Un grupo de alumnos/as da ESO do CPI Plurilingüe Virxe da Cela visita o luns 30 de setembro de 2024 os estudos da emisora CUAC FM (A Coruña) para realizar a gravación dun programa radiofónico, grazas ao apoio da Fundación Ayuda en Acción que promoveu o pasado curso escolar 2023-2024 a creación du Club de Radio no noso centro.
 |
| Imaxes da visita. |
Mércores 25 setembro 2024. Martín Mejuto (Fundación Ayuda en Acción). Reunión con parte do profesorado participante do proxecto Education4ThePlantet.
O sábado 21 de setembro a Axencia Galega da Calidade Alimentaria (AGACAL), a través de Slow Food, celebrou a festa de inauguración de curso en Ponteareas (Pontevedra). Ao evento acudiron familias dos centros Km 0 de toda Galicia.
Como non podía ser doutro xeito, alí estivo tamén a representación do noso colexio, cun comedor inscrito na rede de centros km 0.
.jpg) |
| Imaxe do tempo de recoñecementos a labor de diferentes centros e equipos de cociña. |
Moitas grazas por facernos parte desta iniciativa!!!!!
A reflexión conxunta entre comunidade educativa é a mellor forma de achegar consenso e boas prácticas nos centros educativos.
Desta forma, participamos na xornada de debate arredor do uso dos móbiles e a tecnoloxía por parte da rapazada organizada por NEG.
Graciñas por contar co CPI Plurilingüe Virxe da Cela e por enriquecer a nosa actividade coas vosas opinións!!!
 |
| Diferentes imaxes desta xornada de débate e aprendizaxe. |
Unha vez máis, a Revista Galega de Educación para darlle valor a escola rural: singular, social e chea de vida!!! Quen da máis? Millóns de grazas !!!
..
Portada e imaxe autoeditada da presentación do artigo na revista.
Na sesión realizada o martes 17 de xuño 2024 ás 11:30 horas, damos por finalizado o Proxecto School to School que levamos a cabo a través da Fundación Vicente Ferrer. O alumnado de 4º EP visitou a Aula Ferraganchos xunto coa súa mestra de inglés, Cristina Cillero, e alí a coordinadora de Monferosolidario amosoulle varios videos que os nenos e nenas da Konampalli School nos envían desde a India. E xa como remate abrimos varias cartas de Pavani, a nena india (agora xa moza) que fai anos o noso centro apadriñou a través da FVF. Foi emotivo ler as súas cartas, e comprobando como aquela pequena nena que grazas ao noso apoio e á FVF poido iniciar os seus estudos, agora xa está gañándose a vida e axudando á súa familia a saír do círculo da pobreza.
RTVEnxebre é un proxecto de Ayuda en Acción co apoio da Xunta de Galicia. Desenvolve: AGARESO, Asociación Galega de Comunicación para o Cambio Social.
Fomentar a participación infantil, favorecer a inclusión e o desenvolvemento socio educativo da infancia rural e a posta en valor da cultura rural galega son os obxectivos que a Fundación Ayuda en Acción marcouse xa no ano 2018 para dar inicio a este proxecto, a través da creación de tres radios rurales escolares nas localidades coruñesas de Mazaricos, Zas e Monfero.
Contamos co apoio de profesionais que visitan o noso centro quincenalmente para ofrecer formación ao alumnado de educación primaria, e así permitir alzar a voz e participar activamente aos escolares, falando dos temas que lles preocupan. Neste curso 2023-2024 realizáronse variados podcast que queremos compartir coa comunidade educativa.
O mar: Programa completo realizado polo alumnado de 3ºEP. Programa con todos os contidos realizados durante o curso polos nenos e nenas de 3º de primaria na súa investigación sobre o mar.
O abandono animal: Programa completo realizado polo alumando de 4ºEP con todos os contidos realizados durante o curso polos nenos e nenas de 4º de primaria na súa investigación sobre o abandono animal.
A muller no rural: Programa completo do alumando de 5ºEP, con todos os contidos realizados durante o curso polos nenos e nenas de 5º de primaria na súa investigación sobre a Muller no rural.
Os deportes: Programa completo do alumnado de 6ºEP con todos os contidos que realizaron durante o curso os mozos e mozas de 6º de primaria no seu proceso de investigación sobre os deportes.
Entrevista a Mikel Pasabant, campión de vela, polo alumnado de 6º. O alumnado de 6º centrou a súa investigación nos deportes, e quen mellor para falar dun deles, que un campión! Mikel Pasabant que ademáis de ser profe de inglés no cole é tamén campión de vela! e moito máis, xa veredes!!
Clausuramos o proxecto School to School deste curso 2024-2023, un intercambio cultural e de tradicións coa Konampalli School (A India) que realizamos grazas á Fundación Vicente Ferrer. O xoves 13 de xuño de 2024 o alumnado de 4º de EP, acompañados pola súa mestra de inglés Cristina Cillero, reuníronse na Aula de Ferraganchos para pode ver os materiales que están pendurados unha plataforma virtual. Antes de nada fixemos un pequeno faladoiro de o que significou este intercambio cos nenos e nenas da India, e comprobamos que a pesares das grandes diferencias, todos/as temos moitas cousas en común: gústanos xogar, ter amigos, unha familia que nos quera e nos coide. Encantounos ler a carta dos rapaces/zas da India, que describen tamén a súa escola que está no rural, e descubrimos que eles/as tamén están moi concienciados co medio ambiente.
Xoves 19 xuño 2024. Cidade da Cultura (Santiago de Compostela). O conselleiro de Educación preside a entrega dos galardóns. Os premios Innovagal recoñecen o labor dos centros de Outes, Cerceda, Vilanova, Zas, Tui, Monfero, Vigo e Celanova a prol da innovación educativa. O obxectivo é poñer en valor os centros que desenvolven enfoques didácticos para dar reposta ás necesidades particulares do seu alumnado.
O CPI Plurilingüe Virxe de Cela tamén é galardoado con este premio polo proxecto MonferoSolidario, que ten como obxectivo mellorar a calidade educativa e dar respostas ás necesidades identificadas polo claustro.
O curso está a punto de rematar e vanse finalizando diferentes proxectos desenvolvidos durante estes meses. Martín Mejuto, psicólogo que visita o noso centro de maneira quincenal para impartir obradoiros sobre emociones ao alumnado de EP e 1º e 2º da ESO grazas á Fundación Ayuda en Acción, realizou xunto con Jennifer Corredoira, técnico desta mesma fundación, diferentes dinámicas nun obradoiro para alumnado e familias. Xogos, risas, cores, debuxos, palabras tan máxicas como a empatía, o compañerismo, a autoestima, elementos claves para abordar as emocións dos nosos pequenos/as e guiar ás familias a axudar aos nosos fillos a expresar e entender as emocións para facilitar a comunicación e a convivencia e o benestar. Mércores 12 xuño 2024.
Estimado participante en la XII convocatoria del Concurso de Buenas Prácticas MEP 2023:
Mércores 12 de xuño 2024. Jennifer Corredoira e Martín Mejuto. Aula UUMM.
