Este é xa o terceiro ano que
participamos no “Concurso escolar de
reciclaxe de cartuchos de tinta” promovido por RECOATLÁNTICO (empresa
especializada na recuperación de cartuchos baleiros de impresoras e reciclaxe
de ordenadores). Este curso hai preto de 100 centros de toda Galicia inscritos
no programa.
METODOLOXÍA
O funcionamento do concurso é moi
sinxelo. No cole recollemos os cartuchos de impresoras baleiros (toner ou tinta) e os almacenamos en caixas de cartón que, unha vez cheas enviamos aos
almacéns de RECOATLÁNTICO. Para envíalas só temos que solicitar que veñan a
recollelas e unha empresa pasa polo
colexio a tal fin. Unha vez no almacén revísanse e cóntanse e, unha vez
contados, abónase ao colexio unha cantidade de diñeiro segundo os cartuchos que
recollemos e o tipo. Tamén cada vez que
enviamos cartuchos baleiros, imos acumulando puntos ó longo do curso. Os
centros que conseguen máis puntos terán un premio final, ainda que para nós o
importante non é o premio senón concienciar a todo@s de que a reciclaxe non só axuda a conservar os recursos naturais
e reduce a cantidade de residuos senon que, tamén, contribue a reducir a contaminación
e a demanda de enerxía asi como contribuir
á mellora do mediambiente e da calidade de vida das persoas.
No noso cole facemos dúas
entregas ao ano. Este curso fixemos un envío en xaneiro e agora a finais de
curso realizaremos o último deste ano.
