O alumnado de 5º e 6º de Educación Primaria asistiu o xoves 21 de xaneiro 2021 ao obradoiro impartido pola Garda Civil "Plan Directo Novas Tecnloxías", que ten como obxectivo concienciar aos nenos e nenas do bo uso da tecnoloxía e informarlles sobre os riscos que en ocasión supón utilizar internet, redes sociais, etc.
A ONG Entreculturas está a organizar unha Carreira Solidaria en formato virtual, que terá lugar os días 20 e 21 de febreiro, para sensibilizar á población da amenaza que a pandemia Covid-19 está a exercer nas vidas de millóns de nenos e nenas no mundo.
Ud Carrera 2021 Esp by veracruces on Scribd
"O conflito forma parte da natureza humana. Apostar pola convivencia supón buscar opcións pacíficas de abordar os conflitos. Unha destas maneiras é a través da MEDIACIÓN. Esta semana comezamos a formación do alumnado de 1º de ESO que, de forma voluntaria, decidiu formar parte do servizo de mediación do CPIP Virxe da Cela. O martes 19 de xaneiro de 2021 tivo lugar a primeira das oito sesións que conformarán o curso de formación en Mediación organizado polo departamento de Orientación e no que participarán 7 alumnos/as de 1º da ESO.
Magú, a orientadora, presentou a Andrea Montero Ramos, educadora social encargada de impartir a formación, e tivemos asimesmo como convidados a catro alumnos/as de 4º da ESO (Marta, Ariadna, Daniel e Hugo), que xa participaron a anterior formación en mediación que tivo lugar no curso académico 2018-2019 e que explicaron aos rapaces/zas a importancia desta experiencia nas súas vidas.
Esta formación ten como obxectivo desenvolver as habilidades e competencias necesarias para que os futuros mediadores e mediadoras sexan capaces de axudar a persoas que entren nun conflito a chegar a unha resolución pacífica. Contar cun servizo de mediación nun centro educativo, supón:
- Clima máis pacífico e produtivo.
- Mellora das relacións.
- Facilita a comunicación.
- Reducir a necesidade de acudir a medidas disciplinarias.
- Previr a violencia.
- Reducir as emocións negativas asociadas aos conflitos."
Estamos nun ano atípico pero non por iso queríamos perder a celebración do Nadal. Tal vez non sexa a celebración á que estamos acostumados, pero non por iso vai ser menos especial. Así que... dalle a play...e goza deste festival virtual tanto coma nós gozamos facéndoo.
O 25 de novembro é o día internacional da eliminación da violencia contra a muller, dende a Biblioteca Castelao invitamos a visitarnos ao contacontos Caxoto que nos ofreceu dúas actuacións con esta temática. Primeiramente actuou para a ESO cunha proposta titulada: "Machista eu?", despois actuou para 3º, 4º, 5º e 6º de Educación Primaria ca proposta: "Contos vellos novos finais".
Caxoto fai unha recuperación de contos tradicionais e relatos da nosa historia que lle serviron para falarnos do machismo que está intrincado nos nosos costumes de tal maneira que moitas veces nin tan sequera somos conscientes. Falounos dos micromachismos, que como nos dixo, de "micro", non teñen nada, pasan máis desapercibidos pero son tan daniños como a propia violencia contra a muller.
O próximo 20 de novembro conmemórase en todo o mundo o Día Internacional dos Dereitos dos Nenxs. Desde Monferosolidario queremos chamar a atención sobre os millóns de nenos e nenas que seguen sen ter acceso aos dereitos máis básicos como a educación, a sanidade, un fogar...e que teñen que abandonar os seus soños. E facemos tamén un chamamento aos gobernos para que cumpran os seus compromisos de realizar plenamente os dereitos da infancia. Hai que traballar para que todos, independentemente do lugar ou as condicións nas que nazan, teñan un futuro mellor!
Por iso o 20 de novembro todos imos ser azuis, para reivindicar e pedir aos estados que garantan os dereitos da infancia máis vulnerable. E preguntarédesvos porque azuis?, pois no seguinte vídeo podedes ver a proposta que fan os alumnos e alumnas de 3º de ESO. Animamos a todas as clases a que se unan á nosa reivindicación e nos envíen unha foto da clase coa proposta. Con todas as instantáneas faremos un vídeo super chulo POLOS DEREITOS DOS NENXS!!!!
"O noso momento segue sendo agora" é o lema do XXII Encontro en Rede da Rede Solidaria da Mocidade Entreculturas que tivo lugar o ércores 11 de novembro 2020 de 17:00-18:30, na plataforma Zoom. Este curso, debido a situación excepcional Covid-19, non poidemos realizar un encontro presencial, non obstante, non foi impedimento para que unha representación do profesorado e alumnado do noso centro compartira a través dunha pantalla as súas experiencias con outros docentes e estudantes da Rede Solidaria Entreculturas.
Coa finalidade de marcar as liñas básicas de traballo no presente curso académico (especialmente difícil xa que supón a adaptación a un novo contexto covid-19), o profesorado que forma parte da Rede Solidaria da Mocidade Entreculturas (entre eles docentres do noso centro) levou a cabo un encontro en formato online a través da plataforma Zoom o venres 5 de novembro de 2020 (de 17:00 a 19:00 horas).
Iniciamos o curso vinculados un ano máis a ONGD Entreculturas. O vindeiro mércores 11 de novembro ás 5 da tarde celebrarase a Asamblea de Inicio de Curso da Rede Solidaria da Mocidade Entreculturas en formato online. O formulario de inscrición estará aberto ata o día 10 de novembro ás 20:00 horas.
