SON UNHA PERSOA MÁXICA?

Test campode sanalberto_noia from satelite1

Os nosos benqueridos compañeiros/as do IES Campo de San Alberto, Noia (centro participante na Rede Solidaria da Mocidade Entreculturas) elaboraron este interesantísimo test da solidariedade. Eres unha persoa máxica? Se queres saber a resposta non tes más que adicar uns minutos para contestar as preguntas deste cuestionario...

AXENDA REDE SOLIDARIA DA MOCIDADE ENTRECULTURAS 15-16

Agenda red curso 15 16 from satelite1

TRIP TO THE LIGHT

O CPI Virxe da Cela leva anos loitando pola construción dun mundo mellor. Son tempos difíciles para todas aquelas persoas que viven lugares rodeados de conflitos bélicos e violencia, e queremos cun pequeno xesto, que unido ao de outros tantos colectivos farán unha montaña, enviar unha mensaxe de paz.  Todos os centros inscritos na Rede de Escolas de Galicia gravaremos unha parte da canción "Trip to the light" (Viaxe á luz ), poñendo debaixo o nome do centro e o lugar. Toda a letra é axeitada para traballar sobre os refuxiados, os que foxen da guerra ou da pobreza, para vivir nun mundo mellor. Asemade tamén sería unha para traballar xuntos os diversos centros da rede. Animádesvos??? 

NA PROCURA DE XENIOS

No noso país, máis de catro millóns de vivendas non dispoñen de acceso a Internet, o que implica que un 25% dos fogares españois están excluídos do universo dixital –o que nos sitúa na cola de Europa-. A brecha dixital reflicte a desigualdade de acceso ao coñecemento e ás novas tecnoloxías, e implica o risco de exclusión de quen queda fora desa innovación e, en definitiva, do futuro. A educación en tecnoloxía desde a infancia é un catalizador de igualdade de oportunidades, esencial para o desenvolvemento social e económico da sociedade. Neste contexto, Ayuda en Acción en colaboración con Google.org, lanza o proxecto GENIOS, que proporcionará a máis de 5000 nenos e nenas de máis de 30 centros escolares (entre eles o CPI Virxe da Cela, Monfero) as ferramentas e os medios para acceder á tecnoloxía e ao coñecemento.

 

Genios info-familias from satelite1

Propuesta colegios jóvenes inventores - ayuda en acción from satelite1

Programación proyecto educativo-ji-aea-metodología from satelite1

PROXECTO "SCHOOL TO SCHOOL", FUNDACIÓN VICENTE FERRER

School-to-School from Fundación Vicente Ferrer on Vimeo.

Un ano máis o CPI Virxe da Cela participará no proxecto School to School, un intercambio cultural e educativo cunha escola da India a través da Fundación Vicente Ferrer. Este curso académico A Nosa Contorna será o punto de partida para desenvolver este interesante proxecto. Seguro que nos vai dar moito xogo: explorar a nosa propia riqueza e patrimonio natural e inmaterial e dar a coñecerlos aos nosos amigos e amigas da Konampalli School (India). Convidámosvos a que sigades todo o proceso. 

CARTA DE PAVANI

Iniciamos un novo curso, nin máis nin menos que o 2015-2016... (como pasa o tempo), e a carta da nosa amiga Pavani non tardou en chegar á nosa escola. Como todos/as ben sabedes, Pavani é unha nena da India a quen temos apadriñada desde fai anos a través da Fundación Vicente Ferrer. Nesta carta (escrita por ela en alfabeto telegu e traducida ao castelán por voluntarios/as que viven e colaboran no proxecto que a Fundación Vicente Ferrer ten en Anantapur (India), Pavani cóntanos as últimas novidades da súa vida. Queredes estar ao día? Pois prestar atención:

Queridos amigos/as. Alégrome moito de poder escribirvos esta carta outra vez. Estou contenta de darvos unha boa nova: aprobei de 6º a 7º curso. Desde o 24 de abril ate o 11 de xuño estiven de vacacións de verán. Nestes días fun ao pobo dos meus familiares e divertinme moito. Durante o verán fai moita calor. En abril celebramos unha festa local da Deusa Peddanma. Eu comprei pulseiras e divertinme moito. Teño amigas na escola. Os meus pais son xornaleiros. Empezou o verán, que é desde marzo ata maio. Agradézovos moito a vosa axuda. Pavani. 

BENVIDOS AO NOVO CURSO 2015-2016

Pois si, xa está aquí o novo curso escolar. O empezamos con ilusións renovadas, con moitas ideas, proxectos en mente e ganas de aprender, porque na vida todos somos eternos aprendices. Esperamos que o verán fora aproveitado do mellor modo posible, e que o seu recordo axude a alimentar esa actitude positiva tan necesaria e intelixente de ser felices e de facer felices aos demais. Así que aí van os nosos mellores desexos para este novo curso.

CARTA AGRADECEMENTO ENTRECULTURAS

Deixamos constancia con este documento da axuda enviada través da Fundación Entreculturas a Nepal (348'13 euros) para axudar aos damnificados do terremoto. Estes cartos son o resultado dunha valiosa iniciativa levada a cabo polo alumnado de 2º da ESO do CPI Virxe da Cela durante o pasado curso escolar 2015-2016. Agradecemos a toda a comunidade educativa (alumnado, profesorado, familias e personal non docente) por toda a vosa colaboración. 

CONCURSO ESCOLAR "EN BUSCA DA IGUALDADE"

O Parlamento de Galicia convocou  a V edición do concurso escolar baixo a lenda "En busca da igualdade". A finalidade do concurso é fomentar, a través dos traballos propostos polos escolares, a defensa de valores tan importantes como a igualdade e a tolerancia, a necesidade de traballar para sensibilizarse, estimular actitudes e valores de igualdade, de solidariedade e de respecto.

No noso centro os/as alumnos/as de 3º e 4º de ESO realizaron dous estupendos vídeos nos que reflicten como vivimos no noso centro todos eses valores. 

Desde aquí queremos dar as grazas aos rapaces  e rapazas de 4º de primaria pola súa colaboración na elaboración do vídeo que realizaron as alumnas de 3º da ESO.  Como unha imaxe vale máis que mil palabras... invitámosvos a que o vexades. Aquí vos quedan...

ENTRECULTURAS: PREMIO NACIONAL DE EDUCACIÓN

       A Rede Solidaria da Mocidade de Entreculturas vén de recibir o Premio Nacional de Educación concedido polo Ministerio de Educación, Cultura e Deporte, na categoría de "Proxectos de Entidades para a Promoción Educativa" e na modalidade "Educación para o Desenvolvemento". Con este premio queda recoñecida a labor realizada durante catorce anos dirixida a adolescentes entre 12 e 18 anos escolarizados en centros de educación formal, como a nosa escola CPI Virxe da Cela. Este é un premio ben merecido para todos e todas: a xente que coordina o proxecto desde arriba, os técnicos e técnicas de cada unha das delegacións provinciais, aos profes que promoven a Rede na escola, e por suposto a todos os mozos e mozas que tecen esta enorme rede da solidariedade. Nas palabras de Irene Ortega, responsable de Educación para o Desenvolvemento en Entreculturas: 

       "Esperamos que este premio sirva de respaldo al trabajo y a la ilusión que tantas personas (jóvenes, docentes, equipos de educación, talleristas, etc.) ponen en este proyecto. También confiamos en que nos abra puertas a nuevas alianzas con las administraciones educativas. GRACIAS a todas las personas que, de muy diversas maneras y en distintos momentos de su historia, han contribuido a que la Red Solidaria de Jóvenes sea un espacio de crecimiento personal y de gestación de compromisos solidarios para tantos adolescentes, así como de desarrollo vocacional para los más de 220 profes que lo hacen posible". 

      Se queredes saber máis sobre esta interesante noticia, premede ao enlace:

ENCONTRO FIN DE CURSO REDES SOLIDARIAS ASTURIAS E GALICIA

Aínda que un imprevisto de última hora non permitiu a asistencia do alumnado e profesorado da Rede Solidaria de Asturias, medio centenar de persoas, entre alumnos/as, profesores/as, voluntarios/as e técnicos/as de Entreculturas reunímonos en Mondoñedo os días 19 e 20 de xuño de 2015 para celebrar o encontro de final de curso. Por primeira vez na historia da Rede en Galicia este acto de clausura supuxo compartir un día enteiro e incluso pernoctar, feito que sin dúbida afianza os lazos de unión entre todos os asistentes. A hospedería Santa Catalina de Mondoñedo foi o lugar elixido para desenvolver este "minicampañento" no que houbo actividades moi divertidas e variadas: presentacións, bailes, merendolas, e incluso unha simpática "batalla" entre dous bandos que durou ata a madrugada, amenizada polos infatigables Abel e Iris e levada a cabo en penumbra e reptando polo chan do ximnasio... E como punto final e despedida unha pila de agasallos elaborados a man e unhas fermosas tarxetas para todos os alumnos/as que ao rematar os estudos de 4º da ESO viviron a seu último encontro... aínda que estades convidados a seguir formando parte da Rede, agora como voluntarios/as!

FIN DE CURSO 2015

Despois de varias semanas de traballo intenso, exames, estrés, chegou o momento máis desexado: o final de curso. A partir de agora unhas máis que merecidas vacacións, deixando os libros e outras responsabilidades aparcadas ata o vindeiro mes de setembro. Foi un día de festa, con música, diplomas (contamos incluso coa visita de María Caride, técnico da ONG Solidariedade Internacional Galicia, para repartir os diplomas do proxecto "Creando Cidadanía Global"), discursos, a algunha bágoa... E que para o alumnado de 4º da ESO esta foi a derradeira xornada no CPI Virxe da Cela, despois de doce anos compartindo aula e pupitre... Ante estes rapaces e rapazas preséntase unha nova etapa na vida, noutro centro educativo. Botaremos en falta os vosos sorrisos e a vosa alegría, e vos desexamos o mellor... e xa sabes, non dubidedes e pasarvos polo noso "cole" a facernos unha visita. Sempre será a vosa casa. 

XORNADA FORNOS SOLARES NO CPI VIRXE DA CELA

Pois despois de tanta teoría, chegou por fin a práctica... Tivemos que esperar a chegada dos días máis soleados e calurosos do mes de xuño para poñer en funcionamento os fornos solares elaborados durante o curso. Podedes ver nestas imaxes ao alumnado de 5º e 6º de educación primaria do CPI Virxe da Cela, acomañados polas súas profes Lucía e Sonia, levando a cabo todo o proceso: desde a preparación dos alimentos (pelado e cortado de vexetais, adobo e aliño da carne), a colocación no forno solar e finalmente o resultado: un delicioso polo e mazás asadas de postre! Umm, fáisenos a boca auga...

TAPÓNS PARA UNHA NOVA VIDA 2015

Achégase o final de curso e agora é momento de facer reconto de todos os tapóns recadados durante todos estes meses. Como podedes ver nas imaxes, xuntáronse unha pila de caixas, tapón a tapón, gotiña a gotiña, graniño a graniño, e unha pequena axuda converteuse nunha enorme montaña. Esperemos que algún neno ou nena enfermo/a poda sacar partido a este xesto solidario e que esta pila de tapóns axude a sufragar parte dos elevados custos de operacións e outros servizos hospitalarios aos que irán a parar os "Tapóns para unha nova vida".