PASANDO A BÓLA, XOGANDO PARA CAMBIAR: aprendendo a convivir

 

Este curso contamos co obradoiro promovido pola Consellería de Educación no marco do programa contra o acoso escolar: PASANDO A BÓLA, XOGANDO PARA CAMBIAR, do cal o noso centro resultou beneficiario. Ven da mán da Xanela do Maxín. PASANDO A BÓLA XOGANDO PARA CAMBIAR emerxe como un evento de intervención escolar e social, onde o xogo dramático serve como ferramenta poderosa para concienzar ao alumnado. A partir de aí explóranse solucións que se porán en práctica a través do teatro. Esta actividade está baseada no libro “A Banda dos insectos” de Celtia Figueiras e inspirado na técnica de Augusto Boal e o teatro do oprimido. Unha actividade aborda de forma única o problema do bullying no contexto escolar. Neste encontro singular, a guía da intervención, coa contará coa colaboración do alumnado voluntario como actores e actrices. En conxunto, escenificarán escenas construídas especialmente para representar as diversas manifestacións do acoso nas escolas. Trala presentación destas escenas, a audiencia convértese en parte activa do proceso. O alumnado aporta solucións aos comportamentos observados, encarnando e mostrando tamén as novas solucións propostas como parte da actuación. “Pasando a bóla Xogando para cambiar” non só ofrece un enfoque innovador para abordar o bullying, senón que tamén fomenta a participación activa da comunidade escolar na creación de solucións. A través do xogo teatral, a audiencia non só toma conciencia da problemática, senón que tamén se converte en axente de cambio. Construirán xuntos unha resposta colectiva que promove un ambiente escolar máis seguro e respetuoso.

VI EDICIÓN CONCURSO PILABOT 2025

O noso centro vai participar na sexta edición do Concurso Pilabot tras a boa acollida da nosa participación no curso anterior (229,65 kg netos recollidos). Dito concurso ten como obxectivo fomentar a recollida selectiva de pilas e acumuladores portátiles entre o alumnado e a súa familia e o persoal do centro. Esta actividade estará coordinada polo alumnado do 5º curso da Ed. Primaria e piden a nosa colaboración. Desta forma, repartirán polas aulas uns pequenos contedores onde depositar as pilas e acumuladores usados que teñamos nos nosos fogares. 

O alumnado as poderá depositar, unha vez cheos, nos contedores colocados no centro para tal finalidade. Unha vez baleirados os poderán levar de novo para o fogar e así, seguir depositado neles estes residuos. Desta forma, queremos favorecer a xestión adecuada da súa recollida selectivas (ben no centro, ben noutros espazos dos Concellos destinados ao efecto). 

 Máis información: https://pilabot.gal/es/concurso/

CAMPAÑA DE DIFUSIÓN REDE COMPÁS

 Luns 13 xaneiro 2025

Comezamos a nosa participación na REDE COMPÁS coa campaña de difusión entre o alumnado das súas características, obxectivos, plan de traballo e actuacións previstas por parte do alumnado de 4º da ESO que xa participa da iniciativa.

Imaxes da presenza nas aulas do alumnado de 4º da ESO para explicar a iniciativa.

A COMUNIDADE EDUCATIVA DO CPI VIRXE DA CELA DESÉXAVOS BO NADAL!

ASOCIACIÓN DE REDEIRAS O FEITAL. MALPICA

O martes 17 de decembro de 2024 levouse a cabo a última das actividades planificadas para este trimestre dentro do proxecto  Education4ThePlanet: a xuventude galega activada pola Axenda 2030 e a acción polo clima (2024-2025), financiado pola Cooperación Galega (Xunta de Galicia). Esta actividade consistiu na visita a unha explotación do sector primario liderada por mulleres, concretamente a Asociación de Redeiras O Feital de Malpica. Fumos recibidos no CAT (Centro de Artesanía e Tradición) de Buño por Ángeles Mille Rodríguez, e nese mesmo edificio realizamos a primeira parte da actividade, consistente en charla-obradoiro sobre o oficio das redeiras, impartida por Verónica Veres Tasende e Pilar García Ricoy. Aprendimos moitas cousas sobre o oficio, e incluso chegamos a facer prácticas coas agullas de tecer. Visitamos diferentes espazos do CAT, vencellados ao oficio da pesca e das redeiras, e xa como broche final o alumnado do CPI Virxe da Cela realizou diferentes preguntas a Verónica Veres, para afondar no impacto do cambio climático nos oficios de mar e analizar o papel da muller nesea explotación do sector primario. A continuación visitamos o Cabo e a Ermita de Santo Adrián, e xa en Malpica estivemos na zona do porto, onde a asociacion O Fieital ten a súa sede. 

O proxecto "Education4ThePlanet" establece como obxectivo xeral fomentar unha mocidade activa en Galicia, que contribúa na loita contra a emerxencia climática e ao cumprimento dos Obxectivos do Desenvolvemento Sostible da Axenda 2030, desde a transformación de actitudes propias e a promoción da sensibilización da súa contorna.

Fanzine: Enraizadas

 Neste último obradoiro reflexionamos sobre os contidos traballados e creamos o noso propio fanzine. 

Os fanzines son revistas de escasa tirada e distribución, feita con poucos medios por persoas aficinonadas a distintos temas.

 A través desta publicación caseira, o alumnado de 5º curso da Ed. Primaria creou de forma colaborativo dos diferentes centros participantes na actividade unha publicación que repartiremos nos diferentes centros da iniciativa. 

Creatividade  a partir dunha idea e a través de debuxos, collage, fotos, textos, comic da que pronto teremos o resultado.

Imaxe de portada do Fanzine elaborado polos tres centros educativos.

REDE COMPÁS PRIMEIRO TRIMESTRE

Durante este primeiro trimestre do curso 2024-2025 foron varias as actividadades desenvolvidas para poñer en funcionamento, organizar e dinamizar o proxecto  Rede Compás Erasmus+ que se levará a cabo nos vindeiros meses. Deixamos constancia neste pequeno resumo: 

O martes 14 de novembro de 2024, de 17:30 a 19:00 horas, aplicación zoom. 

Profesorado de cinco centros galegos que van participar na Rede Compás (proxecto Erasmus+), cos coordinadores Roi Quitián e María Lobo (AGARESO).

Martes 3 decembro 2024. O Grupo Motor do CPI Virxe da Cela, liderado por alumnado de 4º da ESO, comunícase con Roi Quitián por videoconferencia.

Venres 13 decembro de 2024: As profesoras Yolanda Castro e Verónica Dopico, que coordinan a Rede Compás no CPI Virxe da Cela, realizan unha videoconferencia Zoom con María Lobo.

Paralelamente a estas actividades de coordinación entre os responsables do proxecto, estamos a realizar reunións periódicas co alumnado do Grupo Motor algúns venres de 15:35 a 16:25 para ir marcando obxectivos e para proporcionar un espazo para que a rapazada poda tomar as súas propias decisións e marcar o rumbo. 

Videoconferencias cos coordinadores

Alumnado de 4º ESO do Grupo Motor

Visita ao centro de día

O alumnado de Ed. Infantil  e o de ESO acudiu  ao centro de día do Concello a compartir momentos coas persoas usuarias e a cantarlles unhas panxoliñas desta época tan especial.

Ademais, levamos unha pequena aportación recollida polo alumnado para  programa de doazón de alimentos non perecedeiros que leva a cabo o Centro de día O Xestal.

Tivemos moita sorte porque ao sair, os usuarios tíñannos uns agasallos para cada un de nos!

Imaxes desta estupenda xornada de encontro.

O GLOBO: SOLIDARIEDADE INTERNACIONAL GALICIA. FORMACIÓN DO PROFESORADO

Solidariedade Internacional de Galicia ten en marcha o proxecto O Globo, unha ferramenta pedagóxica que visibiliza e fomenta a participación social e que ten o fin último de formar nos coñecementos, habilidades e valores necesarios para exercer a cidadanía mundial e o desenvolvemento sostible.

O Globo xira en torno a “microexperiencias de transformación social”. Trátase de iniciativas socioeducativas que se organizan segundo a tríada: luces (investigar), cámara (analizar criticamente) e acción (actuar), que pretenden contribuír a consecución dos Obxectivos de Desenvolvemento Sostible (ODS), a través das diferentes temáticas que se poden traballar.

Para traballar baixo esta metodoloxía cos centros educativos a través do profesorado, contamos cunha formación para que esta metodoloxía pode ser utilizada nas aulas como estratexia didáctica.  Este curso realizamos a III edición desta formación para continuar aplicando esta metodoloxía nas aulas. Neste caso a través da radio escolar (Radio cun sorriso). 

Comentarche que ademais, O GLOBO realiza un encontro anual onde os centros de ensino, as ONG e outros colectivos sociais nos xuntamos e intercambiamos aprendizaxes, reflexionamos e construímos cidadanía global. 

Cartel da actividade formativa deste curso escolar.

25N en Ed. Infantil

5º. Educación Infantil

Dende quinto de E. Infantil e coa colaboración dunha pequena representación das etapas de E. Primaria e a ESO (segundo e primeiro) fixemos unha escenagrofía artística conmemorando o 25 de novembro, día internacional da non violencia de xénero. Para isto tivemos de referentes a canción de Fillas de Cassandra “cuando nadie ve” e a artista Ana Marieta coa obra (impresiones de cara sobre vidreos). Ambas tratan un poco a pérdida e deconstrucción da realidade e do eu, chegando a esquecer a súa personalidade. Os paus simbolizan as vítimas e os nenos representar o silencio das mesmas e do seu arredor. Agora toca que o resto do centro interactúe con ela. Agardamos que vos guste tanto como o que eles aprenderon.

6.º Educación Infantil.

Buscamos traballar o coidado ás mulleres. A través dunha instalación na que o alumnado tivo que atravesar lazos que representaban as trabas que a sociedade pon, moitas veces, polo simple feito de ser muller, o alumnado puido vivenciar as dificultades que as mulleres vivimos e a necesidade do coidado e do autocoidado. Ademais, coa luz negra creamos un xardín de flores e co retroproxector repasamos as siluetas das nenas da nosa aula: todas son diferentes, todas somos diferentes, pero, ao mesmo tempo, todas iguais. 

Aulas de 5.º E 6.º de Infantil.

O mesmo día da commemoración, xuntámonos as dúas aulas para facernos entrevistas en lingua galega, para falar das mulleres máis importantes da nosa vida.

Imaxe das actividades deseñadas para a etapa.

DÍA INTERNACIONAL DA ELIMINACIÓN DA VIOLENCIA CONTRA AS MULLERES.

 Un ano máis celebramos o 25N, Día contra a Violencia de Xénero. Entre todo o alumnado do centro creamos un mural co lema  "Abre as túas ás e voa".

Reserva da Biosfera Mariñas Coruñesas e Terras do Mandeo

A provincia da Coruña conta con dous parques naturais: o Parque Natural Fragas do Eume e o Parque Natural Complexo Dunas de Corrubedo e Lagoas de Carregal e Vixán, e unha Reserva da Biosfera, a Reserva de Biosfera Mariñas Coruñas e Terras do Mandeo. Estes espazos a meirande parte das veces son descoñecidos pola poboación da mesma provincia, incluso polas persoas que viven en Concellos situados no seu interior. O programa 'Para unha Transición Ecolóxica', desenvolvido desde o CEIDA co apoio da Deputación da Coruña, posibilita poñer en valor nos centros educativos da provincia da Coruña a importancia e valores destes espazos naturais protexidos, mediante actividades que permiten aos participantes enmarcados na súa contorna xeográfica, establecer vínculos afectivos co medio, reforzar a visión respectuosa co entorno e adquirir actitudes e comportamentos cara á súa protección e conservación. Desta forma, o alumnado do 3º ciclo conta neste curso escolar con dúas propostas: Actividade no centro educativo sobre un dos espazos naturais protexidos da provincia da Coruña. Presentación  onde se expón de maneira sinxela e amena as características dun espazo natural protexido, a importancia dunha figura de protección, a riqueza do seu patrimonio natural e cultural, os principais problemas ambientais que sofren e a forma que temos entre todos de poder axudar a protexelos. Percorrido pola 'Reserva de Biosfera Mariñas Coruñesas e Terras do Mandeo: Costa do Dexo".

Con ela queremos que o alumnado:

• Coñeza patrimonio natural e cultural que albergan estes espazos, así como o seu valor ambiental xeral a través da historia.
• Analice   os recursos que amosa e o valor que aportan estas figuras ao territorio e á poboación local de cada un dos Parques Naturais e da Reserva da Biosfera.
•  Entenda as problemáticas ambientais ás que están sometidos estes espazos en busca do coidado e mantemento dos mesmos.
• Comparta experienzas e inquedanzas desde a responsabilidade crítica persoal e social.

Imaxe do primeiro obradoiro dentro deste programa do CEIDA.

Conversa Enraizadas

Imaxe autoeditada da xornada.

Segundo obradoiro desta proposta da Asociación EuroEume que en colaboración coa oficina para a igualdade de xénero da UDC contamos coa presenza dunha persoa experta que adica a súa vida profesional a investigar sobre distintas temáticas vencelladas á soberanía alimentaria, a custodia do territorio ou os coidados e comunidade.

PRESENTACIÓN CAMPAÑA MUNDIAL POLA EDUCACIÓN 2025: EDUCACIÓN EN EMERXENCIAS

O noso centro participará un ano máis, como xa é habitual desde fai máis dunha década, na CME (Campaña Mundial pola Educación) e na SAME (Semana de Acción Mundial pola Educación). Ainda que quedan moitos meses por diante (ambas campañas levaranse a cabo en abril de 2025), xa con antelación imos preparando e planificando. Despois dunha visita ao noso centro de Tatiana Saenz Romero, a coordinadora da CME en Galicia o pasado mes de outubro, hoxe xoves 21 de novembro 2024 ás 18:00 horas realizamos unha reunión online para presentar a Campaña Mundial pola Educación 2025, este ano centrada na Educación en Emerxencias.