MONFEROSOLIDARIO: febrero 2022

viernes, 25 de febrero de 2022

Venres 25 febreiro 2022. Plan Director Garda Civil. Prevención riscos asociados ao uso das novas tecnoloxías. Sara Rodríguez. Delitos de usurpación de identidade, sexting o grooming. Tres charlas: 5º e 6º EP, 1º e 2º ESO; 3º e 4º ESO.

APORTACIÓNS DO CPI VIRXE DA CELA PARA O PROXECTO SCHOOL TO SHOOL

Esta semana o noso centro colgará na páxina web do Proxecto School to School (Fundación Vicente Ferrer) un vídeo que resume as actividades que se levaron a cabo no noso centro durante o curso 2021-2022. Iniciamos o curso coa apertura do paquete que nos enviaron os rapaces e rapazas de Konampalli School (A India) e posteriormente realizamos, no mes de decembro, unha colorida exposición sobre a India na Biblioteca Castelao. A maiores, o alumnado de educación primaria e a ESO, dirixidos polas súas mestra/profesora respectiva de educación física (Ruth Varela e Mª Teresa Blanco) realizaron xogos e deportes da India.

jueves, 24 de febrero de 2022

PROXECTO DE APRENDIZAXE-SERVIZO CON EUROEUME

Xoves 24 febreiro 2022. Mapeo de necesidades. Alumnado 3º e 4º ESO. Imparten o obradoiro 4 estudantes de Pedagoxía. Ángel Lorenzo Euroeume.

O proxecto estaría executado polo alumnado de 3º curso do grao de Pedagoxía da USC. A súa labor consistirá na recollida de necesidades a través dun mapeo entre a mocidade da comarca, realizando a intervención dende os centros de ensino secundario.

1ª fase: No mes de febreiro. Nesta primeira sesión se lanzará a proposta ao alumando de asumir o papel promotor e representante, na recollida de necesidades.

2ª fase: Mes de abril e maio. Realizarase unha segunda sesión presencial nos centros de recollida das conclusións e peche de proxecto.

3ª fase: Se as condicións sanitarias o permiten e dependendo da autoxestión do propio grupo, e os intereses que xurdan dentro do traballo realizado, podería valorarse unha última sesión na que presentar as conclusións e ser a mesma realizada nun marco festivo nunha xornada intercentros no mes de xuño.

A través destas necesidades detectadas Euroeume, elaborará unha estratexia comarcal, que nos permitirá dirixir os programas destinados á mocidade partindo das súas necesidades expresadas.