Discurso Camino by veracruces on Scribd
Queremos compartir convosco este video que acaba de chegar da India, no que podedes ver o actividades culturais realizados polos nenos e nenas da India en relación ao proxecto School to School da Fundación Vicente Ferrer.
https://vimeo.com/551394546/04897de7de
Compartimos a publicación Eduga 81 (xaneiro - xuño 2021) Revista Galega do Ensino, na que aparece o artigo "Monferosolidario: abrindo a escola cara á transformación social".
O proxecto Monferosolidario acaba de recibir o I Premio Galego de Educación para o Desenvolvemento e a Cidadanía Global. A acción formativa no eido da educación para o desenvolvemento e a cidadanía global (EPDCG) levada a cabo no CPIP Virxe da Cela (Monfero) é un dos piares onde se fundamenta o proxecto. Damos valor neste espazo ás prácticas formativas levadas a cabo durante os cursos 2018/19 e 2019/20.
O martes 15 de xuño de 2021 adicamos unha nova sesión das clases de relixión e valores éticos na ESO para poñer en práctica os xogos deseñados polo alumnado, propostas encamiñadas a espertar a conciencia ecolóxica e sensibilizar sobre o coidado do medioambiente. Os rapaces e rapazas de 1º e 3º da ESO gozaron con estes xogos variados, que ao final de curso formarán parte dun caderno ou guía educativo e serán difundidos para que podan ter a réplica noutros cursos e outros centros educativos. Igualmente a actividade de hoxe serviranos para completar os méritos e acadar unha merecida Medalla Verde no proxecto de Olimpiadas Solidarias que estamos a desenvolver neste último trimestre escolar.
Aproveitando o bo tempo continuamos coas xornadas de Xogos Educativos para o Mediambiente, esta vez levando a cabo a proposta dun grupo de alumnos de 1º da ESO. Trátase dun xogo divertido e moi atractivo no que por parellas hai que ir buscando pistas en forma de cápsula, e unha vez atopadas, tratar de encestalas nunhas caixas de diferentes cores (amarelo, verde e azul) tendo en conta os debuxos das pistas encapsuladas e as cores dos contenedores do lixo. Ademais de traballar colaborativamente e facer deporte, os xogadores/as aprenden contidos medioambientais referente á separación do lixo e a reciclaxe.
O alumnado de 4º da ESO despide as clases de relixión e valores éticos cun partido de fútbol que tiñamos pendente desde o mes de febreiro de 2021, momento no que participamos na Carreira Solidaria Entreculturas "Corremos por unha causa". Agora que xa chegou ao noso centro a camiseta coa que tiñamos que participar na Carreira, reunímonos para sacar unhas fotos de grupo e para divertirnos xogando e facendo deporte, á vez que nos relaxamos neste momento de tensión de fin de curso, cargado de exames e traballos. Moito ánimo, xa falta menos para graduarse e para disfrutar dunhas merecidas vacacións!
Hoxe, mércores 9 de xuño 2021, tocoulles aos rapaces e rapazas de 2º da ESO levar á práctica os xogos que eles/as mesmos deseñaron para conmemorar o Día Mundial do Medioambiente (5 xuño). Neste ocasión tratouse dun partido de "Eco-fútbol" a través do cal aprendíanse a recoller residuos, a regras das 3R "reducir, reutilizar e reciclar", etc. e dun xogo da Caza do Tesouro no que, recollendo todas as pistas que estaban ocultadas polo centro escolar, acabaríase descifrando a palabra máxica "Ecoloxía". Foi unha forma de aprender a través do deporte a valorar e respectar o noso Planeta, e que nos levará tamén a acadar a Medalla Verde (Olimpiada da Solidariedade).
O día 5 de xuño conmemórase o Día Mundial do Medioambiente. Nas materias de valores éticos e relixión o alumnado de 1º, 2º e 3º da ESO están a deseñar xogos educativos que nos permitan reflexionar sobre o coidado do medioambiente. Con todas as propostas maquetaremos un pequeno caderno e o publicaremos para compartir con outros alumnos e docentes que estean interesados nelas. Por suposto tamén aproveitaremos os días soleados do mes de xuño para levalos á práctica no CPI Virxe da Cela!Que mellor maneira de unir deporte, xogo e educación para o desenvolvemento e a cidadanía global! A través desta actividade tamén acadaremos unha ben merecida Medalla Verde nas Olimpiadas da Solidariedade que organiza a ONG Taller de Solidaridad.
5 Xuño Medio Ambiente by veracruces on Scribd
Charla Agalarure, Prevención do uso/abuso adicción o xogo nas bisbarras de A Coruña. Venres 28 maio 2021. O pasado venres visitou o noso centro Gerardo Rodríguez, de Agalure. Agalure naceu como asociación para axudar a superar a ludopatía, mais hoxe en día o seu traballo é máis amplo. Por isto, falan do seu traballo en relación ás adiccións sen substancias. O alumnado de 3º e 4º da ESO participou das súas explicacións e seguindo a súa guía, reflexionou sobre o significado de uso/abuso/ adicción e das implicacións de referírmonos a unha adicción como un "vicio" ou unha "enfermidade". Faloulles, tamén, dos xogos de azar, habilidade e habilidade e azar así como dos riscos que conlevan. A sesión transcorreu de xeito animadao e a participación do alumnado foi moi activa. Ademais, comentoulles experiencias persoais de compañeiros que están traballando para superar as súas adiccións grazas ao traballo con voluntarios que pasaron polo mesmo e con profesionais do campo da psicoloxía.
O alumnado de 1º, 2º e 3º da ESO comezou hoxe un proxecto para deseñar diferentes xogos educativos para promover unha conciencia crítica e responsable. En parellas ou en pequenos grupos elaborarán diferentes xogos para realizar ao aire libre con temáticas vinculadas aos Obxectivos do Desenvolvemento Sostible. Con todos os materiais elaborados prepararemos un caderno multimedia, e ademais, se a climatoloxía o permite, trataremos de levalos á practica no mes de xuño.
