GAÑADORES CONCURSO MARCAPÁXINAS SOLIDARIOS

MODALIDADE EDUCACIÓN INFANTIL

O Xurado determinou otorgar un premio colectivo a repartir en Educación Infantil

MODALIDADE EDUCACIÓN PRIMARIA

Marcapáxinas finalistas:

Sheila Buyo Collazo (4º Ed. Primaria); Aldara (1º Ed. Primaria); Nerea (3º Ed. Primaria); Elisa Fernández Martínez (6º Ed. Primaria); Martín Cortizas Suárez (5º Ed. Primaria)

Marcapáxinas gañador:

Sergio García Coira (2º Ed. Primaria)

MODALIDADE EDUCACIÓN SECUNDARIA

Marcapáxinas finalistas:

Lorena Varela (1º E.S.O.), Luz Mery Barral (2º E.S.O.), Jacqueline López Pérez (3º ESO),Lucía Pérez (4º E.S.O.)

Marcapáxinas gañador:

Saray Fernández Mosquera (3º E.S.O.)

A NOSA EXPOSICIÓN DE MARCAPÁXINAS SOLIDARIOS

Como xa indicamos días atrás, con motivo da "Semana Mundial pola Educación"e do "Día do libro", realizamos no cole unha exposición de marcapáxinas.

A continuación podedes ver a reportaxe de dita exposición.
Gracias a tódolos cursos do C.P.I.,( infantil, primaria e secundaria), pois sin eles non se tería levado a cabo tan magnífico traballo.

Unha pequena mostra dalgúns dos marcapáxinas feitos no colexio.

Aquí vemos os preciosos marcapáxinas que, dirixidos pola sua profesora Estela, fixeron os nenos e nenas de infantil.

A IMPORTANCIA DA EDUCACIÓN. Por Nuria Martínez Castelos, alumna de 4º da ESO

Ola!. Eu son Nuria e vou contar algo que creo que tamén lle ocorre a moitos adolescentes da miña idade.
Teño quince anos e estou en 4º da ESO. Cada día levántome e déitome perezosa de pensar que ao día seguinte tamén terei que madrugar para ir de novo ao colexio, botar alí parte do día cos profesores, escribindo e estudando todo o tempo; algo que á maioría dos nenos non nos gusta. Malia iso, eu aproveito o tempo todo o que podo e, cada día, adico as horas que necesito a facer os deberes e estudar. Por agora aprobo todas as asignaturas e espero que iso sexa sempre así.
Teño varias razóns que me motivan para estudar e aprender, unha delas é polo meu propio ben para que, no futuro, teña un traballo asegurado e poida vivir eu mesma sen axuda de ninguén; a outra, e baixo a miña opinión, de gran importancia, é que sei que millóns de nenos, sobre todo do terceiro mundo, desexan cunhas ganas inmensas poder ir a un colexio para aprender, aínda que só sexa o máis básico (ler, escribir, sumar, restar); nembargantes atópanse coa crúa realidade de non poder facelo por non ter ningún tipo de medios que llo permitan.
Por todo isto dende aquí mando unha mensaxe a todo o mundo para que saiba aproveitar o tempo aprendendo, porque nós sí que temos o luxo de poder ir o colexio e, moitas veces, non nos paramos a pensar niso. Xa sei que facer o esforzo de estudar non lle gusta a moitos, pero na vida non todo é tan doado, non poden dárnolo todo feito. Temos que sacrificarnos un pouco polo noso propio ben e, ás veces, ata polo ben dos demais.

NURIA

SAVE THE CHILDREN AGRADECE Ó NOSO CENTRO A SUA SOLIDARIEDADE

20-26 Abril 2009. SEMANA DE ACCIÓN MUNDIAL POLA EDUCACIÓN

Este ano baixo o lema "Abre un libro, abre o mundo", millóns de nenos e nenas, docentes e activistas participarán "Na gran lectura" e esixirán os seus representantes políticos que garantan a tódalas persoas o dereito de aprender a ler e escribir.
Con tal motivo e aproveitando a "Semana Mundial pola Educación" e "O día do libro", o noso centro reescribirá o futuro de miles de nenos e nenas que non poden aprender a ler nin escribir.

A través do concurso de “Marcapáxinas solidarios” o noso centro promoverá a educación en valores solidarios e o gusto pola lectura entre o alumnado e as familias.

Descrición da actividade:

 Os alumnos traballarán nas titorías na creación de marcapáxinas solidarios (debuxo, texto, collage, etc.). Os traballos serán entregados antes do mércores 22 de Abril.
 O 23 de Abril, conmemorando o Día do Libro, todos os marcapáxinas serán expostos nos taboleiros da Biblioteca Escolar, e un xurado adxudicará premios aos mellores traballos, tendo en conta a súa calidade artística e mensaxe solidaria (os textos serán escritos en galego, xa que os premios son financiados polo Equipo de Normalización e Dinamización Lingüística)
 Posteriormente todos os marcapáxinas serán entregados aos seus autores, que repartirán entre lectores do seu contorno a cambio dun pequeno donativo (0’50 €, 1 €, por exemplo), e así axudar a ofrecer unha educación de calidade a miles de nenos e nenas.
 Os cartos recaudados serán enviados á O.N.G. Save the Children


Material entregado aos Titores:

 Guía didáctica, con propostas para desenvolver nas aulas o Día do Libro, celebrándo esta data especial como un día de lectura e solidariedade.
 Follas con marcapáxinas recortables, asinados por escritores solidarios, para que os alumnos/as participantes poidan traballar neles con debuxos, textos, collages, etc.

Monfero, 15 Abril 2009

RASTRO SOLIDARIO

Dende as materias de Educación para a Cidadanía e Relixión de Secundaria decidimos programar un Rastro Solidario para recadar fondos para a ONG Save the Children no seu proxecto de axuda a Níxer.

Save the Children, é unha ONG que está levando a cabo un proxecto de educación en valores, para contribuír á mellora da vida de moitos nenos e nenas do Níxer.

O rastro levouse a cabo o venres 3 de abril, e foi todo un éxito. A continuación podedes ver a reportaxe do mesmo.

PREPARANDO O RASTRO SOLIDARIO

MONTAMOS O RASTRO

PERO QUE BONITO QUEDOU!

DURANTE AS PRIMEIRAS HORAS DA MAÑÁ, VOLUNTARIAS DA CRUZ VERMELLA DE BETANZOS ACOMPAÑADAS POR INMIGRANTES DE SENEGAL,REALIZARON UNHA CHARLA COLOQUIO PARA OS ALUMNOS DA ESO.