viernes, 29 de abril de 2016

VENRES 29 ABRIL: CELEBRAMOS A SAME NO CPI VIRXE DA CELA



Un ano máis o CPI Virxe da Cela quixo sumarse á proposta da SAME (Semana de Acción Mundial pola Educación), que nesta ocasión ten o lema "A educación protéxenos". Despois dun traballo de reflexión nas aulas para concienciar ao alumnado de todos aqueles elementos que a educación nos facilita e aporta, fixemos unha acción conxunta (venres 29 de abril de 2016) na que participou todo o centro. Todos os nenos e nenas da nosa escola tiveron á súa disposición unha pequena tarxeta co lema da SAME e un espazo para cumplimentar cun debuxo, frase, idea, etc. Un pequeno xesto que quedou pendurado baixo un ceo de paraugas, para simbolizar esa protección que a educación nos ofrece. Esperamos que as nosas accións, sumadas ás de milleiros de escolares do mundo entreiro, axuden a ir creando un sistema que garanta unha educación universal e de calidade a todos os nenos e nenas do mundo. 




CARTA PAVANI


Acabamos de recibir unha nova carta de Pavani, a nena que temos apadriñada na India a través da Fundación Vicente Ferrer. Transcribimos as súas palabras: 
 
Namaste! A miña familia mais eu estamos ben e esperamos que vós tamén o esteades. Estudo 4º curso na escola residencial do goberno. Fixen os exames semestrais e saquei boas notas. Os meus irmáns estudan moito. Tiven as vacacións das festas de Nadal  Samkanthi. Celebramos Samkanthi moi ben. Ese día merquei pulseiras e xoguetes. Os meus pais traballan no campo. A miña familia mais eu vos mandamos un forte abrazo. Pavani.

jueves, 28 de abril de 2016

IV ENCONTRO RCES: CONGRESO GALEGO DE VOLUNTARIADO "CONSTRUIMOS?"

     O alumnado de 2º da ESO do CPI Plurilingüe Virxe da Cela (Monfero) participará no Congreso Galego de Voluntariado “Construímos”, que terá lugar en Ferrol o vindeiro venres 20 de maio de 2016 no CIS (Centro de Investigación e Servizos de Galicia). Este evento constitúe o encontro final da RCES (Rede de Centros Escolares Solidarios) do Plan Proxecta (Xunta de Galicia), unha rede que leva en funcionamento catro anos e da cal somos membros desde os seus inicios. Entre as actividades que se desenvolverán durante a sesión de mañá figura a conferencia de César Rincón de Castro, o visionado da curtametraxe “Vida” de Rubén Ríos, a presentación do Proxecto de Voluntariado Miúdo “Móvete” (no que o noso centro tamén forma parte). Xa en horario de tarde o alumnado asistente participará en diferentes obradoiros e espazos interactivos, como “Teatro Foro”, “Voluntarradio”, “Audiovisuais Solidarios”, e farase unha visita ao espazo de realidade virtual do CIS, mentres que o profesorado reflexionará sobre os su traballo na rede a través dun “Word Café”. O acto finalizará coa presentación dun vídeo de creación compartida entre os diferentes centros da RCES sobre a importancia da práctica do voluntariado.

 

3º REUNIÓN GRUPO INVESTIGACIÓN EDUCACIÓN PARA O DESENVOLVEMENTO


Reunión a reunión (a última tivo lugar o mércores 27 de abril de 2016) o profesorado participante no grupo de investigación sobre Educación para o Desenvolvento (CPI Virxe da Cela, Universidade da Coruña e Solidariedade Internacional Galicia) imos definindo as liñas de actuación do interesante proxecto que temos entre as nosas mans e que, si todo sae como está previsto, poñerase en práctica o vindeiro curso académico.

lunes, 25 de abril de 2016

ILUSIONISMO SOCIAL



O vindeiro martes 26 e mércores 27 de abril estará na Facultade de Ciencias da Educación Javier Encinas, o creador e promotor dun enfoque do desenvolvemento participativo coñecido como "Ilusionismo Social". Realizará un obradoiro aberto o martes 26 de abril de 17:30 a 20:30 horas na aula -1/1.



A ESCOLA PROTÉXEME: SEMANA DE ACCIÓN MUNDIAL POLA EDUCACIÓN NO CPI VIRXE DA CELA

Esta semana no CPI Virxe da Cela unímonos á campaña da SAME, Semana de Acción Mundial pola Educación, baixo o lema "La escuela me protege". Iremos repartindo por todas as aulas estas tarxetas para que cada un de nós aporte as súas ideas, e ao final da semana faremos unha posta en común xuntando todas estas tarxetiñas baixo unha instalación de paraugas que simbolicen a protección que nos está a ofrecer a escola.








domingo, 24 de abril de 2016

VACACIÓNS EN PAZ: SOLIDARIEDADE GALEGA CO POBO SAHARAUI

      Fai varios días a organización Solidariedade Galega co Pobo Saharaui (SOGAPS) contactou co noso centro para lanzar a campaña "Vacacións en Paz", un programa que leva en funcionamento varios anos grazas á colaboración de diferentes concellos galegos. A través de "Vacacións en Paz" nenos e nenas saharauis que viven nos campamentos de refuxiados no deserto de Tinduf en Arxelia, veñen ao noso país co apoio de familias acolledoras, recibindo unha alimentación e unha atención médica axeitada, xa que no seu lugar de orixe carecen dela. 
      Asimesmo a SOGAPS solicita a solidariedade das familias do CPI Virxe da Cela para facer pequenas aportacións que axuden a costear as viaxes dos nenos e nenas refuxiados. Desde o noso centro trataremos de organizar a través desta ONG unha charla con saharauis e cooperantes que axude a sensibilizar ao noso alumnado sobre o problema dos refuxiados no Sahara Occidental.


viernes, 22 de abril de 2016

22 ABRIL: DÍA MUNDIAL DA TERRA


O Día Mundial da Terra é un día celebrado en moitos países o 22 de abril. O seu promotor, o senador estadounidense Gaylord Nelson, instaurou este día para crear unha conciencia común aos problemas da superpoboación, a produción de contaminación, a conservación da biodiversidade e eoutras preocupacións ambientais para protexer a Terra. É un día para rendir homenaxe ao noso planeta e recoñecer á Terra como o noso fogar e a nosa nai, así como o expresaron diferentes culturas ao longo da historia, demostrando a interdependencia entre os seus ecosistemas e os seres vivos que a habitamos.



martes, 19 de abril de 2016

EMERXENCIA EN ECUADOR



La tarde del sábado 16 de abril la tierra tembló en el noroeste de Ecuador. El seísmo de 7,8 grados (el peor en las últimas tres décadas) se sintió en todo el país y, por ahora, ha dejado un total de 350 muertos, 2.068 heridos y numerosos daños materiales. Ecuador se encuentra en estado de excepción. Desde Entreculturas estamos en contacto con nuestros socios locales, con los que llevamos trabajando intensamente desde nuestros inicios, para evaluar el alcance de los daños y definir las próximas acciones. Con tu ayuda podremos atender las necesidades más urgentes en una primera fase de emergencia y abordar la reconstrucción de las escuelas que se han visto afectadas por el seísmo, asegurando así, que los niños, niñas y jóvenes pueden retomar su educación.

lunes, 18 de abril de 2016

10 CERTAME "INICIATIVA SOLIDARIA 2015-2016"

ACTIVISTAS DA EDUCACIÓN: SAME 2016


En España xa somos moitas as persoas que nos estamos a mobilizar para Protexer o Dereito á Educación. Premendo na imaxe superior poderedes acceder a unha páxina da CME (Campaña Mundial pola Educación) que de maneira moi didáctica amosa a importancia da educación e anímanos a sumarnos a unha petición que a CME levará aos representantes políticos para recordarlles os seus compromisos firmados coa Axenda de Educación 2030.


viernes, 15 de abril de 2016

PRESENTACIÓN DE ACCIÓNS SOLIDARIAS: PROXECTO "MÓVETE"

     E chegou o momento tan esperado. Despois de varias semanas de intenso traballo o alumnado de educación primaria do CPI Virxe da Cela presentou a proposta de acción solidaria desenvolvida no noso centro dentro do Proxecto "Móvete", nunha xuntanza celebrada o día15 de abril de 2016 na Cidade da Cultura de Galicia (Santiago de Compostela). 
    Esta xornada especial estivo inaugurada por Cecilia Vázquez, Directora Xeral de Xuventude, Participación e Voluntariado, quen xa visitou o noso centro fai un par de meses, na presentación oficial do Proxecto Móvete. Cecilia agradeceu ao profesorado e alumnado do CPI Virxe da Cela a súa participación, así como aos otros centros participantes, o CEIP A Lomba (Villagarcía de Arousa) e o CEIP das Fontiñas. 
    Como podemos apreciar si observamos o panel "Soño rural", que xunto con trípticos e pegatinas constitúen os materias impresos que levamos para a presentación do noso proxecto, o CPI Virxe da Cela centrou o seu traballo na revalorización do rural, e o traballo presentado foi unha síntese de todas as aportacións realizadas grazas ao traballo de todo o alumnado e profesorado do centro, incluíndo as etapas de educación infantil e ESO.  Os outros centros fixeron os seus esforzos cára a protección de animáis e para axudar a cubrir as necesidades básicas ao seu redor. 
     Este evento tan importante estivo amenizado pola música de Paco Nogueiras, autor e protagonista do videoclip "Móvete", quen ofreceu un concerto en directo e deixou no aire a súa importante mensaxe "E móvete, non perdas tempo, móvete, que todo conta, e móvete, que a vida movemento é". O teremos en conta!!!




 

jueves, 14 de abril de 2016

SEGUNDA REUNIÓN GRUPO DE INVESTIGACIÓN EDUCACIÓN PARA O DESENVOLVEMENTO


O mércores 13 de abril de 2016 celebrouse no CPI Virxe da Cela a segunda reunión do profesorado participante nun interesante proxecto de investigación sobre a Educación para o Desenvolvemento, en colaboración coa Universidade da Coruña e a ONGD Solidariedade Internacional Galicia. Durante un par de horas tratouse de definir unha temática en común para abordar un traballo conxunto no vindeiro curso académico e que se levará á práctica nas aulas da nosa escola, coa participación de todos os ciclos e nivéis (educación infantil, educación primaria e educación secundaria) e coa supervisión e as aportacións da UDC e SIG.

miércoles, 13 de abril de 2016

CHEGOU O PAQUETE DA KONAMPALLI SCHOOL

VISITA DE LANCY DODEM, FUNDACIÓN VICENTE FERRER







       Como se pode observar nas imaxes que ilustran esta crónica, a visita de Lancy Dodem ao CPI Virxe da Cela foi un acontecemento recibido con grande espectación e cariño (mércores 13 de abril de 2016). Este home de grande sabiduría, nacido na India pero afincado en Barcelona, leva visitando o noso centro desde o ano 2010, sendo a voz e o exemplo da Fundación Vicente Ferrer, organización que o acolleu sendo neno nos comezos dos programas de apadriñamento e facendo del a persoa que hoxe é. Veu acompañado, como xa algo habitual, pola simpática e agradable fotógrafa coruñesa Yolanda Ferrer, representante da FVF na cidade herculina. Bicos, abrazos e sorrisos para dar a benvida a estes dous grandes amigos e coñecidos no noso centro. 

     Nesta ocasión, debido á súa apretada axenda, impartiu soamente unha charla ao alumnado de primaria. Os nenos e nenas o recoñeceron ao instante, e pouco a pouco fumos comprobando todos os detalles que lembraban da India a raíz de anteriores visitas. De novo prestaron moitísima atención ás explicacións de Lancy, que inaugurou a súa charla abrendo o paquete que casualmente chegou ao colexio fai un par de días procedente da Konampalli School, con que levamos a cabo un proxecto de intercambio cultural, School to School, tamén promovido pola FVF. A charla rematou co visionado dun interesante video e quedou tempo suficiente para pasar a unha rolda de preguntas na que os máis pequenos/as esforzábanse alzando as súas mans e formulando as súas preguntas. Despedimos a Lancy cun forte aprauso e convidámolo a visitar de novo a nosa casa para o vindeiro curso académico. 



VIVE O RURAL: PROXECTO MÓVETE


O rural, 3º eso virxedacela from satelite1

Aquí vos deixamos a colaboración de 3º da ESO para o proxecto "Móvete", que se está levando a cabo no CPI Virxe da Cela coa intención de "revalorar o noso rural". É unha especie de decálogo recollendo certos aspectos que caracterizan tanto ao rural como ás personas que nel habitan. Cremos que valorar o que temos é o primeiro paso para protexelo e garantilo para as futuras xeracións.  

lunes, 11 de abril de 2016

E SE FOSE EU?



Fai un par de semanas coñecimos esta campaña que se levou a cabo o día 6 de abril no país veciño, Portugal,  "E se fosse eu? Fazer a mochila e partir". Quixémonos sumar a esta iniciativa e o alumnado de 2º e 3º da ESO do CPI Virxe da Cela por uns instantes tivo que poñerse na pel dun refuxiado, tratando de facer unha mochila para deixar atrás a súa patria, familia e casa e fuxir a outro lugar buscando auxilio. Un pequeno acto simbólico pero de enorme importancia para comprender a situación de milleiros de sirios e sirias que desesperadamente queren salvar as súas vidas e para concienciarnos como europeos para empatizar con eles e non pechar as nosas fronteiras. 









jueves, 7 de abril de 2016

ENCONTRO DE TRABALLO DA REDE DE EDUCAÇAO PARA A CIDADANÍA GLOBAL










     Convidadas pola ONG Entreculturas en representación do profesorado galego, dúas profesoras do CPI Virxe da Cela e coordinadoras do proxecto Monferosolidario participaron no Encontro de traballo da Rede de Educación para a Cidadanía Global, que tivo lugar o pasado sábado 9 de abril de 2016 en Braga (Portugal). Esta reunión serviu para difundir o traballo que se está a realizar tanto no noso centro como en xeral na Rede Solidaria da Mocidade Entreculturas en Galicia, e para establecer un punto de encontro que facilite posteriores intercambios entre Galicia e o Portugal. 

      Foi unha xornada moi intensa onde comprobamos a enorme implicación que teñen os/as docentes portugueses pertencentes á Rede de Educación para a Cidadanía Global, unha rede moi nova, con apenas dous anos de traxectoria, e que está loitando por introducir as prácticas de Educación para a Cidadanía Global no día a día das escolas portuguesas. Esperemos que outros moitos docentes se unan a esta rede loitando polo mesmo fin, e seguro que co grande esforzo e enormes ganas que están a poñer, irán pouco a pouco transformando non só a educación, senón a sociedade e xeral. Moito ánimo e parabéns polo voso traballo!

 

XUNTANZA DE CENTROS DO PROXECTO MÓVETE


Proxecto móvete voluntariado miudo from satelite1

Penduramos o programa e instrucións para a xornada de Accións Solidarias do Proxecto "Móvete"  que terá lugar o vindeiro venres 15 de abril de 2016 na Cidade da Cultura de Galicia (Santiago de Compostela), na que participará o alumnado de educación primaria do CPI Virxe da Cela (Monfero).

OBRADOIRO DE EDUCACIÓN PARA O DESENVOLVEMENTO



O pasado mércores 6 de abril de 2016, un grupo de profesores e profesoras do CPI Virxe da Cela, participantes no proxecto de investigación sobre Educación para o Desenvolvemento en colaboración coa Universidade da Coruña e Solidariedade Internacional Galicia, asistiron a unha sesión de formación, impartida por Ana Lampón (SIG). Penduramos neste blogue algúns dos materiais que se visionaron, para aqueles que os queran consultar.



martes, 5 de abril de 2016

PROXECTO MÓVETE: XA TEMOS LOGO


Durante a última semana de marzo eleximos o logo co lema que representará o noso 
Proxecto Móvete.




De todos os participantes, dez foron os finalistas, pero tan só un foi o gañador…


Moitísimas grazas a todos e a todas por participar!
Nótase que no Virxe da Cela movémonos polo rural! 


A TOLERANCIA RELIXIOSA

lunes, 4 de abril de 2016

PLAN DIRECTOR GARDA CIVIL: PREVENCIÓN RISCOS INTERNET



O venres 1 de abril de 2016 recibimos á visita da Garda Civil para impartir unha charla de "Prevención de riscos en Internet". Non é a primeira vez que se realiza esta actividade no noso centro, xa que ano tras ano a Garda Civil a través deste Plan Director pretende responder de maneira coordinada e eficaz ás cuestións relacionadas coa seguridade de menores e xóvenes na escola e na súa contorna, fortalecendo a cooperación policial coas autoridades educativas nas súas actuacións para mellorar a convivencia e a seguridade no ámbito escolar. 

A charla estruturouse en tres quendas: para 3º ciclo de primaria, para 1º ciclo da ESO e para 2º ciclo da ESO. Seguindo unha presentación en power point fóronse expoñendo os principais riscos asociados ás novas tecnoloxías e máis concretamente ao uso das redes sociais, e para recapacitar sobre toda a información suministrada fíxose o visionado de varios vídeos que puxeron de manifesto o perigo que entraña o uso das redes sociais, algo ao que estamos moi habituados e utilizamos sen ser conscientes das súas consecuencias.