RINCÓN SOLIDARIO DO "C.P.I. VIRXE DA CELA"

III ENCONTRO GLOBAL DA REDE SOLIDARIA DA MOCIDADE DE ENTRECULTURAS

2012-02-13T10:58:00.003+01:00

Esta fin de semana do 10 ao 12 de febreiro tivo lugar o III Encontro da Rede Solidaria de Xóvenes en Guadarrama (Madrid).
Nesta asamblea na que o lema foi "Zanmitay: é o noso mundo; é a nosa voz" reunímonos perto de 200 alumnos/as e 70 profesores/as de todas as redes de España para compartir experiencias, traballar en torno ó tema da participación e celebrar o décimo aniversario da rede.

O CPI Virxe da Cela, a través do proxecto Monferosolidario, acudiu por segunda vez a esta xuntanza da mocidade. Tres alumnas de 4º da ESO (María Santamariña, Marta Vidal e Alba Gómez), acompañadas por dous profesoras (Yolanda Castro e Verónica Dopico) compartimos vivencias e experiencias con outros rapaces/as e profes da rede solidaria da mocidade Entreculturas. E de maneira moi especial queremos agradecer a participación de dúas antiguas alumnas do centro, Ana Elia e Luz Meri, que nesta ocasión asistiron en calidade de voluntarias, aportando unha grande axuda nas labores loxísticas do encontro. Unha axenda moi apretada con diversas actividades e moitos espazos para compartir... e para descubrir en poucas horas o auténtico valor do lema deste encontro, a amizade... Obradoiros, reflexións, representacións teatrais, unha divertida festa, unha emotiva despedida... e á espera do próximo encontro. Alí estaremos de novo. Contade connosco...

Programa guadarrama

View more documents from satelite1.

FLORES E CARTAS PARA SAN VALENTÍN

2012-02-06T12:57:00.000+01:00

A proposta de concurso de cartas de amor e a venta de flores está dando os seus froitos. A entrada do edificio de secundaria, onde está situado o mostrador, converteuse nun punto de encontro, onde os rapaces e rapazas mercan os sobres para escribir as súas declaracións de amor e tamén flores personalizadas elaboradas polo propio alumnado con materiais de refugallo. Cada día hai máis sobres depositados na divertida urna de San Valentín. Non esquezas de mandarnos a túa carta...

MERENDOLA CON ENTRECULTURAS

2012-01-31T11:14:00.003+01:00

O pasado venres 27 de xaneiro a ONG Entreculturas convidou ao alumnado que realizou labores de voluntariado no encontro Zanmitay, celebrado no noso cole no pasado mes de novembro de 2011, a unha deliciosa merendola. A xuntanza foi en Betanzos, e o punto de encontro un recuncho moi pintoresco e fermoso deste pobo: nas terrazas dunha cafetería situada diante de Igrexa de Santiago, onde degustamos a especialidade da casa: tartas e doces. Sandra e Xosé Luís (técnicos de Entreculturas), Yolanda e Verónica (profes coordinadoras de Monferosolidario) e Albita, María, Marta, Lorena, Vanessa e Luz Mery compartimos esa divertida merenda, combatindo a fría tarde con chiculate ben quente... con moitos churros.

SE TI QUERES PODES CAMBIAR O MUNDO

2012-01-27T14:15:00.000+01:00

Qué te suxire este vídeo?

Cres que estas actitudes son habituais na nosa sociedade?. Son habituais na túa vida?

Viches a película "Cadena de favores?. Encontras algunha similitude co video?

(Contesta a través dun comentario)

DÍA DA PAZ NO CPI VIRXE DA CELA

2012-01-26T10:59:00.018+01:00

O luns 30 de xaneiro de 2012 o alumnado e profesorado da ESO e PCPI conmemoramos o día da Paz e da Non Violencia co seguinte programa:

Ás 14:45, no patio do colexio fixemos a lectura do “Manifesto pola paz 2012” e do poema “Irmaus” de Celso Emilio Ferreiro. Seguidamente, e como acto simbólico soltamos unha pomba.

Posteriormente na entrada do edificio de secundaria fixemos a lectura de frases de personaxes históricas relevantes alusivas á Paz, que colocamos no taboleiro da entrada.

Tamén repartimos adhesivos con debuxos e lemas da paz deseñados polo alumnado de ESO

Frases paz 2012

Manifesto pola paz 2012

View more documents from satelite1.

30 DE XANEIRO: DÍA ESCOLAR POLA PAZ 2012

2012-01-24T21:54:00.004+01:00

Achegámonos a unha nova edición do Día Escolar da Non violencia e a Paz (DENYP), na súa denominación completa e tal como a acuñou Llorenç Vidal, alá por mediados os anos '60, en coincidencia co aniversario da morte violenta de Mahatma Gandhi, un 30 de Xaneiro de 1948.

Ademais de celebrar o Día Escolar pola Paz, cada 30 de Xaneiro, cousa que debemos facer, sería mellor (e desde logo máis efectivo) celebrar a paz de todos os días e preguntarmonos e interpelar ao alumnado sobre onde está a paz, e en que lugar debemos buscala. Porque non está, como adoitamos crer, fóra de nós, nos grandes líderes mundiais, nin tampouco nas pombas que soltamos, ou nos paneis que debuxamos, nas mans de cores que estampamos en muros e corredores... como ás veces cre o noso alumnado, senón que debemos aprender a escoitar a voz da nosa propia conciencia, dentro do noso corazón, desde aí é desde onde construímos a paz, cada día, connosco mesmo e cos demais. Tal e como o dicía maxistralmente o propio Mahatma Gandhi: "Os únicos demos que existen no mundo aniñan dentro do noso propio corazón".

Tranversalmente, na materia de Educación para a Cidadanía, nas horas de titoría, e en todas e cada unha das materias, dentro e fóra das aulas, no Plan de Centro, no clima escolar, a educación é sobre todo atmosfera, dicía Henry Adams, temos que aprender a construíla e así celebrar a paz de todos os días, a convivencia, compartir vivencias xuntos, para que o 30 de Xaneiro, non se converta nunha rutina, para que a paz sexa algo máis que un conto de pombas e globos, flor dun día, cada ano, por moi brillante que sexa.

Porque as rutinas anulan a paixón e sen paixón dificilmente podemos aprender e educar para facer as paces, así en plural, fronte a todas as violencias.

O Seminario Galego de Educación para a Paz, suxire, nesta ocasión, reflexionar, debater, traballar sobre "A aprendizaxe da democracia na escola", sobre un texto magnífico de José Tuvilla, con distintos recursos e materiais que podedes baixar da web: www.sgep.org.

Unha das actividades realizadas polos alumnos de 1º da ESO , foi a de deseñar pegatinas alusivas á paz. Estas pegatinas serán repartidas no noso colexio o vindeiro luns, Dia escolar da Paz a todos os nenos e nenas do centro.

Que teñamos, que teñades, un feliz Día Escolar da Non violencia e a Paz, neste 64 aniversario da morte de Gandhi, para que o 30 de Xaneiro sexa o principio da celebración da paz de todos os días...

SAN VALENTÍN

2012-01-19T11:46:00.004+01:00

San Valentín. Este día que ás veces resulta tan comercial pode converterse nunha disculpa para facer unha boa obra: manifestar o amor uns aos outros (acción que ás veces resulta tan difícil) e recadar cartos para investir nunha labor humanitaria. O noso centro CPI Virxe da Cela, nesta actividade organizada polo departamento de actividades extraescolares, convídavos a participar na xornada de San Valentín. Aí van as bases do concurso de cartas de amor. Contamos coa vosa participación.

1. Poderán participar todos os membros da comunidade educativa. As cartas poderanse redactar en galego e en castelán e entregaranse en sobre aberto, asinadas baixo pseudónimo e no interior do sobre, nunha tarxeta, o nome do autor. Poderanse enviar o número de cartas que se desexe.

2. As cartas poderán dirixirse a calquera membro da comunidade educativa ao cal queiramos amosarlle amor, afecto, gratitude, compañeirismo…

3. O prazo de entrega será desde o día 1 ata o 10 de febreiro de 2012

4. O día 14 de febreiro no recreo da mañá repartiranse as cartas e as flores aos seus destinatarios e faranse públicos os nomes dos gañadores do concurso.

5. Os premios dividiranse en dúas categorías: un premio para o alumnado de 1º e 2º de ESO e outro para o alumnado de PCPI, 3º e 4º de ESO.

6. Os sobres e as tarxetas onde figurará o autor custarán 0,10€ e poderán adquirirse no Departamento de CC.SS. e Música. Tamén se porán á venda flores artesanais de cores que poderán acompañar as cartas. (1€ a unidade).

PROXECTO "APADRIÑA UN NENO/A"

2012-01-16T12:56:00.001+01:00

O meu nome é Pavani. Son una nena de 9 anos e vivo nunha pequeña aldea, Madhapuram, no distrito de Anantapur (India). Grazas aos rapaz@s de 4º da ESO (Lorena, María, Alba, Anaís, Marta e Iván), e á Fundación Vicente Ferrer a miña vida vai dar un grande cambio. Tiven a grandísima sorte de ser apadriñada por eles, e isto supón a posibilidade de ir á escola e ter roupa, comida, medicinas e outras cousas indispensables para poder saír adiante neste país tan pobre. Grazas por axudar a construír un mundo mellor…

OS ALUMNOS/AS DE FRANCES VOS DESEXAN UN BO NADAL

2011-12-24T20:42:00.001+01:00

MONFEROSOLIDARIO VOS DESEXA BO NADAL E UN PRÓSPERO ANO 2012

2011-12-23T10:41:00.000+01:00

ANOCA: APRENDER NO CÁRCERE

2011-12-21T09:40:00.001+01:00

Por terceiro ano consecutivo o proxecto ANOCA foi presentado no CPI Virxe da Cela, Monfero. Como en anos anteriores dous mestres e dous internos do cárcere de Teixeiro contaron en primeira persoa a súa experiencia neste interesante proxecto que vén de acadar un galardón na III edición do "Premio de Educación para o Desenvolvemento Vicente Ferrer". Mostramos a continuación unha crónica da visita, redactada polo xornalista oficial do noso centro, Antonio González López, alumno de 3º da ESO.

Anoca crónica antonio

View more documents from satelite1.

LIBROS SOLIDARIOS: ALUMNADO DE 5º DE PRIMARIA

2011-12-19T11:54:00.003+01:00

Un grupo de nenos e nenas de 5º de primaria tiveron a iniciativa de organizar unha exposición de libros solidarios. Esta actividade está englobada dentro do proxecto do Pasaporte Solidario. Sergio García, Ana González, Ana Pena, Laura Río, Tania Grueiro, Antía Lista, Alba Rodríguez, Raquel Suárez son os protagonistas desta proposta. Ademáis de facer unha selección entre todos os libros da Biblioteca Escolar, estes xóvenes realizaron unha enquisa para valorar o éxito da lectura dos libros seleccionados, e para recoller novas lecturas. Parabéns para estes rapaces e rapazas, que seguramente serán recoñecidos á hora de valorar a actividade de Pasaporte Solidario.
Entre os 21 libros recollidos destacan "Unha familia normal", "Alguien nuevo en clase", "Flor viva".
Este grupo de nenos e nenas acudiron ao departamento de CCSS para pedir a sinatura da profesora Teresa Losada, encargada da biblioteca no recreo que se realizou a selección de libros.

DÍA DOS DEREITOS HUMANOS 2011

2011-12-11T21:24:00.004+01:00

Os dereitos humanos pertencen por igual a cada un de nós e mantéñennos unidos como unha comunidade global cos mesmos ideais e valores. Como unha comunidade global que todos compartimos nun día en común: o Día dos Dereitos Humanos, o 10 de decembro, cando se recorda a creación, fai 63 anos da Declaración Universal dos mesmos.

Despois de tanto tempo, debemos reflexionar sobre si se respectan estes dereitos e o que nós podemos aportar para lograr que sexan universais. Para elo ofrecémosche esta escolma de enlaces.

Materiais Didácticos: Amnistía Internacional

Guía Dereitos Humanos

Educación en valores

Aula Intercultural

PHOTOCOOL "ZANMITAY"

2011-11-28T14:06:00.004+01:00

FLORIDARIA: A FLOR SOLIDARIA ORIXINARIA DE MONFERO

2011-11-28T13:37:00.001+01:00

Obsequio dunha planta solidaria

Explicación do proxecto "Floridaria"

Floridaria é a planta solidaria orixinaria de Monfero, deseñada por Sandra Fernández Rodríguez (3º ESO) e Lorena Varela Infante (4º ESO), gañadora no concurso de mascotas de Monferosolidario realizado o pasado curso académico 2010-2011.

Esta planta solidaria necesita uns coidados moi especiais:

-Regar abundantemente con amor, paz e solidariedade.

-Non expoñer á violencia nin ao egoísmo para que a planta medre correctamente.

Quixemos difundir esta mensaxe solidaria entre todos os participantes do XIII Encontro da Rede Solidaria da Mocidade Entreculturas, celebrada o pasado sábado 26 de novembro no CPI Virxe da Cela, obsequiando a cada un dos participantes con unha pequena planta que deberán transplantar e coidar con amor, paz e solidariedade. Queremos facer un seguimento desta pequena ola expansiva, así que agradecemos que nos enviedes unha fotografía e os datos de ubicación da vosa planta solidaria:

monferosolidario@gmail.com

ZANMITAY: XIII ENCONTRO DA REDE SOLIDARIA DA MOCIDADE ENTRECULTURAS

2011-11-28T10:12:00.006+01:00

Zanmitay significa amizade na lingua creoula haitiana. Unha fermosa verba para ilustrar o XIII Encontro da Rede Solidaria da Mocidade de Entreculturas, que nesta ocasión tivo lugar no noso centro, o CPI Virxe da Cela, (Monfero). Inauguramos este cuarto ano de pertenza á Rede Solidaria formalizando o noso compromiso esta vez como anfitrións, recibindo a visita de numerosos rapaces e rapazas e profesores/as de distintos centros galegos. Quedamos cun agradable sabor de boca, recibindo os parabéns de todos os asistentes, que disfrutaron plenamente dunha longa e intensa xornada de convivencia.

Cartel galicia

View more documents from satelite1.

Programa xiii encontro rede

View more documents from satelite1.

Noticia na prensa:Jóvenes unidos contra las desigualdades

Crónica zanmitay

View more documents from satelite1.

VISITA DE LANCY DODEM AO CPI VIRXE DA CELA

2011-11-26T23:21:00.013+01:00

Por segundo ano consecutivo contamos no noso centro coa visita de Lancy Dodem, primeiro neno apadrinado pola Fundación Vicente Ferrer, acompañado pola fotógrafa coruñesa Yolanda Ferrer. A través de dúas charlas impartidas para o alumnado da ESO e para o de 2º e 3º ciclo de primaria, poidemos coñecer un pouco máis a fondo a importante labor que a Fundación Vicente Ferrer está levando a cabo en Anantapur (A India). Esta actividade está enmarcada dentro do proxecto "School to School", un intercambio cultural e de tradicións entre a nosa escola e unha escola da India, a través da FVF. Os rapaces e rapazas do CPI Virxe da Cela formularon numerosas preguntas a Lancy, mostrando moita curiosidade pola realidade social e cultural na India. Un grupo de alumnos e alumnas de 4º da ESO obsequiaron a Lancy co mellor regalo posible: o seu compromiso para apadriñar a un neno/a na India, a través dun programa de apadrinamento da FVF, e deste xeito contribuír a súa educación e facilitarlle un futuro mellor.

Nota de prensa

Lancy Dodem

Alumnado de 4º da ESO informando a Lancy do proxecto "Apadrina un neno"

Alumnado de 2º e 3º ciclo de primaria

Lancy Dodem escribe dedicatorias ao alumnado da ESO

Lancy Dodem e Yolanda Ferrer reciben a "Floridaria", pranta solidaria orixinaria de Monfero

Lancy Dodem con Yolanda Castro e Verónica Dopico, coordinadoras de Monferosolidario

Lancy dodem

View more documents from satelite1.

Entrevista a lancy dodem

View more documents from satelite1.

EXPOSICIÓN DE LIBROS SOLIDARIOS

2011-11-21T14:17:00.001+01:00

A petición de un grupiño de alumnos e alumnas de primaria, aquí tedes unha selección de libros con temática solidaria para investigar e poder aportar máis datos ao voso pasaporte solidario: Un pacto de amor, mi vida junto a Vicente Ferrer, de Ana Ferrer; El gran libro de cuentos con valores; Cómo complacer a todo el mundo sin dejar de hacer... lo que uno quiere, de KIlaus-Peter Wolf e moitísimos máis. Ánimo. A lectura segue a ser unha porta aberta ao mundo.

DÍA INTERNACIONAL DOS DEREITOS DA INFANCIA

2011-11-21T13:50:00.003+01:00

20 DE NOVEMBRO: DÍA INTERNACIONAL DOS DEREITOS DA INFANCIA: Todos temos dereitos, adultos e nenos. A gran diferenza é que os adultos podemos pelexar por eles, esixir que se cumpran, en cambio os nenos, necesitan de nós para que os seus dereitos se respecten. Os nenos deben ser protexidos e coidados, non só pola súa familia e o seu grupo primario, polo Estado, polos políticos, pola cidadanía enteira. Os dereitos dos nenos son tan amplos como amplos son os aspectos dunha vida, teñen dereito a estudar, a vivir en condicións dignas, a que se coide da súa saúde (física e mental), a ser alimentados e sobre todo amados. Cada un de nós, seguramente desde o seu lugar, tenta que estes dereitos sexan respectados, pero non sempre a realidade permite que iso se cumpra. As políticas de seguridade social, saúde, educación moitas veces non contemplan estes dereitos básicos. É un deber de todos coñecer cales son os dereitos que os nosos mozos teñen porque, coñecendo, é máis fácil loitar por que todos gocen deles.

PROGRAMA DE DIVULGACIÓN EN DOAZÓN E TRANSPLANTES

2011-11-04T12:09:00.006+01:00

O pasado xoves 3 de novembro de 2011 o alumnado de 3º e 4º da ESO asistiu a una conferencia sobre doazón e transplantes, organizada pola Oficina de Coordinación de Transplantes do Hospital Universitario A Coruña, en colaboración coa OCT-Autonómica de Galicia e a Deputación Provincial de A Coruña.

Tanto o alumnado como o profesorado asistente a esta charla comprendimos que a vida de moitas persoas están pendentes dunha acción solidaria, a doazón, e deste xeito imos construíndo unha actitude máis aberta cara ao proceso de doazón. Contamos coa información e os coñecementos dun médico da OCT e a vivencia en primeira persoa dun transplantado.

Charla sobre os transplantes e a doazón

View more documents from satelite1.

PASAPORTES SOLIDARIOS

2011-11-04T12:08:00.004+01:00

O pasado venres 28 de outubro de 2011 os alumnos e alumnas de 4º da ESO visitaron as aulas de educación infantil e primaria para entregar a cada neno/a o seu pasaporte solidario e explicar as normas de utilización do mesmo. Anaís, Lorena, Marta, Iván, Alba e María recordaron aos máis pequenos a importancia da axuda mutua e dos xestos solidarios, tanto na escola, no ámbito familiar ou en calquera faceta das nosas vidas. Ser solidarios significa facer un pequeno pero importante esforzos para mellorar a convivencia solventar moitos dos problemas da sociedade. Neste documento os nenos e nenas do CPI Virxe da Cela irán anotando en diversos apartados todas as accións solidarias vaian desenvolvendo ao longo do curso. Pais e titores poderán participar activamente neste proxecto, revisando as accións descritas e dando validez ás mesmas a través da súa sinatura.

O Pasaporte Solidario (PS) é unha proposta da Xunta de Galicia, publicado pola Dirección Xeral de Xuventude e Voluntariado da Consellería de Traballo e Benestar Social. É un documento no que se propoñen diversas actividades solidarias.

No CPI Virxe da Cela estamos a traballar desde o curso académico 2008-2009 nun proxecto de centro, Monferosolidario, baseado na educación en valores. Consideramos que o Pasaporte Solidario é un documento moi apropiado para visualizar as accións solidarias realizadas polo alumnado, e que pode contribuír á motivación e participación do mesmo.

INSTRUCIÓNS PARA O SEU USO:

•Cada titor/a recibirá un exemplar do Pasaporte Solidario para cada un dos alumnos/as do seu grupo. A inicio de curso cada neno/a traerá unha fotografía e cubrirá os seus datos persoais no pasaporte.
•Cada alumno/a irá describindo cada unha das accións que vai realizando na páxina correspondente. Precisará a sinatura do seu titor/a ou dos seus pais para dar validez ás mesmas.
•Ao final de curso o titor/a recollerá todos os pasaportes e os entregará aos responsables de Monferosolidario.
•Os participantes recibirán un diploma e haberá premios tanto individuais como colectivos.

Pasaporte 2

View more documents from satelite1

VALORES UNIVERSAIS

2011-10-14T13:13:00.003+02:00

O alumnado de 3º e 4º da ESO fixeron durante o curso pasado un traballo sobre os valores universais, eses valores que nos fan mellores e nos axudan a crecer como persoas acercándonos mais aos demais.

Ningún é novo. Cada valor representa o mellor de cada ser para vivir plenamente e en armonía co mundo,e crear e sustentar as relacións humanas con dignidade e profundidade. Cooperación, liberdade, felicidade, respecto, responsabilidade, tolerancia… son algunhas das expresións que nos tocan día a día e que corresponden co mellor de cada un de nós, do que podemos facer para conseguir, a través da nosa forma de actuar, unha sociedade mellor de todos e para todos.

A verdade e que todos os rapaces e rapazas fixeron un bo traballo de elaboración dos valores, pero sobre todo o que pretendemos e aspiramos é a levalos á práctica.

Aquí vos dixamos unha mostra da exposición sobre "Os valores" que se atopa no corredor que conduce á biblioteca.

SEMANA DE MOBILIZACIÓN CONTRA A POBREZA

2011-10-10T15:11:00.003+02:00

Entre o 9 e o 17 de outubro de 2011 celébrase en toda España a Semana de Mobilización contra a Pobreza. Desde o ano 2005 a sociedade mundial mobilízase durante esta Semana para esixir aos líderes políticos o fin da pobreza. Acabar coa pobreza é unha decisión política e o cumprimento dos Obxectivos de Desenvolvemento do Milenio é o primeiro paso para acadala. Existen medios suficientes, tecnoloxías, desenvolvemento e capacidade para cumprilos. Tan só esixe vontade política por parte dos Estados.

A erradicación da pobreza só é posible co apoio e o esforzo de todas e todos. Todos podemos colaborar dando a coñecer a situación, sensibilizando ás nosas familias e compañeiros e compañeiras do centro educativo e actuando para que a erradicación da pobreza antes do ano 2015 sexa unha realidade e non só un soño. TODOS SOMOS RESPONSABLES.

Convidámoste a participar na Semana de Mobilización contra a Pobreza. Este ano, baixo o lema: ÚNETE Á REBELIÓN

“A pobreza non é un fenómeno natural. É o resultado da acción humana e pode ser superada e erradicada coas accións dos seres humanos” . Nelson Mandela

SOMOS A PRIMEIRA XERACIÓN QUE PODE ERRADICAR A POBREZA.

RECEPCIÓN DO PAQUETE POSTAL DA PINNADARI SCHOOL. FVF

2011-09-23T12:58:00.006+02:00

O venres 23 de setembro recibimos o paquete postal que nos enviou a escola Pinnadari situada en Atmakur (Anantapur, India), centro asignado para o noso intercambio cultural dentro do Proxecto School to School da Fundación Vicente Ferrer. Xuntámonos na biblioteca o alumnado de 4º da ESO e 2º da E.S.O.

Alumnado de 4º a ESO abrindo o paquete recibido da India

María lé a carta de presentación dos nenos da Pinnadari School

Alumnado da ESO visionando o dossier recibido coas fotos e comentarios dos nenos da escola India

Os alumnos de 1º da ESO tamén leron a carta aos seus compañeiros

CONSTRUCIÓN DUNHA ESCOLA EN RACHEPALLI, A INDIA

2011-09-19T11:47:00.005+02:00

A Fundación Vicente Ferrer remitiu ao noso centro unha carta de agradecemento e un recibo acreditativo da trasferenica de 1.000 euros realizada a data de 15 de xuño de 2011. Estes cartos eran o resultado da recadación dun rastro solidario que celebramos en Abril, coa finalidade de concienciar ao noso alumnado e á comunidade educativa en xeral da importancia das nosas accións na construción dun mundo mellor. Agora os nosos esforzos van ter resultados visibles, xa que coa nosa colaboración de 1.000 euros participaremos nun proxecto de construción dunha escola na aldea de Rachepalli, situada na area de B.K. Samudram, Anantapur (A India). A Fundación Vicente Ferrer elaborou un documento PDF incluíndo os datos técnicos deste proxecto.

FVF e CPI Virxe da Cela: Escola en Rachepalli

2011-09-13T20:53:00.001+02:00

Ola a todos e todas. Xa estamos de volta das nosas "merecidas" vacacións e chega de novo o outono, e con el o cole, os madrugóns, as presas,...pero non todo é malo!.O curso que comeza ofrécevos novos retos e novas oportunidades para aprender, para encontrarnos,comunicarnos, axudarnos, compartir experiencias…. Así que... xa sabedes!. Esperamos a vosa colaboración, as vosas achegas, as vosas suxestións e sobre todo que vos tomedes os vosos quefaceres con renovada ilusión e enerxía para levalos a cabo.

FELIZ CURSO 2011-2012!!!!

ENTREGA DE DIPLOMAS MONFEROSOLIDARIO

2011-06-28T12:29:00.006+02:00

O pasado xoves 23 de xuño de 2011, aproveitando o acto de clausura do curso escolar e a despedida do alumnado de 4º da ESO, Monferosolidario fixo a entrega de diplomas a aqueles alumnos e alumnas que participaron activamente en diversas actividades, destacando o seu esforzo e a súa contribución na construción dun mundo mellor. Tamén se fixo a entrega dun diploma e un pequeno agasallo aos gañadores e gañadoras dos concursos "Deseña a túa mascota Monferosolidario" e "Avatares: declaracións de amor".

MASCOTA MONFEROSOLIDARIO

2011-06-17T11:44:00.005+02:00

A semana pasada reuniuse un xurado para fallar os premios do "Concurso de Mascota de Monferosolidario". Os traballos premiados están expostos diante da biblioteca escolar, cos nomes dos seus autores. O próximo 22 e 23 de xuño entregaranse os premios, así como os diplomas aos gañadores das diferentes categorías:

1º Premio e Mascota Gañadora: Autoras: Lorena Varela Infante e Sandra Fernández Rodríguez, de 3º da ESO. Unha fermosa mascota con manual de instrucións: Planta orixinaria de Monfero. Coidados: regar abundantemente con amor, paz e solidariedade 12 veces ao día e non expoñer á violencia nin ao egoísmo para que a planta medre correctamente

1º Premio 1º ciclo de educación primaria: Daniela Pereira Ibáñez

1º Premio 2º ciclo de educación primaria: Víctor Gómez Varela

1º Premio 3º ciclo de educación primaria: Sheila Buyo collazo e Cintia Cortizas Suárez

Mención Especial do Xurado otorgada ás Aulas de Infantil.

ENVÍO Á PINNANDARI SCHOOL

2011-06-03T10:58:00.007+02:00

O venres 3 de xuño de 2011 enviamos á Rural Development Trust (Anantapur, a India) o paquete postal que contén todos os materiais elaborados polo noso centro dentro do proxecto School to School, un intercambio cultural e de tradicións entre a nosa escola, situada no rural galego, e unha escola na India rural, concretamente, no distrito de Anantapur, onde ten a súa base a Fundación Vicente Ferrer. Este ano a escola asignada é Pinnandari School.

Durante todo o curso académico 2010-2011 estivemos a realizar actividades centradas na temática da gastronomía. Todas estas actividades están documentadas nun dossier e a través de presentacións audiovisuais, con todas as explicacións traducidas ao inglés: a presentación da nosa escola, un traballo de investigación sobre a gastronomía galega, unha serie de debuxos realizados polo alumnado de 5º e 6º de primaria sobre a nosa gastronomía, documentación fotográfica sobre a charla "A gastronomía na India", impartida polo alumnado de 3º da ESO, sobre o obradoiro "As especias", realizado na biblioteca escolar, e do xantar degustación de comida india no comedor escolar. Tamén enviamos varios libros sobre a gastronomía galega, e un pequeno agasallo. Esperamos que os nenos e nenas da Pinnandari School podan aprender algo da nosa cultura.

De igual xeito, nos próximos días contamos con recibir un paquete desta escola india, e dar por finalizado o intercambio.

Explanation material parcel

View more documents from satelite1.

OS SABORES DA INDIA A TRAVÉS DA FUNDACIÓN VICENTE FERRER

2011-05-24T10:12:00.017+02:00

Exposición de especias e láminas explicativas

Alumnas de 6º de primaria clasificando as especias

Fichas sobre a comida india e vocabulario dos alimentes en lingua telegu

Foto de grupo: alumnado de 6º de primaria coas súas mestras

Foto de grupo: alumnado de 5º de primaria coa súa titora

Alumno de 3º da ESO impartindo a charla sobre a gastronomía india

Alumno de 3º de ESO impartindo a charla sobre a gastronomía india

Queres aprender a lingua telegu

View more presentations from satelite1

Ficha de iniciación á lingua telegu, falada no distrito de Anantapur

Ficha especia

View more presentations from satelite1

Ficha de clasificación das especias

Coa charla e os obradoiros sobre a comidia india realizados o luns 23 de maio de 2011 no horario de 14:45 a 16:25, damos por finalizado a elaboración de actividades enmarcadas no proxecto School to School da Fundación Vicente Ferrer, que este curso académico 2010-2011 está centrado na temática da gastronomía. Por tanto o último paso consistirá no envío de todo o material gráfico e audiovisual que se realizou no noso centro á Pinnandari School, situada no distrito de Atmakur, (Anantapur, a India).

O alumnado de 3º da ESO foi o encargado de impartir tanto a charla como os obradoiros ao alumnado de 5º e 6º de primaria. En primeiro lugar, tivemos unha proxección de diapositivas sobre a alimentación e os hábitos alimenticios na India, explicada por varios alumnos/as de 3º da ESO. Posteriormente realizouse un pequeno obradoiro para aprender os nomes dos alimentos na lingua telegu, que é falada en Anantapur, a zona onde se desenvolve as accións da Fundación Vicente Ferrer. Tamén o alumnado de 3º da ESO dramatizou un pequeno diálogo para explicar frases básicas na lingua telegu. Xa na biblioteca escolar os rapaces e rapazas de 5º e 6º de primaria realizaron un divertido obradoiro no que tiñan que clasificar as diferentes especias, así como facer unhas fichas avaliativas sobre a información recibida durante a charla.

XII ENCONTRO DA REDE DA MOCIDADE ENTRECULTURAS

2011-05-23T11:04:00.011+02:00

Como xa ven sendo unha tradición, reunímonos cos outros centros integrantes da Rede Solidaria da Mocidade de Entreculturas en Rianxo. Esta xuntanza celebrouse o pasado sábado 21 de maio de 2011, e nesta ocasión asistimos sete alumnas e dúas profesoras do CPI Virxe da Cela. Comezamos a xornada con xogos e dinámicas, nas que o alumnado reflexionou sobre as súas vivencias e experiencias dende que forman parte da rede. Posteriormente, cada centro elaborou un pequeno mural no que a través de textos e imaxes reflectiron o seu paso pola rede, resultando unha memoria visual coas múltiples actividades que se foron realizando. Tras un xantar colectivo, fixemos un pequeno descanso relaxándonos e divertíndonos co "show" de Pedro Brandariz, que en clave de humor fixo referencia á idionsincrasia galega. Como punto final, o alumnado de cada centro, acompañados polos seus profes, sairon a presentar e a explicar o seu mural. Un momento moi emotivo foi unha pequena homenaxe que se lle brindou aos alumnos/as que este ano deixan a rede, xa que rematan os estudos de ESO...

Proposta traballo rianxo 2011 entreculturas

CHARLAS E OBRADOIROS "A COMIDA", F.V.F.

2011-05-19T10:38:00.013+02:00

Esta actividade está enmarcada dentro do proxecto School to School da Fundación Vicente Ferrer, no que participamos desde o pasado curso académico 2009-2010. Consiste nun intercambio cultural e de tradicións entre unha escola española (CPI Virxe da Cela) e unha escola india (este ano asignouse a Pinnadari School, situada en Atmakur). No presente curso académico 2010-2011 o proxecto está centrado na temática da gastronomía india. O alumnado de 3º da ESO encargarase de impartir unha charla e uns obradoiros para explicar ao alumnado de 3º ciclo de Primaria as características fundamentais da gastronomía e os hábitos alimenticios na India. A charla e os obradoiros levaranse a cabo de maneira simultánea o vindeiro luns 23 de maio de 2011 nas aulas de UUMM2 e UUMM3.

O alumnado de 5º e 6º de Primaria levarán bolígrafo e lapis de cores para completar as fichas dos obradoiros. Tamén traerán a ficha sobre a gastronomía galega que previamente elaboraron na aula.

No blogue Monferosolidario podedes consultar todo o material elaborado para a realización das charlas e os obradoiros.

Circular profes as especias

View more documents from satelite1.

A comida india power point

View more presentations from satelite1.

Guión comentado charla presentación a comida (autoguardado)

View more documents from satelite1.

Ingles. galician food

View more presentations from satelite1.

MASCOTAS MONFEROSOLIDARIO

2011-05-19T09:59:00.005+02:00

Dende o mércores 18 de maio estarán expostas todas as ideas para o concurso "Deseña a mascota de Monferosolidario" na entrada do edificio de secundaria e no corredor próximo á Biblioteca Escolar. Podedes comprobar o enorme potencial creativo do noso alumnado observando todas as variadas propostas, que van dende o debuxo bidimensional ate pequenas obras escultóricas tridimensionais, abarcando todo tipo de técnicas artísiticas. En un par se semanas un xurado elexirá a idea gañadora, e establecerá varios premios. Esta é unha iniciativa do Departamento de Debuxo en colaboración con Monferosolidario e o EDLG.

A DETERMINACIÓN SOCIAL

2011-05-12T13:32:00.001+02:00

Algunha vez pensaches como sería a túa vida se naceras noutro lugar, noutra época, noutro tipo de sociedade, noutra familia? Atoparías as mesmas oportunidades que estás a ter agora? Farías o mesmo tipo de vida que estas a facer agora? Reflexiona...

Os rapaces e rapaces de 4º da ESO ofrecen a súa particular visión, redactando as vidas de mozos e mozas que consiguen superar as dificultades que se lles presentan nas súas vidas, e logran unha oportunidade para o cambio.

Determinación social maquetado

View more documents from satelite1.

MONFEROSOLIDARIO NO MASTER DE XESTIÓN DA COOPERACIÓN INTERNACIONAL

2011-05-09T10:21:00.006+02:00

O pasado sábado 7 e maio de 2011 tivo lugar a presentación do proxecto Monferosolidario no Máster de Xestión da Cooperación Internacional e ONGs da Universidade de Santiago de Compostela. Esta actividade realizouse na Facultade de Ciencias Políticas, en horario de 12:00 a 13:00. Unha vez máis o protagonismo recaeu no noso alumnado, xa que dúas alumnas do centro, Anaís Buyo (3º ESO) e Luz Mery Barral (4º ESO) foron as encargadas de explicar a traxectoria deste proxecto e de falar en primeira persoa das súas motivacións, utopías e soños no seu compromiso coa solidariedade. Contamos tamén coa intervención de Ana Collado, nai de Anaís, que alentou ás familias a tomar un rol máis activo no proxecto, recalcando a importancia de ir sembrando pequenas semillas de solidariedade e amor entre a xente máis nova. Unha vez rematada a intervención, J. Luís Pastoriza, técnico de Entreculturas e docente dun dos módulos do máster, analizou a traxectoria de Monferosolidario e resaltou como un dos grandes logros o feito de enfocar o noso campo de acción dende o protagonismo da mocidade.

Máster cooperación crónica luz mery

View more documents from satelite1.

No boletín on-line de Entreculturas podedes atopar unha crónica da actividade:

Entreculturas.org:

A SAME NO CPI VIRXE DA CELA

2011-04-17T12:20:00.005+02:00

Xunto co Rastro Solidario 2011 e os obradoiros de Contos Solidarios impartidos por Anxo Moure, completamos esta xornada especial do venres 15 de abril de 2011 coa celebración da campaña da SAME no CPI Virxe da Cela. Contamos coa visita de José Luís Pastoriza, técnico de Entreculturas, e Miguel Rodríguez, técnico da CME Galicia. Xuntos presentaron ao alumnado de ESO as liñas fundamentais da campaña, e mostraron o vídeo da campaña da SAME 2010, "Un gol pola educación". As dúas alumnas que representaron ao noso centro no acto da SAME celebrado en Madrid o pasado martes 12 de abril, Luz Mery e Anaís, expuxeron aos seus compañeiros/as as súas impresións e compartiron a súa experiencia, mostrando as fotografías e os videos da recepción no Congreso dos Deputados e a rolda de prensa posterior.

RASTRO SOLIDARIO 2011

2011-04-16T11:26:00.010+02:00

Como xa ven sendo unha tradición no noso centro, o pasado venres 15 de abril de 2011 organizamos unha xornada de Rastro Solidario. Alumnado, profesorado e familias visitaron o rastro, organizado por diferentes mostradores situados no edificio de secundaria onde se exhibían diferentes obxectos para a súa venda. Tras esta intensa xornada, onde se efectuaron numerosas compras e adquisicións, fixemos o reconto... Entre a venta de obxectos e unha caixa de donativos acadamos a cantidade de

930 euros con 44 céntimos.

Estes cartos serán destinados a un proxecto de educación para o desenvolvemento. A través desta actividade de sensibilización todos os nenos e nenas, así como as súas familias, comprenderemos que dándolle un novo uso a todos aqueles obxectos que acumulamos nas nosas casas podemos contribuír a mellorar as condicións de moitos outros nenos e nenas do planeta que viven en países empobrecidos. Grazas de novo pola vosa colaboración...

CONTOS SOLIDARIOS CON ANXO MOURE

2011-04-16T11:02:00.013+02:00

As Árbores da Paz, de Anxo Moure

Atrapacontos

Alumnado da ESO dramatizando un conto con Anxo Moure

O venres 15 de abril de 2011 tivemos a oportunidade de disfrutar dun interesante obradoiro con Anxo Moure. En dúas sesións, para 3º e 4º da ESO en horario de 10:00 a 11:00; e 1º e 2 da ESO en horario de 11:00 a 12:00, Anxo Moure animou tanto aos rapaces e rapazas, como aos profesores e profesoras que acudiron ao obradoiro, a disfrutar da arte de contar contos, e utilizar os contos como unha ferramenta para cambiar o mundo, denunciando as inxustizas e resaltanto os valores positivos, como o amor, a amizade, e solidariedade. Agradecemos á ONG Educación sen Fronteiras e a Entreculturas, quen nos ofertou a actividade, esta grande oportunidade que nos brindou Anxo Moure non só para disfrutar e rir, senón para ser máis responsables e conscientes da nosa obriga para construír un mundo mellor...

PETICIÓNS AO GOBERNO

2011-04-14T16:11:00.012+02:00

Luz Mery Barral Bouzón e Anaís Buyo Collazo son as dúas alumnas do CPI Virxe da Cela que representaron a Galicia no acto estatal da SAME que tivo lugar o pasado martes 12 de abril de 2011 en Madrid. Foron recibidas, xunto con outros/as nenos e nenas de outros colexios por Delia Blanco, Presidenta da Comisión de Cooperación, e os representantes dos diferentes grupos parlamentarios, e pediron ao goberno que fixera efectivo o seu compromiso coa educación básica universal.

Os nenos e nenas aquí presentes en representación de todos os dos centros educativos que participamos na SAME facemos o seguinte chamamento aos políticos do estado español co fin de mellorar a educación e con isto o desenvolvemento daqueles países que máis o precisan:

1. Pedimos aos políticos que lembren o que prometen para conseguir un maior número de docentes e un maior número de escolas que levará a unha redución de alumnado por clase e con isto unha mellor preparación e aproveitamento dos materiais e as tecnoloxías; así acadaremos que todos os nenos e nanas podan de verdade aprender na escola.

2. Pedimos aos políticos que se comprometan a facilitar o acceso á educación dos sectores máis discriminados, como aquelas persoas con necesidades especiais e un trato igualitario entre nenos e nenas.

3. Pedimos aos políticos que cumpran o seu compromiso para acadar a continuidade educativa da mocidade, tanto rapaces como rapazas, impulsando o camiño cara a estudos superiores.

4. Que o goberno español mediante a súa axuda facilite o acceso de as nenas a estudos non so primarios, senón que podan facer estudos superiores e especializarse.

5. Que o goberno español traballe para que os gobernos dos outros países tomen partido cando os pais ou maridos destas nenas ou mulleres lles obriguen a deixar a escola.

6. Que parte da axuda que o goberno español se destine a campañas encamiñadas para que nos países do sur as familias valoren a importancia da educación de nenas e mulleres, e faciliten e posibiliten o acceso á mesma. Isto supoñerá un progreso na vida familiar e un desenvolvemento no país.

Luz Mery e Anaís con Pilar Debén (AECID)

Luz Mery e Anaís con Delia Blanco (Presidenta da Comisión de Cooperación Internacional)

Anaís Buyo na rolda de prensa

Anaís e Luz Mery falando co técnico de Entreculturas

cme-espana.org

Nota prensa same 2011

View more documents from satelite1.

Un día muy intenso (madrid) luz mery

View more documents from satelite1.

Same crónica anais

View more documents from satelite1.

SAME 2011 NO C.P.I. “VIRXE DA CELA”: A educación non é un conto, polos dereitos das nenas e as mulleres.

2011-04-10T17:22:00.003+02:00

Desde ou noso centro queremos unirnos á Campaña Mundial pola Educación e ás accións da SAME 2011.

Baixo o lema A EDUCACIÓN NON É UN CONTO: POLOS DEREITOS DAS NENAS E As MULLERES, millóns de persoas en todo o mundo mobilizarémonos para lembrar aos líderes políticos as dificultades que millóns de nenas e mulleres teñen para acceder a unha educación de calidade e para pedirlles que tamén lembren e cumpran o seu compromiso de facer realidade a Educación para Todos e Todas en 2015.

En España, a Semana de Acción Mundial pola Educación (SAME) desenvolverase do 11 ao 17 de abril. O 12 de abril unha docente e dúas alumnas do noso colexio viaxarán a Madrid para participar no acto central da SAME e así, facer chegar as peticións aos representantes do goberno, e que lembren e cumpran o seu compromiso de destinar os recursos necesarios para facer realidade un dos Obxectivos do Milenio que é a Educación para Todos e Todas en 2015.

Para iso, a actividade central da SAME 2011 consistirá na GRAN HISTORIA, é dicir, na elaboración dun gran libro de contos escritos por alumnos, alumnas, docentes e personalidades destacadas do mundo da interpretación nos que se reflicta como o acceso á educación -ou a falta desta- poden marcar a vida das mulleres e das nenas. Unha Gran Historia, que fale sobre os dereitos das nenas e mulleres e como a oportunidade para ir á escola cambiou o rumbo das súas historias.

Axúdanos a mostrar que a educación de calidade é necesaria para todos e todas.

Como podes facelo:

Podes enviarnos o teu conto a: a.gomez@entreculturas.org, e quedará colgado aquí na nosa páxina web. Así mesmo, tamén a colgaremos, se non o fixeches ti mesmo, na páxina internacional da CME.

Podes colgar ti mesmo o relato a través da páxina internacional da Campaña Mundial pola educación http://www.cme-espana.org/ : Como? Só tes que asinar (Sign Up), escribir os teus datos (como persoa particular ou como profesor-organizador) e escribir unha pequena historia que quedará reflectida. Así poderás ler tamén as diferentes historias que se escribiron nos demais países.

Cantos máis relatos teñamos en todo o mundo máis alto e máis claro quedará a mensaxe!

RASTRO SOLIDARIO 2011

2011-04-01T11:55:00.005+02:00

Alumnado de 1º da ESO anunciando a campaña do Rastro Solidario

Queridas familias:

Como xa é toda unha tradición no noso centro, un ano máis Monferosolidario solicita a vosa colaboración para levar a cabo un Rastrillo Solidario. Os beneficios desta actividade serán destinados a un proxecto de axuda humanitaria.

O alumnado, profesorado e familias poderán aportar os obxectos para o Rastrillo.

Tipo de materiais: libros, cds, dvds, xogos, bisutería, obxectos decorativos... que estean en boas condicións, sen deterioro.

Os obxectos entregaranse no centro escolar entre o 29 de Marzo e o 8 de Abril de 2011 Os obxectos estarán expostos á venda no Rastro Solidario que terá lugar o Venres día 15 de Abril de 2011, en horario lectivo, na entrada do edificio de Secundaria.

Cada grupo visitará o Rastro co seu titor/a, seguindo un horario previamente establecido, podendo efectuar compras.

Convidamos ás familias a visitar o noso Rastrillo e colaborar activamente neste actividade.

Agradecemos unha vez máis o voso compromiso e participación.

Monferosolidario: construíndo un mundo mellor

Monfero, a 28 de Marzo de 2011.

CONCURSO DA MASCOTA DE MONFEROSOLIDARIO

2011-04-01T11:46:00.005+02:00

O Departamento de Educación Plástica en colaboración con Monferosolidario e o EDLG, organiza un concurso de deseño de mascotas dirixido a toos os/as alumnos/as deste centro:

BASES: Dirixido a todos os alumnos/as do CPI Virxe da Cela, que poderán participar de forma ndividual ou por parellas. Salvo EI, que poderá presentar traballos colectivos. Poderanse presentar un máximo de tres obras por autores.

Tema: O concurso te por obsecto a creación dunha mascota que serva de vehículo de transmisión dos valores de "Monferosolidario". A temática queda aberta á orixinalidade de cada participante.

Nome da mascota: cada obra irá acompañada dunha proposta de nome para a mesma

Formato: Admítense obras en dúas ou tres dimensións. O tamaño mínimo para as creacións planas será A4e máximo de A3

Técnica: Poderase utilizar calquera tipo de técnica bidimensional ou tridimensional: rotuladores, lapis, témperas,collage de imaxes ou materiais, computador, plastilina, pasta de modelar, etc.

Data límite de entrega: Venres 13 de maio de 2011.

Premios: Os premios entregaranse a final de curso, e consistirán en tres cheques-regalo para a adquisición de material escolar.

ENCONTRO SOBRE A COOPERACIÓN INTERNACIONAL EN GALICIA

2011-03-15T12:50:00.003+01:00

O pasado Venres 11 de Marzo presentamos o proxecto Monferosolidario no taller de experiencias enmarcado dentro do programa do "Encontro sobre a cooperación internacional en Galicia", celebrado no Centro Social Novacaixagalicia, e organizado pola Coordinadora Galega de ONGD e o Fondo Galego de Cooperación. Tanto o proxecto Monferosolidario, como o resto das experiencias expostas estaban encamiñadas a orientar as futuras estratexias dos axentes galegos de cooperación, e tras as intervencións tratouse de establecer liñas de traballo conxunto para o futuro.
Este encontro contou coa participación de representantes de ONGD, administracións autonómicas e estatais, universidades e partidos políticos. O obxectivo principal era estudar como afecta e como afrontan os diferentes actores da cooperación ao desenvolvemento a actual conxuntura socioeconómica. Analizáronse os efectos dos recortes orzamentarios nas políticas de loita contra a pobreza. O encontro ofreceu distintas mesas redondas, unha conferencia a cargo da Secretaria de Estado de Cooperación Internacional, Soraya Rodríguez, analizando o futuro da cooperación no Estado español. Tamén houbo un espazo para a reflexión sobre a nova normativa de subvencións en materia de cooperación, o Comercio Xusto e a compra ética e a cooperación galego-portuguesa na lusofonía, entre outras.

Encontro cooperación

View more presentations from satelite1.

MASCULINIDADES PARA A EQUIDADE DE XÉNERO

2011-03-15T10:01:00.003+01:00

As coordinadoras de Monferosolidario asistimos ao obradoiro "Masculinidades para equidade de xénero", organizado por Entreculturas e celebrado o pasado Sábgado 12 de Marzo en Santiago de Compostela. Foi impartido por Walberto Virgilio Tejeda e Larry José Madrigal, ambos autores de estudos e investigacións en pedagoxía, violencia de xénero e cultura da paz.
O obxectivo principal deste obradoiro é analizar os procesos de construción das identidades masculinas desde o Enfoque Integral en Masculinidades, para o fortalecemento de estratexias cara á equidade de xénero e prevención da violencia de xénero nunha educación inclusiva.
Este curso estivo baseado na participación activa mediante diferentes dinámicas e na reflexión e debate sobre o construción da identidade.

CONCURSO ONCE

2011-03-14T22:22:00.001+01:00

A ONCE celebra a 27 edición do Concurso poñendo en marcha o Programa de sensibilización educativa "Unha viaxe para tod@s" , que fomenta o respecto pola diversidade do ser humano e a non discriminación das persoas con discapacidade.

O alumnado do noso centro está a participar, como en anos anteriores, neste concurso tan especial. Aquí vos deixamos algunhas mostras dos deseños feitos por eles.

O martes 8 de marzo celebramos o Día dos Dereitos das Mulleres

2011-03-09T14:00:00.002+01:00

A que soa o de muller traballadora?

Non pensades que é un adxectivo absurdo, cando se aplica á muller?

As mulleres son todas traballadoras e como sabemos cunha carga laboral que supera amplamente á dos homes en moitos aspectos.

A única maneira de chegar a unha igualdade entre homes e mulleres, recollida en numerosas constitucións do mundo é, desde a educación , unha educación en valores, igualitaria e non sexista.

A educación na igualdade, a información veraz e a xustiza social permitirán que nos desenvolvamos como persoas libres; libres para sentir, pensar e actuar por nós mesmos, sen o sometemento duns sobre outros.

Non podemos deixar este 8 de marzo sen mostrar o noso máis absoluto rexeitamento á violencia que causa tantas mortes de mulleres, pola súa condición de tales. Este “terrorismo afectivo” derivado dos conceptos patriarcales de posesión, podería combaterse cunha coeducación efectiva familia-escola encamiñada á consideración de todas as persoas por igual, sen distinción de sexos.

O NOSO COLE NA PRENSA

2011-03-03T18:34:00.001+01:00

DE MONFERO A ANANTAPUR: UNHA VIAXE VIRTUAL A TRAVÉS DO PROXECTO SCHOOL TO SCHOOL

2011-02-28T20:44:00.008+01:00

Dende o curso académico 2008-2009 estase a desenvolver unha iniciativa de educación en valores no C.P.I. Virxe da Cela (Monfero). Se ben na súa orixe o proxecto Monferosolidario naceu da colaboración entre as materias de Relixión e Educación para a Cidadanía impartidas na E.S.O., na actualidade constitúe todo un auténtico proxecto de centro, no que participan todas as etapas educativas (Educación Infantil, Educación Primaria, E.S.O.) e diversos departamentos de secundaria, así como a Biblioteca Escolar e o Equipo de Dinamización da Lingua Galega. En setembro de 2009 o proxecto Monferosolidario foi galardoado na I edición do Premio Nacional de Educación para o Desenvolvemento “Vicente Ferrer”. No acto de entrega do premio, que tivo lugar na sede da AECID en Madrid, mantivemos unha enriquecedora conversa con Moncho Ferrer, fillo de Vicente Ferrer e continuador da súa labor humanitaria na India. Grazas a Moncho Ferrer soubemos da existencia do proxecto School to School, e inmediatamente decidimos embarcarnos nunha fascinante aventura que uniría dos puntos do planeta moi distantes: Monfero e Anantapur.

Monferosolidario de monfero a anantapur

View more documents from satelite1.

OPERACIÓN QUILO: COCIÑA ECONÓMICA DE FERROL

2011-02-24T23:13:00.007+01:00

O mércores 24 de Febreiro visitamos as instalacións da Cociña Económica de Ferrol. Con esta acción damos por finalizada a campaña "Operación Quilo". Dende o pasado mes de decembro, alumnado, profesorado e familias depositaron paquetes de arroz, galletas, pasta, botellas de aceite, cartóns de leite e outros alimentos non perecedeiros nun espazo habilitado nos corredores do edificio de secundaria. Aínda que o obxectivo fundamental non era conseguir caixas e caixas de alimentos, senón concienciar á nosa comunidade educativa da importancia de aportar unha pequena axuda para cambiar o mundo, foron moitos os quilos acumulados... Os transeúntes ollaban con atención e curiosidade aos mozos e mozas de 2º, 3º e 4º da ESO carretando caixas en dirección á Rúa Ruvalcaba, en Ferrol, onde está situada a sede da Cociña Económica. Unha vez depositados os alimentos, o seu director amosounos as instalacións, e ofreceu unha enriquecedora charla, oportándonos unha visión global do funcionamento desta instutución benéfica, e recordándonos a importancia da nosa axuda sobre todo agora, en tempos de crise. Foi gratificante recibir os parabéns, e alentounos a continuar na nosa labor de construír unha mocidade solidaria, crítica e responsable.

Mensaxe de Gandhi

2011-02-14T08:44:00.004+01:00

REPARTE AMOR... E RECIBIRÁS MOITO A CAMBIO

2011-02-12T09:39:00.018+01:00

Esta é unha iniciativa que parte dun grupo de alumnas de 3º da E.S.O. do C.P.I. Virxe da Cela para celebrar o día de San Valentín. O E.D.L.G., en estreita colaboración co proxecto Monferosolidario, quixemos dar outra dimensión a esta data, ampliando as fronteiras para construír un concepto máis universal do amor. Co lema "Regala amor... e recibirás moito a cambio" trataremos de transmitir a toda a nosa comunidade educativa a importancia do amor máis puro, desinteresado, altruísta... dirixido non soamente ás nosas parellas, senón aos amigos e amigas, compañeiros e compañeiras, familias, prantas, animais e outros seres vivos que conviven no noso planeta.

Esta iniciativa está formada por diferentes actividades: concurso de declaracións de amor, venta de flores, corazóns e outros pequenos obxectos elaborados polo propio alumnado, visita ás aulas promocionando o lema "Regala amor... e recibiriás moito a cambio" a través do reparto de pegatinas e carteis que ilustren o mesmo, etc.

Durante o recreo do luns 14 de Febreiro realizouse un pequeno mercadillo na entrado do edificio de secundaria. Alumnado e profesorado mercaron unha grande variedade de obxectos elaborados polas propias alumnas de 3º da E.S.O.: piruletas con lema, fundas para telefonos móbiles tecidas en lá de cor vermella, flores de papel realizadas con papiroflexia, pulseras do amor construídas coa lengüeta de apertura das latas de refrescos, sobres e postais para escribir mensaxes de amor, etc...

Xa en horario de tarde, este grupiño de alumnas fixeron unha campaña sensibilizando ao alumnado da E.S.O. Visitaron as aulas e ofreceron un interesante discurso, animando á xente a ser máis xenerosos cos demais, ofrecendo o noso amor e atención tanto ás nosas parellas, familias, amigos, seres vivos... ao planeta en xeral. Cada alumno/a recibiu unha bonita pegatina para ter sempre presente que recibiremos moito máis a cambio... se regalamos amor.

Alumnas de 3º da E.S.O., responsables desta iniciativa

Vista parcial do mercadillo de obxectos

Alumnado e profesorado participou activamente mercando obxectos

Campaña "Regala Amor" na aula de 2º E.S.O.

Campaña "Regala Amor" na clase de 4º E.S.O.

AVATARES: DECLARACIÓNS DE AMOR

LANCY DODEM E YOLANDA FERRER NO C.P.I. VIRXE DA CELA

2011-02-10T10:19:00.006+01:00

Lancy Dodem, Miriam (directora do centro) e Yolanda Ferrer

Lancy Dodem e Yolanda Ferrer coas cordinadoras de Monferosoldiario

Vista parcial da charla de Lancy Dodem ao alumnado de Primaria

Lancy Dodem respondendo ás preguntas do alumnado

Lancy Dodem imparte a charla con diapositivas sobre a India

O mércores 9 de Febreiro de 2010 visitou o noso centro Lancy Dodem, o primeiro neno apadriñado pola Fundación Vicente Ferrer, acompañado pola fotógrafa Yolanda Ferrer, autora da exposición "A cidade do Infinito". Esta visita está enmarcada dentro do proxecto School to School, da Fundación Vicente Ferrer.

Crónica anaís lancy dodem

View more documents from satelite1.

MONFEROSOLIDARIO NO I.E.S. TERRA DE TRASANCOS

2011-02-07T10:58:00.007+01:00

O pasado Xoves 3 de Febreiro de 2011 tivemos a oportunidade de difundir o noso proxecto Monferosolidario no I.E.S. Terra de Trasancos, Narón. Durante toda esta semana este centro estivo desenvolvendo unha interesante "Semana de Educación para o Desenvolvemento". O I.E.S. Terra de Trasancos foi galardonado este ano na II edición do "Premio Nacional de Educación para o Desenvolvemento Vicente Ferrer". Coincidimos cos coordinadores do proxecto gañador o pasado mes de Novembro, no I Encontro Nacional de Educación para o Desenvolvemento, celebrado en Ávila. Convidáronnos a presentar o noso proxecto no seu centro, para que o alumnado poidera coñecer as actividades que estamos levando a cabo. Nesta ocasión duas alumnas de 3º da E.S.O., Anaís e Mª Santamariña, foron as encargadas de difundir o espírito de Monferosolidario.

Crónicas terra trasancos

View more documents from Yolanda Castro López.

DÍA DA PAZ

2011-01-25T00:58:00.005+01:00

O próximo día 30 de xaneiro celebramos o Día Escolar pola Paz e a Non Violencia. Neste día, ademais de conmemorar o aniversario da morte de Gandhi, trataremos de imaxinar un mundo sen violencia, sen guerra, sen odio, sen prexuízos, sen pobreza... un mundo no que todos podamos vivir en harmonía e igualdade.

O obxectivo deste día é resaltar a importancia da educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. E destacar o papel dos centros educativos como instrumentos de paz e entendemento entre persoas de distinta formación, raza, cultura e relixión.

O educador e pacifista que fundou no ano 1964 o Día Escolar da Non Violencia e a Paz foi Lorenzo Vidal. Si queredes saber mais sobre el e a súa obra podedes picar no seguinte enlace: Lorenzo Vidal

Aquí podedes ver unha mensaxe que vos deixa aos rapaces e rapazas do cole.

Aquí temos algúns dos deseños convertidos en pegatinas,que fixeron os rapaces e rapazas do noso cole.

30 xaneiro: Día da paz e a non violencia

2011-01-23T17:30:00.006+01:00

Dia d paz_2010_2011_gal

View more presentations from Yolanda Castro López.

A DIVERSIDADE É A NOSA REALIDADE

2011-01-19T13:06:00.004+01:00

"A diversidade é a nosa realidade" é o título impartido pola Cruz Vermella de Betanzos ao alumnado de 1º da ESO o Luns 17 de Xaneiro de 2011. Durante as dúas sesións da tarde (de 14:45 a 16:30)dúas voluntarias da Cruz Vermella de Betanzos animaron aos nenos e nenas de 1º da ESO a comprender a riqueza que conleva a diversidade, utilizando como materiais didácticos "Os cadernos de Abel". Algún dos contidos que se abordaron: A diversidade nos nomes, a diversidade nos produtos, a diversidade na familia, a diversidade na música, as migracións, a aldea global, etc.

Vanessa e Laura, voluntarias da Cruz Vermella Betanzos

Informe para colegio

View more documents from satelite1.

BO NADAL

2010-12-20T22:59:00.005+01:00

Mensaxe solidaria monferosolidario nadal 2010

View more documents from satelite1.

Que este Nadal non sexa somente un bo pensamento

ou unha boa acción,

senon unha porta aberta para os demáis;

que non sexa só unha reunión familiar en paz e armonía,

senon que apoiándonos nesta unión sepamos

extender a paz e a armonía

a toda a familia humana;

que non sexa só un bonito árbol adornado,

senon un acercamento a natureza para comprendela;

e fagamos dos nosos pensamentos un canto de esperanza,

onde podan manifestarse a Luz, a Paz e o Amor.

BO NADAL E VENTUROSO ANO 2011

CHEO DE RETOS E DE PROXECTOS

NA PROMOCIÓN DUN MULLOR MELLOR

Monferosolidario

10 DE DECEMBRO: DECLARACIÓN DOS DEREITOS HUMANOS

2010-12-09T16:18:00.004+01:00

O 10 DE DECEMBRO CONMEMÓRASE A DECLARACIÓN UNIVERSAL DOS DEREITOS HUMANOS DESDE 1948.

DESPOIS DE TANTO TEMPO, DEBEMOS REFLEXIONAR SOBRE SI SE RESPECTAN ESTES DEREITOS E O QUE NÓS PODEMOS APORTAR PARA LOGRAR QUE SEXAN UNIVERSAIS. PARA ELO OFRECÉMOSCHE ESTA ESCOLMA DE ENLACES:

Actividades dereitos
http://www.rayuela.org/
Save the children
Declaración universal dos dereitos humanos
ONU

OPERACIÓN QUILO NADAL 2010

2010-11-30T10:56:00.010+01:00

Operación quilo 2010

View more documents from Yolanda Castro López.

I ENCONTRO NACIONAL DE DOCENTES PARA O DESENVOLVEMENTO

2010-11-25T10:18:00.005+01:00

O I Encontro de Docentes en Educación para o Desenvolvmento: Creando Redes, celebrarase os días 26, 27 e 28 de novembro en Ávila. Este Encontro está dirixido aos docentes que se presentaron nas dous edicións do Premio Nacional de Educación para el Desarrollo "Vicente Ferrer". Combinarase a formación con expazos de intercambio e coñecemento entre os distintos actores da ED no ámbito formal.

Os obxectivos que se perseguen neste encontro son:

-Favorecer un espazo de intercambio e reflexión para a introdución da Educación para o Desenvolvemento baixo a perspectiva da cidadanía global nos centros educativos.

-Presentar e intercambiar recursos e boas prácticas na Educación para o Desenvolvemento

-Formar en contidos procedimentais e actitudinais transversales na Educación para o Desenvolvemento.

Nos seminarios que se van realizar no marco deste encontro asistirán expertos en Educación para o Desenvolvemento, e os obradoiros serán dinamizados polas ONGDs que teñen Convenio de Educación para o Desenvolvemento coa AECID

A Educación para o Desenvolvemento (ED) é un proceso educativo (formal, non formal e informal) constante, encamiñado, a través de coñecementos, actitides e valores, a promover unha cidadanía global xeradora dunha cultura da solidariedade comprometida na loita contra a pobreza e a exclusión, así como coa promoción do desenvolvemento humano sostible.

XERANDO IGUALDADE: XI ENCONTRO DA REDE SOLIDARIA DA MOCIDADE ENTRECULTURAS

2010-11-25T10:14:00.007+01:00

XI Encontro en Rede
Asemblea da Rede Solidaria da Mocidade
“Xerando Igualdade”

Data: venres, 26 de novembro de 2010.
Lugar: Monte do Gozo, Santiago de Compostela
Horario: 10.00 a 19.00

Programa xi encontroen rede_a4

View more documents from Yolanda Castro López.

Editado crónicas entreculturas montedogozo

View more documents from satelite1.

2010-11-21T19:37:00.009+01:00

O 20 de Novembro celébrase o Día Universal do Neno desde que así o recomendase aos seus membros a Asemblea Xeral da Nacións unidas en 1954, para que ese día se adicase á fraternidade e a comprensión entre os nenos do mundo enteiro e para que ese día se celebrasen actividades destinadas a promover o benestar de todos os nenos.

Día d dereitos infancia

Na Cume do Milenio no 2000 establecéronse os 8 obxectivos de desenvolvemento do Milenio que teñen moi presente, como non podía ser doutra maneira, a saúde, a educación dos nenos e a preservación dun medio saudable:
1. Erradicar a pobreza e a fame
2. Lograr o ensino primario universal
3. Promover a igualdade de xénero e a autonomía da muller
4. Reducir a mortalidade infantil
5. Mellorar a saúde materna
6. Combater VIH/SIDA, o paludismo e outras enfermidades prevalecentes
7. Garantir a sostibilidade do medio ambiente
8. Fomentar unha asociación mundial para o desenvolvemento

O neno debe ser protexido e coidado, non só pola súa familia e o seu grupo primario, polo Estado, polos políticos, pola cidadanía enteira. Os dereitos dos nenos son tan amplos como amplos son os aspectos dunha vida, teñen dereito a estudar, a vivir en condicións dignas, a que se coide da súa saúde (física e mental), a ser alimentados e sobre todo amados. Cada un de nós, seguramente desde o seu lugar, tenta que estes dereitos sexan respectados, pero non sempre a realidade permite que iso se cumpra. É un deber de todos coñecer cales son os dereitos que os nosos mozos teñen porque, coñecendo, é máis fácil loitar por que todos gocen deles.
Todos e cada un dos dereitos da infancia son inalienables, irrenunciables, innatos e imprescindibles para unha boa infancia.

Todos os nenos e nenas teñen o mesmo dereito a desenvolver o seu potencial: todos, en todas as situacións, todo o tiempo, en todas partes.

YOLANDA FERRER: A CIDADE DO INFINITO

2010-11-11T10:29:00.006+01:00

O Luns 8 de Novembro de 2010 o alumnado de 1º e 2º da E.S.O., visitamos a exposición fotográfica de Yolanda Ferrer «A cidade do infinito. Viaxe á Fundación Vicente Ferrer» no Centro Cultural Caixanova (A Coruña), acompañadas polas profesoras de Ciencias Sociais, Educación para a Cidadanía e Relixión. O noso centro está moi vinculado á Fundación Vicente Ferrer, dende que recibimos, a través do noso proxecto Monferosolidario o I Premio de Educación para el Desarrollo Vicente Ferrer. Durante o pasado curso académico estivemos traballando no proxecto School to School, facendo un intercambio entre a nosa escola e unha pequena escola en Konampalli, Anantapur (A India), xestionada pola Fundación.

As imaxes da fotógrafa recollen os proxectos desenvolvidos pola Fundación Vicente Ferrer en beneficio da cidade de Anantapur, unha rexión da India de extrema pobreza (Anantapur, que en Telegu, lingua local deste distrito significa Cidade do Infinito). A exposición asoma como un percorrido pola vida, a organización e a aposta pola educación, a sanidade, e o desenvolvemento no marco desta maltratada rexión da India. Para a fotógrafa coruñesa, o inicio deste traballo sitúase na súa primeira viaxe ata Anantapur con motivo de coñecer á nena que apadriñara.As fotografías compleméntanse con comentarios e reflexións da propia autora, así como con paneis explicativos que inclúen cifras e resultados do traballo que desenvolve a Fundación neste lugar, e que dan ao visitante unha visión global da acción que desenrola a entidade na India.

A Fundación Vicente Ferrer é unha organización non gobernamental para o desenrolo fundada por Vicente Ferrer en 1969 en Anantapur, Andhra Pradesh (India). O obxectivo; sacar da pobreza ao maior número de persoas posibles mediante un desenrolo sostible, é dicir, agricultura de conservación, microcréditos, subministro de auga, asistencia sanitaria e educación universais. Mediante os donativos, na súa maior parte en forma de apadriñamento -contabilizan na actualidade uns 150.000 nenos apadriñados-, emprega a 1.800 persoas, xestiona cinco hospitais, un especializado en enfermos de Sida e máis de mil escolas (entre elas unha para nenos cegos, xordomudos e con Síndrome de Down), ata alcanzar os 2,5 millóns de persoas.

REFLEXIONA:

-A figura de Vicente Ferrer. Biografía e datos importantes
-A Fundación Vicente Ferrer. Cales son os seus campos de acción. Como se xestiona. Datos de interese
-Cal é o motivo que leva a Yolanda Ferrer a visitar Anantapur?
-Recordas algunha reflexión da propia Yolanda Ferrer?
-Podes explicar o significado do título da exposición “Cidade do Infinito”?
-Valoración persoal.

BOAS VIBRACIÓNS

2010-11-04T13:11:00.003+01:00

Good Vibrations 2009 (Boas vibracións) é unha curtametraxe animada creada para a campaña "Proxecto de responsabilidade" da compañía de seguros “Liberty Mutual”. Forma parte dunha serie de curtos de animación destinada a crear un debate na xente sobre os actos persoais da responsabilidade e sobre a necesidade das persoas de tomar a iniciativa en lugar de curiosear e fisgar.

Este vídeo foi escrito e dirixido por Jeremy Clapin (París 1974) artista gráfico, ilustrador para prensa e varias casas editoriais e director independente de anuncios publicitarios.

PARA COMENTAR NA CLASE:

1. Resume a breve historia.
2. Os personaxes que aparecen (Executivo con lentes,señor con lentes,paxaro comendo pan,ancián, neno en bici, persoas nas ventás do edificio).
3. Que quere dicir esta pequena historia?
4. Que lles fai reaccionar ás persoas que están nas ventás?,
5. Que lle fai actuar ao ancián de xeito diferente?
6. Podemos pensar en nós mesmos: que nos fai vibrar na vida?.
7. Somos persoas espectadoras das cousas ou gústanos actuar?
8. Comenta algunha acción que fagas en que deixes de ser espectador do que estaba acontecendo.
9. Pensa nalgún personaxe que na historia deixe de ser espectador para traballar e facer algo polos demais.
10. Gustouche esta historia?

UN, DOUS, TRES.... COMEZAMOS!

2010-09-20T23:51:00.008+02:00

ENTREGA DE DIPLOMAS "MONFEROSOLIDARIO"

2010-06-25T13:04:00.001+02:00

ANOCA

2010-06-25T12:57:00.002+02:00

Mércores 23 de Xuño de 2010: O profesorado da EPAPU do cárcere de Teixeiro, como xa fixo o curso pasado, visitou o noso centro, acompañados por dous internos do centro penitenciario. Falaron do Proxecto ANOCA, "Aprender no cárcere", contando a súa enriquecedora experiencia como docentes no Módulo Terapéutico. Os dous internos contaron as súas vivencias personais, e responderon ás preguntas formuladas polos alumnos/as.

OBRADOIRO DE DROGODEPENDENCIA

2010-06-25T12:51:00.001+02:00

OS DE 4º PECHAMOS UNHA ETAPA NO CPI VIRXE DA CELA

2010-06-16T14:15:00.002+02:00

Parece mentira, como pasa o tempo... Estes 12 anos que pasamos aquí estiveron cheos de bos pero tamén malos momentos. Aínda que, pensándoo ben... pesan máis os bos que os malos. A partires de agora comezamos unha nova etapa na que teremos que separarnos e cada un emprenderá un novo camiño cheo de aventuras e desventuras porque non todo vai ser unha balsa de aceite.

Votaremos de menos ós nosos profesores e compañeiros de outros cursos porque gracias a eles todo foi máis doado e agradable.

En fin, só darvos as gracias por todo...

GRACIAS!!!!!!!!!!

Moitas Especies. Un Planeta. Un Futuro. Día Mundial do Medio Ambiente 2010

2010-06-02T23:26:00.008+02:00

O día 5 de xuño conmemórase o Día Mundial do Medio Ambiente (World Environment Day), unha data na que se tenta concienciar e mobilizar aos cidadáns no coidado e o respecto cara ás distintas especies e ecosistemas do planeta.

Cada ano, Nacións Unidas selecciona unha cidade como sede dos actos internacionais de conmemoración. Nesta edición a sede situarase en Ruanda e baixo o lema "Moitas Especies. Un planeta. Un futuro" farase especial fincapé na importancia vital, para o benestar da humanidade, do coidado e o respecto das distintas especies e ecosistemas do planeta. Así pois Kigali a capital de Ruanda será o lugar para esta celebración mundial do medio ambiente, celebración que contará cunha serie de actividades de varios días que inspirarán a ruandeses, africanos do leste e persoas de todo o mundo a tomar unha acción a favor do medio ambiente.

O tema do Día Mundial do Medio Ambiente 2010 tamén apoia o Ano Internacional da Biodiversidade Biolóxica que se celebra este mesmo ano.

Os obxectivos desta data céntranse en:

Humanizar os temas ambientais.

Motivar ás persoas para que se convertan en axentes activos do desenvolvemento sostenible e equitativo.

Promover o papel fundamental das comunidades no cambio de actitude cara a temas ambientais.

Fomentar a cooperación, o que garantirá que todas as nacións e persoas poian gozar dun futuro máis prospero e seguro.

Propostas medioambiente

View more documents from satelite1.

FALLADOS OS PREMIOS DO CONCURSO DE MARCAPÁXINAS SOLIDARIOS

2010-05-26T12:51:00.004+02:00

O xurado fallou os premios do Concurso de Marcapáxinas Solidarios, que como proposta de educación en valores e fomento da lectura, realizouse o 23 de Abril Día do Libro.

MODALIDADE EDUCACIÓN INFANTIL

O Xurado determinou otorgar un premio colectivo a repartir en Educación Infantil

MODALIDADE EDUCACIÓN PRIMARIA

Marcapáxinas gañador: Alba Amenedo (6º Primaria)

Accesits:

1º Ciclo Primaria: Laura Ares (1º E.P.)

2º Ciclo Primaria: Silvia Roca (4º E.P.)

3º ciclo Primaria: Sandra Grueiro (6º E.P.)

MODALIDADE EDUCACIÓN SECUNDARIA

Marcapáxinas gañador: Anais Buyo Collazo

Accesits:

1º ESO: Lucia Otero

2'· ESO: Marta Vidal

3'·ESO: Luz Mary Barral

4' ESO: Noelia Deibe

X ENCONTRO DA REDE SOLIDARIA DE XÓVENES

2010-05-24T13:14:00.005+02:00

X ENCONTRO EN REDE

22 de Xuño de 2010

Rianxiño. Rianxo.

Este sábado 8 alumnas e duas profesoras, en representación do noso centro, fúmonos a Rianxo ó X Encontro en Rede . Mais de cen alumnos e alumnas acompañados dos seus profesores e profesoras disfrutamos dunha espléndida xornada lúdico-festiva, que se completou coa presentación das actividades solidarias que cada centro levou a cabo no presente curso. Foi unha xornada espléndida na que poidemos compartir as nosas experiencias, facer novas amizades, divertirnos, emocionarnos e, cómo di o lema do encontro "seguir conectados" cos rapaces e rapazas doutros centros da nosa comunidade.

Cartel asamblea galego2

View more documents from yolick.

Programa x encontro

View more documents from yolick.

ENVÍO FVF

2010-05-05T14:39:00.005+02:00

O Mércores 5 de Maio vivimos un fermoso momento que agardabamos dende fai semanas. Recibimos o paquete postal que nos enviou a escola Konampalli, de Anantapur (India), centro asignado para o noso intercambio cultural dentro do Proxecto School to School da Fundación Vicente Ferrer. Xuntámonos na biblioteca o alumnado de Educación Infantil, o alumnado de 2º da E.S.O., (grupos que dentro do proxecto elaboraron a actividade de intercambio epistolar), e vivimos con emoción o momento de abrir o paquete postal. O contido é un dossier con información sobre esta escola india: mapas para indicar a situación, descrición do centro con texto e fotografías, unha carta de presentación manuscrita utilizando o alfabeto hindi, a súa tradución ao castelán, un listado do alumnado indicando os seus gustos e hobbies, unha descrición dos xogos que realizan os nenos e nenas no seu recreo, etc.

Dous alumnos de 2º de ESO son os encargados de abrir o paquete

Alumna de 2º de E.S.O. fai a lectura da carta, e os pequenos escoitan con atención

Vista xeral da Biblioteca co alumnado observando os materiais do paquete

Nenas de infantil observando as imaxes da escola Konampalli

A profesora de 2º da E.S.O. pasando as follas do dossier

As alumnas de 2º da E.S.O. comentan detalles que lles chaman a atención

Os/as alumnos/as de 2º de E.S.O. len atentamente a información do dossier

Mapa indicando a situación da escola Konampalli na rexión de Anantapur, A India.

Carta dos/as alumnos/as da escola Konampalli escrita co alfabeto hindi

Vistas da escola Konampalli

Nenos e nenas da escola Konampalli co seu profesor

MARCAPÁXINAS SOLIDARIOS

2010-04-27T10:10:00.002+02:00

O 23 de Abril, Día do Libro, o noso centro reescribirá o futuro de miles de nenos e nenas que non poden aprender a ler nin escribir.

A través do concurso de “Marcapáxinas solidarios” o noso centro promoverá educación en valores solidarios e o gusto pola lectura entre o alumnado e as familias.

Descrición da actividade:

-Os alumnos traballarán nas titorías na creación de marcapáxinas solidarios (debuxo, texto, collage, etc.)
-O 23 de Abril, conmemorando o Día do Libro, todos os marcapáxinas serán expostos na Biblioteca do centro, e un xurado adxudicará premios aos mellores traballos, tendo en conta a súa calidade artística e mensaxe solidaria.

Marcapáxinas 2010 circular profes

View more documents from satelite1.

UN GOL POLA EDUCACIÓN II

2010-04-26T13:36:00.010+02:00

ENVÍO DO MATERIAL "SCHOOL TO SCHOOL" Á INDIA

2010-04-23T10:17:00.011+02:00

Co envío do material realizado no noso centro durante o presente curso académico 2009-2010 á delegación da Fundación Vicente Ferrer, damos por finalizada a nosa acción dentro do Proxecto "School to School". Neste paquete enviamos todo o material gráfico e audiovisual elaborado durante os dous primeiros trimestres no noso centro. Como fase final, estamos á espera de recibir a contrapartida do centro adxudicado na India, Konapali School (Anantapur).

Material enviado:
•Mapa xeral situando España e a India no mundo.
•Mapa específico situando Monfero en Galicia, e Galicia en España.
•Dossier en papel: presentación de Monferosolidario, e memoria de actividades desenvolvidas dentro do proxecto “School to School” durante o curso académico 2009-2010.
•Dous dvds coa presentación audiovisual de Monferosolidario, e memoria de actividades desenvolvidas dentro do proxecto “School to School” durante o curso académico 2009-2010.
•Dossier gráfico sobre os libros da exposición “A India”.
•Libro realizado polo alumnado de Educación Infantil.
•Fotografías e presentacións realizadas polo alumnado de Educación Infantil e 2º da E.S.O.
•Obxecto elexido polo centro: figura da Torre de Hércules.
•Explicación sobre a Torre de Hércules.

Explanation material parcel

View more documents from satelite1.

PARTICIPAMOS NA SAME 2010

2010-04-20T14:19:00.007+02:00

A Semana de Acción Mundial pola Educación (SAME) 2010 ponse en marcha no marco da campaña 1 GOL pola educación, promovida pola CME e avalada pola FIFA.

Os alumnos e alumnas de 2º da ESO asinaron o seu compromiso para lograr unha Educación para Todos e Todas en 2015. Visitamos a páxina web (http://www.1gol.org/), para coñecer cómo a educación cambia a vida das persoas, consultar as noticias da campaña e visitar as actividades que se están a realizar noutras partes do mundo. Eleximos o campo de fútbol do noso cole para facer un xesto por un gol pola educación, que quedou inmortalizado nas seguintes instantánteas.

UN GOL POLA EDUCACIÓN I

2010-04-13T16:15:00.006+02:00

A Semana de Acción Mundial pola Educación (SAME) de 2010 pon en marcha no marco da campaña 1 GOL pola educación, promovida pola Campaña Mundial pola Educación xunto coa FIFA. A Copa do Mundo de Fútbol que se celebrará en Sudáfrica en xuño de 2010 é unha oportunidade única para cHegar a millóns de persoas e invitalos a que lle pidan aos líderes da comunidade internacional que lle dean prioridade á educación nas súas axendas

Dende a nosa escola queremos apoiar esta iniciativa, e os nosos/as alumnos/as farás as súas propias propostas a través de debuxos e lemas, que serán expostos nun enorme panel á entrada do edificio de secundaria. Nós tamén queremos marcar un GOOOOL...

Albita e Magdalena

Yaiza e Marta

Enfrascados na tarefa

UN PACTO DE AMOR

2010-03-23T09:53:00.009+01:00

Un pacto de amor: a miña vida xunto a Vicente Ferrer. Unha historia real, que nos axuda a aproximarnos á interesante vida dun dos homes máis relevantes do noso século. A directora de Programas da Fundación Vicente Ferrer na India, e muller do fundador desta ONG relata a súa vida en Anantapur. Un libro inédito que constitúe a testemuña de 40 anos de compromiso coas comunidades máis discriminadas da rexión e con Vicente Ferrer.

O alumnado de 2º da E.S.O. traballará durante todo o 3º trimestre esta lectura obrigada, dentro da materia de Lengua Castelá, e reflexionarán sobre os contidos da mesma na materia de Educación para a Cidadanía.

INTERCAMBIO EPISTOLAR: PROXECTO SCHOOL TO SCHOOL

2010-03-22T11:49:00.007+01:00

Enmarcada dentro do proxecto "School to School" que estamos a realizar coa escola Konanpalli, no distrito de Anantapur (India) a través da Fundación Vicente Ferrer, esta actividade consiste na realización de presentacións dos alumnos/alumnas, con fotografía e texto. Os traballos realizados están expostos na biblioteca escolar, e a finais de Marzo serán enviados á escola da India, xunto con outros materiais elaborados durante o presente curso.

II PREMIO NACIONAL DE EDUCACIÓN PARA EL DESARROLLO

2010-03-22T11:39:00.006+01:00

Animamos a todos os centros educativos a presentarse na II edición do Premio Nacional de Educación para el Desarrollo “Vicente Ferrer”. O noso proxecto foi galardonada na I edición do premio, e tras este recoñecemento á nosa labor, toda a nosa comunidade educativa está máis implicada e motivada, ademáis de ter a oportunidade de difundir os nosos ideais máis aló das paredes da nosa escola.

O Ministerio de Asuntos Exteriores e Cooperación, a través da Axencia Española de Cooperación Internacional (AECID) e o Ministerio de Educación, publica as bases desta convocatoria, dirixida a centros docentes, públicos e concertados, e nos niveis de Infantil, Primaria, Secundaria, Educación de Persoas Adultas, Formación Profesional e Bacherelato.

Ao premio poden presentarse, ata o 18 de maio, experiencias educativas, proxectos ou propostas pedagóxicas realizadas durante o curso académico 2009-2010 orientados a sensibilizar, concienciar e desenvolver un espírito crítico, respecto ao desenvolvemento global, á loita contra a pobreza e á promoción dun desenvolvemento saudable da infancia e mocidade.

ARDE MISSISSIPPI

2010-03-16T12:57:00.001+01:00

Sinopse

No "Verán da Liberdade" de 1964, Michael, Andrew e James chegaron a Mississippi como voluntarios dun grupo defensor dos dereitos civís que educaba e rexistraba electoralmente aos afroamericanos. Pero o Ku Klux Klan asasinounos e escondeu os seus corpos.

Baseada nestes feitos reais, a película retrata un dos episodios máis terribles da historia de Estados Unidos, pero céntrase nas investigacións dos dous axentes que o FBI envía a pechar o caso, Ward e Anderson.

Nun contorno que lles considera hostís e coas autoridades locais dificultando o traballo, ambos farán chocar os seus métodos e as súas personalidades desde o primeiro momento. E a situación e os conflitos co KKK van a peor segundo Ward vai enchendo o pobo de máis axentes procedentes de Washington.

O director Alan Parker recibiu moitas críticas polas licenzas artísticas que utilizou para facer ficción dun feito que nos seus días xa levantou bochas, pero a película é todo un duelo interpretativo entre Gene Hackman e Willem Dafoe, que ademais levou un Óscar á mellor dirección de fotografía.

CONCURSO ONCE

2010-03-06T19:05:00.009+01:00

Din que unha imaxe vale máis que mil palabras. Tamén unha experiencia vale máis que mil palabras. Para comprender realmente algo, para afacerse á idea, o mellor e vivilo.

Iso é o que fixeron os/as nosos/as alumnos/as atrevéndose a vivir a discapacidade durante un anaco. Puxéronse na pel dos protagonistas de cinco interesantes relatos.

A ONCE, a través da súa campaña "Superamos barreras cada día" anima aos escolares a traballar coa súa imaxinación e creatividade, deseñando as portadas para una serie de relatos que versan sobre a vida de persoas con discapacidade. Aquí tedes a mostra dos nosos traballos e da exposición que fixemos na Biblioteca Escolar.

Xosé Manuel e Pedro, encargados da Biblioteca, colocan os paneis da exposición.

Relato e ilustracións

CRÓNICA DO II ENCONTRO GLOBAL DA REDE SOLIDARIA DA MOCIDADE ENTRECULTURAS

2010-03-05T14:06:00.009+01:00

Ola a tod@s. Xa estamos de volta de esta fin de semana tan intensa que pasamos en Guadarrama. Nesta Asamblea na que o lema era “Conecto e cambio”, 150 xóvenes de tódalas redes de España así coma 70 docentes e 30 voluntarios tivemos a oportunidade de “conectar”, compartir e convivir con outros moz@s e docentes comprometidos co cambio. Voltamos cargados de aprendizaxes e vivencias, de propósitos e ilusións, de imaxes e sons, e de enerxía renovada para seguir traballando por un mundo máis xusto e mellor.

Aquí vos deixamos unha reportase do que foron estes días.

Crónicas escorial 2010

View more documents from satelite1.

II ENCONTRO GLOBAL DA REDE SOLIDARIA DA MOCIDADE DE ENTRECULTURAS

2010-02-25T14:16:00.004+01:00

Co lema "Conecto e Cambio" Entreculturas propón un II Encontro da Rede Solidaria da Mocidade, que terá lugar en Guadarrama (Madrid) os días 26, 27 e 28 de Febreiro de 2010. O noso centro participará neste encontro, representado polas dúas profesoras responsables do proxecto Monferosolidario e por dúas alumnas de 3º e 4º da E.S.O. Teremos a oportunidade de "conectar", e convivir con outros mozos e docentes comprometidos co "cambio", e esperamos vir cargados de aprendizaxes e vivencias para transmitir ao resto da nosa comunidade educativa. O Sábado 27 participaremos no panel de experiencias "Educando para el desarrollo", na que presentaremos a experiencia do noso traballo Monferosolidario, galardonado no I Premio de Educación para el Desarrollo "Vicente Ferrer".

Programa

View more documents from yolick.

O NOSO COLE NA PRENSA

2010-02-07T18:14:00.009+01:00

DIARIO DE FERROL

Domingo 7 de Febrero de 2010

MONFERO

School to School de Vicente Ferrer une planes educativos de Monfero y la India

P.C.C: Ferrol

Matemáticas, Lengua o Literatura son algunas de las asignaturas regladas más comunes y las que suelen traer de cabeza a más de un estudiante.

A la espera de futuros resultados académicos, los que ya han demostrado ser números uno en solidaridad son los alumnos del colegio Virxen da Cela de Monfero.

Si el año pasado, el centro recibió el premio nacional de Cooperación de la Fundación Vicente Ferrer, hace unos días llegó la confirmación al centro de la adjudicación, por parte de la citada fundación, de una escuela de la India con la que poder intercambiar desde experiencias académicas hasta gestos solidarios. Se trata del centro rural de Kanampalli, situado en la población de Atmakur y en el que se imparten educación Primaria y Secundaria.

Teresa Losada, profesora de Sociales en el Virxe da Cela de Monfero explicó que el movimiento solidario entre el alumnado (250 niños de 3 a 16 años) y el cuadro docente del centro (31 en total) surgió a raíz de una primera toma de contacto con distintas Organizaciones no Gubernamentales y con la participación en el premio Vicente Ferrer, que después trastocaría la realidad diaria del centro con la exposición casi permanente de todo aquello que ayude a conocer mejor la India, sus costumbres y su gente.

Desde entonces, tal y como subrayó la profesora de Sociales, se multiplicaron los actos solidarios y se realizaron cuestaciones, como la más reciente, en la que se consiguieron reunir 1.700 euros para los damnificados por el terremoto de Haití.

Con la adjudicación de la escuela Konampalli, ahora el Virxe da Cela vive en primera persona el proyecto que, denominado School to School, tiene como objetivo interrelacionar dos comunidades educativas, una del primer mundo y otra del tercero, para que tanto una como otra se enriquezcan mutuamente.

Teresa Losada, profesora de Sociales, destacó la participación directa en la iniciativa de sus compañeras de Religión y de Educación para la Ciudadanía y el respaldo unánime de toda la comunidad escolar, incluidos los padres de los alumnos, que no han dudado en sumarse a la campaña aportando desde horas de trabajo hasta material, experiencia y mucho entusiasmo.

-------------------------------------------------------------------------------------------------------------

Clicar na foto para ver en grande

O SEÑOR DAS MOSCAS

2010-02-05T11:46:00.003+01:00

A raíz dun accidente aéreo, un grupo de nenos ingleses vense abandoados nunha illa deserta e deben loitar por sobrevivir e buscar unha saída. Esta película aborda temas fundamentais da vida humana, como son a necesidade de autoriadade e os valores morais, a natureza da sociedade humana, o perigo do salvaxismo, a relixiosidade ou a culpabilidade.

Ralph, un rapaz carismático e cun gran sentido común, faise en principio co control do grupo. É apoiado por Piggi, un rapaz gordiño, que atopa en Ralph protección e respeto. Jack convertirase en líder, creando outro bando libre de leis e formalidades, e con conductas moito máis déspotas e anárquicas. A convivencia entre os rapaces, ao principio suaves e levadeiras, trocarán nunha loita violenta e desgarradora entre dous bandos, con consecuencias nefastas.

ESCOLA KONAMPALLI. ATMAKUR. INDIA

2010-02-01T11:57:00.008+01:00

A Fundación Vicente Ferrer acaba de comunicarnos que a escola Konampolli, situada en Atmakur, é o centro adxudicado para facer o noso intercambio no proxecto "School to School".

É unha escola rural onde se imparte educación primaria e educación secundaria, e funciona como unha escola complementaria na que os alumnos e alumnas reciben a base e o soporte necesario para o seguimento das escolas do goberno, e desde xeito a Fundación Vicente Ferrer, co seu apoio, está a fomentar a integración social.

Neste segundo trimestre o noso centro enviará o seguinte material á escola:

1.- O mapa da nosa comunidade autónoma, Galicia, coa indicación da situación de Monfero, onde se atopa o noso centro.

2.- Unha presentación en inglés do noso centro: número de alumnado e profesorado, ensinanzas impartidas, etc..

3.- Fotografías de nenos implicados no proxecto cunha pequena presentación en inglés (nome, idade, curso, etc.)

4.- Unha fotografía colectiva de todo o grupo de alumnos e alumnas do noso centro que están a participar no proxecto.

5.- Unha fotografía do noso centro e o seu contorno.

6.- Un obxecto.

Clicar no mapa para ver en grande

CRÓNICA DO ALUMNADO DE 3º DA E.S.O.

2010-01-29T16:30:00.008+01:00

O acontecido en Haití foi algo que deixou a todo o mundo sin palabras. A televisión, xornais, revistas, famosos e xente anónima adícase a axudar aos damnificados: enfermos, feridos, xente que sen culpa algunha deitáronse unha noite a durmir felices xunto as súas familias, facendo planes de vida, e á mañá seguinte amaneceron na traxedia... algúns non o poideron contar, quedando enterrados baixo os escombros. Outros tiveron a sorte de sobrevivir, mais agora lles queda dixerir a traxedia...

Polo tanto, nós decidimos adiantar as datas do noso rastrillo solidario, que xa é algo habitual na nosa escola, para cubrir a emerxencia en Haití. O rastro foi todo un éxito, cada un de nós involucrouse á súa maneira, cos nosos mellores desexos...

Nós, os rapaces e rapazas de 3º da E.S.O., que estamos a atender o posto, vemos como as cousas foron desaparecendo ao longo da xornada, e as mesas van quedando valeiras... temos ganas de que a xente de Haití saia adiante, queremos axudar, aínda sabendo que esto non é máis que un pequeno grao de area, disto somos conscientes, mais tamén temos nas nosas cabezas que algún neno ou nena poderá comer grazas á nosa pequena axuda... Isto dannos unha alegría...QUE NON SE PODE MERCAR..