP 2023 de BBPP Educativas.

Nos alegra muchísimo invitaros al evento de entrega de premios. El acto  de entrega de premios tendrá lugar el viernes 25 de octubre de 2024 a las 17:00 h, en el Espacio Bertelsmann, en la calle O'Donnell,10. 28009 Madrid 

Al evento acudirán todos los centros premiados de esta edición, de seis comunidades distintas( Andalucía, Castilla la mancha, Madrid, Comunidad Valenciana, Galicia, Castilla y León) así como autoridades del mundo de la educación y profesionales de la enseñanza. Recibe un cordial saludo. Marta Babé y Ana Hernández. Secretaria y Presidenta de MEP.

Todas somos guapas: Donas de si

 Comezamos a traballar o proxecta Donas de Si co conto Guapa. Con el, o alumnado de Infantil descubriu que o importante é quererse a unha mesma e ter unha forte autoestima, non deixarse guiar polos prexuízos dos demais.

Actividades feitas dentro das propostas de aprendizaxe a partir desta referencia bibliográfica

.

REUNIÓN COA FUNDACIÓN AYUDA EN ACCIÓN

O venres 18 outubro 2024, ás 12:45 horas, levouse a cabo no CPI Virxe da Cela unha reunión coa Fundación Ayuda en Acción para planificar a implementación de varios proxectos que a través desta fundación estanse levando a cabo no noso centro. Contamos coa visita de Martín Mejuto (técnico Fundación Ayuda en Acción) e as responsables dos proxectos Education4theplanet (Laura Gómez Vales) e Campaña Mundial pola Educación. Falouse da posibilidade da creación dunha Comisión Mixta de Seguimento para poder levar a cabo o seguimento do proxecto e das súas posibles mellora no ámbito das actividades. Laura Gómez amosou ao profesorado do centro vinculado ao proxecto Education4ThePlanet unha presentación dixital do proxecto, e explicou as diferentes fases e actividades que o conforman, entre elas obradoiros para o alumnado de toda a ESO centrados no ODS 13 e a produción gandeira, agrícola e pesqueira rexenerativa, a elaboración dun Mural polo Clima e unha visita  a unha explotación do Primeiro Sector de carácter ecofeminista (liderada por unha muller e respetuosa co medio ambiente). 

PPP_ Presentación Proxecto ... by veracruces

Reciclamos con Sogama e con Pilabot (VI Concurso Pilabot)

 A finalidade desta actividade é aprender a realizar unha recollida selectiva dos residuos xerados no centro coa finalidade de xerar unha conciencia ecosocial das nosas responsabilidades persoais. Para isto contamos coa colaboración de Sogama que é encargada de impartir os tres obradoiros nos que participou o alumnado da etapa da Ed. Primaria. 

A idea é que os contedores de separación do lixo cos que contamos no centro sexan aproveitados adecuadamente. Ademais, este curso queremos darlle pulo á compostaxe para que a horta escolar non careza dos nutrientes necesarios para que a mesma creza esplendorosa.  

Desta forma, Cristina a monitora da actividade, acompañounos durante toda esta xornada escolar.

Moitas grazas!!!!

    Imaxe autoeditada do obradoiro realizado co 2º ciclo da etapa.

                                                   Imaxe autoeditada do obradoiro realizado co 3º ciclo da etapa.

                                            

                                             Imaxe autoeditada do obradoiro realizado co 1º ciclo da etapa.

Ao tempo, o noso centro vai participar na sexta edición do Concurso Pilabot tras a boa acollida da nosa participación no curso anterior (229,65 kg netos recollidos). Dito concurso ten como obxectivo fomentar a recollida selectiva de pilas e acumuladores portátiles entre o alumnado e a súa familia e o persoal do centro. Esta actividade estará coordinada polo alumnado do 5º curso da Ed. Primaria e piden a nosa colaboración. Desta forma, repartirán polas aulas uns pequenos contedores onde depositar as pilas e acumuladores usados que teñamos nos nosos fogares. 

O alumnado as poderá depositar, unha vez cheos, nos contedores colocados no centro para tal finalidade. Unha vez baleirados os poderán levar de novo para o fogar e así, seguir depositado neles estes residuos. Desta forma, queremos favorecer a xestión adecuada da súa recollida selectivas (ben no centro, ben noutros espazos dos Concellos destinados ao efecto). 

 Máis información: https://pilabot.gal/es/concurso/