GALA ENTREGA II PREMIO GALEGO EPDCG

 Venres 24 marzo 2022

A Coordinadora Galega de ONGD organizou o venres 24 de marzo de 2022 un acto no que por en valor o labor da comunidade educativa e tecer redes arredor da Educación para o Desenvolvemento e a Cidadanía Global. A convocatoria deste II Premio Galego de EPDCG, financiada pola Dirección Xeral de Relacións Exteriores e coa Unión Europea da Xunta de Galicia (Cooperación Galega), ten unha triple finalidade. Recoñece o labor e esforzo realizado pola comunidade educativa dos centros de ensino galegos para por en práctica a Educación para a Cidadanía Global (ECG) nas aulas. Promove a integración da ECG na educación regrada galega e xera sinerxías entre o profesorado interesado nos contidos e metodoloxías abordadas.

Á Coordinadora Galega de ONGDs considerou   importante que os centros gañadores do I Premio Galego de EPDCG pasaran o testigo aos novos gañadores deste ano. Neste acto de entrega do II Premio Galego de Educación para o Desenvolvemento e Cidadanía Global, 3 representantes do CPI Virxe da Cela (a directora Mª Camino Pereiro e as docentes Verónica Dopico e Yolanda Castro, coordinadoras do proxecto Monferosolidario), foron convidadas para facer a entrega do premio ao IES Carlos Casares centro gañador na categoría B. 

A esta gala asistiron 122 persoas entre profesorado e alumnado de centros de tódolos niveis educativos e representantes de diferentes ONGDs e da Xunta de Galicia, e foi conducido polo cómico Fran Rei na Sala Agustín Magán do Centro Sociocultural Santa Marta, concluíndo con café e chocolate de comercio xusto para todas as persoas asistentes.

https://galiciasolidaria.org/tres-centros-educativos-galegos-son-galardoados-co-ii-premio-galego-de-educacion-para-o-desenvolvemento-e-a-cidadania-global/

https://osil.info/o-ies-carlos-casares-de-viana-premio-galego-de-educacion-para-a-cidadania-global/

“Feirón Ama con corazón” , iniciativa do CEIP Sada y sus Contornos, gañadora da categoría A

“Coidados para un mundo global: todxs camiñamos pola mesma senda”, iniciativa do IES Carlos Casares de Viana do Bolo, gañadora da Categoría B

“Deseño Social e ambiental Sostible” foi a gañadora da categoría C da man da Facultade de Humanidades e Documentación da Universidade da Coruña.

Mª Camino Pereiro, Ana Lampón, Verónica Dopico e Yolanda Castro

21M: DÍA MUNDIAL DO SÍNDROME DE DOWN.

Para o Síndrome de Down visibilizar, un calcetín de cada cor debes levar. Hoxe é o día mundial do Síndrome de Down. Por iso, dende as áreas de Valores-Reli de Educación Infantil e Reli de primaria, decidimos traballalo co noso alumnado. A concienciación e visualización da diversidade é un aspecto que consideremos fundamental para acadar que o noso alumnado se convirta en persoas críticas, solidarias, empáticas e voluntarias. Aquí tedes o resultado final do noso traballo!

NOVAS REALIDADES EDUCATIVAS

Mesa redonda da II Mostra Internacional de Cine e Educación (CINEDUCA), realizada o 20 de marzo de 2023 coa participación de Camino Pereiro, Directora do CPI Virxe da Cela de Monfero; Manuel Losada, Director do CFR de Ferrol; e Ramón Veiga, Director do IES Félix Muriel de Rianxo. Coordina: Miguel Zabalza, Catedrático de Didáctica e Organización Escolar da USC.

8-M

Dentro da programación do 8-M, todo o centro educativo involucrouse na proposta de renomear as aulas do centro con figuras importantes femininas. Cada aula investigou e escolleu a muller de referencia coa que quixeron renomear a súa aula. Para facelo tiveron á súa disposición unha mesa da biblioteca chea de materiais sobre mulleres artistas, científicas, escritoras... galegas, españolas e estranxeiras. No seguinte vídeo amosamos o resultado! Mirádeo e coñecede as nosas novas aulas!

FORMACIÓN DO PROFESORADO EN TICS CON FUNDACIÓN AYUDA EN ACCIÓN

A  través do convenio de colaboración con Fundación Ayuda en Acción, dará comezo no noso centro educativo  un curso formativo en liña titorizado dirixido ao profesorado sobre ferramentas de avaliación a través das TIC  (“Avalía de maneira innovadora a través das TIC”) a través do noso Centro de Intercambio de Prácticas Docentes (CIPD).

O curso é tutorizado e ten 4 sesións en liña programadas, ademais de 4 tarefas/retos prácticos que se deben ir completando.

FORMULARIO INSCRICIÓN

"PAN E ROSAS". CONCURSO DE VIÑETAS 2023

     Desde Igualdade da Deputación da Coruña animámosvos a participar do Concurso de viñetas 2023: "Pan e rosas". O obxecto do certame é empregar a viñeta, ou tira de viñetas (como máximo 6) para reflexionar, concienciar, visibilizar e mudar mentalidades, da cidadanía en xeral e da poboación adolescente en particular.

       Baixo o lema “Pan e rosas” convídase a reflexionar e visibilizar a necesidade de conmemorar o “Día Internacional da muller”, lembrando a transformación histórica tras a Revolución Industrial da economía e o traballo coa desprotección e a explotación que viviron as mulleres e a necesidade da reivindicación da igualdade salarial, as melloras das condicións laborais, a necesidade de empoderamento das mulleres e posta en valor da contribución das mulleres ao mercado laboral e o desenvolvemento socioeconómico.

       Temática: Os traballos poderán versar sobre a análise e percorrido histórico da Conmemoración do 8M, así como dalgún fito histórico asociados á loita polos dereitos laborais das mulleres.

Poderase participar en dúas categorías:

CATEGORÍA A (idades comprendidas entre os 12 e 14 anos): Outorgaranse primeiro, segundo e terceiro premio. O premio consistirá nun iPAD e unha colección de cómics por valor de 100 €.

CATEGORÍA B (idades comprendidas entre os 15 e 18 anos):Outorgarase primeiro,segundo e terceiro premio. O premio consistirá nun iPAD e unha colección de cómics por valor de 100 €

Prazo: 30 de marzo de 2023

Pan y Rosas by veracruces on Scribd

CONVITE Á ENTREGA DE PREMIOS DO II PREMIO GALEGO EPDCG

 Prezada comunidade do CPIP Virxe da Cela,

Pola presente, a Comisión de Educación da Coordinadora Galega de ONGD ten o pracer de convidarvos ao 

ACTO DE ENTREGA DO II PREMIO GALEGO DE EDUCACIÓN PARA O DESENVOLVEMENTO E CIDADANÍA GLOBAL, 

que se celebrará o vindeiro venres 24 de marzo de 11:00-13:30h na Sala Agustín Magán do Centro Sociocultural Santa Marta (Rúa Antonio Rama Seoane nº6) en Santiago de Compostela.

Como centro gañador do Premio na anterior edición, na que ademais non se pudo celebrar un acto aberto e colectivo por mor da pandemia, nesta ocasión encantaríanos poder contar con representación do voso centro educativo neste día tan especial de celebración e recoñecemento.

TECNOLOXÍA PARA AS FAMILIAS CON ANTONIO RIAL BOUBETA

Un número moi significativo de familias acudiron o xoves 9 de marzo de 2022 ao CPI Virxe da Cela interesados polo tema a tratar: Tecnoloxía, infancia, adolescencia, convivencia, adicións. Pais e nais queren informarse sobre conductas de risco que poden traer consigo o uso abusivo das tecnoloxías, e quen mellor que Antonio Rial Boubeta para poñer datos sobre a mesa e sembrar dúdidas que den paso á reflexión. Antonio Rial é doctor en Psicoloxía Social e profesor titular da Universidade de Santiago, ademais de técnico da Unidade de Psicoloxía do Consumidor e experto en metodoloxía de investigación en ciencias sociais e saúde. 

    

  

BOAS NOVAS

 Este é o lema tan positivo co que queremos conmemorar a Semana da Prensa no CPI Virxe da Cela, xa que queremos resaltar e contaxiar de ánimos e de esperanza a o mundo que queremos cambiar. Non sempre van ser malas noticias... Así que achegádevos ao taboleiro, aportade as vosos textos, debuxos, colaboracións, etc... e mergulládevos no mundo da prensa positiva!

CONMEMORACIÓN DO DÍA DA MULLER NO CPI VIRXE DA CELA

Durante a primeira semana do mes de marzo reaizáronse no noso centro diferentes actividades vinculadas á conmemoración do Día Internacional da Muller (8M): nomeamento e rotulación das portas do centro con persoaxes femininas de importancia en diferentes eidos, elaboración de podcasts radiofónicos (2º ESO materias de Relixión e Valore Éticos), exposición bibliográfica, etc. Queremos tamén destacar a iniciativa levada a cabo polo ANPA do centro, un concurso que homenaxeaba ás referentes femininas do alumnado participante.

Cartel 8M AMPA

Elaboración de podcast radiofónico 8M, alumnado 2º ESO nas materias de Relixión e Valores Éticos

TECNOLOXÍA: CLAVES PARA EDUCAR

 

Estimadas familias, Queremos convocarvos a unha reunión xeral na que abordaremos unha temática de vital importancia na sociedade actual. Un obradoiro para axudarnos a xestionar o uso do medios e recursos dixitais por parte dos nosos fillos e fillas para que estes medios non se convertan nun risco para o alumnado e nun elemento máis de preocupación para as familias. Para isto, contaremos cunha persoa de recoñecido prestixio: Antonio Rial Boubeta, profesor da USC e investigador. El, axudaranos a entender como funcionan estes recursos e analizar as repercusións que poden ter se non estamos preparados para afrontar o seu uso de forma responsable e segura. Trátase de dialogar e contrastar opinións para xerar prácticas de uso axeitadas a cada tramo de idade. Será o próximo xoves, 9 de marzo ás 16:45. Máis información na web do centro. Un saúdo.

RUTA DE SENDEIRISMO "EDUCATION4THEPLANET"

 Enmarcada dentro do proxecto Education4thePlanet (unha proposta que vén da man de Fundación Ayuda en Acción) o venres 3 de marzo 2023 o alumnado da ESO do CPI Virxe da Cela realizou unha ruta de senderismo pola comarca do Eume para poñer en práctica todo o aprendido nas sesións de formación previas e ser conscientes da importancia do coidado do noso medio natural. 

PROPOSTA 8M CPI VIRXE DA CELA

As mestras que coordinan a conmemoración do 8M no noso centro fan unha proposta para que todo o profesorado con aula propia (titorías e especialistas), renomeen as súas aulas con figuras importantes femininas. Cada titor ou especialista estará encargado de facer o cartel co seu alumnado, seguindo unha un modelo de plantilla. Para deixar constancia de todas as propostas, realizarase un video documentando as portas coas novas cartelerías. 

Na exposición 8M que está instalada na Biblioteca Castelao pódense consultar os materiais dispoñibles, que vos poden servir de inspiración para escoller a figura da muller relevante. 

De xeito paralelo a esta proposta principal, ofreceráselle ao profesorado titor da etapa de primaria uns materiais dos Bolechas cos que traballar a igualdade e que buscan eliminar estereotipos de xénero. O material dos Bolechas tamén está dispoñible no seguinte enlace: https://osbolechas.gal/igualdade/

DALLE RITMO Á IGUALDADE. CAMPAÑA MUNDIAL POLA EDUCACIÓN

 

A CAMPAÑA MUNDIAL POLA EDUCACIÓN, é unha coalición internacional formada por ONG, sindicatos do entorno educativo, centros escolares e movementos sociais de moi diverso signo, co obxectivo principal de mobilizar á cidadanía para reclamar o cumprimento íntegro dos compromisos internacionais asinados polos estados e así garantir o acceso a unha educación pública e de calidade para todas as persoas do mundo. 

O empoderamento e mobilización das persoas son un rol fundamental da Campaña Mundial pola Educación, a unión de toda a sociedade baixo a mesma mensaxe e co mesmo obxectivo a defensa do dereito humano á Educación. 

A través do lema “Dalle ritmo á igualdade” neste 2023 a CME quere visibilizar as desigualdades de xénero e como a educación transformadora é a ferramenta para conseguir unha sociedade máis xusta e igualitaria. 

A coalición galega de Campaña Mundial quere facer unha chamada para que toda a sociedade mobilícese e reclame o cumprimento íntegro dos compromisos políticos en favor do ODS 4, unha Educación inclusiva, equitativa, igualitaria e de calidade para todas e todos. 

Infantil OK by veracruces on Scribd

Primaria Primer Ciclo OK by veracruces on Scribd

Primaria Segundo Ciclo OK by veracruces on Scribd

Primaria Tercer Ciclo OK by veracruces on Scribd

ESO y Edad Adulta OK by veracruces on Scribd