CONCURSO POSTAIS DE NADAL CONCELLO IRIXOA

 

Concello de Irixoa Concurso de Postais de Nadal by veracruces on Scribd

CONSELLO DA INFANCIA NO CPI VIRXE DA CELA

Mércores 8 de novembro 2023. Euroeume. Nerea Allegue e Nuria Fernández, educadoras sociais de Euroeme. 2 alumnos/as representantes de cada curso de educación primaria. Turnos rotativos. Elección de presidente/a e secretario/a. Acta. 

Nerea e Nuria, amosaron a súa satisfacción co compromiso e participación das e dos representantes do I Consello Escolar da Infancia. Neste primeiro consello decidiuse de que modo traballaremos nos seguintes consellos, dando resposta ás necesidades recollidas días atrás. Ambas están moi contentas por terse creado este espazo, onde a infancia do cole poida expresarse, e ser escoitada e tida en conta. Esperando que poida servir de axuda para concienciar ás nenas e nenos da importancia das súas voces, así como a súa implicación na mellora do seu cole".

PROGRAMA COIDANDO-NÓS-1 by veracruces on Scribd

ASAMBLEA INICIO CURSO DA REDE SOLIDARIA DA MOCIDADE ENTRECULTURAS

 

O ESPELLO DE CLAUDE

O noso centro está moi concienciado e interesado pola saúde emocional do noso alumnado, por tanto este ano solicitamos o obradoiro "O Espello de Claude: Fotografía e identidade", unha iniciativa de AFUNDACION, da man do fotógrafo e psicólogo Fuco Reyes. O mércores 19 de outubro de 2023 tivemos a primeira das 5 sesións programadas.

O espello de Claude (ou espello negro) é un pequeno espello lixeiramente convexo​ que ten a súa superficie tinxida. Estes espellos eran usados por artistas, pintores de paisaxes, viaxeiros e afeccionados ao paisaxismo. A súa curvatura producía o efecto de abstraer a porción da paisaxe que interesaba ver de todo cando a rodeaba, reducindo a escala da vista, e simplificando a cor e a gradación tonal.

Fuco Reyes e a súa lente serán para estes escolares o espello de Claude das súas emocións. Psicólogo e fotógrafo, con esta actividade Fuco explora aspectos clave na etapa da adolescencia coma a construción da identidade, a autoimaxe, a autoestima, a xestión das emocións e a motivación. Procesos determinantes no desenvolvemento persoal e na aprendizaxe sobre un mesmo e as relacións cos demais.

XX CONCURSO DE CARTAS "DILLO A QUEN MALTRATA 2023"

Compartimos información sobre XX Concurso de cartas "Dillo a quen maltrata" 2023 (o prazo de presentación remata o día 9 de novembro), organizado pola Oficina de Igualdade do Concello de Lalín, co obxectivo de promover a reflexión sobre a problemática da violencia de xénero nas súas diferentes manifestacións física, psicolóxica, sexual, económica, estrutural..., así coma os efectos e consecuencias da mesma.

DÍPTICO Concurso de Cartas XX Dillo a Quen Maltrata 2023 by veracruces on Scribd

ç

Bases Reguladoras Premios Xx Concurso de Cartas Dillo a Quen Maltrata 2023 (Asinadas) by veracruces on Scribd

RTV ENXEBRE POLA PARTICIPACIÓN INFANTIL

Desde a Fundación Ayuda en Acción achegáronnos algunhas das reflexións e propostas que fixo o alumnado de 5º de Educación Primaria e, que queren transmitir ao conxunto da Comunidade educativa, sobre un tema que lles preocupa: a conciliación familiar. Foron froito dun proceso de traballo de participación infantil e para levalas a cabo contaron coa colaboración de toda a comunidade educativa do centro e co apoio da Consellería de Política Social e Xuventude da Xunta de Galicia e da Fundación "la Caixa", a través da dinamización da radio escolar. Así, esperamos que este traballo de investigación integral e de tanto esforzo por parte das nenas e nenos de 5º de EP poda ser tomado en consideración, así como que as súas propostas e preocupacións podan ter resposta pola súa parte.

Podedes escoitar o podcast en: https://go.ivoox.com/rf/111495165

Carta Alumnado CPI Virxe Da Cela - ANPA by veracruces on Scribd

SEGREGACIÓN OCUPACIONAL POR RAZÓN DE XÉNERO

A área de Igualdade da Deputación da Coruña desenvolveu o programa coeducativo  de "Segregación ocupacional por razón de xénero" en colaboración co centro I.E.S Rosalía Mera, acción enmarcada no Plan provincial de Igualdade “Compartimos Plan” na área estratéxica 4 adicada á igualdade de xénero no acceso ao mercado laboral.

Na diagnose do plan constatouse que á hora de que rapazas e rapaces escollan os seus itinerarios formativos os estereotipos e os roles de xénero entran en xogo. Así o mostran os datos de matriculación da formación profesional, bacharelato e da formación universitaria, pois existen determinadas familias formativas nas que se matriculan maioritariamente mulleres e noutras nas que as mulleres apenas están representadas. Isto ten como consecuencia unha marcada segregación ocupacional no mercado de traballo que perpetúa as desigualdades de xénero.

O equipo docente do centro I.E.S Rosalía Mera, detectou a necesidade de traballar co profesorado e co alumnado e propúxose levar a cabo a pilotaxe dun proxecto integral de centro onde traballar con perspectiva de xénero desde as súas aulas, visibilizando e procurando referentes femininas que promovan que o acceso os ciclos sexa mais equilibrado.

O proxecto iniciouse no 2022 e contou coas seguintes fases: investigación preliminar, deseño de contidos do programa formativo, impartición e implementación do programa formativo no centro e realización dun microvídeo que recolle a experiencia e unha Guía Didáctica onde recóllense os resultados así como  as unidades didácticas para que o profesorado poda implantar noutros centros a experiencia.

Onte presentamos o microvídeo e a Guía e queremos compartila para facer desta pilotaxe unha experiencia transferible, especialmente a outros centros educativos de secundaria, pero tamén como unha oportunidade para sensibilizar sobre a segregación ocupacional á poboación en xeral.

Podedes completar a información do programa e descargar a guía neste enlace.

VIII CONGRESO TADEGA

congreso-tadega-2023 by veracruces on Scribd

SEMANA DO DEPORTE NO CPI VIRXE DA CELA

O 29 de setembro é o día do deporte escolar e como cada ano imos celebralo con moita actividade física, non so nese día, senón na semana que vai do luns 25 ao venres 29. Durante todos os días, a principio e a final de cada clase, o alumnado realizou exercicios físicos de maneira voluntaria. O xoves 28 organizouse unha xornada especial na que de 10:00 a 14:00 horas todo o alumnado e profesorado do centro participou nun evento deportido a base de estacións rotativas. Con esta proposta da mestra de EF Ruth e o profesor de EF Lois están encamiñados a sensibilizar a toda a comunidade educativa para rematar co sedentarismo pouco a pouco, así como concienciar ao alumnado da importancia que ten o exercicio físico e aproveitar os descansos activos para unha mellor concentración e capacidade de asimilar todos os conceptos ensinados en cada materia.

ACTO INCIDENCIA POLÍTICA "EDUCATION FOR THE PLANET"

Venres 29 de setembro 2023. Andrés Feal, alcalde socialista con máis de trés décadas ao fronte da alcaldía monfería, recibe ao alumnado e profesorado participante no proxecto Education For the Planet no Concello de Monfero. 

Propostas Alumnado Cpi Virxe Da Cela Para Concello Monfero.docx (1) by veracruces on Scribd

Posicionamento Education4thePlanet by veracruces on Scribd

3ª XORNADAS DAS SUPERHEROINAS E SUPERHEROES

La Fundació La Nineta dels Ulls os invita a participar en la 3a Jornada de las superheroínas y de los superhéroes. En esta jornada os sugerimos una serie de propuestas para trabajar el respeto y la tolerancia hacia la diferencia, y la aceptación y reconocimiento de las propias capacidades personales que suman hacia un bien común. Y así, reivindicar que todos los niños y adolescentes pueden ser una superheroína o un superhéroe.

Con la jornada de las superheroínas y los superhéroes, la Fundació La Nineta dels Ulls queremos, por un lado, dar a conocer el retinoblastoma y sus síntomas para conseguir un diagnóstico precoz de la enfermedad. Por otro lado, el objetivo principal de la jornada es promover la inclusión de todos los niños en las aulas, porque todos somos diferentes y, por eso, todos somos especiales.

 

CLUB DE RADIO

O mércores 27 setembro 2023, Jenny Corredoira, da Fundación Ayuda en Acción, imparte unha charla ao alumnado da ESO para animalos a poñer en marcha un Club de Radio no CPI Plurilingüe Virxe da Cela. Seguro que o proxecto sae adiante, tendo en conta que o alumnado do noso centro xa está familiarizado con esta ferramenta, e xa a a están a utilizar en diferentes materias e proxectos. Ademais do alumnado voluntario que quera participar no Club de Radio, os rapaces/zas de 1º ESO e 2º ESO na materia de Proxecto Competencial están levando a cabo a elaboración de podcast radiofónicos. Por tanto, a idea do Club de Radio podemos dicir que xa está a rodar!!

OBRADOIROS MICÓFILOS: ECOLOXÍA E SENSIBILIZACIÓN

O martes 19 de setembro de 2023 o alumnado de 4º, 5º e 6º de educación primaria participarán nun obradoiro didáctico ambiental co obxectivo de coñecer e sensibilizarse sobor a importancia ecolóxica e ecosistémica dos fundos nos nosos bosques. Esta actividade vén da man de Aula Ambiental Ulla+23, financiada pola Deputación da Coruña, coa proposta desta Aula de Outono. 

ENCONTRO- SEMINARIO SOBRE A EDUCACIÓN NO RURAL

 Xa estamos nun novo curso e que mellor c
unha xuntaza!!!!

Este sábado, 16 de setembro acolleremos no centro unha nova xornada dos Encontros-seminarios sobre a educación no medio rural organizados pola Rede Galega de Educación e Desenvolvemento Rural

Será un encontro distendido no que falar e debater dunha realidade con identidade propia pero ao mesmo tempo, diversa pola súa gran variedade.

Estades convidado/as*!!!! 

*Para participar presencialmente ou por videochamada chega con remitir un correo a regaeder@gmail.com