lunes, 28 de septiembre de 2009
jueves, 17 de septiembre de 2009
ENTREGA DE PREMIOS
A nosa directora Mirian Seoane e Verónica Dopico foron as encargadas de recoller o premio. A continuación deixámosvos unha reportaxe gráfica e os enlaces da web de AECID nos que se fai referencia á entrega dos premios.
Verónica Dopico recibindo o premio da man do ministro Moratinos
Verónica e Moncho Ferrer, fillo de Vicente Ferrer
Unha vez máis, parabéns a todos e, mil grazas polo traballo e a labor realizados.
jueves, 10 de septiembre de 2009
I PREMIO NACIONAL DE EDUCACIÓN PARA EL DESARROLLO "VICENTE FERRER"
A experiencia desta viaxe foi “inesquecible” e, como o prometido é débeda, aquí deixámosvos un resumo do que foron estes días.
O luns 31 de agosto a xornada comezou coa inauguración oficial do seminario por parte de Mercedes Flores, directora do centro de formación da AECID en Antigua (Guatemala), Mª Luz Ortega, representante da AECID e María Jesús Angulo, representante do Ministerio de Educación.
A mañá do martes tocounos expor o noso proxecto. Creo que non é necesario que vos contemos nada del xa que está reflectido no noso blogue. Só dicir que o proxecto "Monferosolidario" é unha realidade grazas ao traballo, implicación e colaboración de toda a comunidade educativa (alumnado, profesores, pais). Sen dúbida algunha son os propios rapaces os mais merecedores de seren premiados, pois sen eles nada de todo isto estaríase a facer; e por riba, non tería sentido ningún. Por todo iso reiteramos desde aqui os nosos parabéns para toda a comunidade educativa do Virxe da Cela. 
O longo dos días fóronse sucedendo as presentacións e relatorios do resto dos proxectos.
Menos mal que entre tanta exposición e relatorio tiñamos tempo de tomar un refrixerio
En xeral todos os proxectos presentados foron magníficos e poidemos comprobar que se poden facer unha chea de actividades dende as aulas e dende todos os niveis educativos, cada cal máis sorprendente. En particular chamounos a atención como se pode traballar a Educación para o Desenvolvemento cun enfoque curricular dende materias como as matemáticas, economía, a formación profesional ou os ciclos formativos de grao superior, aproximando ao alumnado á realidade social próxima e global.
Cos nosos compañeiros galegos do IES “Carlos Casares” de Viana do Bolo, que tamen foron merecedores deste premio.
E despois visita o “Cerro de la Cruz” dende donde había unha vista impresionante de Antigua.
XOVES, 3 de setembro
Fómonos a coñecer o sistema educativo de Guatemala, centrándonos en dúas escolas afastadas da cidade de Antigua e nas que colabora a "Cooperación Española".En primeiro lugar, visitamos a Escola Oficial Urbana Mixta Matutina, Santo Domingo, de Xenaco e , logo, a Escola Aj Popoli de Comalapa, onde traballa Educación sen Fronteiras.
Durante a xornada puidemos falar cos nenos e as nenas e comprobar como moitos e moitas delas falábannos do que querían ser no futuro, mestras, bombeiros, enxeñeiros ou avogadas, cun elemento común en todos e todas, vendo o seu futuro como unha forma de axudar aos demais e desenvolver o seu país.
Foi do máximo interese falar cos mestres e mestras das escolas. Sorprendía o seu entusiasmo á hora de desenvolver o seu traballo, a maioria das veces cuns recursos mínimos.
A educación de xénero, a interculturalidade, a educación bilíngüe utilizando o idioma materno das comunidades, e o traballo por competencias son as liñas de innovación que estaban desenvolvendo estas escolas.
VENRES, 4 de setembro.
A xornada do venres estivo adicada á redacción de conclusións, propostas e compromisos de futuro así como a avaliar o seminario. De aqui sairá un documento que será asinado polos representantes do Ministerio de Educación e da Axencia Española de Cooperación Internacional para o Desenvolvemento.
A verdade é que foi unha semana moi intensa en canto a aprendizaxes, intercambios e ideas que cremos que nos han servir para seguir traballando nesta línea da Educación para o Desenvolvemento nos nosos centros educativos.
Nos seguimos pensando que “outro mundo é posible” e que “Moita xente pequena, en moitos lugares pequenos, facendo cousas pequenas cambiará a face da terra”.
O próximo luns, 14 de setembro, ás 10 da mañá, na sé da AECID en Madrid o Sr, Ministro de Asuntos Exteriores e o Sr. Ministro de Educación farán a entrega oficial do I Premio Nacional de Educación para o Desenvolvemento "Vicente Ferrer". Ali estaremos coa nosa directora para recoller o premio.